وش الحل ..... نصيحة للي عندة خبرة

[محتري السيل]

السلام عليكم ورحمة الله وبركاته



مشتاقين لكم ياهل مكشات وحبينا نسلم عليكم ونشارك بالمواضيع



سيارتي الثانية Bmw 97 قديم موديلها لاكن نظيفة



أول ماشريتها قبل 6 سنوات رجعت لي على رصيف وحك التانكي وصار يرشح بنزين



المهم رحت وشريت مادة كيماوية تخلط علبتين تصير زي الحديد اللحام .... ووقف التسريب



قعد له حول سنتين أموره طيبة ماعليه أخلاف ومبسوط جدا ونسيته مع الوقت



وخلال فترة الصيف العام رجع له نفس المشكلة وديته لصناعية الدمام لورشة الماني



قالوا مشكلته بسيطة ويبغالة تنظيف ونسويله لحام ..... المهم نضفوه وصنفروه ولحموه لحام بارد



السنه ذي ومع بداية الصيف رجع لنفس المشكلة .....



أستعملت طريقة الصابونه لوقف التسريب وبعدين قمت اخلط من هالكيماويات اللاصقة والطسه ولاكن رجع قبل



يومين لنفس المشكلة , بصراحة المادة الكيماوية اللي تنخلط تراها خطرة وجابت لي حساسية في الجلد



طبعا من الملاحظ أن التانكي ماتجيه مشكلته وينفك اللحام الا مع تغير حرارة الجو



والسبب تمدد التانكي واختلافه مع تمدد مادة اللحام



يمكن بعضكم يقول ... أشتر تانكي وريح نفسك



طبعا التانكي يبيعونه في الوكالة كامل ولا يتجزاء مع طرمبات البنزين والوصلات بحدود 4000 ريال



ومستعمل في التشاليح ب 2000 ريال وغير مضمون



وش تنصحوني أشتري مستعمل او جديد



وسلامتكم

[كبريت]

شف ياطويل العمر لوكان الموتر هايلوكس 97 كان قلنا اشتر من التشليح

لكن الموتر مشالله bm فانصحك بالجديد والغالي سعره معاه ;)

[محتري السيل]

شكرا لك يابومحمد على سرعة الرد بارك الله فيك



ورأيك هو الأقرب لي ... وهو أشتري جديد أضمن واحسن وأريح نفسي من المشاكل والتشاليح



وعندي أضافة بسيطة وهي انه مشكلة الألماني أن قطع غيارة الرئيسية غالية



ولاكن يعجبك الى منك حافظت عليه من حيث الراحة والمتانة



وبعض القطع وألأكسسوارات ترى أرخص من باقي السيارات



يعني مثلا الهوبات جدد الواحد ب 140 ريال



القماشات 160 ريال



قزاز الأنوار الأمامية ب 140 ريال



البواجي والسيور وطرمبة الماء والفلاتر زي قيمة أي سيارة عادية



وكل شيء مقدر ومكتوب



والله يعطيك العافية وماقصرت يابو محمد

[الكاسر23]

أخوي محتري السيل
ليش ما تفك التانكي وتلحمه من الداخل والخارج بلحام أوكسجين بدل من اللحام البارد.
لان التانكي قطعتين علوية وسفليه ، يفكون السفلية اللي فيها المشكلة وينزلونه وبعد تجفيفه من البنزين يضعون قطعة حديد (صاجه) على مقاس المشكلة وتلحم فيها وبكذا تضمن انه ما يصير تهريب مستقبلا. واعتقد ان هالشغلة ما تكلف اكثر من 200 ريال. جرب بدل من دفع 4000 ريال.

[محتري السيل]

الكاسر23 (http://www.mekshat.com/vb/member.php?u=9192) http://www.mekshat.com/vb/images/statusicon/user_offline.gif

هلابك

تانكي بانزين ال BMW 740 يجي تانكيين منزوي فوق العمود قطعة وحدة
وماينفك من الداخل واللي مغلية يمكن طرمبات البانزين وسط التانكي
وأخاف أخسر عليه قيمة نصف جديد ,, علشان كذا قلت أغيره وأرتاح
وصدقني ماوقف التهريب الا الله ثم الصابونه والا كان قد أحترقنا ههههههههه

[الكاسر23]

أخوي محتري السيل
عادة ما تكون خزانات البنزين من قطعتين علوية وسفلية في كل السيارات، لاسباب عديدة من أهمها:
1- استبدال عوامة البنزين
2- تنظيف التانكي اذا تراكم فيه الشوائب والأوساخ او دخل في التانكي مواد تضر الماكينة.\
3- تعطل طرمبة البنزين والحاجة الى استبدالها
هذا جزء من المشاكل، ومن المستحيل ان احد يغير تانكي عشان فيه احد الاسباب التي ذكرتها أعلاه.
ودي تتأكد من هالمعلومة وان الخزان عبارة عن قالب واحد، لانه حتى في حال التصنيع من المستحيل عمل خزان من قالب واحد وفيه معدات مثل العوامة والطرمبة. خصوصا ان الشركة Bmw يعني مش اي وكالة ثانية، الا اذا كان ملحم بالكامل مثل شغل الصناعية عندنا.
الله يعينك في كل الأحوال
وبلغنا وش يطلع معاك عشان نكسب خبرة في هالموضوع.
اخوك
الكاسر

[الضرغام]

الله يكون في عونك أخوي
وأنا أنصحك بالجديد وفك نفسك من المشاكل
والله يعوض عليك يارب
ويعطيك خيره ويكفيك شره

[محتري السيل]

هذا هو التانكي كامل مع القطع الغير أساسية

http://www.realoem.com/bmw/diagrams/u/l/85.png

[عجمي]

السلام عليكم



اخوي محتري السيل تحية طيبة وبعد



ما ادري عند تلحيم التانكي باللحام البارد فضيت التانكي والا لا لأن البنزين يأثر على اللحام



وحصلت معنا نفس مشكلك كنا طالعين للبر وانشق التانكي علينا وقمنا وفضينا البنزين كلة من التانكي بعدين حطينا



اللحام البارد والكلام هذا بالليل والصبح رجعنا البنزين وماعندك افضل منة



واذا مانفع اللحام البارد ودة لورشة يلحمونة لك لحام اكسجين طبعاً بعد غسل التانكي ولازم يكون الملحم متخصص



باللحام لأن الشغلة تبي خبرة



والله يكون بالعون



اخوك عجمي

[الكاسر23]

اخوي محتري السيل
حسب الرسم اللي حطيته ترى التانكي قطعتين علوية وسفلية واللي يربطها ببعض المسامير والواضح منها رقم (2) ومشدود بالصامولة رقم (3) ومروفوع التانكي بالكامل في بطن السيارة بالمسمار رقم 6. هذا ما يوضحه الرسم وأكيد فيه مسامير في الجهات المقابلة.
عموما قبل ما تدفع مبلغ كبير جرب مانت خسران شي.

[هاوي خلا]

أخوي محتري السيل أنت قلت أنك استعملت الصابونه حقت اليد ((لوكس)) مثلاً وضبطت معك مده طيب يالحبيب حط صابونه مرة ثانية وكل ما هرب حط صابون ترى الحبه بريال .
أخوي سبق ان فيه شباب صارت لهم مشكلة بقرية صغيرة وهي مشابهة لمشكلتك بالتانكي حق البنازين المهم قام رجال كبير بالسن وجاب لهم اختراع ممتاز وهو ان تقوم بخلط بيض مع اسمنت ويقولون ان التانكي تلحم مع أن الفتحة كانت كبيرة وقعد له سنين لين باعو السيارة ما خر ولا رشح بانزين جرب الطريقة يمكن تنفع قبل لا تشتري تانكي وترى البيض علي والاسمنت عليك ((هههههههههههه)) ارجو ان أكون افدتك بالطريقة التي تنفعك ، جرب وعلمنا عنها وانا أخوك .
أخوك / هاوي خلا .

[العاني]

اخوي محتري السيل الله يكون بعونك مقدما

فيه الطريقة اللي قدمها الاخ هاوي خلا طريقة مجربة وناجحه 100%

[هدلان]

اسمعو نصيحة مجرب :
لا يمكن تلحيم التانكي بـ( اوكسجين او كهرب ) الا بعد تنظيفه تماما تماما تماما حتى من ريحة البنزين ويتم ذلك عن طريق فتح لي الهواء لمدة نصف ساعة داخل التانكي ؛ واللي ما عنده لي هواء يوصل لي من الشكمان حق السيارة او اي ماطور كهرب او ديزل الى التانكي نفس المدة حت انه يطرد رائحة البنزين تماما من التانكي وبعدين يلحم وعلى الله التوفيق ..

[محتري السيل]

عجمي (http://www.mekshat.com/vb/member.php?u=15287) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_428555", true); </SCRIPT>

نزلوه الورشة

وحتى تنزيل التانكي عذاب أذا الورشة ماهي متخصصة الماني

ولا ينزل التانكي الين يفكون المرتبه الخلفية ويفكون الصواميل

وفضوه من البانزين وأنفخوه بالهواء وبعدين لحموه

وقعد له سنه مافيه الا العافية

ولاكن مع بداية الصيف تمدد التانكي ورجع التسريب

تخيل لو أوديه لورشة هنود ويفكون التانكي وتدخل حشرة وسط المواسير الصغار ويصير فيه سدد

وبعدين تعال دور وين المشكلة ,,,,, هذا أذا مافكو المكينة يوضبونها ............ههههههههههههههه

[محتري السيل]

الكاسر23 (http://www.mekshat.com/vb/member.php?u=9192) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_428562", true); </SCRIPT>

اللي تقصد أنت معاليق للتانكي

لاكن ما يمنع الف بين الورش وأدور حل مقنع من فني متمكن

وترى عندي أجازة لمدة شهر مابدت الا قبل يومين

الله يعطيك العافية على حرصك بارك الله فيك

والله ذالتانكي سوالي شغلة ولدني من السفر .... لاكن الشكوى على الله مقدر ومكتوب

[محتري السيل]

هاوي خلا (http://www.mekshat.com/vb/member.php?u=24900) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_428573", true); </SCRIPT>

والله يالصابونه أنها في الدرج

وخايف يلاقونها أهل التفاتيش ينقدون علي هههههههههههه

وبالنسبة لطريقة البيض والسميت ذكرها لي واحد من مبطي ونسيتها الله يذكرك بالشهادة

لاكن بالنسبة للبيض , صفار البيض والا بياضه

وأذا نفع ,,,, لايقعدون لنا أهل الفحص الدوري ويكتبون في الورقة (بيض أسفل السيارة )

[محتري السيل]

مسافر 11 (http://www.mekshat.com/vb/member.php?u=29657) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_428617", true); </SCRIPT>

الله يجزاك خير على النصيحة ومتطليات السلامة واجبه

وزي شغلة التانكي بتمر على ثلاث أماكن ,, ورشة ,, بنشري ,,, لحام

ولاكن أنتبه من طريقة نفخ التانكي بالشكمان

والله أن قد ينفجر ويغدي أقطع

[الأخضر]

أخوي من بغى الدح ما قال أح .
غير بالجديد يالحبيب وإرتح .

[محتري السيل]

على كل حال تسريب البنزين ماهو بسيط وخطر

خصوصا أذا التانكي من النوع اللي يصير فيه ضغط ذاتي مع فترة التشغيل

[محتري السيل]

الأخضر (http://www.mekshat.com/vb/member.php?u=24515) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_428661", true); </SCRIPT>

خلنا نرد خسايرنا في الأسهم الله يعوض على الجميع وبعدين يصير خير

كلمت الوكالة اليوم وقالوا يبون العربون وبعدين يسوون طلبيه من جده

الله المستعان

[محتري السيل]

لطخناه بسميت وبيض وكأنه أشوى

نعطيه فرصة ونرشه بويه سوداء ونودية للفحص وعقبن نوديه للمعارض
وأطرف شريطي مهايطي نرصها في أظهره هاللي مايستحون ولا ينتخون قليلين الحياء ... بعضهم

[الضاري]

ياولد أنتبة للبنزين

موترك غالي والتجارب مع البنزين دائما خطيرة

الله يحفظنا وأياك من كل شر ومكروه

[محتري السيل]

أخوي الضاري

الله يسلمك من كل شر

Bmw موديل 97 لو جديدة بباغاتها توديها للمعارض ماجابت 50,000 خمسين الف ريال

فما بالك بموتري ماشي 200,000 ومليس تانكي البانزين بسميت

ياشيخ لو تحترق قدام البيت ما أطفيها ههههههههههه

[ولد شقرا]

ياخوي سلامت عمرك انت والي معك تسوى الدنيا ومافيها انت الحين مجبور الشكوى لله مالك الا تانكي الوكاله وكان الله في عونك

[محتري السيل]

ولد شقرا

الله يسلمك من كل شر

لاكن أبشرك ان طريقة البيض والسمنت لوقف التسريب من التانكي ناجحة حتى الآن 100%

لاكن هناك توصية للي يبي يسويها أنه يكون المكان نظيف ووقف التسريب بواسطة الصابونه وأستعمال بياض البيض وقليل من

الأسمنت علشان ما يطيح قبل ما يجف من الثقل كما يجيب ضغط الأسمنت وتسويته بالمكان لضمان عدم التسريب مرة أخرى

والله يجزاه خير اللي وصى على هالطريقة ويعطيه الف عافية

[الأخضر]

ترى شغلك ومحاولتك في الحلول البديلة ... وحسن التدبير زين

وأبشرك يا أخوي إن الله يبي يعوضك خير قريب إن شاء الله

والمؤشر بإذن الله ماعنه وعن الـ 16 ألف

وترى كلن عليه من زمانه واكــــــــف .

تحياتي . ،،،

[محتري السيل]

الله يعطيك العافية يالأخضر ويرزقك من حيث لا تحتسب

قبل سنه يوم أودي موتري للورشة يلحمون التانكي كان عندهم زي موتري مصدوم صدمه من قدام

ويستعملونه زي التشليح وسط الورشة

نشدتهم ذاك الزمان عن قيمة التانكي أذا بيبيعونه .... قال لي ب2000 ريال بدون التركيب

المهم طرى علي أمس وكلمتهم .... عاده موجود التانكي .. قال موجود .. بكم تركبه مع الضمان .. قال ب1200 ريال

ولاقيه في التشاليح ب 2000 ريال

المهم أتفقت انا والسوري على السعر والتركيب يوم السبت القادم بأذن الله ....

أهم شيء يضمنه لي مافيه خمال عقب الموتر المصدوم

وبالله التوفيق

وهذي طرمبة البنزين وسط التانكي المستعمل اللي أبي أركبه بس أنا خايف منها لا يكون تأثرت بالصدمة خصوصا اللي يقيس مستوى الوقود في التانكي ( الغطاس)

وهل تعلم عزيزي المشاهد :D أن قياس مستوى البنزين في ال بي أم بالديجيتل وانه يحسب لك كم يكفي المتبقي من الوقود ليقطع من مسافة ويقوم بعملية حسابية لقياس مستوى ألأستهلاك في الكيلو متر الواحد ويحسب كمية الأحتراق وكفاءة المحرك

والله يالألمان ماخلو شيء .... هذا وموديله 97 يعني الحوت الجديد اللي يقولون وش المواصفات الي فيه :(
http://www.realoem.com/bmw/diagrams/i/e/10.png