عندي مشكله في قير اكسبلور

[ناصر البدر]

بسم الله الرحمن الرحيم
السلام عليكم ورحمة الله وبركاته
انا عندي اكس بلور 2007 خليجي عرضته للبيع بالرياض وجاه زبون وشراه شرط الفحص
قال كل شي تمام الموتر وكاله لانه ماشي بس 100 الف مع ان موديله 2007
المهم فحص البريدي الله يسامحه قال للمشتري هناك مشكله بالقير وماينفع الى توضيب
عاد المشتري انحاش وانا دفعت له قيمة الفحص
المشكله انه السياره تبديلاته طبيعيه بس نتله بالتعشيق عشان زيت ماعمره تغير وماشي اللحين 100 الف ولما توصل التبديله الثالثه والرابعه ترج مو كل الاحيان بس اغلب الاحيان او اذا دعست لها وبس
رحت لصناعيه القديمه قالو ثلاث ورشات انو لازم توضيب مالك حل والتكلفه 5 الاف ريال
وش اسوي ياشباب انا رجال مو مقتنع السياره تمشي مافيها شي بس هالرجه .
اذا واحد عنده حل ومعلومه تريحني من الخساير جزاكم الله خير:mad:

[ناصر البدر]

المشاهدات كثيره ولا واحد عنده خبر او يبي يساعدني

[شيهون]

أنت حدد وش تبي بالضبط
تبي تبيعه بحالته الراهنة؟
تبي تستخدم هونت عن البيع؟
تبي تصلحه وبعدين تبيعه؟

[m3ax]

طيب تقول الزيت حق القير عمره ما تغير

غيرت الزيت الحين ولا باقي؟؟

اذا ما غيرته روح غيره اذا مشت السياره بعدها سليمه اوك

واذا فرط القير وضبه لان الزيت لاااازم يتغير

[يكفيني نظرة]

تغيير الزيت ضروري ..
وشيك على كرسي القير غالبا تكون الرجه منه ..
وان كنت شرق الرياض ادللك على واحد كويس..
ونصيحه الفحص افحص عند كارتك يضمنون لك فحصهم لمدة شهر واذا سليم خل ورقة الفحص معك واعرضها عند البيع....

[1من نجد]

غير الزيت والفلتر وانشاء الله يظبط لو كانت الرجفة في التغييره الأولى هذي سبقرنقات موجوده بالكارتير وامرها سهل
الرجفة بين الثالث والرابع كراسي مكينة غالبا

اذا كان يحن ويغير بعصبية هذي حلها سهل راسلني على الخاص

لايمكن يوضب اي قير وتبديله طبيعي من التغييره الأولى ابدا

[ناصر البدر]

السالفه يا اخواني بالله انه اذا دعست طبعا يبدل واحد كويس ثاني كويس ثالث نتله خفيفه مع رجه كاني ضارب عيون القطط والرابعه كذلك رجه بس هذا اللي فيه يرج القير على التبديله الثالثه والرابعه
ويا اخ شيهون ودي ازينه افتك من هالمشكله عشان ابيعه وبالفحص مايصير فيه شي وضميري مرتاح
دلوني على ورشه فاهمه
وبعظهم يقول اذا كان الزيت قديم وغيرته بيخرب عليك القير وانا ماعرف
وش رايكم اكثر من ثلاث ورشات قالو لازم توضيب لانه المشكله داخليه

[ناصر البدر]

بعض المرات ماترج طبيعي مافيه شي

[hm414]

اخوي لا تحاول تغير الزيت هذه الفتره
الجير هذا الحين قاعد يودع خلاص
واذا غيرت الزيت احتمال انه يفرط اكثر من 75 %
ووقتها بتكون غيرت الزيت عالفاضي بل وعجلت الخراب

عندي رأي من ثلاثة
اما انك تتركه كما هو وتستخدمه الى ما يفرط من حاله وتوظبه...

تبيعه على عيبه وصاحبها الجديد يتعامل بما يناسبه

تصلحه انت وتبيعه ولكن لابد في رأيي انك توظح هذا للمشتري ان الجير تم توظيبه

وبالمناسبه
اي حد بيوظبطلك رح ينصحك تفصل الدبل...

القرار عندك

بالمناسبه
انا موظب الجير وفاصل الدبل...


تحياتي

[mekshaat]

غير الزيت والفلتر وانشاء الله يظبط لو كانت الرجفة في التغييره الأولى هذي سبقرنقات موجوده بالكارتير وامرها سهل
الرجفة بين الثالث والرابع كراسي مكينة غالبا

اذا كان يحن ويغير بعصبية هذي حلها سهل راسلني على الخاص

لايمكن يوضب اي قير وتبديله طبيعي من التغييره الأولى ابدا

غير صحيح عندي قير صار مايعشق الثالث والرابع لكن من الأول للثاني يعشق
سلس كأنه جديد ووضبته القيور حقت الموديلات هذي ماعاد ينعرف لها وماتكد
مثل الموديلات القديمه.