بشرى لملاك نيسان

[تميم2222]

السلام عليكم... جاني خبر من ناس هم اهل لثقه وكانو عند وكاله العيسى اليوم....بان العيسى سوف يستلم وكاله نيسان ... والان يعمل بتصفيه السيارات الامريكيه لستقبال سيارات نيسان ..حبيت اوصل لكم الخبر ... ولكم كامل الود والاحترام

[باترو]

الله يكتب الي فيه الخير اهم شي تخفيض الاسعار في السيارات وقطع الغيار

[Magellan]

وانا جاني خبر ان فيه مفاوضات لتمديد امتياز العيسى حتى 2015 من قبل وزارة التجارة السعودية بمخاطبة نظيرتها الأمريكية
برأيي ان العيسى لو كسب وكالة نيسان في مقابلة خسارة وكالة GM فالكفة بالنسبة له خاسرة
حيث لاتقارن مبيعات GM بالنيسان

[.أبوعبدالرحمن]

وعليكم السلام ورحمة الله وبركاته

كل اسبوع نسمع خبر عن وكالة نيسان

ونشوف الحمراني كل يومين له فرع قطع غيار جديد يفتحه

سمعنا العيسى كم مرة وكذلك سمعنا ناغي كم مرة


والله يسهل

[rpk]

خبر العيسي مع وكاله نيسان صحيح وهذا ما اكده لي احد الاخوان في العيسى لاكن هل تسحب من الحمراني غير متأكد

[مشلخ الذيب]

تتوقعون يمسك شركتين ؟

[You Like Me]

والله العيسى اغلى من الجميح في اجور الصيانه وقطع الغيار
هل تتوقعون لو مسك نيسان بيصير ارخص من الحمراني

[ددسن مسدرك]

يعني العيسى أفضل من الحمراني؟؟؟

ما أتوقع أنه أفضل

[محطم عنيد]

ما أتوقع بيكون أفضل من الحمراني

لكن وش رأيكم لو يمسكها الجميح برأيي أرقى وكالة عندنا لأنها الأخف نصبا

[تميم2222]

مشكورين على المرور ... ومنكم نستفيد يالربع .. لكن مجرد وجود منافس للحمراني هذا بحد ذاته يخلي الحمراني يتحرك شوي .. أنا اتمني يكون له منافس ..وما تغلق الحمراني وهذا من مصلحتنا احنا كمستهلكين .. اسعدني مروركم وحيالله كلن بأسمه ^_^

[التعـ King ـديل]

اللي اعرفه وسمعته قبل كم سنه ان وكاله نيسان على مستوى المملكه بتكون للحمراني

وانو فيه نهايه 2015 مدري 2014 راح تنسحب من الجبر

[7ابو نواف7]

أنا مسوي صيانة للموتر عند العيسى قبل أمس عند مهندس أعرفه في الوكالة وسألته عن هالسالفة وأكد لي الخبر وقال أنه بنهاية شهر 6 ميلادي بتنتقل وكالة العيسى من جي إم لنيسان ..
وبالنسبة للعيسى أنا أشوف أنه أفضل بمراحل من الجميح سواء في شراء السيارة أو في الصيانة وهذا عن تجربة طويلة لكلا الوكيلين .. الله ييسر لملاك الجمس والنيسان

[تميم2222]

حياك الله يالكنق ..... والله يسمع منك .. يابو نواف .. المهم نخلص من سالفه الاحتكار الوكيل .. وتصير الامور ...للافضل... الله يحيكم ومشكورين على المرور

[الصحافة 15]

زيد أخو عبيد

[تميم2222]

زيد وعرفناه... وعبيد .. ان ما تسنع بدلوه بغيره هذي سياسه الوكلات اللي عليها الكلام ..

[ابونبيل]

وانا جاني خبر ان فيه مفاوضات لتمديد امتياز العيسى حتى 2015 من قبل وزارة التجارة السعودية بمخاطبة نظيرتها الأمريكية
برأيي ان العيسى لو كسب وكالة نيسان في مقابلة خسارة وكالة GM فالكفة بالنسبة له خاسرة
حيث لاتقارن مبيعات GM بالنيسان
صادق.. بس هو يقدر يسوي دعايات خاصه انه بيكون الوحيد الي معه نيسان

[ذيب الصمان1]

الله يكتب اللي فيه الخير بس امكن القصد ان العيسى راح يكون وكيل ثاني مع الحمراني والله اعلم

[برهوش]

زرت مهرجان الجنادريه هذه السنه ووصلت لأحد المشاركين في جناح نيسان بأن الحمراني سيء السمعه
قالي راح تسمعون أخبار زينه راح يكون فيه تغيير ١٨٠ درجه في شهر ٥ أو ٦

[zulfi]

ماكولين ماكولين :(:(:(

[ابوكشتات]

والله انا سمعت انه البازعي او الجفالي يبي مسكون وكالة نيسان والخبر قديم والله أعلم

[راعي الطلعات]

الي انا سمعته ان سيارات نيسان سحبة من الحمراني والظاهر ان له مده حتى يستلمها الوكيل الجديد

[yusr]

الله يسمعنا خير
وتعدد الوكلاء من صالح المستهلك

[تميم2222]

حياكم يالربع .... ويسعدني مروركم ...ان شالله عن قريب ...واتمنى انها تكون ضربه على ظهر الحمراني .. او انه ..يصير وكيل كفو لوكاله هالماركه القويه عندنا يعلم الله يوم رحت الامارت ..وشفت خدمتهم لنيسان ..في قطع غيار وفي خدمه العميل ... وعرفت ليه الامارت يرغبون نيسان اكثر من غيره .... اشهد ان الحمراني من جنبها عندنا

[قناص2000]

اهم شيء يضعون الزبون على حق ولا يبخصون حقه بالصيانه والاستفسارات واي شيء ثاني.
والله الموفق ان شاء الله

[تميم2222]

اهم شيء يضعون الزبون على حق ولا يبخصون حقه بالصيانه والاستفسارات واي شيء ثاني.
والله الموفق ان شاء الله
والله يقناص صدقت ان الوكلات عندنا يستغلون جهل العميل .. الواحد اذا راح لهم يده على قلبه .. ياخي ما ادري متى بيرتقون بتعاملهم مع الناس.. انا من الناس اللي اذا بغيت اروح لهم اقرى المعوذات ... الله يكفيني شرهم بما هو السميع العليم اشكرك على المرور