أهل الخبره في تجهيز السيارات والبترولات في الرياض

[ss 1400]

السلام عليكم ورحمة الله

أخواني الي عنده خلفيه عن موقع تجهيز السياره في الرياض يدلنا

والتهيزات مثل بطاريه اضافيه وافياش وفريزر التبريد وعرشه أوسله

الموتر باترول ربع 92

والله لا يحرمكم الأجر

أخوكم/أبوهاجر

[يكفيني نظرة]

عند سوافي والحقيقه ماجربته ولا رحت له بس حسب ماقرأت..

[السناعيس .f16]

ابحث اخوي في قوقل مكشات عن تجهيز هايلوكس وشف التجيهزات و طبقه على البترول ..

[ابوعبدالله 2005]

و عليكم السلام ورحمة الله وبركاته
عندك سوافي حول مخرج 18 على الدايري الجنوبي مع تقاطع الشرقي وانت متجه شرق مع الضلع الجديد يجيك يمين وهذي احداثية موقعهم
N24 37.722
E46 48.775

شغلهم نظيف لكنهم غالين

[* ابو باسل *]

سوافي خبره في مثل هالامور وعليك بالهندي فيروز .

[السومر]

بالنسبه لتجهيز البطاريه الاضافيه ورشة الصبي سعرهم معقول واخلاقهم زينه

الوصف:

تتعدى مخرج 14 وتدخل مع مخرج 15 وتروح يمين يجيك تقاطع شارع الامير متعب تدخل معه يمين

الورشه تجي على يدك اليمين ماهي واضحه انتبه لها في بداية الشارع

[ss 1400]

بيض الله وجيهكم وجمل حالكم ورحم الله والديكم

[Ra3e]

بالنسبه لتجهيز البطاريه الاضافيه ورشة الصبي سعرهم معقول واخلاقهم زينه

الوصف:

تتعدى مخرج 14 وتدخل مع مخرج 15 وتروح يمين يجيك تقاطع شارع الامير متعب تدخل معه يمين

الورشه تجي على يدك اليمين ماهي واضحه انتبه لها في بداية الشارع
^^

مجهز عنده سييرا 2500 HD والصدز شغله وكااااله وفاهمين الشغله

وهج عن سوافي نصيحه تراه يستخدم اسلاك البيوت

[abo-lma]

ابوسليمان المنديل

شغله لايفوتك في توليف البطارية الثانيه

شغل عدل ومرتب وعلي كيف كيفك

اذا تبي رقم تلفونه عطني خبر

انا مشيت من جدة الي الرياض وركبت عنده من الساعه 9 الصبح خلصت الساعه 5 المساء

لمبات جانبيه وحده يمين وحده يسار

لمبتين في الكبوت

تسليك سلك كنود

وركبت جهاز تحويل كهرباء الي 220

وسلك ثلاجه

وماشالله تبارك الرحمن

[خيال الغلبا]

انحش عن سوافي انا مجربهم موادهم صينية واسلاك بيوت ونفس شينه واسعار مبالغ فيها

[yusr]

لا تعدا الصبي وخصوصآ ابو شهد تراه رجال كفو ونفاهم الشغله وناصح جدآ لراعي الموتر ولا عنده لف ودوران
انصحك فيه وليس دعايه له

[خبايا انسان]

المنديل ممتاز

[الخلاوي 15]

الي يشرفنا برقم ورشة الصبي الله يجزاه خير لو على الخاص

[بروح معاكم]

ورشة الدفع الرباعي بالرياض في شارع العروبة انا مجربهم ممتازين وحسب المعلومة اللي عندي انهم اقدم ورشة في عمل البطاريات الاضافية
الوصف
خل مستشفى الملك خالد للعيون على يمينك رح سيدة يجيك جامع الملك خالد على يمينك بعده اشارة ديور يسار تجيك محطة على اليمين اهم في المحطة

[تميم2222]

انننننننتبه تروح لسوافي تراه لعب بمواتر الربع والله انها بغت تشب علينا كم مره ... شغله ابو كلب خذ رايي فيه ورشه فور باي فور ... او فيه واحد اسمه عمر الزمامي .. اذا احتجت لهم راسلني خاص وابشر بعزك .. عسى الله يوفقك

[ابو فهد...]

انا والله ماعرف غير سوافي كان قبل شغله زين بس الحين سواليف وكلن يسبه

[تركي9977]

سوافي خبره في مثل هالامور ونصيحه لاتتعداه

[خيال الغلبا]

سوافي مواد رخيصة وسيئة واسعار غاليه جدا ونفوس شينه

[ابو ســــاره]

ورشة الدفع الرباعي بالرياض في شارع العروبة انا مجربهم ممتازين وحسب المعلومة اللي عندي انهم اقدم ورشة في عمل البطاريات الاضافية
الوصف
خل مستشفى الملك خالد للعيون على يمينك رح سيدة يجيك جامع الملك خالد على يمينك بعده اشارة ديور يسار تجيك محطة على اليمين اهم في المحطة


انصحك في هاذي الورشة اشتغلت بسيارتي عندهم القطع المستخدمة قطع امريكية وخاصة بتوليف البطارية اللاظافية رغم غلا السعر
جميع ما ذكر الاخوان من ورش شغلهم وسط وسبق شفت شغلهم على مواتر الربع ولا يقربونك سوافي .
الصبي مخرج 15 يبدو لي ان شغله تمام وانا ما جربته ولكن رخيص وشغل كويس حسب صور للشغل في احد مواظيع الاخوان مكشات