فيه مشكله في الاكسبلورر 2010 .. دخان أزرق..

[عبدالعزيز51]

السلام عليكم ورحمة الله وبركاته
عندي مشكلة في سيارتي اكسبلور 2010 ..اللي هي:
انا طبعاً ما أحرك السيارة إلا مره في الأسبوع ..يعني تجلس اسبوع ما اشتغلت وبعدين لما أشغلها يطلع دخان أزرق من الشكمان...لمده 3 الى 5 ثواني...وبعدين يختفي ..وما أدري وش العلم
علماً ان جميع التشييكات في الوكالة . والسيارة الى الان ماشيه 29000 كم ..فقط..

رأيكم أعضاء مكشات

[mad_4u]

ماسمعنا عن دخان ازرق
اما ابيض او اسود
بس جرب تحط يدك على الشكمان دقائق وارفعه وشوف هل يزيت يدك؟
ان لقيت زيت يعني المكينه مبوشة وتاكل زيت ويطلع مع الشكمان
اذا مافي ممكن تكون كربون لان السيارة واقفة فترة وهذا مع بداية الاحتراق عادية

[ابوعمر1397]

اتوقع كربون لان السيارة واقفة كثير
للتخلص من دخان الكربون امسك خط على سرعة عالية

لو كان الدخان مستمر هنا مشكلة

[عبدالعزيز51]

ماسمعنا عن دخان ازرق
اما ابيض او اسود
بس جرب تحط يدك على الشكمان دقائق وارفعه وشوف هل يزيت يدك؟
ان لقيت زيت يعني المكينه مبوشة وتاكل زيت ويطلع مع الشكمان
اذا مافي ممكن تكون كربون لان السيارة واقفة فترة وهذا مع بداية الاحتراق عادية

طيب ياخوي الله لايهينك.. هو ماهو أسود ...يعني خلاص أبيض...وش تتوقع مثلاً...معروف دخان الكربون أسود..
لكن هذا زي دخان السيارات المبوشة

[ناصر البدر]

لا ماعليك سيارتك جديد واكيد تحت الضمان رح انقز للوكاله وعلمهم قل السياره تدخن ابيض مقارب لزراق لاتقول لهم اني اوقفها اسبوع قل بس هي تدخن وش المشكله ويفحصونها لك وينفظونها
ماتخفش يا ابني اهم شي انها تحت الضمان اذا هي سعوديه طبعا مو مستورده

[اكسبلورر2005]

هذا الله يسلمك بسبب تلف جلد بلوف رأس المكينة نتيجة الوقوف الطويل
وعدم التشغيل حاول الانتظام بتشغيل السيارة اكثر من قبل وتغيير الزيت بالمدة اذا كانت السيارة لا تتحرك

بالتوفيق

[ابوعمر1397]

هذا الله يسلمك بسبب تلف جلد بلوف رأس المكينة نتيجة الوقوف الطويل
وعدم التشغيل حاول الانتظام بتشغيل السيارة اكثر من قبل وتغيير الزيت بالمدة اذا كانت السيارة لا تتحرك

بالتوفيق




ما هو الى هذي الدرجة اخي الكريم

السيارة 2010 وتشتغل في الاسبوع مره
مستحيل يصير هذ اللي تقول عليه

اخي صاحب السيارة علشان تطمئن شف ورشة عندها جهاز فحص الكربون وشف وش يقولون اذا فيه مشكلة على طول للوكالة

[بيق مان]

اتوقع سيارتك ما فيها شي .. جديدة ما شاء الله .. بسبب الوقفة فقط.
شيك الزيت .. اذا ما ينقص ما عندك مشكلة .. لا تتعبث ولا توسوس.
تحياتي.

[سامي 511]

اخى العزيز لاتخاف اى سياره تقف طويلا اول ماتشغلها دخن طبيعى جدا
من واقع تجربه في كثير من السيارات

[mekshaat]

شغل السياره من 15-20 دقيقه ولاتحركهابعدين ادعس بنزين بقوه معقوله واذا طلع دخان
أزرق ثم دعست مره ثانيه وانقطع الدخان هذي معناها جلد بلوف نفس مشكلة سيارتي.

[hytham]

انا تصير عندي هذي المشكله اذا مشيت على السياره مشوار طويل مسافر مثلاً وطفيت السياره ورجعت شغلتها يطلع دخان ازرق وكان عندي شك انه يكون بسبب جلد البلوف وما كشفت عليها بس لاحظت شي انه لما اشد عليه يطلع صوت صرقعه ذكرني في السيارات القديمه كأنه الديلكو تعبان وهذي السيارات ما تجي ديلكو يجي كويلات فعملت تجربه خليت السياره شغاله وفتحت الكبوت وصرت افصل الكويلات واحد واحد وفي كل واحد افصله احس ان المكينه ترتعش الين وصلت لواحد افصله ما يختلف شي ارجعه ما يختلف شي وجربت اخذت لي واحد من عند الشباب معاه فكتوريا ( سياراتي اكسبلورر امريكي 8 سلندر ) وحطيته بدل اللي قلت عليه ما يختلف في حال فصله ولاحظت انه السياره مكينتها اختلف فيها حتى الصوت بالرغم من انه اول كان واحد ما يوصل الكهرب بس اتوقع لأنه 8 سلندر ما كان ظاهر عليه في مشيه اي اختلاف او اي رعشه وسكرت الكبوت وراكب عندي حق الفكتوريا ورحت اخذت لفه ولاحظت عده اختلافات اولاً اختفى صوت الصرقعه ثانياً زاد العزم شوي وتحس المكينه مرتاحه ومنتظمه رديت حق صاحبي ورديت له امانته وركبت حقي القديم ورجعت المشكله واروح اقرب تشليح واخذلي واحد مستعمل ب 50 ريال وقلت خلني اجرب وضربت مشوار لمكه من جده ولاحظت انه السياره اختفى الدخان اللي كان يطلع بعد المشوار الطويل والاهم من هذا كله اختلف استهلاك البنزين بشكل خرافي ( قل الاستهلاك ) وحالياً ماشي ب اللي اخذته من التشليح وان شاء الله اني بغير طقم كامل في اقرب فرصه
الدخان كان لونه ازرق
جرب اذا رحت الوكاله خلهم يكشفو على الكويلات واحد واحد وافيدنا بالخبر اليقين جزاك الله خير