تركيب يايات و مساعدات للاند الجديد - مطلوب رأي المجربين

[أبوفاطمة]

السلام عليكم ورحمة الله وبركاته
أتمنى من ألي جرب طقم ال ARB للمساعدات و اليايات للاند كروزر 2009 أنه يعطيني رأيه لأني ودي أركب طقم كامل بس متخوف من قساوة المطب مع العلم أني مركب يايات خلفيه أقل مقاس

وجزاكم الله خير

[ابو محمد 2011]

الطقم جدا ممتاز

والصراحه ما يحس بقيمته الا اللي جررربه

انا ركبته على موتري واول الفترة كان قاسي

بس تعودت عليه واررررتحت كثيرررر

انصحك فيه وبشدة

[أبوفاطمة]

تسلم ابو محمد ٢٠١١

[binobaid]

جزاك الله خير

[وضاح الرياض]

السلام عليكم
انا جربت اليايات والمساعدات ومن تجربتي افيدك بان افضل شي تركب مساعدات استرالية اما اليايات لا تركب ركب في الخلف بالون امريكي تتحكم في رفع السيارة او انزالها طبعا تركبها على الياي الخلفي الاصلي مو الاسترالي
هذي تجربتي وارجو منك الدعاء لي ولوالدي ول اولادي

[سراي-01]

ركب وانت مغمض انا مركب طقم يايات ومساعدات استرالي على جي اكس 2010 جديد ومن يوم ركبتها ,,, شكل الموتر ضبط ,,, مطب مريح جداً ,,, رساوه في الخط صح ,,, بس انتبه الياي لاتاخذ مقاس عالي خذ تقريبا اللي يرفعه 3الى 5 سم ,,, موفق

[أشباط]

السلام عليكم
انا جربت اليايات والمساعدات ومن تجربتي افيدك بان افضل شي تركب مساعدات استرالية اما اليايات لا تركب ركب في الخلف بالون امريكي تتحكم في رفع السيارة او انزالها طبعا تركبها على الياي الخلفي الاصلي مو الاسترالي
هذي تجربتي وارجو منك الدعاء لي ولوالدي ول اولادي


مشكور صاحب الموضوع

بس اخوي وضاح ياليت تعطينا معلومات عن بالون امريكي كيف وش هذا سراحة أول مره اسمع فية ياليت تعطينا معلومات دقيقة عنه .

انا بالنسبة لي ركبت مساعدات حقت الوكاله بس بسراحه اللي قدام غالية الثمن بالمرة
ياليت لو أحد الأخوان عندة نوعيه ممتازة يعطينا تجربته جزاكم الله خير .

[أبوفاطمة]

الحمد لله تم تركيب طقم يايات و مساعدات للاند 2009 من ARB old man
و الأنطباع الأولي : الموتر صار أرسى في اللفات و المطب صار مريح و بالبر وجه الموتر أقل مناقز من أول و الموتر صار متماسك أكثر ورتفع شي بسيط من قدام ..... ولكن طبعاً هذا على حساب الراحة شي بسيط.
بشكل عام ممتاز لراعين المكشات.....
وشكراً لجميع من شارك في هذا الموضوع

[سلطان ولدتميم]

السلام عليكم اخوي ياليت لوتوضح سعر اليايات والمساعدات بالتفصيل وعند مين القاها

[أبلج]

مبروك يا بوفاطمة على تركيب الطقم والله يعطيك خيره ويكفيك شره
والبنسبة للأخ أشباط البالون الأمريكي انا مركبة على الجيب ماركة AIR LIFT ركبته عند الأخ رومي الرومي في بريدة الصراحة ممتاز وتقدر تتحكم فيه بارتفاع الجيب لأن له بلف هواء تحط فيه الهواء من ضغط 5 كحد أدنى عند الاستخدام العادي ويكون ارتفاع الوكالة إلى 25 كحد أقصى عند تحميل أغراض كثيرة وثقيلة أرجو اني افدتك

[أشباط]

مبروك يا بوفاطمة على تركيب الطقم والله يعطيك خيره ويكفيك شره
والبنسبة للأخ أشباط البالون الأمريكي انا مركبة على الجيب ماركة AIR LIFT ركبته عند الأخ رومي الرومي في بريدة الصراحة ممتاز وتقدر تتحكم فيه بارتفاع الجيب لأن له بلف هواء تحط فيه الهواء من ضغط 5 كحد أدنى عند الاستخدام العادي ويكون ارتفاع الوكالة إلى 25 كحد أقصى عند تحميل أغراض كثيرة وثقيلة أرجو اني افدتك



اخوي أبلج الله يعافيك على المعلومة وجزاك الله خير والله اني منتظر الرد
بس فيه استفسار بسيط البالون أين يوضع تحت أو فوق اليايات وكم سعرة
وكيف الرساوه فيه فرق عن الوكاله أو لا

انتظرك الله يقويك

[أبلج]

البالونات توضع داخل اليايات وتركب لها هوزات تشبك في بلف واحد لكي يكون ضغط الهوا واحد في البالونين
ولو تبحث في اليوتيوب عنها راح تشوف طريقة تركيبها واستعمالها وهي افضل طريقة لرفع السيارة عند الحاجة من غير ان تغير في السيارة شي وتتم السياره شد بلادها ولا لها تأثيرات جانبية بإذن الله وعليها كفالة سنه ولو عندي صور كان نزلتهم ولكن قدر الله فاتني اني اصورهم وقت التركيب

[أشباط]

لك كل الشكر اخوي أبلج
كفيت ووفيت وجزاك الله خير
وان شاء الله اجرب الطريقه
ولك احترامي وتحياتي

[أبوفاطمة]

الأخ سلطان ولدتميم حياك الله و شريت الطقم من الرماية وكلفني كامل ( يايات و مساعدات 4140 ريال ) وسعر اليايات الأمامية تقريباً 700 ريال ونفس الشي للخلفية و الباقي موزع على المساعدات لكن الأمامية أغلى
السلام عليكم اخوي ياليت لوتوضح سعر اليايات والمساعدات بالتفصيل وعند مين القاها

[أبوفاطمة]

مبروك يا بوفاطمة على تركيب الطقم والله يعطيك خيره ويكفيك شره
والبنسبة للأخ أشباط البالون الأمريكي انا مركبة على الجيب ماركة AIR LIFT ركبته عند الأخ رومي الرومي في بريدة الصراحة ممتاز وتقدر تتحكم فيه بارتفاع الجيب لأن له بلف هواء تحط فيه الهواء من ضغط 5 كحد أدنى عند الاستخدام العادي ويكون ارتفاع الوكالة إلى 25 كحد أقصى عند تحميل أغراض كثيرة وثقيلة أرجو اني افدتك

الله يبارك فيك أخوي أبلج وجزاك الله خير