الفزعة يالربع ابي كفرات زينة

[رجاس]

يااخوان بغيت الشور منكم انا لي حول ثلاث سنين
وانا كل سنة مغير كفرات موتري

وماتكمل سنة الا وهي ضاربة

للمعلومية انا راعي سفر وخطوط
وانتظر شوركم لان وراي سفر بعد اسبوع

تحياتي لكم .
.....ابو محمد.....

[غضنفر]

للسفر والخطوط
بـــــــــــــرجستـــــــــــون

[كبريت]

طيب وش نوع سيارتك

وانا انصحك بالاماني مشلان غالي لكن سعره فيه

ويعطونك ضمان من الجمالي نفسه اذا انشلخ الكفر لاقدر الله

[فال الخير]

وش نوع سيارتك أخوي

[رجاس]

سيارتي فكتوريا
كفرات شد بلد كانت مشلان

وقعدت ماشالله سنتين ونصف
بعدها ركبت فالكن وماكمل ثمان شهور
وركبت سوميتومو الواحد فوق 400ونفس الشي ضربو ثنين مع بعض من دقة بسيطه برصيف وكنت امشي 40 كلم/س
وبعده ركبت تويو وغاليه بعد وامس وبدون مقدمات ضرب من داخل

اشغلتكم بس للايضاح

لاهنتو ياخواني

[GMC79]

معليش اخوي ترا سنه كاملة مع مسك خطوط بشكل مستمر مدة ممتازة جدا جدا

صدقني لن تجد أفضل من كذا أبدا أنا امسك خطوط بعد وجربت البرجستون والتويو كل وحدة جلست سنة تقريبا ومسافة 40000 الف كلم
ولمدة خمس سنوات

يعني شي طبيعي سنه لواحد ضارب خطوط

[شبح الصحراء]

انا كان معاي فورد كراون فكتوريا وانصحك تركب كفرات فالكون اليابانية لأني ركبتها على الفورد وكديتها خطوط بحكم عملي البعيد عن اهلي كنت تقريباً كل شهر اطلع اسافر 1200 كيلو ذهاب وأياب والحمد لله استخدمت الكفرات سنتين دون مشاكل لين بعت الموتر ، وقد نصحت اخوي يركب كفرات الفالكون لأن معاه كابرس صابونه وللحين تمام ما شاء الله تبارك الله ، علشان كذا انصحك بكفرات فالكون اليابانية ويفضل يكون الكفر من النوع العريض .

[فال الخير]

بسم الله

العمر الافتراضي للايطارات هو ثلاث سنوات أو 40 ألف كيلو متر

ويصبح بقاء الايطار خطراُ على المركبه في حالت تعدى الخمس سنوات أو 60 ألف كم

هذا في الضروف العاديه

أما في الضروف الصعبه فتجدر الاشاره الى ان 40% من حالات الوفيات من حوادث السيارات في المملكة بسبب انفجار في أحد الايطارات فيجب على الاخوان المكشاتيين التنبه لهذا :no2: :no2: :no2: الموضوع الخطير :no2: :no2: :no2:

والله يحفظكم ويرعاكم

تحياتي

[الأخضر]

أخوي m m m
الشركات اللي ذكرتها جميعها منتجاتها ذات جودة عالية . مع ملاحظة الحرص على قراءة المعلومات المكتوبة على الكفرات وهل هي خاصة للمناطق الحارة أو الباردة ... إلخ
وهناك جانب مهم في موضوع الكفرات وهو معدل الهواء فيها .. فكلما زادت نسبة الهواء في الكفر بنسبة معقولة طبعاً في حدود لاتقل عن ( 35 ) زاد العمر الإفتراضي للكفر .
وبالنسبة لي فأنا راعي تجربة وبما أنني صاحب سرعات عالية فالكفر يكون ذو جوده عالية ولا يتعدى السنه على السيارة لدي ولا ينقص ضغط الهواء فيه عن ( 35 ) في أي حال من الأحوال .
ولكن عندي سيارة جيب مع السائق كملت الكفرات على السيارة ( 3 ) سنوات وقطع بالطبع أغلب المسافة داخل البلد أكثر من ( 160 ) ألف كيلو متر والسيارة لاتتجاوز في السرعة ( 120 ) كيلو في الغالب ومظهرها مغري من الخارج . وعندما قمت بتغييرها قبل شهر تقريباًُ طلبت من صاحب المحل سكين وقمت بتشريح الكفرات من الجوانب لكي لا يباع على أحد وينفقع به .
وأعتقد أن سبب مقاومتها وصبرها يعود بشكل أساسي إلى نسبة ضغط الهواء المرتفعة بالكفر ، وعدو الكفر الرئيسي هو نقص الهواء فيه .
تحياتي .

[ابوفيصل السهم]

السلام عليكم ابو محمد
انا قد مر على يدي سيارة فورد(فكتوريا) واخبر اني ركبت لها كفرات تويو(كيوبركس)مقاس16نفس مقاس شد البلد ولا اذكر اني اشتكيت من بنشر مع اني كنت اسرع (اطير)

[شبح الصحراء]

الأخ العزيز mmm بحكم انك استخدمت كفرات نوعية ممتازة ولكن عانيت من مشاكل مبكرة في الكفرات فأظن والله اعلم ان المشكلة ليست في الكفرات واحتمال كبير ان موترك يسبب سحكية للكفرات لذلك افحص الكفرات فإذا كان احد جوانب الكفر متآكلة اكثر من الجانب الآخر فهناك سحكية للكفر وعندئذ يجب ان تزن السحكية عند ميزان ممتاز في الصناعية .

هناك احتمال آخر وهو ان الشخص الذي كان يبيع لك الكفرات غشك وباع لك كفرات مخزنة او تاريخها قديم لكي يصرف بضاعته فاحرص على فحص التاريخ قبل الشراء فلا يجب ان يزيد تاريخ صناعة الكفر عن سنة واحدة والا فلا تشتريه .

وهناك احتمال آخر وهو انك ربما اشتريت كفرات ذات مواصفات حرارية اقل من المطلوب فاحرص على ان تكون قوة تحمل الكفر للحرارة من فئة A أو B ويفضل A .

[عاشق VXR]

1 / ميشلان
2 / تويو
3 / سوموتومو

[محتري السيل]

ميشلان مركبها في موتري غير اللي على الددسن لها ثلاث سنين قسم بالله كنها جدد

كفرات تضمنها بعد الله عز وجل ما تنضرب على خط ولا تنسلخ وما عليها أي مشاكل

ميشلان كفرات ناعمه وقوية ومضمونه بأذن الله سعرها غالي وقيمتها فيها

ولك الأختيار وأنت الحكم

[رجاس]

الله يعطيكم العافية يااخوان
black path
ابومحمد
فال خير
gmc79
شبح الحراء
الاخضر
محتري السيل
ابوفيصل السهم
عاشقvxr
لاهنتو الله يجزاكم كل خير

[*الفاهم*]

يا الحبيب للخطوط مالك الا** برجستون**
اما الزين والي تعطي السياره ميزه وجمال **gt**

[منتعش]

حي أخوي الغالي
يمكن هذا الرابط يفيدك ويفيد الجميع في المحافظة على استخدام الإطارات :http://www.mekshat.com/vb/showthread.php?t=51314

[محب النياق]

انا انصحك بالدانلوب ممتازه للخطوط واسأ ل المجربين.................................