وش تنصحون موتر ( بر )

[بآوزير]

بسم الله الرحمن الرحيم

السلام عليكم ورحمته الله وبركاته :

اخواني : انا ابي مشورتكم ، أبي موتر طعوس وحط وشيل وكرف ..


وراس مالي ما يتعدا الـ : 30 الف


انا ودي بشاص بس ويين سعره فووق .. وعادي موديل قديم



بنتظاركمم

[ماجد الحايلي]

انت عرفتها بنفسك
الشاص هو المناسب لك
بس خذ لك من موديل 92 وطالع
لانه 91 وتحت تجي مكينته 12 بلف
وفرق واجد بينه وبين موديل 92 وفوق
من ناحية القوة والعزم

[---ابو يوسف-]

خدلك باجيرو ربع ٢٠٠٣ قوي وزين

[بآوزير]

انت عرفتها بنفسك
الشاص هو المناسب لك
بس خذ لك من موديل 92 وطالع
لانه 91 وتحت تجي مكينته 12 بلف
وفرق واجد بينه وبين موديل 92 وفوق
من ناحية القوة والعزم


عز الله انك ما تقصر .. بس كم اسعارهن ؟

[بآوزير]

خدلك باجيرو ربع ٢٠٠٣ قوي وزين





طيب كم سلندر 4 ولا 6

[مطر وربيع]

ربع باترول موديلات 92-91
النظيف بحدود25 الف
قطع غياره رخيصة والورش تعرف له

[العتيبي 88]

خذ للك ربع باترول عز الله موتر ورخيص وقطعه بالبقاله وماقالو

[كاشت وحداني]

ربع باترول
من ٩١ الى ٩٣
ودور عالنظيف


Sent from my iPhone using Tapatalk

[بآوزير]

الله يعين ... مشكورين ولاهنتوا

[Salamah.y]

قبل كم سنة , 30 ألف , تختار به موتر على كيفك
لكن بهالسنين التوالي , قلت بركة الدراهم , و الثلاثين صارت ماتغذي العصفور

اذا انت تبي موتر يخدمك و بالشيل و الحط و الطلعات الخفيفة
دور لك هايلوكس و الا ددسن نظيف , يخدمك و ما يطلب منك واجد

اما الشاص , الله المستعان سعره بالعلالي الحين
و من وين لوين تحصل شي نظيف و بهالسعر ؟!
الا اذا بتدور لك شاص نيسان , ممكن يحصل لك
,

و اذا لك هواية بالقديم
دور لك شاص 84 , رممه و انفضه من الصدام للصدام
<< كلن على همه سرى , ههههههه ~

كل التوفيق أخوي , و المعذره على الإطاله

[ابو محمد1111]

باترول من 90 الى 97
بس كربريتر البخاخ لا تاخذه

[السناعيس .f16]

هايلوكس دبل 2000موديل وما فوق

[ابونبيل]

الهلي الدبل
او باترول 97
او ددسن دبل غماره تراه ممتاز جدا

[بآوزير]

قبل كم سنة , 30 ألف , تختار به موتر على كيفك
لكن بهالسنين التوالي , قلت بركة الدراهم , و الثلاثين صارت ماتغذي العصفور

اذا انت تبي موتر يخدمك و بالشيل و الحط و الطلعات الخفيفة
دور لك هايلوكس و الا ددسن نظيف , يخدمك و ما يطلب منك واجد

اما الشاص , الله المستعان سعره بالعلالي الحين
و من وين لوين تحصل شي نظيف و بهالسعر ؟!
الا اذا بتدور لك شاص نيسان , ممكن يحصل لك
,

و اذا لك هواية بالقديم
دور لك شاص 84 , رممه و انفضه من الصدام للصدام
<< كلن على همه سرى , ههههههه ~

كل التوفيق أخوي , و المعذره على الإطاله



والله انك صادق

[-ابوسعد-]

خذ لك جمس حوض

[ابوقبلان الرس]

ربع باترول من 91 الى 99
وسعره مايتعدا ال30 واحرص على النظيف وقطع غياره موجوده بكل مكان

[الشقردي 999]

تحصل زي هاذا
http://www.haraj.com.sa/111081624/%D9%86%D9%8A%D8%B3%D8%A7%D9%86_%D8%B4%D8%A7%D8%B5_ 2002/
ودور الممشى القليل والنظافه

[sgl2002]

ربع باترول ولا تبعد عنه

وخذ كلبريتر تراه انشط من البخاخ

[mr.قهد]

دام فلوسك حول الثلاثين اخذ لك جيب ربع او جيب شراع تايوتا حتى لو كان قديم تراها مواتررر وقويه وحقت مكده برغم ان مافيها راحه بس وش تبا براحه انت تراك رايح برررر انسى شي اسمه راحه اخذ قووه وصلابه والخ,,,, ومالك ومال النيسان سوا كان بترول او سفاري تاخذه ب 20 او 22 وتحط فيه ب 10 الف كل يوم طالع لك خراب اما حرارة ولا كلبريتر ولا تفتفه ولا اذ شديته مع البر ومع المطناج والجرفه وانت مسررع تفقعت عليك الخراطيش مايتحمل موتر حق قريب قريب مايصلح هاذي وجهه نظري واللة ولي التوفيييق

[GMC 111]

دور لك نفس الي بتوقيعي وبتدعيلي ان شاء الله سييرا 2500 HD موديل 2004

حول سعرك مو بعيد

[أطلال نجد]

هايلكس دبل
دادسن دبل
أيسوزو ديماكس
ميتسوبيشي L200
دائماً خلك مع الموديل الأحدث والنظيف اللي على قد دراهمك وأبعد قد ما تقدر عن القديم حتى لو كان باترول أو لاند كروزر

[ددسن مسدرك]

باترووووووووووووووووووووووووول 97 إلى 90 لا تدور غيره.. هو الخوي اللي ترفع به الراس

[MماونشيM]

أخوي أنا جربت جيب باترول ربع قبله في الورشه
وجربت هايلوكس 2003 ممتاز جدا جدا صبور
وجربت الددسن 2006ديزل ممتاز و عزمه خيال في البر والديره ومايصرف ومكيف خيال
أن لقيت ددسن ديزل دبل غمارتين لايروح

[abo naser 1]

السلام عليكم

خذ نصيحت مجرب خذت باترول قبل خمس سنوات ربع 95 شاريه من مزاد طافي المقصد ترهيمه محرك امريكي وقلب المشروع وصار موتري الشخصي وحطيت في بطنة 10000 ريال صيانة من طبات خراطيش تسييخ تصفية كاملة طرمبات ماء وبنزين ليات وبطنه من جلد ويايات ومساعدات ومساعدات وكلتش وفحمات كفرات وجنوط الأضافات فقط مراوح وفرار مشا معي فوق 200000 كيلو فوق ممشا الحكومة يعلم الله ما شفت مثله موتر با النفود امشي عليه الى 120 بالدبل الثقيل ارقابة مراقي مايرقاه الى أهل التعديل والترهيم لوه ربع تويوتا كان انقلبنا 5 مرات تكسرت كوارينة ودبله من شي يجيه بالنفود وبالديرة ما اغير النمرة الين يطل البستم علي مع الغمارة يقول تكفا غير النمرة الرصيف والعقم اضربه على سرعة في السفر رحت شمال جنوب خارج المملكة في الصيف وعلى سرعة 180 مع المكيف حرارة الربع ومافيه عرق والا فيضة ولا شعيب الاويعرفه المطب ما اناظرة تغيير الزيت بالأشهر فوق 10000 كيلو ماطلب غير بنزين وبليتين بين فترة وفترة فقط وشريت مواتر كثير منها الجديد والمستعمل ماتحسفت على بيعة مثل ما تحسفت على ها الموتر الله يرزق راعية وبايعة بمكسب ولله الحمد

انصحك في ها الموديلات شرط يكون مصيون بالكامل من الصدام للصدام ومربط ومكمل ويكون محرك بلد بدون نقص زيت وبدون حرارة ومحرك صافي وكذلك ديلكو اكتروني اسمع من الشباب انك تفتك من سالفة البليتين والتفتفة يتحمل ولين مطبه وانقلابه ليس بالسهل وقير ودفرنسات ماتلقا جوده في المواتر مثلها وتكييف ثلج وانا كنت ما اداني جيوب النيسان لآكن من بعد الموتر الي ذكرت لك فوق شريت بعده اربعة والحين معي واحد محرك 8 سرندل امريكي ولا ملا عيني ف المواتر الا هن من ناحية القيادة الغير طبيعية وقوة التحمل


والي يقولك الباترول صديق الورش هذا تلقاه ماخذ موديل 90 راح عليه 23 سنة طاح على عشرين رجال الي خارط الراس والي موظب تجاري والي لعب بالظفيرة وكثرة التمديدات وصيانة مافية الا با التجاري ولا يغير القطعة الين يتعطل ,,, خذلك موتر شاد حيلة ومصيون بالكامل وومشاه قليل و الحكومي بالغالب هو الأنظف لقة ممشاه وبعده صيانة كاملة وتدعيلي وعلى فكرة ترا عدادت الكيلو في الباترول من 97 ونازل غير صحيحة كل ما يجا يقلب 1000 او 10000 وقف فترة الي تصفقة وتصفر عداد المسافات بشكل سريع عدت مرات وبعده يرجع يشتغل شف المعروضات يقول مخزن ماشي 150 والا 200 الف كلها خرطي ماشفت باترول من الشكل القديم وصل عداده 500 الف هذا من كثر الوقفات وقارنه ب 98 وطالع عشانه اكترواني اغلبها ماشية فوق 300 و 500 الف مع انه احدث موديل وهذا راجع لأنه اكتروني دقيق ماهو مثل عداد القديم اشوف ها الأيام كلاً يقول مخزن وتطل داخليه وبطنه وداخل الكبوت تقول ماشي مليون

[RW7..ALBDAWA]

اخوي تبي النصيحـه غير البآترول من 97 الى 90 لأتدور نصصصصصيحه ومن 98 وفوق لأتآخذه انحش هذآ اللي طيح سمعت البآترول الـ 97 الى 90 غيرهم لأتدورمعي 90 وجآء معي 96 وجآ مع اخوي 97 غير الصرآحه الكلام من تجربه الموتر حققققققق برآن والنفود معروف قوته

بس اللي عليك ركب ثآنكي بنزين اضافي150 لتر وركبله هدرز وركبله ديلكو الكتروني وكربريتر جديد ورديتر جديد مراوح سوبارو وفرار برازيلي والله يـ بتنسى شي اسمه ورششششششششششششششه موتر عززك الله حمآر مكده

معروف البآترول اقوى السيارات دبل ودفرنسآت

[بآوزير]

جزاكم الله خير يا الربع وانشهد انكم ماقصرتوا

[صفحة تربوية]

فلوسك 30000 فقط

خذ لك باترول

[باترول - 91]

خذ لك باترول

90 - 94
تلقاه حول 25 الف

[أطلال نجد]

^^^
هذه السيارات انتهى عمرها الأفتراضي المحدد من عشر سنوات وأكثر
بهذا السعر ثلاثين ألف ممكن يحصل دادسن غمارتين دبل 2004 مكينة شد بلد بهذا السعر أو هايلكس أو أيسوزو
تحياتي

[قايد النيسان]

السلام عليكم اخواني تبي الصدق اخوي خذلك شاص نيسان م 95 مريح ولشيل والحط ويعيش معك وقوي ومكينته مكينة باترول وسعره مايتعدى 25 وسعره غير مبالغ فيه وقطع غياره رخيصه اما الشاص القديم على قولت مجربينه انه قاسي

[قايد النيسان]

ومكيفه ثلاجه ماشاء الله