تكفون فزعتكم للي عنده خبرة بتقدير الحوادث

[هلي ديزل]

بسم الله ال الرحمن الرحيم
السلام عليكم ورحمة الله وبركاته
اولا تكفون يامشرفين لاتحذفون الموضوع خلوه بس يومين بالله
انا قدر الله علي وصار لي حادث بهايلكس 2006 وتعفط الباب وحديد البدي اللي ورا وتحت الباب والحوض من جهة اليسار والصدام والجنط انكسر
طبعا بعد الحادث وبعد ماكتب .نجم تقرير بالخطا على الطرف الثاني.صرت الى الان اسمع صوت طقطقة بعد الحادث
طبعا الحادث.صار امس ومكتب التقديرات مايفتح الا السبت وفحصت
الطقطقة اليوم وطلعت العكوس الخلفية ورمانها تحتاج تغيير بسبب
الصدمة لانه تعرضت للضغط من التريلة ومن الجهة الاخرى الرصيف هذي السالفة وسؤالي او قصدي اسئلتي هي /
هل يحق لي طلب باب جديد او يقدرون قيمة السمكرة والصبغ
هل يقدرون العيوب الميكانيكية كالعكوس والرمان ولا لا
نصايحكم لي اذا رحت للتقدير وش يحق لي اطالبهم بتقدير اصلاحه او تغييره
وين احسن تقدير في مدينة الرياض مع العلم اني اعرف اللي بالعروبة
اخيرا آااسف عالازعاج والاطالة واتمنى انكم تردون علي واكرر رجاااىي للمشرفين بعدم حذف الموضوع###

[العابر2222]

يا غالي اخوي معاه هايلوكس وصدمه واحد يفحط على البابين اليمين والعارضه الي تحت الأبواب والموتر زحف وضرب الرصيف على الكفر الخلفي ... الدفرنس صار يصب زيت وتحرك شي بسيط من محله

الصدمه تعتبر خفيفه للعين المجرده ... وداها التقديرات حقت الورش ناظرو السياره قالو
السياره الجهه الي فيها الصدمه كانت سليمه من الرش والسمكره
ناظرو تحت السياره وتبين لهم ان الدفرنس متأثر من الصدمه

وعطوه ورقه لشيخ المعارض ... وراح لشيخ المعارض وطلع الفرق 7000 ريال

قيمة السياره قبل الصدمه - قيمة السياره بعد الصدمه = 7000 ريال

[هلي ديزل]

يعطيك العافية يابعدي

[هلي ديزل]

لااله الا الله

[صاحب الكشتات]

الحمدلله على السلامة والتعويض مافيه خير لكن المتبع عندنا تقدير 3 ورش بالحاصل من الحادث واذا احدى الورش كتبت تالفة او لم يقبل خصمك بذلك التقدير ترجع لشيخ المعارض مع 3 معارض للتقدير قيمة السيارة قبل الحادث وبعد الحادث فيتحمل المتسبب للحادث هذا الفرق على نسبة الحادث عليه اذا كان مائة بالمائة يدفع الفرق كامل

[هلي ديزل]

اللي صدمني مامن التعاونية

[هلي ديزل]

للرفع رفع الله قدركم