عندى سفر واستفسر عن العفش وتركيبه فوق التند على يوكن 2008 وأسئله أخرى

[منتج رسمي]

السلام عليكم ورحمة الله وبركاته

الإخوة الكرام بحول الله وقوته عندى سفر خلال الأسبوع القادم لعدة مناطق من مملكتنا الحبيبة حفظها الله وسيارتي والحمد لله يوكن 2008 ولدي عدة أسئله واتمنى من الأخوة تزويدى بخبراتهم وتجاربهم وجزاكم الله خير

أولا : لدى عفش فرش نوم + شنط ملابس واغراض عائلية + عدة طبخ + اغراض شخصية أخري وأخوكم من النوعية اللى مااحب اشوف الأغراض ملخبطة ومرمية داخل السيارة وخاصة العفش الكثير فما رأيكم بماذا تنصحوننى هل أركب العفش على التنده على اليوكن مباشرة أم أركب عربة سحب مع أننى لا أريدها وأفضل الأغراض تكون فوق التنده اجمل وارتب ولكن أحد الأخوة حذرني من انها ستتفكك التنده !!!! وسيصدر لها صوت رجه مستقبلا وهذه الصورة التى اريد
http://store3.up-00.com/June12/6MG41329.jpg

ثانيا بالنسبة للزيت للمكينة أستخدم حاليا زيت كاسترول 10 دبليو 30 وآخر تغيير قالي العامل الحين وقت حار لازم تغير من هالنوع الى كاسترول 20 دبليو 50 مع العلم أنى سمعت من بعض الأخوة الكرام هنا فى المنتدى وخارج المنتدى بعدم تغيير الزيت الى الثانى لأنه ثقيل فما رأيكم وهذه صورة علبة الزيت



ثالثا ما أفضل نوعية كفرات تصلح وتناسب سيارتي علما بأننى محتار بين ميشلان وبرجستون وهل هناك مواصفات خاصة اسأل عنها قبل شراء الكفرات ومن يدلنى ولكم الشكر واحب أن أستفسر عن اسعارها حاليا وماهو الأفضل من خلال تجربة وللعلم فترة الصيف لا اذهب اطلاقا للبر وكل ممشاي على الاسفلت فقط سفريات ومشاوير

رابعا أرغب بعمل تشييك كامل على السيارة ولكن حقيقة لا أعلم ماهى الأشياء التى يشيك عليها فمثلا أعلم أو تعلمت من مكشات شى اسمه تنظيف الثروتل ولم أكن اعلم ماهو الثرتل مثلا وحاليا أرغب فى عمل تششيك كامل للسيارة فمن يفيدني فى هذه الحاله هل مراكز الصيانة الموجود فيها كمبيوتر مثلا أم الوكالة


خامسا عندى مشكله بسيطة وهى الدعسة للبنزين اذا جاني مطب صناعى الحظ بأن دعسة السيارة بعد ما اطلع المطب وادوس بانزين احس فيه حنه بالدوسه ما تجي انسيابيه وثواني يحن الموتر وينطلق بعدها فما السبب !!


اطلت عليكم واعذرونى ولكم جزيل الشكر والتقدير

[hemo15]

اولاً - للعفش انا افضل سلة العفش هذي

http://www.mekshat.com/pix/upload06/images/2012/06/mk230512_img00154-20110904-1158.jpg


http://www.mekshat.com/pix/upload06/images/2012/06/mk230512_img00153-20110904-1158.jpg

ثانياً - زيت كاسترول يمشي 3000 فقط

مع اني افضل زيت الترا سفن الخفيف ويمشي 5000

http://assets.pakwheels.com/forums/2010/attachments/Preventive-Maintenance-Parts---Oils---Fluids/72599-Petromin-Oil-launch-on-Pakwheels-06052010626.jpg


ثالثاً - أفضل مشلان واهم شي تاريخه يكون جديد وخذ سرعه مفتوحه وانصحك بهوا النوترجين لانه يكون بارد على الكفر بعز الشموس بعكس الهوا العادي


http://www.mekshat.com/pix/upload04/images183/mk87525_securedownload12.jpg

رابعاً - التشيك موترك الحمدالله جديد مايحتاج شي كفرات+زيت+موية الايديتر+الاستبنه
فقط من وجهة نظري

خامساً - ما اعلم عنه شي
احتمال يكون تصفيه مكينه
يفيدونك باقي الاعضاء إن شاء الله


تقبل مروري ،،،

[رفيع المقآم]

يابعد قلبي موترك ماشاء الله تبارك الله جديد

اللي عليك تتاكد منه

الكفرات وزيت القير وزيت البريك وزيت المكينة

وماء الرديتر تاكد منه

بالنسبة للعفش افضل السله

ونصيحة لاتلعب بالثروتل واللهات

موترك جديد ع هالسوالف

وتمنياتي لك برحلة سعيدة وامنه

[أبو راشد 33]

بالنسبة للسلة الخلفية حسب ماسمعت أنها خطرة في حال انفجار الإطار لاقدر الله
لأنها تخل بتوزان السيارة و الله أعلم لذلك إذاعندك مكان داخل فهو الأفضل بدون نقاش و إلا فاربط عفشك فوق السيارة
والله ييسر أمركم ويردكم سالميين

[..الشقردي..]

مساء الخير..
اخوي الوالد معه نفس موترك xl وركبنا السله الخلفيه والله ممتازه جدا جدا ماتشيل هم الاغراض,من ميزاتها تشيل اعراض اكثر من التنده مافيه ازعاج بعكس التنده يصير فيه ازعاج وتصير السياراه ثقيله نوعا ما,عيوبها انك اذا ركبتها الحساسات ماتشتغل الا اذا شلت السله,والعيب الثاني لولا قدر الله وانفقع الكفر ماتقدر تنزل الاستبنه الا لما تزل السله.
والبنسبه للكفرات توني مغير الكفرات من اسبوعين,ميشلان صناعته كندي,والحمدلله ممتازه لينه ولا فيها صوت.
والزيت انا اغير كاسترول 10_30 كل خمس الاف.
وتروح وترجع بالسلامه.

[ملك الفكتوريا]

أولا الله يحفظك وصيفية سعيده


الشئ الثاني


انا أنصحك وكل شخص بينصحك باللي جربه وانت تختار


بالنسبة للسلة فيه مثل ما تثول شراع وتقدر تقفله وتحطه فوق التنده وانا اشوفه الافضل



الامر الثاني الزيت خلك على 10w30 الموصى به من المصنع بس المهم السيفون اصلي


الامر الثالث بالنسبة للكفرات هذي فيها اوراح اهلك واولادك لا تهاون ولو انه غالي والغالي سعره فيه


بالنسبة للتشييكات على حسب ممشى السيارة


لكن زيت المكينه والقير والدفرنس تشييك

الثروتل يتنظف اذا تحس به تفتفه

فلتر البنزين والهواء



وبالنسبة للمشكلة الخامسه تحس ان السيارة تمسك وفجأة تفك شيك على القير كمبيوتر يمكن حساس


شيك على القير لا ينقلب السفر نكد كلها فحص 100 ريال وتغيير حساس

[يزيد 999]

اخوي ماانصحك تركب سله خلفيه لانه بتدمر المساعدات الخلفية ومساعداتك هيدروليك الواحد بالف او تسع ميه
وتزع المسافرين لانه تبي تنزل الموتر من ورا والنور يصير بعين اللي قدامك ابد ربط عفشك فوق التنده وعلى ضمانتي ماياثر انا كان معي يوكن 2005 وقبل العفش فوق والتندة مابه الا العافيه اما الكفرات غير دنلوب لاتدور؟؟

[منتج رسمي]

شكرا للجميع من الأعماق وبارك الله فيكم حقيقة كثير من الردود استفدت منها

انتظر ردود البقية لنستفيد

[ام صتمه 87]

أخوي بالنسبة للتحميل فوق التندة إذا صار الهواء قوي يأثر على الممشى يصير ثقيل ويصرف بنزين

وبالنسبة للحنة عفب المطب طبيعية :)

[رحال7]

10W30 غير موصى به لسيارات جي ام وشفر من موديل 2007 وما فوق


نصيحه لا تغير الا زيت 5w30

[tahoe_120881]

راح انصحك بالي اعرفه من خبرتي بتجربة سيارتك لسنوات طويله وسفريات متعدده

السله العلويه جيده للاغراض لكن اذا الاغراض ثقيله واترزعها رزع فوق رايح اتخرب التنده تنطعج فاصحك انا اذا اغراضك فرش نوم وجناط سفر وعزبه اشتر لك كيس كبير تفصال نوعيه ممتازه وكبر السله الي فوق بالضبط وحط كل اغراضك واربطها عدل وانتبه لتنتده لاتقط الاغراض الكبيره قط

اما السله الخلفيه استعملتها بعد وبشكل دايم مع العلويه اثنينهم احط فيها الاشياء الي استعملها بالطريق او احتاجها باي وقت واشتر الي تركب بالشاصي وفصلها لها كيس بعد ارتفاع 80 سم واذا االاغراض خفيفه الي ورى ماراح اتاثر بوزنية السياره سواء بانفجار اطار او لفات

اما بالنسبه لزيت سيارتك فهذا ممتاز وهو اساسي باليوكن الجديد انا غيرت للاثقل وطلعلي صوت بالمكينه صوت بالروكرات او العصافير انصحك تستمر عليه كاسترول يمشيك 5000 بالراحه وهو جيد

اما اذا تبي اتشيك علي اساسيات المحرك راح انصحك
اذا السير قديم افحصه اذا تعبان غيره واذاا لسياره صافيه مافيها تقطيع ولا شي اتركها تراها جديده وقطع التصيه تدوم كثير فوق ال 150 الف كيلو متر عن تجربه

ونصيحه لا اتحط اي شي بداخلية السياره اريحلكم وافضى لكم

وبنسبه للكفرات ركب نفس حجم الوكاله وفيه انواع كثيره الافضل مشلان الاصلي والبرجستون الياباني ويجي بعدهم القوديير امريكي ... الخ

وبالتوفيق لك والله يسهلكم سفركم

[ابوالفهد]

اراء الناس غايه لا تدرك شوف الي يريحك وقلل العفش بقدر ما تستطيع واذا وضعته فوق السله احسن وفيه سله توضع فوق بدل شد البلد وحاول تحط لها شنطه وشبكه حتي لا يتطاير قشك واهم شيء هو قراءة الورد والأتكال عل الله في الحل والسفر ودعاء الفر ولا تنسي ونفسي واياكم اننا نحمل ارواحنا وارواح فلذات اكبادنا علي راحة ايدينا فعليك بالرفق وحط المسافه مجزأه ونام وريح رأسك واملأ عينك بالنوم لترتاح في السفر الله يا قانا واياكم من كل سوء ومن الحوادث ومن العطال ومن كل مرض

[الربذي]

انا اشوفها خطيرة تقلب السيارة الي هي العفش الي بالسلة الخلفية وخصوصا اذا بنشرت لاسمح الله مرة كنت مسافر ويتجاوزني واحد معه يوكن السله الخلفية تارسها يمشي حول 140 وشوي الا الحاث قدامي يوم وصلته الا صاحب اليوكن منقلب ومنظره فظيع وصاحب اليوكن طايح بازفلت بس الحمد لله يغسل وجه بنفسه وعليه احرام والدماء تغطي وججهو الاطفال يبكون في منظر مؤلم وسلته الخلفية طايرة قدام السيارةكيف ماادري وسبب الحادث بنشر خلفي

يارجل وزنها لحالها فاضية حول 40 كم اذا اغراض خفيفة جدا يستحسن ذلك

اسال الله ان يحفظك بحلك وترحالك لاتنسى دعاء الركوووووووووووب ودعاء السفر

[جرة قلم]

شووف يا حبيبي
أنا مركب السلة العلوية
غير متوفرة بالسوق
شريتها من amazon
جدًا عملية، وتتحمل الوزن الكبير،
رغم أنها خفيفة، يستطيع حملها الصغير،
وهي تركب على أي سيارة،
وهذا رابط السلة:


هـــنــــــــــــــــــــــــا (http://www.amazon.com/Yakima-LoadWarrior-Rooftop-Cargo-Basket/dp/B0009XAMTM/ref=sr_1_1?ie=UTF8&qid=1339273270&sr=8-1&keywords=Yakima+LoadWarrior)


وهذا فيديو للسلة:


هــنــــــــــــــــــــــــــــــــــــــا (http://www.youtube.com/watch?v=u52t6DffrzI&feature=related)





-------------------------------------------

وإن كنت مستعجل،
روح ســـاكــــــــــــو
أنا شفت عندهم أمس: سلة علوية على شكل شنطة قماش ضد المطر...









.

[بدوي جنوبي]

راجع كتلوج السياره وتأكد هل بالأمكان التحميل على السله العلويه
لان اغلب السلال وخاصة السيارات الجدد مجرد زينه .

[منتج رسمي]

شووف يا حبيبي
أنا مركب السلة العلوية
غير متوفرة بالسوق
شريتها من amazon
جدًا عملية، وتتحمل الوزن الكبير،
رغم أنها خفيفة، يستطيع حملها الصغير،
وهي تركب على أي سيارة،
وهذا رابط السلة:


هـــنــــــــــــــــــــــــا (http://www.amazon.com/Yakima-LoadWarrior-Rooftop-Cargo-Basket/dp/B0009XAMTM/ref=sr_1_1?ie=UTF8&qid=1339273270&sr=8-1&keywords=Yakima+LoadWarrior)


وهذا فيديو للسلة:


هــنــــــــــــــــــــــــــــــــــــــا (http://www.youtube.com/watch?v=u52t6DffrzI&feature=related)





-------------------------------------------

وإن كنت مستعجل،
روح ســـاكــــــــــــو
أنا شفت عندهم أمس: سلة علوية على شكل شنطة قماش ضد المطر...









.


كم سعرها الاجمالي بارك الله فيك وكم تحتاج من الوقت حتى تصل اليك

[مشلخ الذيب]

عندنا يوكن 2005 معنا من 6 سنين ماقد سافرنا الا والعفش فوق التندة والحمدلله ماخالف وافضل من السله لأن السلة يكون الثقل على الجهة الخلفية فقط والتندة بيكون الحمل موزع على السيارة بأكملها والهواء مايضر بإذن الله > اهم شي لاتحط دور ثاني فوق السيارة ههههه

[أبوبسام 0104]

كنت مره مسافرأنا والعائله من القصيم لمكه ومعي يوكن 2010 ومخلي العفش فوق التنده داخل شراع مفصل لليوكن ويسكربسحاب يعني انسى انه يطيح شي من اغراضك المهم يوم وصلت للتفتيش على السريع قبل الطائف قال العسكري شبك الوكاله اللي رابط عفشك عليه مايتحمل انتبه ترى كثيرواجهنا حوادث والسبب القوائم اللي على التنده ممكن تنفك وينتثر عفشك بالطريق وتسبب حوادث للي خلفك ورحت لمكه وجيت ونا على اعصابي

[جرة قلم]

كم سعرها الاجمالي بارك الله فيك وكم تحتاج من الوقت حتى تصل اليك

و عليكم السلام
هذه طلبتها من قبل سنتين،
جدًا روعة، وأنصح بها للتحميل على التندة،
وأحذرك من التحميل على التندة مباشرة، على البدي،
والله تخفس فيك، ولا تقدر تعدلها، وراح تتجمع عليها المطر مع الشمس:
وتعدم البوية، فإياك إياك..
--------------------------
السلة:
كلفتني على حسب ما أذكر قريب من 1000 ريال،
صحيح غالية، لكن وأنا أخوك جربت الكثير من السلال من محلات
الغرابي بالرياض: وكلها خشب مقوى، أو ألمنيوم خفيف،
ومع أي عج: تطير أو تتكسر مع الوقت،
وقد صادفني عج قوي على طريق الدمام الرياض،
من قوته: السيارات واقفه على الطريق، لا تستطيع مشاهدة السيارة
اللي أمامك من الغبار الكثيف، وكان اللي أمامي من شدة العج:
انخلعت السلة، وفكه الله من سقوطها، ولا أدري وش صار له
لأنه وقف يصلحها، وتذكر:
أنت شاري سيارة أكثر من 100 ألف، ما أنت عاجز عن دفع قيمة السلة،
لكن كما قلت لك: روح ساكو، وشوف اللي عندهم...........