التظليل فى كول تنصحون به ؟

[بن عويشير]

السلام عليكم ورحمه الله

شباب ررحت لمحل فى كول بظلل السياره

صدمني العامل السوداني بالسعر التظليل بـ 2500 ريال + 2200 ريال للعازل للوجهيه = 4700

والله مبلغ مبالغ فيه هل يسوى اسويها عندهم ام تنصحوني بمحل اخر وشكرا

شكلي بركب الامريكيه بالشارع الملكي ام 220 ريال هههههههه

[أبوطاوي]

يالغالي اذا تبي النصيحه....يازين تظليل ابويمن...
لوتركب ابو 2000 بيجيك المروور وبيفك ابووها...وانت الخسسران

[خيال الغلبا]

انا سويتها عند في كول وطلعت كلام فاضي ونصب في نصب

[shelboo21231]

أنا شريت تظليلة محترمة طلبية من llumar مع التركيب عند مختص ب 800 ريال شاملة لسيارة إنفوي

لاقيينًَا هالوكالات !! 5000 الله لا يربحهم

[تميم2222]

هههههههههههههههههه 2500 تبي الصراحه انا ماا اقتنعت بالعازل هذا .. لسببين ..الاول اني اذا جا الشتاء افك التظليله والاخر ان اخوي ركبها وجربتها بالسياره ..والله عاااديه والموتر يفوح حراره من داخل . بس الناس نفسيات بعضهم 60 ريال ياحبيبي كوريه يحبها قلبك وريح راسك ...عموما اذا نويت تركب افضل محل يقولن انه 3m وبتوفيق ^^

[ناصح]

هنا السؤال المهم هل هي تستحق..؟؟؟

أم أنها خداع واستغلال..!!

نتمنى كل من ركب تظليله من النوع الغالي أن يفيدنا عن تجربته

[رفيع المقآم]

والله ياعيال الوالد مركبها ع اليوكون

نوع جي شولد

الموتر كامل بـ1500 وهديه للانوار الاماميه

الوكاد يقول الوالد ان المكيف يبرد بسرعه

هذا اكثر فرق لاحظة

[خبايا انسان]

يازين تضليله الغرابي ب 80 ريال كوري وممتازه ,, هذاني مضلل موتري وله فوق ال6 شهور يارب لك الحمد ,,

[سهم الجزيرة]

وعليكم السلام و رحمة الله و بركاته

والله ياخوي يمكن لاركبتها ما تجي بالجودة الي تبيها انت
خص لاصارت الشمس عاموديه عز الله مابتنفع التظليله ابو 2000

توي مظلل عازل كوري بـ 25 للغماره و احط شمسيه على القزاز وأرقد :)

و الله يعينك

[ملك الفكتوريا]

عندنا جمس وظللناه عام 2007 في كول وكان لنا خصم خاص ضللنا بـ 1300


بصراحة ممتازه كنت اركب والحرارة مقبولة والمكيف يبرد على طول


والجين بعد 5 سنوات ماهي مثل اول

[vtc 2007]

ت
تيبى الصراحة انا مانى مقتنع بالسعر مبالغ فية جذا
كل صيف اركب تظليلة جديدة من الغرابى افضل
بس اهم شى تكون مسموح فيها
صارلى موقف مع احد الزملاء مظل السيارة عن كول بالسعر الفلانى
وكنا فى شارع التحلية واذا رجل المرور يقول وقف على جنب وراحله الرجال وقال فك التظليلة قال صاحبنا التظليلة مكلفتنى السعر الفلانى قال ماعلى منك قال طيب عطنى قسيمة مخالفة قال طيب والله يعطى خوينا مخالفة تظليل
قال خوينا مخالفة ولا افك التظلية الى مسويها باكثر من 2000 ريال
وان اضحك عليه واقول الله يخلى الغرابى 100 ريال تظليل وعوازل وانا دارى ان كلها غش +فى غش

[Mohammed5d]

تبي العلم
اشتر لك من النت تظليل لومار
يطلع عليك بأقل من ٥٠٠ريال مع شحنه
وركبه ب٢٠٠او اقل انت وشاركت وخل عنك الاستغلال
وآت تبي ارسلت لك المعلومات عالخاص

[بن عويشير]

انا مقتنع بالكلام اللى تقولونه هذا اللى صاير الله يرحم الحال

[الرحال الدولي]

في كول اسوء تظليلة

[أبوغيث 2003]

:eek::eek::eek::eek::eek::eek::eek::eek::eek::eek: :eek::eek::eek::eek::eek::eek:


مظلل موتري كامل بـ 40 ريال


وين عايشين تظللون بـ 2000

[تميم2222]

افضل محل تضليل 3 ام كسمعه وجوده ...هي ما فيه 2 يا ام 2500 او 60 رايل .. واللي بينهم ماعتقد انها اصلي ... صحيح تجي عروض وكذا لكن انا من رايي في امور التظليل خاصه يا غالي وتضمن انه اصلي او 60 ريال وانت مرتاح ومتاكد انها تجاريه وجهه نظر

[بنزرت]

انا ما استغرب من ها الاسعار لان رزق الهبل على المجانين
انا استغرب من اللي يشتري سياره جديده ثم يروح يلصق عليها تضليله
طيب ليه ماتشتري سياره مضلل قزازها من المصنع

[قناص 28 عفيف]

ركب كوري ب 60 ريال ولا امريكي والله انه كويس والفي كول واللومار وجي شيولد ماجربتهم صراحه
اذا جيت تركب قلهم ابي عازل مو تظليله لان بعضها يجي تظليله بدون عزل

[.أبوعبدالرحمن]

يا رجال رح للغرابي واطلب تظليل كوري أو أمريكي وتأكد بنفسك أنه كوري أو أمريكي

طبعا تجي بنظام المتر رول كبير يقص لك على حسب حاجتك وأشرط عليه الشغل بأنه يكون

مضبوط بدون فقاعات و يكون موزون من عند أطراف القزاز

وإذا صامل على تظاليل الشركات سعر وشف الرخيص وركبه لأنهم يعطونك ضمان مدته طويله

[tevo]

ان كانك تبي تدفع وتبي الزين عندك زيبارت ولا تتعداه عن تجربه ممتااااااااااااز.
وجربت تضليل من برا من امريكا طالبه وجربت 7 درايف كلها جيده ولو بركب ركبت الامريكي لانه ارخص.
اما ان كانك تبي الافضل زيبااااااااااااارت

[شاووش]

يازين التضليل الكوري بس ..
والله حرام تحط 2000 ريال في تضليل
واذا انك صامل على ابو 2000 اطلبه من برا اطلق نوع مايكلفك 700 ريال
وانا مركب كوري في موتر الوالد له شهرين وعلى احسن مايكون ~

[الشامخ 66]

والله حرام
تضلل بي 4700 والله ياهي على موتري وما فرقتها ترى راس مالها تضليله
رح ضلل عند الغرابي اطلق تضليله 80

[ksaboss]

نصييييييييييحه من مجرب
ركبت تظليلة 3M على موتري كامري ب 1500 ريال. بدون مبالغه اني الساعه 7 الصباح احس بحرارة الشمس على وجهي اذا كانت مباشره طبعا. ما فيها اي ميزه عن ابو 100 ريال

سيارتي الجديدة على طول رحت لهندي و ركبت عليها تظليله النافذة الوحده ب 10 ريال

اما حماية الوجه عليك ب 3M ممتازة و التجارية ما تنفع ابد

[koogak]

فيه نسبه في العزل يا شباب من 15% الى 70% تقريبا

[بيك اب 4X4]

يا رجال الحين يجيك واحد يقول انا مركب تظليل و العامل عطاني فلوس ههههههههه :D

المهم خذ التجربه :

اول شي في كول هم الشركة اللي ماخذين برأة اختراع على التظليل الشفاف العازل للحرارة
و الاشعه فوق البنفسجية
يمكن من تالي صار في شركات تصنع بنفس التقنيه او احسن الله اعلم بس احنا هنا نتكلم عن
في كول
ركبت في كول لموتري سيدان قبل 10 سنوات
شفاف القزاز الامامي و الخلفي و الجوانب ملون
طبعاً لاحظت فرق كبير في حرارة الموتر الداخليه في عز الظهر ( المنطقة الشرقيه )
و كان ريموت القراج و ارسال الجوال و الجي بي اس ارسالهم ضعف شوي داخل الموتر

بس المؤسف ان التظليل الشفاف كان مغبش ( يمكن الفني اللي ركبه ما ضبطه )
و غيرته على حسابهم الامامي و الخلفي و مع الوقت احس انه يغبش بنسبه بسيطه
بس الزبده كان مزعج :mad:

جودة عزل التظليل كانت تخف مع الوقت الطويل

لون التظليل الملون ما تغير ابد

بس بعد مرور مدة الضمان 5 سنوات بداء يتفكك

طبعاً في بعضه تفكك بعد 4 سنوات و غيرته على الضمان

و اذكر مره تعرفط طرف التظليل و رحت فرعهم في الخبر و طلع معي واحد فلسطيني اظن
و قال ما يشمل الضمان لانه من زقارة و انا ما ادخن ولا اواطن ريحته المهم تركته و رحت فرع
الدمام و حصلت شباب سعوديين و على طول غير التظليل

نصيحتي لك لا تخسر نفسك و تركب في كول

1- يا تركب من الرخيص و تتحمل الحرارة و على الاقل لو اضطريت تفكه بسبب الدورية ما تتحسف

2- يا تركب من الغالي بس بالنسبه لي ما انصح في كول
شوف الشباب اللي مجربين شركات ثانيه

[Vortech]

الكلام الاكيد وعن تجربه...

العازل اذا ركبت موتري الظهر صحيح يكون حار لكن يشهد الله انه القزاز اللي على الجوانب ابرد من القزازه اللي قدام حيث انه من قدام ما عليه عازل...

يعني فيه هناك عزل...

واذا شغلت المكيف ... يبرد صدر الموتر على طول... ولا عاد يحتر حتى مع ارتكاز الشمس....

الزبده طال عمرك... فيه فرق بين العازل والمخفي صحيح.. لكن هل تستاهل فرق بين 100 الى 2000

ما أظن...

لكن الحمايه اللي على الوجهيه .... تستاهل حتى لو باربعة الاف ريال بروحها ركبتها....

مووووووووفق

[البلقاء]

تبي العلم
اشتر لك من النت تظليل لومار
يطلع عليك بأقل من ٥٠٠ريال مع شحنه
وركبه ب٢٠٠او اقل انت وشاركت وخل عنك الاستغلال
وآت تبي ارسلت لك المعلومات عالخاص

:good:
لو تكرمت إرسل لي المعلومات

[الهواوي_1]

وجهة نظري ان الفايدة الاكثر من التضليل الحراري الغالي حفظ الديكور الداخي من الاشعه فوق البنفسجية والافضلية للشفاف...الحرارة ماتوقع تفرق عن النوعيات اللي بالغرابي

[مسير عليكم]

في كول ماعرفها عندك لومار حلوه بالقص 3ام حلوه وبعدين لاحد يهمك بكلمه ابو 60 انا مركبا مريكيه من الغرابي ب120 علي جيب الحين التضليله لمن تدقق مبهته مموجه وصراحه انا ناوي
يادرايف سفن او لومار او 3ام
واخيرا اي شركه تروح لها احرص افلام امريكيه وشوف قصهم يعني خذ لفه ع مواترهم اذا قصهم زين دخل موترك
وبالنسبه للي كل واحد جايني بسعر ترا انا كنت اضلل موتري بللاش وطلع بفايده اشتري لفه كوريه 80 ريال وبيعها بالمتر علي ربعي ويبقي لي الي يكفي موتري وبالمكسب اضلله

[يزيد 999]

أنا أخوي يوم طلع موتره من الوكالة عطوه تضليل لومار مجانا وللأمانة التضليلة ممتازة جدا ومثل ماذكروا الاخوان 3 دقايق والموتر بارد وأما بالنسبة للمرور فكذا مره يوقفونه لكن بمجرد مايوريهم فاتورة الشراء يمشونه