رحلتي إلى ربيع الأردن

[عيد ثاني]

أسعد الله أيامكم أيها الأحبه ...

أتمنى أن تقبلوني بينكم في هذا المنتدى الذي كنت أتابعه عن بعد , واليوم أصبحت أحد أعضائه ...

كما أتمنى أن تقبلوا أولى مشاركاتي معكم وهي عباره عن رحلتي في ربيع هذا العام ...

محبكم / عيد ثاني

[عيد ثاني]

طاقم الرحله :

أبو عسوج .. عاشق للبر إمتلك العديد من الصقور الثمينه وآخرها برزان .. يقول بأن المغامره في المقناص شيء جميل ...

ابو خالد .. شاعر عذب نتسامر عنده ليليآ في بيت الشعر ، لايمكن أن يتخيل نفسه بدون شيشة المعسل ولايمكن لنا نحن أن نتخيله بدونها ...

أبو عامر .. مجازف إلى حد كبير خاصة إذا كان الأمر يتعلق بالرحلات ، لوجوده في الرحله طعم خاص ...

عيد ثاني .. عرفوني مثلما تريدون ...


حياكم الله أيها الأحبه في هذه الرحله التي أتمنى أن تحوز على رضاكم ..

إلى الرحله ...


هاه ياشباب وش رايكم إننا نشوف هالربيع بالأردن ، يقولون منا زين قاعهم ولهي خالية من الأرانب ...

- أبو خالد .. قدام للعن ابو الفقر والمعاش الردي ، وتساننا حصلنا ربيع ما أدري لو أشحن الحلال يمه ...

- عيد ثاني .. تسانكم تبوننا نشيل عزبتنا وفرشنا معنا من نمشي عزالله إني خوين لكم ..

- ابو وليد .. الربيع والله يامنك جيت الجبيهه هي اللي به يربع القلب ، وإلا الأرانب هن هذولي بهذا ، عزالله تسانكم تخلوني أطيب خاطري

يم هال ... أبروح معكم

-ابو عسوج وأبو خالد .. حياك الله وكلن ذنبه على جمبه ...

- عيد ثاني .. إنت خاونا وما يصير إلا الخير <<< ناوي لك على نيه هههه

- أبو عسوج .. والله ودنا بالشباب اللي مايحتاجون إجازه خارجيه مثل أحمد وفواز ، لكن ياصارت على سيارتين ماتصير زينه وحنا رحلتنا رياده وإن شاء إنهم يخاوونا بالرحلات الجايه ...

- أبو خالد .. الله كريم .. عز الله إن الرحلات يبن يكثرن منا وبعد ...

- عيد ثاني .. عز الله إني أبي لي واحدن لازم يخاوينا .. اللي هو أبو عامر

- أبو عسوج .. ماجلي ما ابو عامر مداوم بالشركه

- عيد ثاني .. ألا والله مداوم لكن يبي يجي بعد يومين ...

- ابو خالد .. عزالله لازم يخاوينا تسان حوله جيه ...

- ابو وليد .. عز الله اللي خاويتكم تسان ابو عامر خاواكم .. بلا مقاول بلا سلفيه بلا بطيخ ...

ابو عامر جاء ويقول قدام ، وحتى لو تنتهي إجازته ناوي يسحب عليهم ...

- أبو عسوج .. تسانكم جاهزين خلونا نمشي عقب باتسر <<< دايم مستعجل ماعنده وقت ...

- ابو خالد .. عقب باتسر اللي هو يوم الإثنين ، عز الله إنه مناسب ، أبد ضبطوا أمورك يامار أنا شاري لي وايت للحلال ...

- أبو عسوج .. عيد تولم باتسر أبمرك نودي طيري (( برزان )) للمربط ونغير كفرات الموتر ...

- عيد ثاني .. انا جاهز بس ليش ماناخذ برزان معنا غديه يصيد لنا كم حبارى او كم ارنب ...

- ابو عسوج .. والله ميتن على خوته ، لكن المشكله إن أمورنا عجلاويه ولاطلعت له تصريح ليا هلحين ، لكن الصيدلاتشيلون همه ، نجر سلاح من هالبدوان اللي بالأردن ...



مقتطفات من الرحله :

- ابو عسوج .. يارجال ننام لو على لنا سملول ...يامبوبجك الفقر اللي يبوبجك ...

- ابو خالد .. يارجال المفروض إنك تقول هالكلام الزين من أول ، مهو من أول مانزلت وإنت صدمتوني صدمتوني ...

- ابو عامر .. والله يامني معدت السبحه دابك دابك حتى لو عندهم عزا ...

- عيد ثاني .. بكم هالدهن وهالسمن وهالزيتون ...

- الأردني .. الأرنب الأرنب يازلمه ...



رساله : خسرت العديد من القضايا ، ولازلت أخسر ، وسأخسر أكثر وأكثر ، إلا أني ربحت مايوازي تلك الخسائر قاطبه ، ستعرفون ما الذي ربحته عندما تخسرون الكثير وتربحون المبدأ

[عيد ثاني]

يا الله ياالله ياعيد تقهو بسرعه نبي نودي (( برزان )) قبل الغياب , ونبي نغير الكفرات , ونبي نغسل الموتر ...

- عيد ثاني .. أنا جاهز وثر معنا وقت ..

- أبو عسوج .. لا لا مامن وقت ... خلنا نخلص شغلنا , أنا التمجغل مادانيه ..

- عيد ثاني .. ولايهمك ... بس إنت تبي تربط طيرك عند خويك اللي العام أو تبي تغير مكانه ؟

- أبو عسوج .. لاوالله أبغير هالسنه , مع ان اللي العام حليل , لكن منصور يمدح له راعي مربطن زين ...

- عيد ثاني .. عساه قريب من مكان خويك الأول ؟

أبو عسوج .. أي والله مامن بعد ... هذا المربط وهذي الطيور الزينه , ماشاء الله ماشاء الله وش هالطيور الطيبه ...

- صاحب المربط .. ياهلا ببو عسوج ... إعتبر الطير طيري يابو عسوج , وحنا والله إننا نحرص على السمعه ...

- ابو عسوج .. الله لايهينك ... وسمعتكم زينه ..

- صاحب المربط .. وش وقع ريش الطير

- ابو عسوج .. إن شاء الله إنه زين ... يا الله نستأذن يا الربع ...

- صاحب المربط .. تعشوا عندنا يالربع والله من عشانا

- أبو عسوج .. الله يقويك ويغنيك ... والله إننا مستعجلين ...

- عيد ثاني .. هاه وين نروح هلحين ...

- أبو عسوج .. هلحين نروح للسوق ... أبفصل لك ثوب .. فيه قماشن أعجبن وأكاليوم مريت على المغسله أباخذ من ثيابك وأبفصل عليه , لكن ماضبطت معي الامور ...

- عيد ثاني .. لاوالله ماتفصل لي ... لأني أكاليوم طقت برأسي وفصلت لي ثوبين ب250 , وهلحين جاهزات , وبروحتنا للسوق نطلعهن معنا

- ابو عسوج .. أنا قلت مفصلن لك مفصلن لك ... ياخوي إنت ماتقبل الهديه ؟

- عيد ثاني .. ألا والله مقبوله ... وهذا خياطي هاه ياصديق ثيابي خلصن ...

- الهندي .. بكرى صباح خلاص <<< بلعون ماعمركم خلصتوا على الموعد ...

- ابو عسوج ..قلت لك مفصلن لك يعني مفصلن لك لو إنت مفصلن عشره وتر كله ثوب ...

- عيد ثاني .. مشكور يابو عسوج , وما دمت مصصم على الثوب خله نفس القماش اللي عليك ...

دخلنا الطير بالمربط وفصلنا وغسلنا موترنا ... وهلحين أبتصل على أبوي ...

- عيد ثاني ... هلا يبه وش لونك ... والله إني ودي أقنص للأردن ...

- أبوي .. للأردن من معك ...

- عيد ثاني .. والله أنا وأبو عسوج وأبو خالد وابو عامر ...ولا حنا مطولين نبي لنا كم يوم ..

- أبوي .. وش عليك تسانه مايضرك بعملك ...

- عيد ثاني .. لله يبه إن شاء الله مايضر...

_ أبوي .. الله يسهل عليكم ...

- عيد ثاني .. هلا أبو مشعل وش علومك مع هالدوره ؟

- أبو مشعل .. علومي زينه وأجرت لي شقه مع لي شباب زينين...

- عيد ثاني .. أبو مشعل أنا ماشي أنا وأبو عسوج وأبو خالد وأبو عامر يم هالربيع بالأردن ... تسان توصي على شين

- ابو مشعل .. لله ابد ما ابي ألا سلامتكم ولا سويتوا أحسن منه , بالذات بهالوقت هذا ...

في الصباح الباكر .. هاه مشينا مشينا ...




رساله : ******************
نرجو عدم تضمين الموضوع بالتوجهات السياسيه

[عيد ثاني]

نكمل الرحله ...

والبدايه مع بعض الصور ...


http://www5.0zz0.com/2012/06/15/01/757015418.jpg (http://www.0zz0.com)
هذا برزان الله ينصره ...


http://www5.0zz0.com/2012/06/15/01/831467743.jpg (http://www.0zz0.com)
صوره لبعض الطيور داخل المربط ...


http://www5.0zz0.com/2012/06/15/01/705603995.jpg (http://www.0zz0.com)
صوره أخرى للمربط ...

[عيد ثاني]

في الصباح يالله مشينا مشينا ..

- أبو عسوج .. عيد أنا أبوقف سيارة الشركه وإنت إلحقن على الجيب ...

- عيد ثاني .. روح وإعتبرن عندك <<< كالعاده نقعته خوش تنقيعه خخخخ

- أبو عسوج .. أسمناه إنت وين ذلفت ... كل هذا ممشى ...

- عيد ثاني .. أبد أبد أنا عند اللفه ... ماتسكر الجوال ألا أنا عندك .

- أبو عسوج .. إخلص هلحين بعد أبو خالد يبي له ساعه , وأبو عامر يبي له ساعه , يامار ناهجن الوقت ...

عيد ثاني .. لا ماعليك هذي ماتفوت علي , هلحين إتصل على أبو خالد وأقول له أنا وأبو عسوج وأبو عامر ننتظرك من لنا ساعه , وإتصل على أبو عامر وأقول له أنا وأبو عسوج وأبو خالد ننتظرك من لنا ساعه ...

- أبو عسوج .. يالله إتصل عليهم , بس ماظنتي إنهم يصدقونك , يعرفون حركاتك ...

- عيد ثاني .. ماعليك ماعليك ... ترهم لياهلحين يصدقوني ببعض الأمور ... ألو ألو أبو خالد .. حنا قدام بابك لنا ساعه ولا طلع لنا أحد ... لو ندري إنك تأخر تسان ما أعجلنا أبو عامر وخذيناه من بيت أهله ...

- أبو خالد ... والله أدري إنك تسذوب ولا معك لا أبو عامر ولا أبو عسوج وأنا هلحين أعمر (( أشيش أدخن اللي ودكم ))

- عيد ثاني .. لاوالله ماني تسذوب .. إنت إطلع وإن ماشفتن قدام بيتك إرجع وكمل تعميرك ...

- أبو خالد .. ترن أبكب الشيشه لكن ياويلك ياسواد ليلك إن تأخرت ...

- عيد ثاني .. لله أبد أنا عندك ... ألو أبو عامر حنا قدام بيتك ...

- أبو عامر .. مروا على أبو خالد يامار أنا جاهز .. أنا هلحين بالحلاق حلقت صابر وباقي صابر خخخخ

- عيد ثاني .. ياخوي الحلاقين كل البارح وهم فاتحين , وبعدين أبو خالد هو هذا معنا ..

<<< صاروخ أرضي خخخخ

- أبو عامر .. والله ماظنتي إنك صدقت , وبعدين وش لون تبيني أروح صابر محلقه وصابرن لاء خخخخ

أبو خالد طلع وخذا له ساعه ينتظرنا , وأبو عامر مثله , والسبب كله من أبو عسوج لأنه نسي الماء هههههههه , يوم مرينا أبو خالد يامار يقول انا والله الخبل اللي لياهلحين وأنا أصدقك ياعيد , تسيف فلستن من هالراس الجديد خخخخ , أما أبو عامر على كثر تأخيرنا جيناه وهو ماخلص لياهلحين يرتب عفشه , ساعته شهر الله يهديه هههه ...


تفقدوا جوازاتكم , تفقدوا أغراضكم ياعيالي الله يصلحكم , مشينا مشينا توكلنا على الله ... ألا أبو وليد وش قومه إعتذر ؟؟؟

- عيد ثاني .. أبو وليد أنا كلمته البارح ... ويقول راع السلفيه اللي يبي يبيعه علي مواعدن بعد يومين , ولا أدري والله

عن وعايده , ذليت إني أخركم على الفاضي , ولا أحصل من وعايده شين ... عسى الله يعينه ...

حنا هلحين عند منفذ الحديثه , لاتشغلوني أشوفكم بعد المنفذ ماني فاضين لكم خخخخخ ...


رساله : الأيام .. مهما مانت علينا , إلا أنها لاتمون بأن تسرق الإبتسامة منا ...

[عيد ثاني]

قبل لاندخل المنفذ ، قلت لأبو عسوج أشوفك تغفي ومتعولطن بهالدركسون , تسانك عايفن عمرك تر اعمارنا غالية علينا , حول حول خلن أسوق عنك , وافق أخيرآ بعد إلحاحي عليه , الوكاد إنه مايمديه غمض عيونه وهو يقعد ويوم قعد يامار قدامنا قلص بأيمن الطريق , قال عوذه عز الله هذولي قلوص الأردنيين وويتهم , قال أبو خالد أوخذ×ياماخوذ تراك ماغفيت ألا لك ربع ساعه والأردن باقي عليه 160 كيلوا خخخخخخخ ...

إجتزنا المنفذ السعودي بكل سهوله ويسر ولله الحمد , ويوم جينا المنفذ الأردني وقفونا للتفتيش ..

- العسكري الأردني .. نزلوا الأغراض عل الارض ياشباب ...

- أبو عسوج .. أغديه مايحتاج تنزيل , مثل ماتشوف كل الأغراض اللي معنا أغراض بر ...

- العسكري .. البر يجي منه الشر ...

- ابو عسوج .. الشر جايكم << طبعآ مقصوره×

نزلنا الفرش والعزبه وكل الاغراض , وهو يجي العسكري ويراعي لهن على الطاير ويمشي , يعني تقدرون تقولون بس حق تعب ...

حنا هلحين والله ماحلفتونا لكن مابين عيوننا إلا مطاعم الأزرق وبالذات مطعم أبو زياد , أووووف يامطعم أبو زياد الله×ينصرك , ياسلام وش هالذبايح المعلقه وش هالاجواء , ماتشوف ألا دخاخين المطاعم بتسبد السماء , ورائحة المشاوي×تجذب الشبعان على بعد , عاد وش لون اللي ماذاق ألا الضعوي مثلكم خخخخخخ ...

- ابو عسوج وأبو خالد .. يالله يامعلم عطنا مشوي وعطنا مقلقل وعطنا حمص وعطنا متبل وعطنا شاي وعطنا وعطنا ...

- عيد ثاني .. والله اللي راحت فيها العزبه شكلي أبرجع من عند المنفذ <<< طبعآ بيني وبين نفسي خخخخخ×

جابوا لنا الأكل وحنا لك نفدع به تقل ماذقنا الرعفا , وبعضنا ماصيده جوع بس غامضاته هالفلوس اللي دفعناهن , ويبي×يحللهن هههههه×

- أبو عسوج .. والله أكلهم مهو حيل متغير طبخهم ...

- ابو خالد وأبو عامر .. بالعكس والله على كيف كيفك ...

- عيد ثاني .. ساكت ماقال شين وقع بالبسيس خخخخخخخخ×

- أبو عسوج .. عيد ... إنت تبي تنزل الرحله بالمنتدى ...

- عيد ثاني .. أيه أبنزله ...

- أبو عسوج .. أكتب أكتب ياعيد بالمنتدى إن مطعم أبو زياد فاشل ولا يستحق هالشهره ...×

- عيد ثاني .. أبشر أبشر يابو عسوج بس أنا والله عندي إنه زين ...

- أبو عسوج .. إنت إكتب ولا عليك ...

- عيد ثاني .. أبشر أبشر×

يوم خلصنا من الأكل وجاء حديهم يبي ياخذه قال أبو عسوج .. وش فيه طبخكم متغير×

- صاحب المطعم .. يا أخي إنتو يا السعوديين ماعندكم ثقه بأحد , ولا تخلونا نشتغل على كيفنا×

- ابو عسوج .. وإنت وش إنت ... إنت سوري ...

- صاحب المطعم .. لا آني عراقي ...

- أبو خالد .. عاد وش فيك معصب ...

- صاحب المطعم .. آني مو معصب هاي خلقتي وإدعوا إلي×

- ابو خالد .. الله يصلح حالك ومشكور على المشاوي×

يوم طلعنا من المطعم ألا مكتوب عليه مطعم القلعه , ونتعداه شوي إلا هذا مطعم ابو زياد , يوم شفنا مطعم أبو زياد بغينا×نتطابق عليه كلنا خخخخخخ , ماعليه إسمنا مارينه بالرجعه ...
يا الله يا الله خلونا نمشي نبي ننام بدري , على شان نقعد من الفجر وإنتمشى بالربيع ...

- عيد ثاني .. طيب تساننا حصلنا ربيعن زين تبوني أنزل صورنا بهالربيع بالمنتدى , أو بس أنزل صور الربيع ؟؟

- أبو عسوج.. ألا نزل صورنا , لاعيب ولاحرام ...

- ابو خالد .. والله مابه شي لو تنزلهن أقل حاجه يصيرن لنا مثل الذكرى ...

- ابو عامر .. كله صور ماظنتي به شي لو تنزلهن ...

- عيد ثاني .. والله أبنزلهن واللي عند الله عند الله , مع إني صور رحلتنا أنا وابو عامر وأبو مشعل مانزلتهن ...

رساله : عندما تحتاج إلى أن تبرر كل فعل تفعله إعلم بأنك تحت المجهر

[عيد ثاني]

بعض الصور لعشانا عند المنفذ ...


http://www14.0zz0.com/2012/06/26/23/268671747.jpg (http://www.0zz0.com)


http://www14.0zz0.com/2012/06/26/23/137311562.jpg (http://www.0zz0.com)


http://www14.0zz0.com/2012/06/26/23/175008236.jpg (http://www.0zz0.com)

عندما إجتزنا المنفذ مرت طائره هيلوكبتر من فوقنا ...


- ابو عسوج .. هذي الطياره دوريه <<< دوريه وبالسماء يابو عسوج ماتنرقع , الظاهر إنه يشوف السفتي خخخخ

- أبو خالد .. لا لا هذي هذي كشف للمنطقه <<< متأثر بالعسكريه الله يهديك يابو خالد خخخخ ...

- ابو عامر .. لا لا هذي نقل عفش <<< الظاهر إنه يشوف له طرف بطانيه طالعن من الطايره خخخخ

- ابو عسوج .. وإنت ياعيد وش نوحك تضحك ... هو إنت ماقررت على هالطايره

- عيد ثاني .. أضحك والله من صورايخكم ياعيال عمي الله ينصركم كلكم , ياعاد طايره وبالليل أنا وش دراني عنه

- ابو خالد .. عيد اهم شيء إنك ماتنزله بمنتدى بالمنتدى , تر ماكل شي ينزل بالمنتدى ...

- عيد ثاني .. لله أبد ما انزله أجليني مجنون خخخخخخخ

حنا هلحين عند المفرق وأجرنا لنا جناح 30 دينار أي بما يعادل 150 ريال ...

أترككم مع بعض الصور ...


http://www14.0zz0.com/2012/06/26/23/382546801.jpg (http://www.0zz0.com)

مدخل الشقه ...


http://www14.0zz0.com/2012/06/26/23/139934216.jpg (http://www.0zz0.com)

فراشي أنا وأبو عامر ...



رساله :*****************************
نرجوا من الاخ كاتب الموضوع عدم تضمين مواضيع الرحلات البرية بالتوجهات السياسيه

[س.س.التميمي]

الله يعطيك العافيه

[عيد ثاني]

الله يعطيك العافيه




التميمي...

الله يعافيك ويطول عمرك ...

[ابوفوز]

good for you

[طلااالي]

عيد ثاني تمتلك اسلوب قصصي عجيب وشيق وتقريرك طرح جديد واكثر من رائع

أهلا بك بين أخوتك من كل مكان حيث تبادل الخبرات والآراء والتوجيهات والتقارير وهذا المنتدى المبارك بمثابة أكاديمية تعليم

لكن لي تنويه أو إشارة وليس خطأ هو الإسهاب في السرد يملل القاريء وهذا يؤخذ حتى على بعض الادبيات من خطابه او قصص او مقال .. وأقول لك استمر وفقك الله وقراءتي بكتابتك انك منشرح الصدر الله يجعله عادتك دائما ..

[عيد ثاني]

good for you

ابو فوز ...


Thanks

[عيد ثاني]

عيد ثاني تمتلك اسلوب قصصي عجيب وشيق وتقريرك طرح جديد واكثر من رائع

أهلا بك بين أخوتك من كل مكان حيث تبادل الخبرات والآراء والتوجيهات والتقارير وهذا المنتدى المبارك بمثابة أكاديمية تعليم

لكن لي تنويه أو إشارة وليس خطأ هو الإسهاب في السرد يملل القاريء وهذا يؤخذ حتى على بعض الادبيات من خطابه او قصص او مقال .. وأقول لك استمر وفقك الله وقراءتي بكتابتك انك منشرح الصدر الله يجعله عادتك دائما ..

طلالي ..

الله يشرح صدرك ويوفقك لما يحبه ويرضاه ...

بالفعل مثل ماقلت تصيب البعض بالملل وأعتذر منهم مقدمآ.. فهي لاتتعدى كونها محاوله

شكرآ على الإشاده وثق بأني أستمع للإنتقاد وأشكر عليه

[عيد ثاني]

لا إله إلا الله , أصبحنا وأصبح الملك لله ...

ياسلام وش هالصباح الزين , وش هالغيوم , وش هالأجواء الحلوه , يالله يالله بسرعه نبي نفله بهالبران ونبي نطبخ وننفخ×

ونبي نصلح القهوه والشاي ونبي ونبي ...×

- أبوعسوج .. وين الفطور .. تبوننا نفطر بهذا وإلا نمر لنا مطعم ونفطر وحنا ماشين ..

- أبو خالد .. والله بكيفكم ... مار التساي جاهز وقهوتنا اللي البارح مايعوزه إلا تسخين ...

- أبو عامر .. القهوه هلحين أسخنه لكم , يامار الفطور جاهز ...

- عيد ثاني .. يابو عامر لاتنسى الجبن اللي إنت شريته من المنفذ والله إن تسبدي تشفشف عليه ... إسمناه منهم جبن×

ويكتبون عليه شنينه , أنا خابر إن الشنينه لبن , وهذولا يكتبون على الجبن شنينه ... وهلحين أن أبنزل أبجيب لكم خبز ...

- عيد ثاني .. بكم الخبز ياباشا <<< مضيع الاخ يحسب إنه بمصر ههههه×

- الخباز ..سعره ×على الوزن ×والوزن بكذا فلس ...

- عيد ثاني .. خذ خذ هالدينار وعطنا خبز ...<<< ماتلاحظون إني تسني فاهم بالعمله وانا والله من جنبه خخخخخ×

والله يوم فطنت للخباز وهو لك يقوم يرجم من هالخبز ويقوم يرجم ويقوم يرجم , وهو لك يجيب له×

سكاكينن كباااايره×والله إن الواحد يبحل بينه وبين الهطره , وهو لك يتسنيع على الخبز ويفنعه×

ويفنعه , تسيف إبن هالحلال مارفع طرفه ألاياما صاح على كل هالخبز , ويوم خلص قال صحه×

وعافيه و هااااد حق دينار , أنا ولد أبوي كل هالخبيز لي , المصيبه×إنه قطعه خلاص , تبوني عاد×

اللي قلت الله عطاك منه وخذيت اللي ييزيني أنا وخوياي , لا مالله قسم لأني وقته عندي×إني×

تساسب , والله وأنا أتحضنه وأعقد يديني من ورااوووه وأنا لك أتوتح به للدور الرابع ,×

الوكادمالكم بطويله خوياي×يوم فتحوا لي باب الشقه يامار مايشوفون ألا الخبز خخخخخ , جبت×

الخبز وأفطرنا اكالفطور الزين , ومشينا لسوق المفرق×نبي ندور الطليان ...

- أبو خالد.. لو ناخذ لنا كم كيلو حق غدا اليوم وباتسر نتشرى الطليان على كيفنا ...

- ابو عسوج .. أي والله نبي حق اليوم ...

- عيد ثاني .. خافننا يامننا شرينا حق اليوم , تروح الرحله كله كيالو خخخخ...

- ابو عسوج .. الله يهديك تو رحلتنا بأوله , ولو تبي بدال الطلي طليين ...

دوجنا دوجنا يامار منا كثر القصاصيب , خذينا لنا كيلوين أو ثلاثه كيلو حق الغداء , ويوم جينا×

نبي نمشي يوم فطنا×وهو ينعقد لسان ابو عسوج على خليوي خليوي ويتسور الجيب , خليوي×

خليوي ويتسور الجيب , أثريه شاف له بنت تكلم×بالجوال خخخخخخ وهاللي يقول خليوي يعني إنه×

يفهم بلهجتهم , حنا إفترت روسنا وهو خليوي خليوي خخخخخ ...

طلعنا من المفرق وإتجهنا بإتجاه الرمثا وإربد نبي نشوف هالربيع اللي عند هالبدوان ونبي نضبط×

غدانا , ماشاء الله×ماشاء الله , هذي قاعهم ماتفرق ربيعه من زرعه من نواره من هالمناظر اللي تفتح النفس ...

- ابو عسوج .. خلونا نصور هالربيع منا حلوه , ويامنه طاب خاطرنا نبي هاتسن عن بيت أكالشعر هذاااااااك×

- أبو خالد .. عز الله ماينفوت , ويامننا صورنا نبي يم اكالبدو أبشيش عندهم ...

- عيد ثاني .. ترونا يامننا تغدينا أبروح انا وأبو عامر يم راع اكالغنم ,ونبي غدينا نحصل عنده ذبيحه ونبي نصور معه

- ابو عامر .. أنا ما أصورك بجوالي لأن كامرته زينه , إنت جوالك كامرته وسط ..

- عيد ثاني .. تبيع جوالك يابو عامر على خرابه خخخخخخ×

يالله يالله نبي نصور هلحين قبل الغداء ...


رساله: *********************************

[ولهان البحار]

موفقييييييييييييييييييييين

[bodytman]

الله يكرمك ممتاز والله

[راعي الونه]

رحله جميله ياليت تكمل الموضوع يابعدي

[المتميز 911]

حقيقة أسلوبك القصصي رااااااقي

[عيد ثاني]

موفقييييييييييييييييييييين



ولهان ...

الله يوفقك ...

مشكور على المرور ...

[عيد ثاني]

الله يكرمك ممتاز والله



بودي ...

الممتاز مرورك ..

شرفت ...

[عيد ثاني]

رحله جميله ياليت تكمل الموضوع يابعدي




راعي الونه ...

الله يبعد عنك الونين ...

الجميل مرورك .. وأبشر بالي يكمل الموضوع .. وأعتذر عن الإنقطاع فالإتصال غير متوفر أحيانآ ..

شرفت

[عيد ثاني]

حقيقة أسلوبك القصصي رااااااقي




المتميز ...

الرقي في مرورك .. وإذا وجدت غموض في بعض المفردات لامانع في أن تسأل , فأنا تعمدت اللهجه الشماليه والتي قد لاتكون مفهومه عند البعض ...

شرفت يا المتميز ...

[عيد ثاني]

صور ماقبل الغداء ...


http://www7.0zz0.com/2012/07/15/22/813049303.jpg (http://www.0zz0.com)

أبو عسوج مبسوط ...


http://www7.0zz0.com/2012/07/15/22/347747881.jpg (http://www.0zz0.com)

أبو خالد يشرح ...


http://www7.0zz0.com/2012/07/15/22/372062629.jpg (http://www.0zz0.com)

أبو عسوج ماناقصه ألا برزان ...


http://www7.0zz0.com/2012/07/15/22/645221059.jpg (http://www.0zz0.com)

أبو عسوج وأبو ثاني الله ينصرهم ...


http://www7.0zz0.com/2012/07/15/22/101586563.jpg (http://www.0zz0.com)

بيت الشعر اللي نبي نمره بعد شوي ...


http://www7.0zz0.com/2012/07/15/22/776858119.jpg (http://www.0zz0.com)

لاتعليق ...


http://www7.0zz0.com/2012/07/15/22/544318718.jpg (http://www.0zz0.com)

وهنا مع أبو خالد ...

[عيد ثاني]

[CENTER][CENTER]- أبو عسوج .. الغداء الغداء الغداء ياعيال جهزوه جهزوه ...


ركبنا غدانا , وفيه أيمن منا بيت شعر يبعد عنا حوالي أربع قطات للنشيط أو خمس قطات ,

وأيسر منا غنم مهي بعيدتن حيل لو ينهق حمارهم _ وإنتم بكرامه _سمعنااااوه , والله يوم فطنا يامار أكازووول مقبل , تعطيه بالطعش ,

قلنا أكيد إنه يبي يجينا , والله وهو يجنحب عنا وهو يجنحب , وهو يحطنا بصابره الأيمن , واااحطته الغبرا والقشرا ,

لايعه أبو خالد وهولك يقوم يومي له ويومي له , والله إن إبن الحلال أول نوبتن تقل بغى ياقف ,

لكن مشي أبو خالد الله يهديه يجيب الشبهه, يمشي شوين شوين تقل يعدي , ورافعن طرف ثوبه عن العشب

وهقوتي إنه بعد عاضن ناجده وإلا والله إنه متسفي , لكن بالعاده إنه يارفع ثوبه ألا يعض ناجده

هههههه , الليد يوم شاف ابو خالد هذ ممشاه , وهو يحط رجله يركض متسفي , عاد أبو خالد يوم شاف إنه الليد إنخرع وهو يصير له عين ودين به ,

الليد إنفضخ قلبه يركض منحاش , وأبو خالد لياهلحينه يمشي ورااااوه وعاضن ناجده خخخخخ , بهالحتسي أبو عسوج عندي أنا وأبو عامر يحتف حول العزبه ولا عنده من الشيطان طاري ,


والله يوم فطنا لأبو عسوج يوم قمز من عندنا متنيفذ ومفسرن ذرعانه ويصوت يابو خالد أقضبه قبل ينحاش يابو خالد إقضبه قبل ينحاش ,

الليد المسكين طارت عنه رحمة الله , وهو يقوم لك يركض عما حيله , عاد أما تشوفون لكم واحدن عابرن الحدود

ويلتفت قفوه تروه خوينا ماطول رجلينه يعطنه ما والله ياقف ألا يبي يوقفه هالضلع ,

المصيبه إني قلت لأبو عسوج وش قومكم عليه فضختو قلبه قال : أبيه إما يمرج عقله مرتن وحده أو يصير رجال

خخخخخ


تغدينا وعينا من الله خير وأنا أروح انا وأبو عامر يم راع الغنم , ونشدناه عن الذبايح قال ماعندي

ذبايح للبيع , وحنا لك نصور معه , ونرجع لخويانا على اساس نغير المكان , والله يوم رجعنا

لخويانا يامار هذي دورية الشرطه ,ولو لاجابكم الله إنتم وهالليد اللي إعترض لنا ...




خلونا مع كبستنا وراجعين ...



http://www12.0zz0.com/2012/07/15/23/993206063.jpg (http://www.0zz0.com)

أحسن رز لأحسن ناس ...



http://www12.0zz0.com/2012/07/15/23/559368371.jpg (http://www.0zz0.com)

بداية مضغوط اللحم ...


http://www12.0zz0.com/2012/07/15/23/923067095.jpg (http://www.0zz0.com)

اللحم جاهز .. حياكم على قل الكلافه ...


http://www12.0zz0.com/2012/07/15/23/458970489.jpg (http://www.0zz0.com)

أضفنا عليه الرز ...


http://www12.0zz0.com/2012/07/15/23/611526637.jpg (http://www.0zz0.com)

نعيم على كيف كيفكم الله يطرح فيهن البركه ...


http://www12.0zz0.com/2012/07/15/23/742303595.jpg (http://www.0zz0.com)

أبو عامر يحاول بأن صاحب الغنم يبيع علينا ..محاوله باءة بالفشل...


http://www12.0zz0.com/2012/07/15/23/452064190.jpg (http://www.0zz0.com)

عيد ثاني ينتظر الأخبار الساره من أبو عامر ...


http://www12.0zz0.com/2012/07/15/23/533704935.jpg (http://www.0zz0.com)

عيد ثاني .. باين وجه المفلس ...


http://www3.0zz0.com/2012/07/15/23/360864462.jpg (http://www.0zz0.com)

الكفرات يحتاجن زيادة هواء ...

[ساهر حايل]

ياعلك تسسسسسسسسسسسسسسسسسسسسسسلم سرد رائع ننتظر البقيه ..

[عيد ثاني]

ساهر ...


الله يسلمك ويسلم الشبل اللي بتوقيعك ..

ابشر الرحله راح تكتمل بإذن الله ..

شرفت ياساهر مع ان بيني وبين ساهر عداوه خخخخخ

[طلااالي]

ترى وصلنا عند الدورية يوم جتكم عقب شخلتكم للورع هههههههه وماكملتوا

لاتبطي علينا عيد

[عيد ثاني]

هلا طلااالي ...

تصدق ياطلالي لو اني أكبر من ابو عسوج وابوخالد تسان صلقتهم بالدوريه غصب

مع إنهم أكبر مني أنا وابو عامر ، لكنهم مايخلون الحركات اللي تودي بستين داهيه

الا وش رايك إنك تمر علينا وتطلعنا من السجن على شان إكمل الرحله هههههه

شرفت .. والرحله راح تكتمل بإذن الله والعتب على الإتصال

[عيد ثاني]

[CENTER]والله يوم فطنا يامار هذييييك الدوريه مقبلتن علينا ,

وش العذر وش العمل وش نقول لهم ياقالوا لنا وش نوحكم على الليد , هلي تبون به وشو , ألا جونا ألا ماجونا ,

والله وهم يسهسهون يسهسهون يسهسهون <<< تحداكم تقولونه ثلاث مرات بسرعه ,


والله وهو يهديهم الله ويتعدوننا ...

أفيه واهلا والله بالحياة , واهلا والله بعيال عمنا كل أبوهم , زين هلحين بالله لو إنهم قاطعينن أرقابنا

وش لون نشري الطلي خخخخ


وهلحين يوم الله فك أرقابنا من هالشرطه نبي نبعد عن هالمكان , ونبي ندور لنا طلين ييزينا لنا كم يوم , جينا لنا بيت

شعر عنده طليوات منا حليلهن , لكن مالله قسم إنهم يبيعون علينا ,

ونروح يم لنا شبيك آخر وننشد راع الشبك عن الطليان قال عندي بس إنهن غاليات عليكووووو , بكم

ألا مابكم يامار على حتسيوه غالياتن شوين , ولو مافطنا إنهن غاليات تسان زادخينن حديهن ,

الوكاد إنه مايعرف يبيع ويشتري , يعوزه دوره عند شريطية هالغنم اللي عيونهم شهب , تلقى

الواحد منهم يتلوى يوم كامل على شان يربح له خمس ريالات أو ست ريالات , ولابهم من الزينات إلا التسمايه ...

والله لو تحاول من الليل للنهار , مستحيل إنهم يعلمون بمربحهم , أو عدد ماخوذاتهم ولو إنتم

وماخوذاتكم صايراتن عاد صفر سفير شمر على غفله ولو بس ولو عيني تشوفكم بالوقفه ثاني مره ,

تركناوووووه ورحنا يم لنا خزيلتن اخرى , راعيه شباب ولابسن له شماغ وعقال على ملابس مهو

ثوب , ملقاوووه زين مهو مثل ربعنا ولو بس ولو , على كم الطليان الزينات قال ب 230 دينار ,

نزل ألا ماتنزل , قال ب215 دينار مقصب وجاهز ...


- عيد ثاني .. ألا اترك التقصيب ... بكم بدون التقصيب <<< خابرن لي هطرتن معنا بالجيب أبفنعه ياما تفنعه رابعه

- أبو عسوج .. ألا خله يقصبه لنا ...وين تبينا نحطه ... هلي تشوف الجيب مليان ...

- عيد ثاني .. والله حلاتوووه يامنك علقته مع كريعاته وقمت تشوي على كيفك

- أبو عسوج .. أي والله بس ماله مكان مثل ماتشوف ... خلهم خلهم يقصبونه ويا قصبوه رمسناوووه بهالترمز على شكله

- عيد ثاني .. شورك وهداية الله ...

والله وهم يقصبونه , الله يجزاهم بالخير ويجون يبون يحطونه بأكياس , قالوا لي خوياي اليد والراس

لاتأخذهن عطهم ياهن ...

عاد تبوني اللي عطيهم بدون تفلسف لا , قمت أتفلسف عليهم وأتفلسف عليهم ياما عيفتهم بهاليد وبهالراس

منا كثر بربرتي عليهم , بس أشوى إني مابربرت بالقنوات مثل اللي بس يبربرون بهالقنوات , من

عرض بربرتي عليهم إني قلت لهم حنا ماناكل اليد والراس , لأن اليد والراس حرام عندنا ...

والله إن اللي يقصبون صدقوني بس أخوهم الكبير فهم علي وقال مشكورين كتر الله خيركوووووو

إيه الحتسي بالتفطن تروهم يوم هم يقصبون قمنا ننشدهم عن الزيتون وعن العسل

وعن البقل (( الإقط )) وعن الدهن والسمن , قالوا عندنا زيتون وعندنا سمن , وهم يصبون لأبو

عسوج شاي أخضر , وهو لك يجغم جغمتن طيبه يوم توسطت من حلقه أثريه زيتون وهو يحسب إنه شاي وهن لك يبلزن عيون أبو عسوج خخخخ


http://www13.0zz0.com/2012/07/22/00/674026973.jpg (http://www.0zz0.com)

طلينا بعيد الذكر ...


http://www13.0zz0.com/2012/07/22/00/674026973.jpg (http://www.0zz0.com)

مالنا خاتمه ...



http://www13.0zz0.com/2012/07/22/00/181166852.jpg (http://www.0zz0.com)

راح فيهل ...


http://www13.0zz0.com/2012/07/22/00/281406613.jpg (http://www.0zz0.com)

نهايته ...


رساله : ليس هناك أثمن من الإبتسامه ولا أقل ثمنا

[عيد ثاني]

أي والله وهن يحلقن عيون أبو عسوج , ولهو بس عيونه حتى أحجته يرفعهن بعد , حرام اللي يشوفووووه يقول إنه مقروص , مالكم بطويله أبو عسوج دبر نفسه مع هالزيتونات الله لايعيدهن , وقبل لانمشي قال لهم ...

- أبو عسوج .. ماعندكم جفت !!!

<<< أكيد إن الجفت شي ينوتسل ... وأكيد إنه من هالأنواع اللي مانعرفه ...

- صاحب البيت .. أي أكووو عندنا جفت ... ودك بيها

- أبو عسوج .. أي والله نبي نستأجره من عندكم تسان فيه حولكم ارانب , وتسان عندكم له فشق

<<< السالفه صيد وما صيد وانا مابين عيوني ألا الأكل

- صاحب البيت .. كووول اللي ودكو إياه موجود ... الطلق موجود والأرانب بالشعيب المجابل هاااضاااك

- أبو عسوج .. أي والله ودنا بهن بالسعر اللي تبون ...

والله وهو يتناغطون بينهم ويتناغطون بينهم , وياخذون شوين قالوا أخوي والله ماكووو عندنا طلق , هقينا إنهم ماوثقوا بنا ولا أحد يلومهم ...

- أبو خالد .. طيب وين الدهن والسمن خلونا نشوفه تسانووووه زين

- صاحب البيت .. هاااض الدهن وإحنا بنوكل منه صافي ما مخلوط

أبو خالد قام يتسارهم على السعر , وأنا قمت أمطخ أمطخ من هالدهن , ما أدري هو يقال لذوق الدهن مطخ او لاء

الوكاد إني نويت إني إشتري من دهنهم طعمه مايلاحن , بكم الدهن ألامابكم شرينا لنا كم جركن أو

جركل ,وقلنا نبي نمرح بالشعيب المجابل على قولتهم , وغدينا نحصل لنا كم أرنب , لكن المصيبه

مهي بالأرانب , المصيبه رابح صقر ما أدري وش نوحه نوبن يتنهوص تنهوص تقل يبي يبتسي ,

عز الله منا حليله بس لو إنه يسلم من هالتنهوص , الوكاد عسى الله يبعدنا عن الموسيقى , وإنتم

لاتبعدون أبتلهلم لي شوين وراجعن لكم ...



رساله : بإمكانك أن تحدد مسيرك , لكن ليس بإمكانك أن تحدد مصيرك

[Al3rands]

ننتظر الباقي عجل علينا

[عيد ثاني]

العرندس ...

ابشر ابشر ...

مر هنا قبل الفطور تحصل اللي تبي ، وإن ماحصلت مر علي بالبيت وجب فطورك معك هههههه

العرندس .. شرفت

[عيد ثاني]

عطيناهم المقسوم ومشينا , لكن انا وأبو عامر نتلافت يم حروة اليد والرأس ليا هلحين لنا نفس بهن , وبالذات الرأس والله ياشينين مايبرد غمضه , تسيف نعطيهم الرأس على شكله لو حنا آخذينن لو الأذان منا زين خشق القرقوط ياصار ماينن على اللي حولك , لكن مانقول إلا عليهم بالعافيه ...


مشينا مشينا يم شعيبنا نبي نضبط عشانا , ونبي يامناتعشينا وخذينا لنا شوين ندور الأرانب

- أبو عسوج .. عز الله إني فازن لنطقته من قدامنا , والله يا هالشعيب مايخلا من الارنب ...

- أبو خالد .. أجل خلونا ندوج لنا شوين ياما يجي الغياب

دوجنا دوجنا يوم فطنا يامار أكالزول يمشي رجلي وحنالك نمره

- حنا .. السلام عليكم... كيف الحال, ماعينت الأرانب <<< ودي أقول له كيف الحال ياباشا هههه

- الزلمه .. عليكم السلام .. يالله حيهم ...لاوالله الأرانب ماكو بنوب ...

- حنا .. يا رجال يمدحون كثر الارانب بهالشعيب ...

- الزلمه .. والله يا قرابه ماكو أرانب , وبعدين قبل كم يوم أجو هين شباب سعوديين ودشوا المزرعه وخربوها علينا ...

<<< السالفه به مزرعه مسكناك ياسارق غنمنا

- حنا .. يارجال المزرعه محد جايه حنا نبي ندور بهالشعيب , وهلحين ياصار مابه أرانب الله يستر عليك ...

- أبو خالد ..أويلي يازين بيت أكالشعر اللي بجنب أكالقصير ..

- أبو عسوج ..تبونا نعسه

- أبو خالد .. والله بكيفكم .. خلونا نعسه ... عليه عليه

- حنا .. السلام عليكم كيف الحال , ماعينت الأرانب ...

- صاحب البيت .. ياهلا بيكو فوتوا فوتووا عليكوااا جيرة الله غير تفوتوا ...

- حنا .. لا الله يعافيك , والله حنا مستعجلين ...

- صاحب البيت .. عليكوا جيرة الله غير توفوا , النسوان بشق لحالهن وإنتم بلحال , فوتوا وآني إبن رمثان أبوخلف , ولازم تتعشوا عندنا ...

- حنا .. يوم صرت مصمم نبي نقلط , لكن العشاء تسانكم تبونا نتعشا تاخذون هاللحم وهالرز وتضبطون عشانا ...

- مايصير ياجماعه إنتوا لكم الحق ..

-حنا .. علمناك ولاتصير رسمي ...

- صاحب البيت ..اللي ودكوا .. وكيف ودكوا نطبخ العشاء , ودكوا إياه بالزيت أو باللبن اللي هو منسف ...

- حنا .. اللي ودكم بالزيت او باللبن

<<< تسبدي تشفشف على المنسف

- صاحب البيت .. خلاص اجل بنسويه إلكوا على طريقتنا اللي هو باللبن

- حنا .. الله يكثر خيرك على كل حال ...

- أبو عسوج .. ماعينتوا الأرانب ...

صاحب البيت .. والله أكوا أرانب , لكن صعب إنكواااا تصيدوااا .. يختفوا بالعشب ...

_ أبو عسوج .. ماعندكم جفت

- صاحب البيت .. بعد العشاء كل اللي ودكوا إياه موجود ... الجفت موجود والفشق موجود

- إبن صاحب البيت .. بتعرفوا تضربوا بالجفت ...

- عيد ثاني .. أفا عليك اناأضرب الأرانب وهي طايره بالسماء خخخخخخخخخ

- إبن صاحب البيت .. هسا لما تتعشوا نروح انا وسيف اخوي الصغير وياكم وندلكوا على الارانب ...


تعشينا من العشاء اللي صلحوه على طريقتهم الله يكثر خيرهم , وهلحين مشينا مشينا للمقناص ...

قبل لانمشي للمقناص , نبي نريح لنا شوين مع قصيده لعياد ثاني قالها قبل سنتين تقريبآ في امسية الرياض ..


يقول عياد ثاني :


هــــات القلـــم عجّــــل قبــــل وقـــــت الاذان
...................بملــي عليـــــك بيـــــــوت شعـــــرٍ عجيبــــه
لاقلتــــهـا تطــــــــــرب لهـــــا صــــــم الآذان
...................وتســـــري بهــــا خـــــرس الفــــواه تحكيبـــه
لولا الامـــــل.. ماخايلـــوا غــــــر الامــــــــزان
...................ولولا الملامـــه.. ماكرهنــــــــا الغصيبـــــــــه
ولولا الكــــرم.. ماثـــار بالبيـــــــــت دخــــــان
...................ولولا السطـــــر.. محـــــدٍ يواجـــــه حريبــــــه
ولولا الغــــلا.. ماجيــــت مـــن قصـــــــر برزان
...................من دار ,شمّـــــر, لاجــــل أهنـــــي ,عتيبــه,
الشعـــــر موقـــــف لاستنــــــد لــه ببرهــان
...................وشعــــرٍ بـلا برهـــــــــان ياكبــــــــر عيبــــــه
إلا لياقلـتـــــــــه بطلقـيـــــــــن الايـمـــــــــان
...................هـــــم للشعـــــــر حجّــــه وللحكـــي هيبــه
عتبـــــان ولياضمّـــــن الشعــــــر عتبــــــــان
...................الاســــم هــــذا حجّتـــــه وســــــط جيبــــــه
ذباحـــة الحايـــــل علــــــــى مـــــر الازمـــان
...................لطامـــــة العايـــــــــل ولاهــــــي غريـبــــــه
رجّالهـــــم فـــــي ساعـــة السلـــم شامــان
...................تلـــــوح اساريـــــر السعــــــد ماتغديـبـــــــــه
وليا سمـــــــك فـــي نـازح البيـــــــن نيـــران
...................يقطـــــع عروقــــه قبــــل يرضـــى الغليبـــــه
يفخـــــر بهـــــم شعــــــرٍ تحلّـــــــى بـالاوزان
...................كـــن البيــــوت مـن الفخـــــــر مستصيبـــــه
ويفخـــر بهــــم شاعـــر له الشعـــــر ميــدان
...................وغيـــــر الشعـــــــر لـه لابـــــــةٍ ينحكيبــــــه
من روس قــــــومٍ تعطــــــي الحــــــق ديّــان
...................وليـا عصـــــو ياويــــــل منهـــــــم طليبـــــــه
دام الطنايـــــــا عــــــز راســـــــي فلاهـــان
....................آرد بهـــــــم لـــــــج البـحـــــــور المهيـبـــــه
شاعــــــر ولـــي بالشعــــر مبــــدا وعنــوان
....................وياطيـــــب شعـــــــرٍ نومســــن مــع عتيبـه



تستاهل قبيلةعتيبه ...






خلونا مع بعض الصور قبل المقناص ..


http://www11.0zz0.com/2012/07/26/15/493741580.jpg (http://www.0zz0.com)

أبو عسوج يتفحص الكسر



http://www11.0zz0.com/2012/07/26/15/523516283.jpg (http://www.0zz0.com)

وهنا يتعمق أكثر وأكثر ...




http://www11.0zz0.com/2012/07/26/15/650282518.jpg (http://www.0zz0.com)

وهنا مع الشبل سيف ...


رساله : عندما يبتسم الرجل ويضع يده على فمه فإنه يشعرنا بضعف شخصيته , أما المرأه فإنها تُشعر من حولها بأن حياؤها مصطنع

[ابوحماد]

موفق خير اخي الكريم

[عيد ثاني]

ابو حماد ...

وفق الله الجميع ...

شرفت ...

[عيد ثاني]

رتسبنا رتسبنا رتسبنا رتسبنا هنينا هنينا هنيا هنينا...

- أبو خالد .. روحوا روحوا وأنا أبشيش أنا ومخلف أو خلف ... ادري إنكم منتم صايدينن شين ...

<<< فيه سؤال يقرقع بستبد حديكم من أول ماشاف الشيشه اللي هو أبو خالد رايح للأردن على شان القنص والربيع أو

على شان التشيش , يعني إنت تأكل على شان تعيش أو تعيش على شان تأكل , يعني أيهم أول الدجاجه أو البيضه خخخ

- عيد ثاني .. والله لو تخاوينا أبرك لك ... والشيشه وجهك عليه

- أبو عامر .. خاونا نبي نتسثر الصيد ... ويبخقن بطرف عينه ويتغتغ ههههه

- عيد ثاني .. وش نوحك يابو عامر تقل ناقدن علينا ... واللي يسلمك ثايره ثايره

<<< نويت أخليه تثور ببو عسوج تسيف يشحنا من السعوديه للأردن ولا يلقى لو هي أرنب خخخخخ

- أبو عامر .. لا منا ناقد مار منا هاقي إننا نصيد شين ...

- أبو خالد .. توكلوا توكلوا

مشينا للمقناص مشينا وخذينا معنا الكسر والفشق وركب معنا سيف وأخوه الكبير , أنا إستدنيت الكسر وجهزته وفتحت

قفله وأطلعت رأسه مع الدريشه , يالله طلبناك الهدي الهادي والخيل تقعد روسه الخياله أي أي

ياعريس اليوم جعلك تهنا تهتني في شوف ضاف الجدايل أي أي



أي ضاف الجدايل وتلقى أبوه فاتحن أفيمه جايزن له قولهم , قم والله منت بهالمجلس الرجال

يتغزلون ببنتك وإنت فاتحن أفمك يهالرخمه والله إنك ماتنفلهم , لا والعريس يتغزلون بزوجتووووه وهو مبسوط تقل ما أعرس ألا هو لا له عاده هالقصايد الدنفوسيه ...



رساله : هنالك بون شاسع بين من يحلم ومن يعيش في الأحلام ...

[البارود505]

يعطيك العافيه

[Iphone4s]

رحلة جميلة وموفقين إن شاء الله

[عيد ثاني]

البارود ...

الله يعافيك .. لاهنت على المرور


آيفون ...

جمل الله أيامك ووفقك ...

لاهنت

[عيد ثاني]

لبطنا لبطنا لنا شوين , وكل مالنا نقرب لمزرعة الرجيلي اللي واجهناووووه ,

حنا والله مانبي ملويته ,لكن الشعيب اللي حوله ماينخلا,انا عدي أشوفه تلاوذ أبو عسوج

وتقول له مع نفسك إنت والجفت اللي معك , والله إني انا بس إتلفت إتلفت ونوبن يعذر بي أطبق من الجيب

وإنخت له أغديه تنطق , لكن أبو عامر الله يهديه مهو يمنا , توه مشتري له جوال ومدخلن به برامج ,

ويبي لازم يعرف كل البرامج بين يوم وليله , لكن وش عليكم والله إنه بهسه مايخلي دابتن بجحره ياما يعرف عنه كل

شيء , ماشاء الله عليه ياطول صبروووه على مغثة الأجهزه وبرمجتهن , أنا والله أن تنزيل الصور

عيفن بهالرحله كله , وهو يامنه جلس على له برنامجن جديد عده مقابلن كندليزا رايس ,

ماينملن سوالفه هالسميرا هي وقريعيطاته خاصتن يامنه قامت تلذع عند المكرفون ,

أيا مسبوعة الأبو , عزالله لو حريمنا مثله تسان مارثع بنا , هم حريمهم يخاشرن الرجال بكل شي,

وحريمنا ماعندهن ألا نبي نسوق نبي نسوق , عيني تسمع إنكن تبن تسقن أو إذني تقرأ إنكن تبن الحريه ,

سيكل أبو أربع كفرات يخب عليكن ...


على هالحتسي يوم فطنا يوم نبجت من قدامنا , أول ماشافه أبو عسوج , ويوم شافه وهو يخرط كل

غيارات الجيب بثانيه , وينه وينه وينه , هلي يمينك هلي يمينك , أحيف ضاعت ...

- أبو عسوج .. إنتم شفتوه

- عيد ثاني .. هلي نبجت أيمن منا ... لكن والله إني أنا ماجزمت عليه من كثر العشب ... ما أدري لو هي حصيني ...

- الزلمه سيف .. لا لا أرنب أرنب يازلمه ... أنا شفيييتهاااا

- أبو عسوج .. ماعليه ماعليه نبي نلقى إن شاء الله , بس والله إننا ماودنا نقرب لمزرعة الرجيلي اللي العصر , تقل ماوده إن السيارات تقرب له , غاثينه بعض هالسعوديين ...

- الأردني .. لايازلمه لاتشيلوا همه , هاي كلها منطقتنا ...

- أبو عسوج .. تسلم تسلم ... نبي نتوجه يم أبو خالد , ونتقنص بوجهنا ...


رساله : عندما يُصاب من نحب بمصيبه فأننا نبرر لمصابه بقولنا : المؤمن مبتلى , وعندما يُصاب من نكرهه بمصيبه نستدل بأن الله يمهل ولايهمل ... ياسبحان الله

[عيد ثاني]

توجهنا يم ابو خالد ، وحنا والله ليا هلحين ما ايسنا من الأرانب ، لكن يوم ضمنا الكسر والفشق والمعازيب

الطيبين نبي كل شوي ياماًر حنا مليبينن عليهم ، الوكاد يوم رجعنا لخويانا يامار مضبطينن القهوه

والتساي ، الله يقويهم ويكثر خيرهم ، تقهوينا عندهم ويوم جينا نبي نمشي ، وهم يتعولطون بنا يبوننا

نمرح عندهم ، والله إننا يالله بلي يالله نتخلص منهم خوش زلمات على قولتهم وعلى قولتنا خوش رجال ، الله يكثر خيرهم ويكثر من أمثالهم

مايمدينا طلعنا من عندهم ألا ابو خالد طابعن عنهم برنت كامل ، هذا متزوج وهذا موظف وهذا حي

وهذا ميت خخخخ ما باقي ألا وسمهم ماعرفه، والظاهر إنه نسيه نسوه ،


وألا تسان متهايقن بوجه حديهم وقايلن له وش نوح حلالكم غفل ، وأكيد إنهم يبون يعلمونه ،


الوكاد إن ابو خالد من أول ماهذ السالفة علينا قلت له ما شاء الله هذا إنت يبو خالد بس بقنصتنا

هالشوين طبعت عنهم برنتن كامل قال الله يقطعك ياشين والله إني أدري إنك نويت تنزله بالمنتدى ،

ياشين والله هو اللي قام ينشدن عن أموري الخاصه وعقبن أنا قمت انشده خخخخخ، ابو خالد ذال إن

اللي بالمنتدى يعرفون إنه شفاوه ، ما يدري أن نص اللي بالمنتدى إذبحهم عند الشفاووووه خخخ،

الوكاد إننا هلحين ندور المكان الزين اللي نمرح به ، لقينا لنا مكانن زين وحنالك ننزل فرشنا نبي

ننام وعقب مانزلناهن تقل القاع مهي متواسيه ، الا وين ننام الاماوين ننام قال ابو عسوج الليله نيمين

نيمين بهالبر لو على لنا ظهر سملول خخخخخخ ، والسملول اللي هو المريعي خخخخ ، سحبنا الفرش

وحطيناهن هاتسن عن الجيب على شان نتقي عن البرد ،صار ابو عسوج بطرف وأبو خالد بطرف

وانا وأبو عامر صرنا بالوسط ، يعني تسننا صغار وحنا الواحد منا ياعي بهيج وعقده خخخخ ،


ويوم تنقحنا للنومه وهو يقوم ابو عسوج وأبو خالد يشرحون لنا عن النجوم ،


هذييييك الثرياااا ، وهذاااااك الجدي ، أنا وأبو عامر نبي ننام وهم اذهبونا الله يهديهم كل مانغمض

عقبن لك تشاهدوا هذيك الفلانيه وهذيك العلا نيه ، تقل مافيه نجوم الا بالأردن خخخخخخ ، الوكاد

انهم ماينامون وفيه نجمتن بالسماء ياما يعدونهن كلهن خخخخ ، نمنا يوم قعدنا يامار أكلي لابستن له حماره سراحتن بغنمه بجنبنا...


رساله : when you have crazy friend , you have crazy time ... صدقوا

[مخموم القلب]

السلام عليكم ورحمة الله وبركاته وفقك الله ياعيد ثاني واسعدك الله في الدنيا والاخره تقبل تحياتي والسلام

[عيد ثاني]

السلام عليكم ورحمة الله وبركاته وفقك الله ياعيد ثاني واسعدك الله في الدنيا والاخره تقبل تحياتي والسلام

مخموم ...

عليكم السلام ورحمة الله وبركاته ..

من الأشياء التي تبعث السرور في النفس دعوه صادقه من أُناس صادقين ..

مخموم .. وفقك المولى يارب

[*تاج تميم*]

ماشاءالله تقرير جميل تسلم يمناك

[عيد ثاني]

تاج ...

الله يسلمك ويجمل أيامك ...

شرفت

[عيد ثاني]

قعدنا الجهمه قبل قوقات الطيور , ويامنه جت للحق كلهم قعدوا قبلي ,


انا راصن صابري للمخده أبيهم ياما يشيلون الفرش , ولا كل صيدي متعاجس عن شيلة الفرش ,



لاوالله منا حلو رصت الصابر على المخده , خاصتن ياصار مهي خليتن من برد ,


أيه تروا الحتسي بالتفطن , انا من سمعت حلفزتهم , وأنا لك إحترف يم جهة أبو خالد وأبو عامر ,



وأنا لك أرفع طرف الفراش وأخلي عيني تبلص من حدره , ذبحتن الشفاوه


أبشوف وش اللي فرفرهم هالصبح , يوم فطنت يامار أبو خالد مقعين إقعى , ويراعي هنا ,


ويامار ابو عامر مثله يتناوط وهو بفراشه , وسمعت ابو خالد يقول لابو عامر ,



أنا قبل أحسبنهم رجال هاللي سارحينن بالغنم , وأثري حديهم مره لابستن شماغ ومعه رجال ,



المره الله يستر عليه مستوره , لكن ابو خالد الله يهديه قلبه خضر لو يشوف له مخيول قام يداوره ,



قمشطنا فرشنا , يوم فطنت يامار واحدن من خويانا الله يستر عليه , جادعن فانيلته ونيمن بطرق


السروال , وحاطن فلوسه بالفانيله ومتوسده توسد , ويوم نشدناه وش نوحك حاطن فلوسك


بهالفانيله ,قال مايروح شين إلا على الله خلفه , والله ماودي أعلمكم به , لكن تروه


واحدن من الأربعه , عاد أيهم هذي اللي والله ماطرت علي أعلمكم به ...


الوكاد إننا نوينا لنا مكانن بعيد , نبي يم عجلون وأكاديره , تقل هاتسين إنه زينه


وإلا والله ماندري عنه , مشينا عجلين نبي عجلون , وحنا لك ندخل إربد ونفطرأكالفطور


الزين , ويوم أفطرنا وجينا نبي نمشي , يامار أكالسياره عليه صور شيبس وبطاطس


وبتيتا , ويامار مكتوب عليه : إذا ذقت علقت , أصلآ من يقراه الواحد بدون الصوره يقوم


يتمذهل عليه , بالله عليكم إنطقوه باللهجه الاردنيه هاللون إذا ذوكيت علوكيت , بالله


عليكم ماتشوفون إنه أبرك من إنتا مو إنتا وإنتا جيعان , وأبرك من لما تسك ماحتسك ,


وأبرك من بعض هالشعار اللي بس يونونون , ياونتي وما ونتي , يامونونينن لنتم عندي


ولنا عندكم , حنا يوم نتسابلكم ونخلي أشغالنا نبي نسمع شعر مانبي قصيد وزن


وقافيه , يامنه هذا قام واحدكم يلهمتسهن ويجيبهن لنا , ولهو بس الشعار اللي يدبلون


التسبد , حتى الهلال الأحمر السعودي يدبل التسبد , وش نوح هو وحدن عن هالناس , هو


وحدن عن الدفاع المدني , هو وحدن عن الشرطه ,هو وحدن عن المرور , وش نوح بس هو


اللي يقولون له السعودي , والله العظيم إني أكاليوم يوم إجتماع قادة الخليج اللي


بالرياض رحت للرياض , مهو بس الحكام اللي يقدرون يروحون للرياض حتى جدتي لو تبي


تروح تروح , ويوم طلعت من الرياض حول صلبوخ يامار أكاللوحة اللي كبر أمس واليوم


يامار كاتبينن عليه دواجن الوطنيه قول وفعل , بالله عليكم هذي إعلانات لا ونسأل عن


سبب الضغط والقولون والسكري , والله إنه إرتفع ضغطي من هالسالفه ,


مار أبرتاح انا وياكم مع قصيدة لعياد ثاني منا زينه هاديه وتريح الواحد ...


يقول عياد :


شــــــف كيــــــف وش سويـــت في حـال مـغليــــــــــك


حتـــــى عــــدوي مــا يســــوي ســــــــواتــــك


كفيـت رجـــل الوصل عــن درب راجيــــــــــــــــــــــــــــك


وألحقــــــت شـــــمات العــــواذل شـــــــــماتـــك


مــن بعـد مـــاكنـــت أقــرب الخلــق وش فيـــــــــــــــــــك


صـــرت البعــــيد وصــرت مــن ذكـــــــــــــريــــاتــــك


كــاني غلطـت أمـــــوت لرضــاك وأرضيــــــــــــــــــــــــك


وأقبــل كفـــــوف الزعــــــل مــن غـــلاتـــــــك


وأرجــع وأضـــم إيــــديـــك وأقبــل إيـــــــــــــديـــــــــك


وأقــــول لـــك : روحــــي هـــديه وجــاتــك


وإن كـان ذلــي وإنكســــاري يهـــــــــــنيــــــــــــــــــك


واللـــه لتبطــــي مهتنيـــت بحيـــاتــك


إن جـــــت لعــزة رأســي أرخصــــــك وأشــــريــــــــك


وأرجعـــــك لأول بــــــداية شتــــاتــــــك


أنـــادي لغـــــيرك بوجهــــــك وأخــيــــــــــــــــــك


وأعلمـــك قـــــدرك وحبــــــــــــــــك لــذاتــــــــــــك


ويـــاجيتني ندمـــان والحـــــزن كـــــاسيـــــــــــك


بقــــول لك : مـــــاعــــاد يمديـك فـــاتـك


وأصــد عـن وجهــك وأســــــولف لـــــشـــــــانيــــك


وأعــــــزي أيــــــام الغــــلا فــــي وفـــــاتـــــك




أيا بعد راسي ياعياد على هالقصيده , وتسان عندك من هالنوعيه غرد به على تويتر خل هالطوير مايصم أفمه ياما ياصلن ...




وحنا ماشين خذينا حق المشاوي هالصورتين وكملنا طريقنا ...



http://www10.0zz0.com/2012/07/31/17/107321403.jpg (http://www.0zz0.com)




http://www4.0zz0.com/2012/07/31/17/745606326.jpg (http://www.0zz0.com)



رساله : ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

[برق الشتاء]

ماشاء الله تبارك الله رحلة موفقه ان شاء الله

[عيد ثاني]

برق ..

وفقك المولى ..

لحظات وراجع لكم ..

شرفت يابرق

[درووب]

ماشاء الله

[محب الخيال]

رحله سعيده موفقين ان شاء الله

[عيد ثاني]

دروب ..

محب الخيال ..


وفقكم المولى ..

شاكر لكم مروركم

[عيد ثاني]

أفطرنا بأربد لاوالله مهو فطور ألا ريوقن مايلاحن , ماناقصه ألا خبز الصاج , لو حنا لاقينن خبز صاج تسان مصهرجين

مانوقف ألا بسوريا , سوريا وبه مظاهرات والله ألا يطبق معهم أبو عسوج ماله تسبدن على المعافر ياحل وقته هههه ,

وعلى طاري سوريا ومظاهراتهم والله إني ودي لو إن بعض هالمتدينين يكرموننا بسكوتهم ,


لأن اللي يفتون بالجهاد وهالمكيفات تكر عليهم هم سبب من أسباب زيادة الموت والقتل بسوريا هذا اول شيء ,


ثاني شيء وينهم عن فلسطين وهي له سنين يلعبون به اليهود لعبة العميدا ولعبةإطرح وإركب ولعبة العتبه

اللي على رجل وحده , ولحدن قال لهم باطل تسان شوين , ووينهم عن أبو غريب يوم شبعوا من الحريم

إستدنوا الرجال , ولهو بس بعض المتدينين اللي ودي إنهم يكرمونا بسكوتهم , حتى بعض رواد الحانات

اللي يشتغلون بالصحف ودي إنهم ينثبرون لياما يصلحون انفسهم وعقبه لك يفطنون لسوريا ,

وبعدين بشار مهو مثل طلعة زين العابدين , يوم أوجس الرمي تماكن أول طايره ودخل على أبو متعب ,

ولهو مثل حسني مبارك يقول إنتم امانه برقبتي ولا والله أخليكم للي مايسوون , وعقبه بأيام خلا الجمل بما حمل ,

ولهو مثل زنقه زنقه مع أنه وليدة عرب , لكنه أخطا يبي ينطح شعبه نطح , الوكاد خلوا القوس لباريها سعود الفيصل

هو اللي والله يعرف من وين توكل الكتف , يوم حس أن الغرب صار عندهم حتسين مهو زين قال لهم : ترونا نعطيكم

ظهرونا , ومن عقبه كلن الحظيظ اللي يرد عليه السلام يامنهم سلموا سلامهم , والمرحوم صدام مات وهو يتغمض على

سعود الفيصل , يقول صدام لو عندي مثل سعود الفيصل تسان إستحليت الخليج بإرماشة عين ...

ما أدري وش اللي جاب الحكومات بالطاري وأنا قبل أسولف عن الربيع , يالله ماعليه إعذروني أحيانآ أضرب لي

جادتن غير جادتي ... مشينا مثل ماقلت نبي يم جهة عجلون , والله ما ادري وش اللي نور لنا به ,

لكن يمكن إن عجلة ابو عسوج هي اللي فطتنا على عجلون , أنا بهالحتسي انا اللي متعولطن بالدركسون ,


وأقضب من هالدروب واخلي , أقضب من هالدروب وأخلي , ويوم جيت لي دربن وعر وأنا لك اتوتح معه ,

والله كل ماله توعر القاع , وخوياي تقل أحد موصيهم على الوعر يامنهم شافوا هالوعر قاموا ينخوني عليه

ويامنهم نخوني قمت أتزاود , ياما شابطت لي قاره كبر امس واليوم , ويوم جيت بنصه ,

وهن يقمن الكفرات يدرن بمكانهن من العشب , ويوم وقفن وهو يقوم لك الجيب يرجع شوين

شوين , مافطنت ألا يوم حول أبو عسوج وهو يصير قفو الجيب , ويشر لي , يمين يسار , يسار يمين ,

ياما حولنا من قارتنا , أفيه ياهلا والله بالقاع , عقب مابغينا نرجع , قضبنا لنا شعيب ضيق

والمشكله مابه طريق واضح , نمشي على همش الاخبار , وحنا لك نتسلقط على لنا مكانن قفر ,

الله العالم إن حتى نص الأردنيين مايدرون عنه , مكانن على كيف كيفك , وأقرب ماله هجيرتن صغيره يقال له التبنه ,

ياماشاء الله على هالتبنه , والله ماودك إن العين القشرا تشوفه , طبيعه وغيوم ولا حولك الوالي ,

عن إذنكم أبرد على أبوي _ الله يطول بعمره _ هو هذا يتصل علي تقل يدري إني مبسوط ...

- عيد ثاني .. هلايبه

- أبوي .. هلا هلا وش لونك وش لون خوياك , عساكم مستانسين

- عيد ثاني .. أي والله يبه مستانسينن بهالربيع عند هالبدوان

- أبوي .. وش وقع جوكم كما عليكم عجاج

- عيد ثاني .. لاوالله يبه جونا زين , ولهو خلي من الغيوم , وإنتم يبه وش وقع جوكم

- ابوي .. والله ياوليدي مستسبرتن علينا من أمس , حتى المدارس وقفوه ...لاتبطون لاتبطون

- عيد ثاني .. إن شاء الله ماحنا مبطين , يالله يبه مع السلامه

<<< ودي أقول لأبوي العجاج جاكم لأني منا عندكم لكن إستحيت منه , تروني ثقل عندي أبوي لايغركم بربرتي عليكم , وهلحين أبرسل صورتي لأبو مشعل وانا بوسط هالعشب , ما أمداني إرسله ألا أبو مشعل يتصل ...

- ابو مشعل .. ياولد وش هالصور وش هالربيع , بس هذولي اللي إنت صورتهن ...

- عيد ثاني .. لا الصور واجد , لكن إنت لايصير بك طفقه

- أبو مشعل .. ترن نزلت بعض صورك بتويتر

- عيد ثاني .. مهو بس إنت اللي تنزل بتويتر حتى انا أبنزل بتويتر

- أبو مشعل .. يعوزكم شين ناقصكم شين

- عيد ثاني .. لله ابد سلامتك


ماتحسون إنكم زودتوا الميانه علينا شوين ولا خليتونا نصلح غدانا , عن إذنكم نبي نصلح غدانا وراجعين ..





http://www3.0zz0.com/2012/08/02/15/152066256.jpg (http://www.0zz0.com)
صوره لبداية دخولنا ...



http://www3.0zz0.com/2012/08/02/15/765356683.jpg (http://www.0zz0.com)
وهذه صوره أخرى ...


http://www3.0zz0.com/2012/08/02/15/107767207.jpg (http://www.0zz0.com)
وهذه صوره ثالثه ...


http://www3.0zz0.com/2012/08/02/15/743104618.jpg (http://www.0zz0.com)
تجهيز المشاوي ...


http://www3.0zz0.com/2012/08/02/15/951750287.jpg (http://www.0zz0.com)
صوره للثلاثي المرح <<< فاضي للتصوير


http://www3.0zz0.com/2012/08/02/15/611392766.jpg (http://www.0zz0.com)
صوره توضح الأعشاب داخل الحجر الكبير ..ياسبحان الله


رساله : أحيانآ نبتسم في دواخلنا عندما نرى معاقآ , ليس لفرحنا بمصابه , وإنما إستشعارآ لنعمة الله علينا ...

[ibrahim_20]

يعطيك العافيه

[عيد ثاني]

ابراهيم ...

الله يعافيك ..


شرفت

[الزامل الاول]

ماشاء الله تبارك الله رحله ممتعه وصور جميله

[زيد الزميلي]

ماشاء الله بس لوعرف وشي هالكليمة او هاالمصطلح مادري هي مدينة زين خشق القرقوط يعني مثل روظة مشابكسة؟؟ او خشم القرفوط ؟ههههههههههههههههههه الله يونسكم بالعافية دام الليالي صافية وبخيراته ضافية ولمبات الشوارع نوب" والعة ونوب" طافية او عد مالدجاجة حافيةةةةةةةةةةةةةةةةةةةةةةةةةةة لاهنتوا يابعد حيي وميتي على الطلعة الوافية الشافية..

[عيد ثاني]

الزامل ...


المتعه والجمال في حضورك ...


شرفت ...

[عيد ثاني]

ماشاء الله بس لوعرف وشي هالكليمة او هاالمصطلح مادري هي مدينة زين خشق القرقوط يعني مثل روظة مشابكسة؟؟ او خشم القرفوط ؟ههههههههههههههههههه الله يونسكم بالعافية دام الليالي صافية وبخيراته ضافية ولمبات الشوارع نوب" والعة ونوب" طافية او عد مالدجاجة حافيةةةةةةةةةةةةةةةةةةةةةةةةةةة لاهنتوا يابعد حيي وميتي على الطلعة الوافية الشافية..



زيد...

إنت لو ماقلت هالكليمه تسان شرحت لك المعنى , لكن من قلتهن عرفت أن الخشق مارن عليك ياعلهم مايخشقونك خخخخخخخخخ...

لو ماحنا مقبلين على العيد تسان عزمتك وعلمتك بالخشق , لكن أما تخبر أحد عنده شين قبل العيد لاتنساني ههههه

شرفت يازيد ...

[عيد ثاني]

ياسلام على التبنه , أجوائه وجوه عليل على كيف كيف ,ألا وش نوح يامنهم هذا قالوا الجو عليل , ماجلي ما العليل مهو

المريض , هالسالفه فطنن عليه مشوين بهستن مايخلي دابتن بجحره , وبهستن آخر يقول وشنوح يامنهم هذا قالوا مرور

الكرام , ماجلي ما الكرام يامنهم مروك مايتريحون , مهو تقل قاعدينن على لهم جمره , عاد أنا

محولن هالبهستين على الله ثم عليكم ولايهون , عز الله منا حليل التبنه بس لو هم مغيرينن إسمه


مالقوا إلا هالأسم الامحق , ضاقت عليهم الاسامي ألا التبنه...

ترونا يوم حولنا بهالمناظر الزينه ,كلن قضب هذي وقام يصور , إسمناه منا تقل واقعينن على

هالربيع من السماء , ألا أبو خالد تقل ذالن شيشتوووووه تطير , ترك هالربيع وقام يمغد من هالشيشه

,والله إني بأطرف الفيضه وأشوف دخانوووه يعثور , نوبن يقول هاتس ونوبن يقول هاتس ...


حطينا الملح على المشاوي وعصرنا عليه ليمون ورمسنا لنا كم راس بصله بوسط النار على شان

تعطي نكهه , يوم فطنا يوم إنسل منا ابو عسوج , وهو يطاول له تقل شعيبن ضيق ,

خذاله دهوه يامار هو هذا راجعن علينا ...

_ أبو عسوج .. يالربع لو أقول لكم إني حصلت إثر سلحفاةإنتم تصدقون أو لاء

_ أبو خالد .. كل شي جايز ... بس ماظنتي إن حولنا سلحفاتن بهالقاع , لاماء ولا هذي ولا هذيك

_ أبو عامر .. والله مرتن لقيته أنا وعيد بالشرقيه طافحتن على جال البحر , لكن بهذا ماظنتي

_ عيد ثاني .. إسمناه وش عرفك لأثر السلحفاة , وبعدين وش لون يبين إثره بهالعشب , ياعاد حتى البعير مايبين إثره

_ أبو عسوج .. عز الله لو نقول لأطرف واحدن من الربع إننا لقينا لنا سلحفاتن بله فيضه , ألا يقول أكيد إنكم سكرانين

_ عيد ثاني .. والله ماينلامون يابو عسوج وش لون تجي سلحفاة وبله فيضه , لا تقول لأحد إنك شفت إثره

_ أبو عسوج .. وهذي وشي <<< وهو يمعده من ورا ظهره

_ أبو خالد .. أي والله سلحفاة ... عساه حيه

_ أبو عسوج .. أي والله حيه ...شفه شفه هلحين تمشي

_ أبو خالد .. أي والله تمشي

_ أبو عسوج .. عيد صور صور السلحفاة أما يتسذبنا أحد نقول هذي صورته

_ عيد ثاني .. أبشر أبشر <<< وده يقول مهو معقول يتسذبوننا أربعتنا بس مايقدر


ضبطنا مشوياتنا ورمينا منهن ياما قلنا العيد باتسر , وسلحفاتنا بجنبنا مادقت لنا خبر , وأحسن ما بهالسلحفاة إسمه

عز الله إنه راتسبن عليه , أحس إن حتى الإسم دوبه يمشي سلحفاة ماتحسون إنه مراهمن له ,

ومرزام الماء بعد إسموووه مراهمن له , هالماء له رزيمن معه , الوكاد إن أكثر الحوايج ترهم لهن

أسماهن ألا اللمبه مايرهم له إسمه , بالله إنطقوا الإسم وتسنكم ماتعرفون اللمبه ,

ماتحسون إن لمبه إسمه به ظلام , انا من اليوم ورايح ما أسمي اللمبه لمبه , أبسميه له إسمن من

عندي محد يعرفووووه , وش نوح بس الأولين يبدعون أسامي من عندهم ,

حتى أنا ابسمي من عندي ...

يوم جينا نبي نغير مكاننا يامار راع أكالغنم بجنبنا , وحنا لك نمر عليه , والله إن إبن الحلال عزمنا


لكننا إعتذرنا ويوم جينا نبي نمشي من عنده قلت شف مكاننا تحصل به مشاوي وفواكه ,

يوم مشينا قالوا خوياي يامحد مكاننا مابه ألا العظام , كبينا كل اللي بقي خخخخخ ,

عزالله يبي يدعي علي أكاراعي كل يوم وليله , أنا ما أدري وش اللي نطقن من جوف خوياي ,

لو انا منثبرن أصرف لي , عز الله إن الطفقه تلعب دوره , وين الا ماوين وحنا نمشي هذا وجهنا ..



http://www7.0zz0.com/2012/08/04/17/466294675.jpg (http://www.0zz0.com)

منظر علوي ...



http://www7.0zz0.com/2012/08/04/17/150889579.jpg (http://www.0zz0.com)

نفسه تقريبآ ...



http://www7.0zz0.com/2012/08/04/17/575474886.jpg (http://www.0zz0.com)

بداية المشاوي ...



http://www7.0zz0.com/2012/08/04/17/743681142.jpg (http://www.0zz0.com)

ماعندهن الوالي ...



http://www7.0zz0.com/2012/08/04/17/720005815.jpg (http://www.0zz0.com)

أبو عسوج حول مكان السلحفاة ...



http://www7.0zz0.com/2012/08/04/17/698724920.jpg (http://www.0zz0.com)

أبو خالد يشوي ...



http://www7.0zz0.com/2012/08/04/17/986383986.jpg (http://www.0zz0.com)

أبو عامر يصور ...



[/URL]


http://www5.0zz0.com/2012/08/04/22/383423650.jpg



أبو عسوج يبحث عن الشبكه ...


http://www5.0zz0.com/2012/08/04/21/409637726.jpg
[URL="http://www.0zz0.com"] (http://www.0zz0.com)

أبو خالد يبحث ...



http://www9.0zz0.com/2012/08/04/17/322321003.jpg (http://www.0zz0.com)

أبو عامر يشرب شاي ...



http://www9.0zz0.com/2012/08/04/17/718912448.jpg (http://www.0zz0.com)

بداية نزول صاحب الغنم ...



http://www9.0zz0.com/2012/08/04/17/822749769.jpg (http://www.0zz0.com)

صاحب الغنم .. لاعادة من عزيمه ...



http://www9.0zz0.com/2012/08/04/17/876552758.jpg (http://www.0zz0.com)

سلحفاتنا المذكورة أعلاه ...



http://www6.0zz0.com/2012/08/04/18/968307230.jpg (http://www.0zz0.com)

ياسلام على المشاوي ...



http://www6.0zz0.com/2012/08/04/18/106012689.jpg (http://www.0zz0.com)

المشوي قرب يستوي ...



http://www6.0zz0.com/2012/08/04/18/463337102.jpg (http://www.0zz0.com)

المشوي جاهز ...



http://www6.0zz0.com/2012/08/04/18/509207706.jpg (http://www.0zz0.com)

العشب في قلب الصخر .. ياسبحان الله



http://www6.0zz0.com/2012/08/04/18/298773270.jpg (http://www.0zz0.com)

هذي يقول صاحب المحل اللي إشتريناه منه إنه تنقشر من برا ثم تنقشر من جوااا قال ابو عسوج واليه وش يبقى به ههه
وإسمه على طرف لساني لكني ضيعتوووه هلحين...


رساله : صفحتي بتويتر .. متابعتكم تسرني ... https://twitter.com/#!/favorites

[عيد ثاني]

قضبنا هذي ولا حنا جازمينن على ممشى معين , الوكاد إننا ولله الحمد مبسوطين وفالينه,

ولو ننام على لنا سملول مثل ماقال ابو عسوج خخخخ

_ أبو عسوج .. وش رايكم إننا نمر على برغش وعقبن لك نمر على إربد ومن إربد على الرمثا وعقبن لك نصطقه هاتس على المفرق واللي حوله ...

_ أبو خالد .. والله إنه راي زين .. وتسانكم تبوننا نمرح بعد بالرمثا أو بالمفرق تروه زينه ..

_ أبو عامر .. عز الله قدام وتساننا أمرحنا بلنا فندقن زين إزهلوا الطبخ علي << ويبخن بطرف عينه ويتبسم

_ عيد ثاني .. ساكت تسني لاهي بالجوال , وأنا ماودي بالفندق أبتبطح بهالبراد الزين , وأببعد عن الحساس والصجه واللجه

_ أبو عسوج .. عيد وش نوحك ساكت تقل مهو جايزن لك هالحتسي

_ عيد ثاني .. لاوالله يبو عسوج عادي باللي تبون

_ أبو خالد .. إنت ياعيد لاتصير خبل تبينا كل رحلتنا بهالبران , ياخوي نبي نغسل نبي نتروش نبي نشيش ونبي ونبي

_ عيد ثاني .. ههههه باللي تبون ومن هنا للغياب أفراج

_ ابو عسوج .. ياعيال يقولون برغش به محمية غزلان , خلوني أنشد هالزلمه عن طريقه ... وين طريق برغش يا الحبيب

_ الأردني .. شو برغش يا زلمه مافيش هون برغش

_ أبو عسوج .. ألا ياشيخ وبعد يقولون به له محميتن طيبه

_ الأردني .. آه إنت بتقصد بييرقيييش يازلمه

_ أبو عسوج .. اللي هي هي ... حنا ننطقه برغش وإنتم بيرقش

_ الأردني .. الله محييكم على كووول حال , وطريقها بدك تمشي دغري وبعدين تلف شمال

_ أبو عسوج .. دغري هذا وإلا دغري هذا <<< فيه طريقين ولايدري يقصد أيهن ههههه

جينا برقش وسيده على المحميه وأول ماقابلنا الحارس قال له

_ أبو عسوج .. ممكن ندخل يازلمه

_ الحارس .. لا , ويرفع رأسه ويطمنه مع النطق

بالله حاولوا إنكم تجربون , قولوا لاءوإرفعوا روسكم بعد روس وطمنهوهن , بالله ماتحسون إنكم مالكم نفس ..

_ ابو خالد.. خلنا بس شوين ...

_ الحارس .. لاء ممنوع يازلمه

أبو عسوج إندبلت تسبده وهو يعشق الجيب بزعل , ويقول خلوه خلوه يولي , هذا أصلآ مهو حارس , هذا علاف خخخ...

عقب مادبل تسبودنا هالعلاف عفنا برقش باللي به , ودزيناه على إربد ..

أول ماطبينا إربد وهو يلايعنا أكالمقرود , وهو يدغشنا من قفو , وهو يصفط على طول على اليمين , وهو يمعد الجوال

_ الأردني .. ألو ألو الشرطه تعو تعو ضروري أنا عندي حادث .. شو شو عندكو حوادث كتير

_ أبوعسوج .. يارجال عين خير والدغشه بسيطه ,وإنت ترك مسرع ودغشتآ من ورا

_ الأردني .. شو مسرع شو مسرع , إنتا اللي خرجت قدامي فجأه



رساله : صفحه تستحق المتابعه من وجهة نظري .. https://twitter.com/AyaadThani

[علاءمعيوف]

رحله جميله الله يعطيكم العافيه

[GMC 111]

الله يعطيك الف عااافيه

[مطنوخ عبس]

ماشاءالله تبارك الله

رحله موفقه وتقرير مبدع

بيض الله وجهك

وتقبل تحياتي

[هملان العبدي]

عيد ثاني


ابدعت في طرحك واختيارك وتعليقك..
رحلة ماله جنس..
الله يوفقكم الخير انت وعشراك اللي نهجو معك..

[sarab88]

ماشاءالله عليكم

[عيد ثاني]

رحله جميله الله يعطيكم العافيه




علاء ...

جمل الله أيامك ...

شرفت

[عيد ثاني]

الله يعطيك الف عااافيه



جمس ...

الله يعافيك ...


شرفت

[عيد ثاني]

ماشاءالله تبارك الله

رحله موفقه وتقرير مبدع

بيض الله وجهك

وتقبل تحياتي




مطنوخ ...

الله يوفقك ويبيض وجهك ..

شرفت

[عيد ثاني]

عيد ثاني


ابدعت في طرحك واختيارك وتعليقك..
رحلة ماله جنس..
الله يوفقكم الخير انت وعشراك اللي نهجو معك..


هملان ...

الله يوفقك ...

إن شاء الله إنك تنهج بعيد هناااااااا وتلقى ربيع يونسك ويبرد تسبدك يابعد تسبدي لهالتسبد

تسبد هالضب اللي مضيعن جحره هههههه

[عيد ثاني]

ماشاءالله عليكم


سراب ...

ماشاء الله عليك انت لاتكز ههههه

وفقك المولى ياسراب

[الخندريسي]

ابدعت يا عيد ...يعطيك العافية

[عيد ثاني]

الخندريسي ...

الله يعافيك ...

شرفت ...

[عيد ثاني]

الخندريسي ...

الله يعافيك ...

شرفت ...

[عيد ثاني]

_ أبو عسوج .. يارجال أنا منا مسرع , لو أنا مسرع تسان صادمن هلي لبالي <<< الأردني أتوقع إنه للحين يبحث عن معنى لبالي

_ الأردني .. يا أخي أنا سيارتي إنعدمت من قدام , شوف الصدام شوف النور الأمامي ...

_ أبو خالد .. ياخوي كل السالفه ماتسوى , إنت نتسعتنا من قفو , وتسانك تبي حق التصليح دونك هالعشر دنانير
<<< نتسعتنا والله مايلقى معناه لو يبحث بكل القوقلاه خخخخ

_ الأردني .. العشر مايساوووو إشيء يازلمه

_ أبو خالد .. مايساووووو إشي خل الشرطه يجون وش ورانا ...

_ الأردني .. يازلمه الحديد بيتعوض , لكن إنتووووو خرجتوا قدامي فجأه

_ أبو خالد .. المفروض إنك تقول هالكلام الزين من أول مهو من أول مانزلت وإنت صدمتوني صدمتوني

جلسنا بسيارتنا وهو جلس بسيارته ننتظر الشرطه .. قال أبو عسوج ياعيد خذ هالعشرين دينار عطه إغديه يفارقنا ...

_ عيد ثاني .. يازلمه خذ هالعشرين دينار وصلح سيارتك وخلنا نكمل طريقنا ...

_ الأردني .. شو عشرين دينار , العشرين ولاحق فطور الميكانيكي ...

قلت لأبو عسوج يقول هاللون وهاللون , والله وهو يحول أبو عسوج , ويراعي لجيبنا من قفو يامار مابه مكان للصدمه

ويامار على تحويله الأردني , وحنا نحول كلنا ...

_ أبو عسوج .. إنت يا الطيب سيارتك مصدومه من قبلنا

_ الأردني .. شو مصدومه من قبل

_ أبو عسوج .. سيارتك مثل ماقلت لك مصدومه من قبلنا , شف جيبنا مافيه شيء , وإنت سيارتك الضربه واضحتن به

تعال تعال ورنا وين مكان صدمتك بجيبنا , تعال تعال شف الجيب مابه إلا هالخديش الصغيييير

_ الأردني .. أي نعم يازلمه سيارتي مصدومه من أول لكن مو هيك ...

_ أبو عسوج .. هيك وإلا مهو هيك , إنت سيارتك مصدومه وتبي تحطه بحلوقنا

بهالحتسي تجمعوا الأردنيين اللي حول المكان , قال حديهم : يازلمه مو معقول سيارتهم مافيهاش إشي وإنت سيارتك صاير فيها ضربه , ورد عليه اللي صدمنا وقال إحنا محنا يهود بنوكل بعضنا , وأنا من قبيلة الفلان , ورد عليه وقال

يازلمه من وين ماتكون , لكن مو معقول سيارة الرجال مافيهاش إشي وسيارتك فيها هيك ضربه ...

تلاججو بالحتسي بينهم , وهو يجي أكالأردني المطنوخ اللي بايعه بجلخ بصله قال : قال ماعليكوو منه هذا نصاب ,

أكثر من مره يسوي هاي الحركه , وآخرها قبل كم يوم إستغل موكب جنازه , وسوا معهم نفس الحركه ,

قال صاحب السياره أنا نصاب , قال أيوه إنت نصاب وجالس تتبلى عليهم , قال صاحب

السياره , إنتم _ يقصدنا _ روووحوووو ما أريد منكم إشي , الله يستر عليكووو ...

أفيه الله يستر الله يستر والله يبيض وجه أكالمطنوخ

عز الله إن المطنخ موجودينن بكل مكان , أيا علهم بعد خطوان بشر هو بكوم والقبلة بكوم , ألا

مهو مامن قبله , ألا يدبل التسبد , إن ركب جيب إملهت هالجيوب كله , تلقااااوه يامنه أقبل

عليهم يقول ياملاهوووه هو وجوابه , وإن ركب ددسن ياملاهوووه هو ودقاسنوووه

, الوكا إن السياره اللي يركبه ألا يمله به , ولهو بس السياره لو يدخل على له بقاله

ويشتري زيت عافيه , والله يعذر بك إنك تحرم الزيت لو تزرط الدجاج زرط هاللون بدون حمس ,
لكن كل هذا بكوم ويامنه واجهك حديهم وقال لك : إنت جيت من الرياض , أو إنت جيت من الدمام بكوم , ودك تقول له : لاوالله لياهلحيني متسفي ,

حرام هالنشده ماله لاراس ولا ذنب , مهي بعيدتن عن سوالف بعض الحريم , يامنهن جن من التراويح

, تلقاه تسولف مع خويته قبل ياصلن أهلهن, إنتي شفتي فلانه يوم هي تصب لنا ماء , وترد

عليه خويته أي والله شفته , وهن كلهن بمسجد واحد ...

وإنتي شفتي فلانه يازين ثوبه <<< لو مهن بالمسجد تسان قلت فستان هههه وترد عليه

أي والله يهبل , والمصيبه إنه جالسه بينهن ,بالله هذي سوالف عاد ...



أما اللي منا حليلهم حقين هالبنوك , بس هم هذولا يتولهجون , ويامنهم حتسوا معك يامار يالله بلي يالله تسمع حتسيهم ,

ياعلهم بعد المرور , ماتسمع الا حرك ياولد , أو إصفط على جنب ...




عاد تصدقون إن كل هاللي فات ينرقع , لكن اللي والله ماينرقع هلي يوم يجيك يامار شاربه تقل ملبوخن عليه لبخ ...

ما أدري وش نوح مايواسيه , والله لو ينخى على شاربه نخوى , ياعونة الله عونتك لو كل ثنين

من الربع يتعولطون بطرف ياما يتواسا شاربه , ولا حنا من الشامتين ...


رساله : الطموح والتفاؤل والأمل واجهه مشرقه لغد صاحبها ... بعد توفيق الله

[عبدالرحمن خلف]

الله يعطيك العافية تقرير قصصي شيق لأبعد الحدود والله يرظاء على ذيك الديار
ويسيقه الغيث

[عيد ثاني]

الله يعطيك العافية تقرير قصصي شيق لأبعد الحدود والله يرظاء على ذيك الديار
ويسيقه الغيث

عبدالرحمن ...

الله يعطيك العافيه على مرورك ...


شرفت ياعبدالرحمن

[kavah99]

ماشاءالله تبارك الله

رحله موفقه وتقرير مبدع

[عيد ثاني]

كفاح ..

وفقك رب المكافحين ...

شرفت

[طيب الخوة]

عيد ثاني
بارك الله فيك على هالسرد الممتع والجميل لاتبطي علينا بباقي هالرحله الطيبه

الا علىفكره ياخلف ميتي ماعينت عشقتلي يم هاكنواحي تراه حول العرب اللي انتم تعشيتو عندهم


احجزي لي مكان معك السنة الجايه

[عبدالرحمن 0]

شي طيب وجميل

[ياسر 111]

ما شاء الله تبارك الله

تقرير رائع وصور جميله

بارك الله فيكم

[فتافيتات]

أبدعت في الطرح

[عيد ثاني]

عيد ثاني
بارك الله فيك على هالسرد الممتع والجميل لاتبطي علينا بباقي هالرحله الطيبه

الا علىفكره ياخلف ميتي ماعينت عشقتلي يم هاكنواحي تراه حول العرب اللي انتم تعشيتو عندهم


احجزي لي مكان معك السنة الجايه

طيب

ايا بعد راسي هالرواس ياطيب ، إن شاء الله إني ما إبطي ياخلف حيي وميتي ...

والله ماعينا الا هالسلحفاة تسانك عاشقه إبشرك تره كتوم ماعلمتنا بشين وإلا والله إننا لغلبناه ههههه ...

إنت ماعليك ألا تجهز الجيب والكسر والفشق والعزبه ، أدري بك يا العشير منقطعتن بك رجل مالقيت اللي يخاويك يعني متسولح خخخخخخ


شرفت يا العشير

[عيد ثاني]

شي طيب وجميل


عبدالرحمن ...

مرورك ودورياتك وشرطتك زادته جمالآ فوق جماله الذي تقوله ...

شرفت ..

[عيد ثاني]

ما شاء الله تبارك الله

تقرير رائع وصور جميله

بارك الله فيكم

ياسر ...

بارك الله في أيامك ...

شرفت

[عيد ثاني]

أبدعت في الطرح

فتافيتات ...

شكرآ على المرور ...

فتافيتات .. تقدر تقول إسمك ثلاث مرات وبسرعه...

أي واحد يقدر يقول فتافيتات بسرعه ولايخطيء يبشر بالجائزه الفخمه ..

راجع لكم ...

[راعي بشير]

وش ذا الترتييييب


ماشاء الله

[عيد ثاني]

وش ذا الترتييييب


ماشاء الله



راعي ...

حياك الله ...


شرفت

[عبده عبيد]

من أغرب التقارير صياغة

[عبده عبيد]

سيناريو وحوار صار

[عبدالله الوقيان]

الله يعطيك العافيه على التقرير الرائع

[مهبوب نسايم]

وين غطس به هالشمري , عقب الصدمه ماحد رد عنه الخبر , هاه يوم صدمتوا فأربد وافتككم الأردني وين رحتوا


الرحلة سرد والصور قليلية نبي منك في نهاية الرحلة تضع كل الصور وتشرح عليها شرح مختصر بدون زيادة سرد حتى يكون الموضوع دسم وحتى يكتمل جمال الموضوع .

[ح...ر...ب...ي]

الله يعطيك العافيه

[عيد ثاني]

من أغرب التقارير صياغة

عبده ..

الغرابه في الطريق ...

شرفت ...

[عيد ثاني]

الله يعطيك العافيه على التقرير الرائع

محمد ...

الله يعافيك ويخليك ...

شرفت

[عيد ثاني]

وين غطس به هالشمري , عقب الصدمه ماحد رد عنه الخبر , هاه يوم صدمتوا فأربد وافتككم الأردني وين رحتوا

مهبوب ...

وش قومك يا العشير بك طفقه وعجله انا هلحين بلشان بهاللي صدمنا وإنت وين رحتوا وين جيتوا هههههه


الرحلة سرد والصور قليلية نبي منك في نهاية الرحلة تضع كل الصور وتشرح عليها شرح مختصر بدون زيادة سرد حتى يكون الموضوع دسم وحتى يكتمل جمال الموضوع .

ابشر ابشر مالك الا اللي يرضيك وراح تلقى الصور في نهاية الرحله هنا واللي ماتلقاه هنا تحصله بملفي الشخصي على شان أعرف الناس اللي عندهم شفاوه وفضول ههههه





مهيوب ...

أحس وأشعر وأتوقع وأعتقد إنك ماتبي زيادة السرد لكن انا سارد سارد عسى الله مايعوق بشر هههههه

[عيد ثاني]

الله يعطيك العافيه

حربي ...

الله يعافيك ...

شرفت

[عيد ثاني]

عقب أكالمطنوخ عفنا الديره باللي به , وحنا لك ندز وندز وندز , وقبل لانطلع من الديره قال

_ أبو عامر .. عوذا تسيف عاد ماشكرنا هالوليده اللي بايعه بجلخ بصله ..

_ عيد ثاني .. أي والله عاد ماله لامصلحه ولا هذي ولا هذيك ...

_ أبو خالد .. والله إنه يستاهل اللي يشكره ...

_ أبو عسوج .. أي والله يستاهل بس إننا إسمنا اللي مشينا , والله إني أحلف على اللي صدمنا إنه مهو أردني , والله لو أجيه إنه من هال ... المروحين اللي عايشين بالأردن , ألا وش رايكم إننا نمر الرمثا , إغدينا نحصل لنا فندق زين أو شقق زينه

_ أبو خالد .. قدام وعينه على الشيشه

_ أبو عامر .. قدام , أحس إنه يلاهدآ هههههههه

_ عيد ثاني .. قدامين <<< أقول بنفسي إن شاء الله إننا مانلقى , أبسحب هالسفري بهالبراد وأبتنقح


مرينا الرمثاء ودوجنا به ودوجنا به , ومالقينا ألا فندق لكم عليه , ولاناسبنا , ودزيناه بإتجاه المفرق , ودورنا ودورنا

نبي غير فندقنا اللي أجرنا عنده أول ماجينا الأردن , ولا لقينا ألا هو , وبعدين بيني وبينكم هالفندق مهو خلي من حركه

, يعني يناسب اللي قلوبهم خضر <<< مايقصد أبو عسوج وابو خالد ...

جينا فندقنا وأجرنا عنده بسعر أعلى من السعر الأول , والسبب على قوله لأننا صادفنا خميس وجمعه , لكن فيه شيء

متغير هالمره , حركة الناس وجياتهم وروحاتهم كثرانه , مهي مثل أول , وش العلم وش السبب تبين لنا إن الربع

مستعرسين , فيه عروس تبي تجي , أو عروس تبي تروح من هالفندق والظاهر إنه سعوديه , لأن أكثر هاللي بس

يخترشون سعوديين , هذا سعودي رايح وهذا سعودي جاي , كل ما أطلع فوق أو انزل تحت يامار هالوغدنيه يسابقوني

على اللفت , أيا وغدان الشر والشر , ويامنهم ركبوا يامار بس يتهارشون , هذا يعم هذا , وهذا يحبش هذا , برا برا برا منهم

, بحدا نزلاتي وهو يتنطحآ اللي بالإستقبال قال

_ الإستقبال .. صاحب العائله منزعج

_ عيد ثاني .. ليه عسى ماشر

_ الإستقبال .. يقول إنكم رايحين جايين ..

_ عيد ثاني .. هههه تقل مافيه بهالفندق ألا السعوديين , إعتذر لنا منه بالنيابه , وهاللي تشوف والله القدوع بيدي , أقصد مانروح ألا بحاجه ...

_ الإستقبال .. أشكرك على تفهمك , وياليت إنك تبلغ الشباب

_ عيد ثاني .. أبشر ولايهمك


_ عيد ثاني .. يا الربع والله اللي بالإستقبال يقول بعض العوايل يشتكون , ويقول ياليت إنكم تقللون الحركه

_ ابو عسوج .. تشوفون يا الربع , هالسعودي ولابين عيونه ألا السعوديين

_ أبو خالد .. من الصبح صياح وغدانه صجوا روسنا , وتاليه يروح يشتكي , والله يدبل إنه التسبد

_ أبو عامر .. ماعليه ماعليه , والله يا أنا أبضبط لكم كبسه لاراحت كبسه ولا جت كبسه , تاكلون أصابعكم ورااااه

_ عيد ثاني .. عز الله إن علي لمسات بالطبخ على كيف كيفك

_ ابو عامر .. والله لو إنك تفكآ من لمساتك إنه أبرك , وشف القهوه والشاهي تفنن بهن على كيفك

جلست أنا وأبو عامر بالمطبخ نضبط العشاء ونضبط القهوه والشاهي , وانا أروح للمجلس يوم فطنت يامار واحدن من

خويانا الله يستر عليه , يامار حاطن عينه بالعين السحريه اللي بالباب , وتقل وده إنه يتلطم ههههههه , والله يوم شافآ

وهو يموت ضحك , ويقول عوذه أوذونا هالوغدان , ماخلونا نهجع خخخخخ ...


_ أبو عسوج .. عز الله تسانكم تطيعوني باكر نبيه كله دوجتن على هالهجر اللي حولنا , أكيد إنهم مثل طبيعة البدو

_ حنا .. تم تم


خلونا مع عشانا وراجعين لكم ...


http://www2.0zz0.com/2012/09/03/22/817747492.jpg (http://www.0zz0.com)

البدايه ...



http://www2.0zz0.com/2012/09/03/22/748823471.jpg (http://www.0zz0.com)

الطبخه جاهزه من يد مانعدمهاش ...


http://www2.0zz0.com/2012/09/03/22/268263510.jpg (http://www.0zz0.com)
حياكم وإعذرونا على القصور ...


http://www2.0zz0.com/2012/09/03/22/308335738.jpg (http://www.0zz0.com)

أبو عسوج ناوي على نيه ...


رساله : لم أجد أشد حبآ من الكويتيين والمصريين لأرضهم ولاكرهآ لحكومتهم ...

[الكهف -]

بارك الله فيك

[ابن حلاسه]

رحله موفقه وسرد رائع وصور اروع

تسلم الايادي ويعطك العافيه

[صقر برزان]

تسلم الله يعطيك العافيه علا التقرير

[الامل المجروح]

مشكوووووووووور

[عيد ثاني]

بارك الله فيك

الكهف ..

بارك الله في ايامك ...


شرفت ...

[عيد ثاني]

رحله موفقه وسرد رائع وصور اروع

تسلم الايادي ويعطك العافيه



ابن حلاسه ...


تسلم اياديك .. وفقك المولى


شرفت ...

[عيد ثاني]

تسلم الله يعطيك العافيه علا التقرير


صقر ...

ياصقر ياصقرن نوده ونغليه ...

الله يعافيك ويطول عمرك ...

شرفت ..

[عيد ثاني]

مشكوووووووووور

الأمل ..

حياك بلا جراح ...

شرفت ...

[نوخذة البحرين]

بارك الله فيك
تقرير جميل وصور اجمل

[حكمة الصمت]

ابدعت ولاقصرت ي ولد شمر وماعليك زود
تقرير رائع وطرح اروع وسرد في قمة الروعه

تقبل مروري

[عيد ثاني]

بارك الله فيك
تقرير جميل وصور اجمل

نوخذه ...
أمد الله بعمرك على طاعته ...


شرفت ...

[عيد ثاني]

ابدعت ولاقصرت ي ولد شمر وماعليك زود
تقرير رائع وطرح اروع وسرد في قمة الروعه

تقبل مروري


حكمه ...

ايا بعد حيي وميتي وش دراك إني شمري !!!!

أيابعد رأسي ياحكمه لكن ماقلت لي وش نوح تقول إني شمري ...


شرفت ياحكمه وآعتذر من الجميع على التأخير ...

بإذن الله ستكتمل الرحله خلال الأيام القادمه ...

[خيال911العليا]

ماشاء الله رحلة جميلة وصور أجمل

[110011]

يعطيك العافيه موضوع متميز من شخص متميز

[موسع الصدر]

يسلم لي هالرآس
سرد رائع

والمرة الأخرى بسفيك أنا بالصور (تخبرني ولد الأطرم) وبصير الموفد والموثق الإعلامي لكم
والهرج بنفرغك له ونخليه عليك

لاتبطي علينا لاخلا ولاعدم

[عيد ثاني]

ماشاء الله رحلة جميلة وصور أجمل



خيال العليا...

الجميل مرورك ياخيال ...

[عيد ثاني]

يعطيك العافيه موضوع متميز من شخص متميز



الله يعافيك ياواحدات ...

شرفت ...

[عيد ثاني]

يسلم لي هالرآس
سرد رائع

والمرة الأخرى بسفيك أنا بالصور (تخبرني ولد الأطرم) وبصير الموفد والموثق الإعلامي لكم
والهرج بنفرغك له ونخليه عليك

لاتبطي علينا لاخلا ولاعدم




موسع الصدر ...

خلاص من اليوم ورايح تراك إنت الموثق الإعلامي , وأنا بطرق الهذره ههههه

شرفت وآسف على التأخير ....

[عيد ثاني]

من الفجر فرفرنا أبو عسوج مستعجلن على الريوق , يوم جينا نبي نمشي يامار هذاك أبو خالد مصنعب عند له خباز , والناس رايحه جايه , ياهنا أبو خالد يتحرك ياهنا أبو خالد يتحرك , لو إلتفات ياشين حتى الإلتفات مايلتفت , عاد أنا قلت أبشفي من هالتصنعبه , اللي مهي له بالعاده , يوم جيته يامار حالقاتن عيونه يم له وحده الله يستر عليه , وهو بيني وبينكم ماينلام , لكن ضاقت ألا عند الخباز , لو إنه عند محل حلويات أو ورود أو عطور تسان تنرقع , ضاقت ألا عند خباز يابو خالد !!!

مرينا لنا مطعمن زين داخل السوق , نظيف ومرتب لكن به ضوق شوين , طلبنا والله ما أدري وش اللي طلبنا , الوكاد إني طلبت كفته وقلت إصلقه معهن بصحن واحد قال الكفته ماتجي معهن قال أبو عسوج وش نوح ماتجي معهن أجليه تبي تعيي ياصلقته عليهن ...

فرفرنا عند هالبدوان وعند هالقرايا الزينه , والله ياهي تفتح النفس , وأحسن مابهم إنهم عايشين على طبيعتهم بدون تكلف , مرينا على أكثر من قريه وكان من ضمن القرى قريه تسمى (( السويلمه )) ويوم مريناه وأنا أبدق بهم على طول ..

_ عيد ثاني .. يا الربع إنتم إنتبهتوا لأهل القريه .. طليواتهم ومعيزاهم مسكننينهن معهم

_ أبو خالد .. لاوالله ما إنتبهنا لهم ..

_ أبو عامر .. كل شي جايز ..

_ أبو عسوج .. إسمناه .. هم مهم لاقينن سكن بروسهم تبيهم يسكنون غنمهم ...

_ عيد ثاني .. والله يابو عسوج إنهم حاطينن تقل سرداب وقدامه شبك , ومن الشبك للسرداب

_ أبو عسوج .. واليه تاليه صارت سراديب عقب مهم مسكنينن حلالهم معهم

_ عيد ثاني .. تبوني أنكس بكم يمهم ...

_ أبو عسوج .. لا لا لاتنكس والله قبل منت تسذوب

_ عيد ثاني .. شوفوا شوفوا الله اللي صدق لي , شوفوا هذولا وين حاطينن غنمهم ...

_ أبو عسوج .. عز الله صدقت ياعيد , والله لو تسولف سالفه ماتنصدق

_ أبو خالد .. الله فرج لك ياعيد ههههه

_ عيد ثاني .. لا صرت صدوق ماني مثل قبل ههههه

عقب مالله صدٌق لي طلعنا يم لنا قريه أخرى تسمى (( الحوشا )) , تنطحونا وغدانهم ويقولون إشتروا البابونج , إشتروا

البابونج والبابونج نبت نباتي , طبعآ مشينا وخليناهم هم وبابونجهم , وتعديناهم شوي يامار هذا وغدن ثاني ويقول

بابونج بابونج , قال أبو عسوج : مانبيه بوبجك الفقر اللي يبوبجك ههههه , ذكروني هالوغدان بلي

وغدانن نهجوا معي يم لهم عرس بالشرقيه وياجت بالصحيح مهم والله وغدان ألا صماليختن أعمارهم

حول الثلاثين , الوكاد إنهم معي وماسويت سووه , سلمت على الموجودين وقعدت وهم يقعدون

بجنبي , تقل مقرونينن معي , وعقب ماجلست شفت لي شايبن مالي به علم , والله وانا أقوم وأسلم

عليه وأحب رأسه , ويوم تفهقت يامار هذولا المتسولحين وراي , وهم يتعولطون بالشايب وحب

وحب والله إنهم حتى رأسه حبوه , , المصيبه إنهم مايدرون من أي طشم الله , عاد أكاليوم واجهتهم

بلي مجلس ونشدوني عن الشايب قلت : مهو بخير من حبيتوا رأسه ههههه...

<<<< شطحه ونكمل ههههه


تبرزنا عن الهجر , وتشاورنا على الغداء بين كبسه وبين مقلقل وبين مشوي , وإتفقنا على إن يكون غدانا مشوي ,لكن يوم نزلنا عزبتنا يامار الفحم مايصلح يطفي بسرعه ..

_ أبو عامر .. خلوني أزرق أجيب فحم من هالقرى اللي حدرن منا ..

_ أبو عسوج .. لا أنا أبروح يم أهل أكالروسيه أبنشدهم عن هاللي يلقطونه وشو , وأغديني أحصل عندهم فحم ...

رجع من عندهم أبو عسوج ويقول يلقطون زعتر بري , ويقول ماعندهم فحم , وراح يم راعين

تكيسي صغير يبي أغديه يحصل عندهم فحم , مايمديه وقف عندهم وهو يجينا تسالبن مع أثره , ويكبس ويكبس ...

_ أبو عسوج .. يامحدين إنحاشوا هاللي تبون تروحون يمهم هذولا السوريين ...

_ أبو خالد .. إنت صاتس وإلا تمزح ...

_ أبو عسوج .. لاوالله ماامزح إسمعوا إسمعوا أصوات مظاهراتهم ...

_ أبو عامر ..إي والله هذي أصواتهم

أكيد إنكم تدرون إننا ماحنا فاضين للمشوي وخليناها مقلقل على الماشي , هم يتهددون علينا بهذا وحنا جيناهم برجلينا ...

حياكم على المقلقل ولاتنسونا بالفزعه ...

http://www6.0zz0.com/2012/10/15/23/187278445.jpg (http://www.0zz0.com)

غنمات أردنيات ..

http://www4.0zz0.com/2012/10/15/23/588275767.jpg (http://www.0zz0.com)


أيضآ غنمات ...




http://www6.0zz0.com/2012/10/15/23/114539770.jpg (http://www.0zz0.com)
بيت شعر



http://www6.0zz0.com/2012/10/15/23/713752373.jpg (http://www.0zz0.com)

معاليق يابعد معاليقي إنتم المعاليق ...



http://www6.0zz0.com/2012/10/15/23/859043660.jpg (http://www.0zz0.com)

مشغولين وأبو ثاني صور ....



http://www6.0zz0.com/2012/10/15/23/856955457.jpg (http://www.0zz0.com)

صوره أخرى ...



http://www6.0zz0.com/2012/10/15/23/870632669.jpg (http://www.0zz0.com)

صوره أخرى وأخرى ...



http://www5.0zz0.com/2012/10/15/23/921126175.jpg (http://www.0zz0.com)

روعه وإلا ...




http://www6.0zz0.com/2012/10/15/23/340368985.jpg (http://www.0zz0.com)
حركات ...


http://www6.0zz0.com/2012/10/15/23/237470858.jpg (http://www.0zz0.com)


أبو خالد مركز ...



http://www6.0zz0.com/2012/10/15/23/161095884.jpg (http://www.0zz0.com)

أبو خالد إنتبه لي ههههه



http://www6.0zz0.com/2012/10/15/23/879479460.jpg (http://www.0zz0.com)

أبو عامر مستعد ...



http://www6.0zz0.com/2012/10/15/23/575408565.jpg (http://www.0zz0.com)

أبو عامر صوره أخرى ...



http://www6.0zz0.com/2012/10/15/23/609731567.jpg (http://www.0zz0.com)

أصلح مخرج خخخخخخخ....



http://www6.0zz0.com/2012/10/15/23/220570516.jpg (http://www.0zz0.com)

أبو ثاني وش عنده ...



http://www4.0zz0.com/2012/10/15/23/305832572.jpg (http://www.0zz0.com)

أبو ثاني مصمم على المنشفه هههههه



http://www4.0zz0.com/2012/10/15/23/326281506.jpg (http://www.0zz0.com)

تحداكم تمسكوني هههههه


رساله : هنالك فرق شاسع بين من يميل إلى الدين ويكافأ بالمال , وبين من يميل إلى المال ويتظاهر بالتدين ...

[معانق المزن]

ماشاء الله حقيقة امتعتني بالرحلة
مع انه في البداية قلت وش يبي ذا هو وهالحكي الفاضي
وقررت اقفل الموضوع..
ولكن قلت ياولد كمل موضوع الرجال ..
وتابعت الموضوع فوجدته من اجمل التقارير لهذا العام..
شكرا لك يابو ثاني لامتاعنا برحلتكم..

[أبو معاذ 2006]

ماشاءالله تبارك الله

تقرير مميز

يعطيك العافيه

[الشعله 105]

ماشاء الله عليك
عمل جبار واحترافي
بارك الله فيك وفي مجهودك

[عيد ثاني]

ماشاء الله حقيقة امتعتني بالرحلة
مع انه في البداية قلت وش يبي ذا هو وهالحكي الفاضي
وقررت اقفل الموضوع..
ولكن قلت ياولد كمل موضوع الرجال ..
وتابعت الموضوع فوجدته من اجمل التقارير لهذا العام..
شكرا لك يابو ثاني لامتاعنا برحلتكم..

ابو سمر ...

أعقل وإثقل وخل عنك العجله والطفقه ولاتستعجل كأن بأول إبتدائي هههههه
إنت الحين ماشاء الله عليك موظف وعندك عيله وعندك كمبيتور وعندك شريحة بيانات لاتحسب إنك على طفقتك أيام يوم كنا بالإبتدائي ههههه

شرفتني يابو سمر الله يخليها لك أو الله يخليه لك

ضاقت الا سمر اللي ماندري هي بنت أو ولد هههه

[عيد ثاني]

ماشاءالله تبارك الله

تقرير مميز

يعطيك العافيه

ابو معاذ ...


الله يعافيك ...

شرفت

[عيد ثاني]

ماشاء الله عليك
عمل جبار واحترافي
بارك الله فيك وفي مجهودك

الشعله ..

انار الله طريقك بشعلة إيمانك ...

شرفت

[سلطان ال حسيان]

تقرير اقل ماقول عنة انة روعة

وموضوع شيق

بيض الله وجهك على المجهود

[عيد ثاني]

سلطان ..

الروعه في مرورك ...

[صاحب وفى]

ما شاء الله ياعيد

لك اربع شهور ما خلت هالرحله

ما شاء الله

[عيد ثاني]

ما شاء الله ياعيد

لك اربع شهور ما خلت هالرحله

ما شاء الله


بما إنك صاحب ووفي إصبر علي أربع شهور مثلهن وبعدها إعذرنا عن القصور ...

شرفت يا صاحب ...

[deer]

اعجب تقرير قريته في مكشات من تسجيلي

ما عرفت له مره ممل ومره يجذبك .. اسلوب لم اشاهد احد يكتب فيه من قبل

لك مني كل تحيه وتقدير واحترام

[عشقي الشمال]

ماشاء الله تقرير رائع ورحلة موفقه الله يعطيك العافية

[عيد ثاني]

اعجب تقرير قريته في مكشات من تسجيلي

ما عرفت له مره ممل ومره يجذبك .. اسلوب لم اشاهد احد يكتب فيه من قبل

لك مني كل تحيه وتقدير واحترام

دير ...

زين إنه مره ومره كنت أظنه ممل بالمره ..

شرفت يادير ..

[عيد ثاني]

ماشاء الله تقرير رائع ورحلة موفقه الله يعطيك العافية



عاشق الشمال ..

الله يعافيك ويوفقك ...

شرفت

[معانق المزن]

ابو سمر ...

أعقل وإثقل وخل عنك العجله والطفقه ولاتستعجل كأن بأول إبتدائي هههههه
إنت الحين ماشاء الله عليك موظف وعندك عيله وعندك كمبيتور وعندك شريحة بيانات لاتحسب إنك على طفقتك أيام يوم كنا بالإبتدائي ههههه

شرفتني يابو سمر الله يخليها لك أو الله يخليه لك

ضاقت الا سمر اللي ماندري هي بنت أو ولد هههه

ههههههههه
يامرحبا ابو ثاني
هذا طال عمرك سمر مالي اي علاقه به
ولكن يوم تسجيلي بمكشات كل ماكتبت اسم يقول موجود
بحرت بوجه خويي الي بجنبي قلت وش اسم جدك قالي سمر
قلت خلنا نجربه ولو ادري انه يقبل ماسجلته هههههههه

[samixxsami]

جزاك الله خير

[فتى رامه]

الله يبيض وجهك ويسلمك ويرزقنا واياك الوسم الطيب والربيع اللي يسر النفوس ويشرح الخاطر تحيتي لك ولكل احبابنا بالاردن الحبيبه .

[راعي المرباع]

ممممماشاء الله عليك شي فوووووووق الخيال

[o5oii]

حمد الله على السلامة
الله يعطيك الف عافية على التقرير والصور الجميلة

[تشمتشم]

بوقت من الاوقات كنت بالاردن وبالربيع بس للاسف كنت مع الاهل وماكان عندي الوقت اني اتمشى بهالربيع بالتوفيق والحمد لله على السلامه...

[أبو تركي1]

ماشاء الله تبارك الله

تقرير رائع



بارك الله فيكم

[نديم المجره]

الله يعطيك العافيه
صور تشرح الصدر
الله يشرح صدرك
تحياتي

[عيد ثاني]

ههههههههه
يامرحبا ابو ثاني
هذا طال عمرك سمر مالي اي علاقه به
ولكن يوم تسجيلي بمكشات كل ماكتبت اسم يقول موجود
بحرت بوجه خويي الي بجنبي قلت وش اسم جدك قالي سمر
قلت خلنا نجربه ولو ادري انه يقبل ماسجلته هههههههه

ههههههه الله يخليك ويخلي جدك وجد خويك...

شرفت ...

[عيد ثاني]

جزاك الله خير


سامي ...

الله يوفقك ...

[عيد ثاني]

الله يبيض وجهك ويسلمك ويرزقنا واياك الوسم الطيب والربيع اللي يسر النفوس ويشرح الخاطر تحيتي لك ولكل احبابنا بالاردن الحبيبه .

فتى ...

اللهم آمين ...

لو لم أحصل إلا على هذا الدعاء لكفاني ...

شرفت ...

[عيد ثاني]

ممممماشاء الله عليك شي فوووووووق الخيال

راعي المرباع ...

شرفني مرورك ...

[عيد ثاني]

حمد الله على السلامة
الله يعطيك الف عافية على التقرير والصور الجميلة


أخوي ...

الله يسلمك ويعافيك ...


شرفت ...

[عيد ثاني]

بوقت من الاوقات كنت بالاردن وبالربيع بس للاسف كنت مع الاهل وماكان عندي الوقت اني اتمشى بهالربيع بالتوفيق والحمد لله على السلامه...


تشمتشم ...

الأردن متى ماصملت على الرحله العزابيه إعتبر نفسك بوسط الربيع ...

ضاقت الأسماء يا العشير إلا هالأسم اللي ماله لا رأس ولا ذنب ههههه

شرفت ...

[عيد ثاني]

ماشاء الله تبارك الله

تقرير رائع



بارك الله فيكم

ابو تركي ..

الروعة تكتمل في مرورك ...

شرفت ...

[عيد ثاني]

الله يعطيك العافيه
صور تشرح الصدر
الله يشرح صدرك
تحياتي




نديم ...

الله يعافيك ويشرح صدرك لما تحبه وترضاه ...

شرفت ...

[ismailmoh]

كاتب قصة جيد

[راشد المخلفي]

اهنيك اخوي عيد على هاذا الطرح المميز بارك الله فيك .

[انا؟؟]

الله يعطيك العافيه ابوثاني
صور روعه وخوة اروع
وسرد قصصي مشوق

[عيد ثاني]

ياسبحان الله عقب ماحنا مستانسين بهالربيع وهالاجواء اللي على كيف كيفك , صار هالنوار عندنا

تقل رضم , ولهو حي الله رضم حرام عدك برضم الحجره وكل شوي يامار جايتك لك فتاله , حنا

يوم شفنا الأمور وسط أبعدنا عنهم مهو ذلتن منهم لكن على قولت الأولين وش لك بالداب وشجرته ,

وعلى قولت إبن مهلهل يوم هو يقول : وإن شفت ضول الناس بالك تعسه ,ويا جنبك شر المخاليق

خله وعلى قولت إنقل الماء لو رجلك بالماء , الوكاد إننا أبعدنا عنهم على شان كل القولات اللي قبل

شوي ولو إن بعضهن أبعد من لاهه عن الموضوع ...


مشينا بإتجاه قرية أم الجمال , وقرية الخوالد أو بني خالد , وحصلنا لنا ماء ناقع يفتح النفس , نزلنا

عنده وصورنا بجنبه هالصورتين ..

http://www7.0zz0.com/2012/11/04/19/213907372.jpg (http://www.0zz0.com)


http://www7.0zz0.com/2012/11/04/19/855114588.jpg (http://www.0zz0.com)


وهذي صوره حول أم الجمال

http://www7.0zz0.com/2012/11/04/19/987709035.jpg (http://www.0zz0.com)



وتعدينا لقرية أم الجمال , ويوم أقبلنا عليهم يامار بيوت الشعر كبر أمس

واليوم , والناس تخترش , والأعلام ماله والي ...

_ حنا .. وش السالفه يازلمه بيوت وأعلام !!!

_ الأردني .. هاض الملك جاي زياره لعشيرة المساعيد ...


أنا ولد أبوي ملك الأردن وبيوت شعر ووناسه عز الله اللي جاء وقتك يابو خالد , هذ عليه لك كم بيت

وترنا خشر بالمقسوم ...

_ أبو خالد .. والله ماتفرحون بالريال , أنا أقصد وإنتم تأخذون الفلوس , هذ اوين لقيتووووه

تغاوروني على حلالي مغاور ...


عز الله كل سنه ألا يتغاورون على لهم أسمن أمحق , سنة من السنين مسكت معهم على زياد , وقبله

يزيد , تقل مافيه ألا زياد ويزيد , وقبل زياد ويزيد خالد , زين بالله يامن هالوغدنيه تسبروا , وش

لون يسجلون بتويتر , كل مايبي يسجل حديهم يامار الإسم محجوز, جوزوا عن هالأسامي اللي مهي

زينه , وتوقعوا ياما تحصلون لكم إسمن مايلاحن , إسمن زين مثل سليم مضحي , أو ملفي ناصر ,

أو رايد دوهان , أو عيد ثاني , وعلى هالأسامي وإنتم ماشين ...


وبعدين من زين سوالف زياد ويزيد كله جيجا وميقا بالعون منتم قايلينن وين نرحل ووين ننزل ,

منتم جيدين ألا كم جيجا عبيت وكم ميجا شحنت , ويامنه هذا قال واحدكم تروني باتسر قناص , اللي

يجهلكم يقول إنكم تبون تكثرون الغزلان والحباري مايدري إن المريعي أو الفري يخب عليكم ,

وسلاحكم ساكتون مستعيرينه من الإستراحه اللي بجنبكم , وإن ماحصلتوا ساكتون أقرب نباطه أربعه

بثلاثه تخب عليكم , هو صحيح أن الأولين يوم يجيك واحدهم يامار مصاوغن صابره للمطالب ,

وهو صحيح إن واحدهم يوم يقفي يامار مطلعن فانيلته فوق سرواله تقل ينذخ به , وهو صحيح إنه

يامنه هذا قال واحدهم ولهو قطعن لواردك , ألا قطعته ولعنت سنسبيله , لكن الوكاد إنهم أبرك من

شلة جيجا وميقا


خلونا مع بعض الصور من أم الجمال وراجع ...


http://www6.0zz0.com/2012/11/04/19/212401928.jpg (http://www.0zz0.com)

عسكر نبي ندرفع واحدن من خوايانا عندهم مايشوف من القاع صمايل ...


http://www6.0zz0.com/2012/11/04/19/464187871.jpg (http://www.0zz0.com)

وهذي صوره أخرى ...


http://www6.0zz0.com/2012/11/04/19/251081517.jpg (http://www.0zz0.com)

صوره أخرى ...


http://www8.0zz0.com/2012/11/04/19/502716683.jpg (http://www.0zz0.com)

وهذي أخرى ...


http://www8.0zz0.com/2012/11/04/19/383487757.jpg (http://www.0zz0.com)

وهذي أخيره ...



رساله : لاشك بأن أي جمال يُظهر ماحوله من قبح ، لكن الجمال الحق هو الذي يُشعرك بقبح كل ماحوله من جميل ...

[عيد ثاني]

كاتب قصة جيد



إسماعيل ..

تشكر على الإشاده وعذرآ على تأخر الرد ...

[عيد ثاني]

اهنيك اخوي عيد على هاذا الطرح المميز بارك الله فيك .



راشد ...

بارك الله في أيامك ...

شرفت ...

[عيد ثاني]

الله يعطيك العافيه ابوثاني
صور روعه وخوة اروع
وسرد قصصي مشوق

انت ...

الله يعافيك ..

الروعه في مرورك ..


شرفت ..

[عيد ثاني]

أتمنى من مشرفي هذا القسم عدم حذف الردود على هذا الموضوع مالم تخرج عن الذوق العام ..

من يتابع الرحله له الحق في الإنتقاد مثلما له حق في الإشاده ...

[انا؟؟]

اخي عيد
وش قصة الوغيد اللي بالقصه وش تبون فيه ؟

[عيد ثاني]

اخي عيد
وش قصة الوغيد اللي بالقصه وش تبون فيه ؟

أهلآ أنا ...

القصه مثل ماقال أبو عسوج : إما يمرج عقله مره وحده أو يصير رجال ههههه

والله ماغير اللقافه والشفاوه وحب الحركه اللي الله وأعلم عن بركته ههههه

شرفت يا أنت ...

[شرق وغرب]

روعه
ماشاء الله

[عيد ثاني]

روعه
ماشاء الله

شرق ...

الروعه في مرورك ...

[4500]

رحله موفقه اناشالله

[عيد ثاني]

رحله موفقه اناشالله



4500

وفقك المولى ...

شرفت ...

[صباح الشمري]

االله يجمعكم علي الخير دايما

رحله جميله ولا اروع منها غير اسلوبك بالكتابه

سلمت يداك

[عيد ثاني]

االله يجمعكم علي الخير دايما

رحله جميله ولا اروع منها غير اسلوبك بالكتابه

سلمت يداك



أهلآ صباح ...

أهلآ بأهل الكويت العزيزين على قلبي ...

شكرآ على الإشاده..

أعتذر منك ومن الأعضاء على التأخر فالأجواء أجواء بر وليست أجواء منتدى هههههه

[مهنا الشيخ]

تقرير ممتع و رحله جميلة تستاهل هل الوجيه الطيبه

[مهنا الشيخ]

تسيف إبن هالحلال مارفع طرفه ألاياما صاح على كل هالخبز , ويوم خلص قال صحه×

وعافيه و هااااد حق دينار , أنا ولد أبوي كل هالخبيز لي , المصيبه×إنه قطعه خلاص , تبوني عاد
_____________________________
هههههههههههههههههههه
وانا اخوك كان سألته بكم الكيلو وقد ايش مو خذ وهات
ههههههههههههههههههههههههههه
بس عوافي

[انور 1]

موفقين خير

[سوبر99]

ماشاء الله تبارك الله


الله يعطيك العافيه

[شمال الجدي]

ماشاءالله يعطيك العافية

[مجنون الدهناء]

:director: تقريرك ;) طرحه حلو :good2:

رحلة موفقة :good::s

[مسافر مكشات]

ماشاء الله رحله موفقه مع زملاء موفقين

[ابواثار]

مشكوووور على النقل الممتع

[محمد بن ناصر الثبيتي]

عطيناهم المقسوم ومشينا , لكن انا وأبو عامر نتلافت يم حروة اليد والرأس ليا هلحين لنا نفس بهن , وبالذات الرأس والله ياشينين مايبرد غمضه , تسيف نعطيهم الرأس على شكله لو حنا آخذينن لو الأذان منا زين خشق القرقوط ياصار ماينن على اللي حولك , لكن مانقول إلا عليهم بالعافيه ...


مشينا مشينا يم شعيبنا نبي نضبط عشانا , ونبي يامناتعشينا وخذينا لنا شوين ندور الأرانب

- أبو عسوج .. عز الله إني فازن لنطقته من قدامنا , والله يا هالشعيب مايخلا من الارنب ...

- أبو خالد .. أجل خلونا ندوج لنا شوين ياما يجي الغياب

دوجنا دوجنا يوم فطنا يامار أكالزول يمشي رجلي وحنالك نمره

- حنا .. السلام عليكم... كيف الحال, ماعينت الأرانب <<< ودي أقول له كيف الحال ياباشا هههه

- الزلمه .. عليكم السلام .. يالله حيهم ...لاوالله الأرانب ماكو بنوب ...

- حنا .. يا رجال يمدحون كثر الارانب بهالشعيب ...

- الزلمه .. والله يا قرابه ماكو أرانب , وبعدين قبل كم يوم أجو هين شباب سعوديين ودشوا المزرعه وخربوها علينا ...

<<< السالفه به مزرعه مسكناك ياسارق غنمنا

- حنا .. يارجال المزرعه محد جايه حنا نبي ندور بهالشعيب , وهلحين ياصار مابه أرانب الله يستر عليك ...

- أبو خالد ..أويلي يازين بيت أكالشعر اللي بجنب أكالقصير ..

- أبو عسوج ..تبونا نعسه

- أبو خالد .. والله بكيفكم .. خلونا نعسه ... عليه عليه

- حنا .. السلام عليكم كيف الحال , ماعينت الأرانب ...

- صاحب البيت .. ياهلا بيكو فوتوا فوتووا عليكوااا جيرة الله غير تفوتوا ...

- حنا .. لا الله يعافيك , والله حنا مستعجلين ...

- صاحب البيت .. عليكوا جيرة الله غير توفوا , النسوان بشق لحالهن وإنتم بلحال , فوتوا وآني إبن رمثان أبوخلف , ولازم تتعشوا عندنا ...

- حنا .. يوم صرت مصمم نبي نقلط , لكن العشاء تسانكم تبونا نتعشا تاخذون هاللحم وهالرز وتضبطون عشانا ...

- مايصير ياجماعه إنتوا لكم الحق ..

-حنا .. علمناك ولاتصير رسمي ...

- صاحب البيت ..اللي ودكوا .. وكيف ودكوا نطبخ العشاء , ودكوا إياه بالزيت أو باللبن اللي هو منسف ...

- حنا .. اللي ودكم بالزيت او باللبن

<<< تسبدي تشفشف على المنسف

- صاحب البيت .. خلاص اجل بنسويه إلكوا على طريقتنا اللي هو باللبن

- حنا .. الله يكثر خيرك على كل حال ...

- أبو عسوج .. ماعينتوا الأرانب ...

صاحب البيت .. والله أكوا أرانب , لكن صعب إنكواااا تصيدوااا .. يختفوا بالعشب ...

_ أبو عسوج .. ماعندكم جفت

- صاحب البيت .. بعد العشاء كل اللي ودكوا إياه موجود ... الجفت موجود والفشق موجود

- إبن صاحب البيت .. بتعرفوا تضربوا بالجفت ...

- عيد ثاني .. أفا عليك اناأضرب الأرانب وهي طايره بالسماء خخخخخخخخخ

- إبن صاحب البيت .. هسا لما تتعشوا نروح انا وسيف اخوي الصغير وياكم وندلكوا على الارانب ...


تعشينا من العشاء اللي صلحوه على طريقتهم الله يكثر خيرهم , وهلحين مشينا مشينا للمقناص ...

قبل لانمشي للمقناص , نبي نريح لنا شوين مع قصيده لعياد ثاني قالها قبل سنتين تقريبآ في امسية الرياض ..


يقول عياد ثاني :


هــــات القلـــم عجّــــل قبــــل وقـــــت الاذان
...................بملــي عليـــــك بيـــــــوت شعـــــرٍ عجيبــــه
لاقلتــــهـا تطــــــــــرب لهـــــا صــــــم الآذان
...................وتســـــري بهــــا خـــــرس الفــــواه تحكيبـــه
لولا الامـــــل.. ماخايلـــوا غــــــر الامــــــــزان
...................ولولا الملامـــه.. ماكرهنــــــــا الغصيبـــــــــه
ولولا الكــــرم.. ماثـــار بالبيـــــــــت دخــــــان
...................ولولا السطـــــر.. محـــــدٍ يواجـــــه حريبــــــه
ولولا الغــــلا.. ماجيــــت مـــن قصـــــــر برزان
...................من دار ,شمّـــــر, لاجــــل أهنـــــي ,عتيبــه,
الشعـــــر موقـــــف لاستنــــــد لــه ببرهــان
...................وشعــــرٍ بـلا برهـــــــــان ياكبــــــــر عيبــــــه
إلا لياقلـتـــــــــه بطلقـيـــــــــن الايـمـــــــــان
...................هـــــم للشعـــــــر حجّــــه وللحكـــي هيبــه
عتبـــــان ولياضمّـــــن الشعــــــر عتبــــــــان
...................الاســــم هــــذا حجّتـــــه وســــــط جيبــــــه
ذباحـــة الحايـــــل علــــــــى مـــــر الازمـــان
...................لطامـــــة العايـــــــــل ولاهــــــي غريـبــــــه
رجّالهـــــم فـــــي ساعـــة السلـــم شامــان
...................تلـــــوح اساريـــــر السعــــــد ماتغديـبـــــــــه
وليا سمـــــــك فـــي نـازح البيـــــــن نيـــران
...................يقطـــــع عروقــــه قبــــل يرضـــى الغليبـــــه
يفخـــــر بهـــــم شعــــــرٍ تحلّـــــــى بـالاوزان
...................كـــن البيــــوت مـن الفخـــــــر مستصيبـــــه
ويفخـــر بهــــم شاعـــر له الشعـــــر ميــدان
...................وغيـــــر الشعـــــــر لـه لابـــــــةٍ ينحكيبــــــه
من روس قــــــومٍ تعطــــــي الحــــــق ديّــان
...................وليـا عصـــــو ياويــــــل منهـــــــم طليبـــــــه
دام الطنايـــــــا عــــــز راســـــــي فلاهـــان
....................آرد بهـــــــم لـــــــج البـحـــــــور المهيـبـــــه
شاعــــــر ولـــي بالشعــــر مبــــدا وعنــوان
....................وياطيـــــب شعـــــــرٍ نومســــن مــع عتيبـه



تستاهل قبيلةعتيبه ...






خلونا مع بعض الصور قبل المقناص ..


http://www11.0zz0.com/2012/07/26/15/493741580.jpg (http://www.0zz0.com)

أبو عسوج يتفحص الكسر



http://www11.0zz0.com/2012/07/26/15/523516283.jpg (http://www.0zz0.com)

وهنا يتعمق أكثر وأكثر ...




http://www11.0zz0.com/2012/07/26/15/650282518.jpg (http://www.0zz0.com)

وهنا مع الشبل سيف ...


رساله : عندما يبتسم الرجل ويضع يده على فمه فإنه يشعرنا بضعف شخصيته , أما المرأه فإنها تُشعر من حولها بأن حياؤها مصطنع




سلمت ياعيد ثاني وصح لسان عياد
ولاعليكم زود يالطنايا

استمتعت بطريقة العرض المختلفه
وبيض الله وجهك انت وخوياك

[عاشق--البراري]

ما شاء الله سرد ممتع اخوي عيد ثاني عشنا معكم الرحله واستمتعنا مع رفقتك الطيبه


http://www14.0zz0.com/2012/06/26/23/268671747.jpg (http://www.0zz0.com/)

هنيئا مريئا لكم ومرحبا بك عضوا جديدا تقبل مروري ولك شكري

[simon]

بيض الله وجهك على التقرير

[شمطور]

بيض الله وجهك ابوثاني

لكن مادري شكل معك قلم وورقة طول الرحلة توثق

طرحك مميز وشوقتنا لكشتتن لالكديار

[الخوي الوفي]

بيض الله وجهـك .. والله يعطيـك الف الف عافية

تقبـل تحياتـي وتقديـري

[Abo gssar]

بارك الله فيك
لكن موضوعك ينطبق عليه
صورة والف تعليق

[عيد ثاني]

تسيف إبن هالحلال مارفع طرفه ألاياما صاح على كل هالخبز , ويوم خلص قال صحه×

وعافيه و هااااد حق دينار , أنا ولد أبوي كل هالخبيز لي , المصيبه×إنه قطعه خلاص , تبوني عاد
_____________________________
هههههههههههههههههههه
وانا اخوك كان سألته بكم الكيلو وقد ايش مو خذ وهات
ههههههههههههههههههههههههههه
بس عوافي


مهنا ...

متحدي يا إبن الحلال .. خذ هات عطني جيتك هههه

شرفت يامهنا ...

[عيد ثاني]

موفقين خير


أنور ..

وفقك المولى ..

شرفت ...

[عيد ثاني]

ماشاء الله تبارك الله


الله يعطيك العافيه


سوبر ..

الله يعافيك ويطول بعمرك ...

شرفت ...

[عيد ثاني]

ماشاءالله يعطيك العافية


شمال ...

الله يعافيك ويطول بعمرك على طاعته ...

شرفت ...

[عيد ثاني]

:director: تقريرك ;) طرحه حلو :good2:




رحلة موفقة :good::s



مجنون ...

إنت الخوي القادم متى ماعقلت هههه

شرفت ...

[عيد ثاني]

ماشاء الله رحله موفقه مع زملاء موفقين


مسافر ...

وفقك المولى يامسافر ...

شرفت ...

[عيد ثاني]

مشكوووور على النقل الممتع


ابو اثار ...
متعك الله بالصحه والعافيه ...

شرفت ..

[عيد ثاني]

سلمت ياعيد ثاني وصح لسان عياد
ولاعليكم زود يالطنايا

استمتعت بطريقة العرض المختلفه
وبيض الله وجهك انت وخوياك

أبو ناصر ...

سلمك الله وصح بدنك ...

أبو ناصر .. ياكثر اللي يلوموني على طريقة العرض , لكن وأنا أخوك مدرعم مدرعم على هالطريقه ..

لاتؤاخذوني هذي هي الطريقه المفضله عندي بالرحلات ...

شرفت يابو ناصر ووجهك أبيض

[عيد ثاني]

ما شاء الله سرد ممتع اخوي عيد ثاني عشنا معكم الرحله واستمتعنا مع رفقتك الطيبه


http://www14.0zz0.com/2012/06/26/23/268671747.jpg (http://www.0zz0.com/)

هنيئا مريئا لكم ومرحبا بك عضوا جديدا تقبل مروري ولك شكري


عاشق ...

شكرآ على حفاوة إستقبالك ...

شرفت ...

[عيد ثاني]

بيض الله وجهك على التقرير



سايمون ...

ووجهك ابيض ..

شرفت ..

[عيد ثاني]

بيض الله وجهك ابوثاني

لكن مادري شكل معك قلم وورقة طول الرحلة توثق

طرحك مميز وشوقتنا لكشتتن لالكديار

شمطور ..

حياك الله ووجهك ابيض ...

إستخدمت المسودات في الجوال وسجلت فيها بعض الأماكن وبعض المواقف الطريفه لدرجة إني صرت أهدد خوياي بالجوال هههههه

شرفت

[عيد ثاني]

بيض الله وجهـك .. والله يعطيـك الف الف عافية

تقبـل تحياتـي وتقديـري

الخوي ..

وجهك ابيض ..

شرفت ..

[عيد ثاني]

بارك الله فيك
لكن موضوعك ينطبق عليه
صورة والف تعليق



ابو جسار ..

بارك الله في ايامك ...

شرفت ..

[عيد ثاني]

ابو عسوج ...

مات برزان مسمومآ ..

عوّضك الله في برزان ...

[الششو]

يعطيك العافيه

[مداوي]

ماشاء الله تباركلله يعطيك العافيه ا

[عيد ثاني]

يعطيك العافيه



الششو ..

الله يعافيك ..

شرفت

[عيد ثاني]

ماشاء الله تباركلله يعطيك العافيه ا

مداوي ،.

الله يعافيك ..

شرفت

[المونديال]

ماشاء الله تبارك الله
ربيع اول مرة اشوف مثله
الله يوفقك ياعيد انت وخوياك واللي زرتهم
تصويركم رائع موفقين خير

[عيد ثاني]

ماشاء الله تبارك الله
ربيع اول مرة اشوف مثله
الله يوفقك ياعيد انت وخوياك واللي زرتهم
تصويركم رائع موفقين خير


المونديال ...

الروعه في مرورك ..

وفقك المولى

[ahmd55]

ما شاء الله

[عيد ثاني]

حياك الله يا أحمد ...

[قرم التميمي]

ماشاء الله تبارك الله

[عيد ثاني]

قرم ..

حياك الله ياقرم ..

[GMC 111]

ماشاء الله تبارك الله
الله يعطيك العافيه

[عيد ثاني]

جمس ..

حياك الله ..

شرفت

[...sayaf]

http://im32.gulfup.com/rSu6N.gif

[عيد ثاني]

سيف ..

الإبداع يكتمل عند مرورك ..

شرفت

[أبن أبلادي]

شكرا الله يعطيك العافية

[عيد ثاني]

ابن ..

الله يعافيك ..

شرفت

[alsrwat]

ما شاء الله تبارك الله
الله يعطيك العافيه
:good2::good2::good2::good2::good2:

[عيد ثاني]

السروات ..

ربي يعافيك ..

شرفت

[البرًي]

مشاء الله عليكم
تسلمو

[عيد ثاني]

مشاء الله عليكم
تسلمو

البري ..

حياك الله ..

شرفت

[لؤلؤة الخليج]

يعطيك العافيه...

[عيد ثاني]

لؤلؤه ..

الله يعافيك

[فديتاناك]

الله يعافيك على المشاركة الجميلة

[عيد ثاني]

فديتاناك ...

جمل الله ايامك..

[abumanar]

ماشاء الله رحلة موفقه وشيقة
الله يعطيكم العافيه وبالنتظار كل جديد

[عيد ثاني]

ابو منار ..

شكرآ على مرورك العطر ..

[عيد ثاني]

عقب ماتعدينا قرية الخوالد أو بني خالد , قال واحدن من خويانا ياويلي وش هالخوامه ؟ وش رايكم إننا نمر عليهم بهالقريه , أكيد إنهم بدو ونبي نستانس عندهم ...

- ابو عسوج .. يامحدين خافنه عزا ...

- أبو عامر .. أنا من نقبل عليهم أبطبق من الجيب , وأبمعد سبحتي وأبدبتس عزا وإلا مهو عزا ...

عدي أشوفهم بلشانينن بالعزاء وأبو عامر يدابتس بوسطهم , ويضحك لو مابه ضحك ههههه

هذا واحدن من شيباننا حج الحجه اللي مهي مبروكه , مايمديه يكبر بالحرم وهي تجيه هالأفواج , وتقوم تزكه وتقوم تزكه , وهو من زود الخشوع على كتفتوووه ليدينه , مالكم بطويله قاموا يفرونه ياما حط الكعبه بكتفه الأيسر , وهو يقوم يتناوط له بصابره تنيوط , الوكاد إنه جاه له فاعل خير , وقال له ياحاج مالك صلاه ولارد , واللي بعده مثله ولارد الوكاد جاه له مقرود وقال له مثل قولهم , والله يوم فطنا لشايبنا وهو ينفض يدينه بزعل ويقول ليه ليه ليه مالي صلاه !!! ياعاد صبح العيد وبمكه وليه مالي صلاه بالتالي يالله بلي يالله يحجزونهم ههههههه

خلونا من شايبنا إنتم ليه ماتعقلون !!! يامنكم هذا قلتوا حنا طالبينن قربكم على سنة الله ورسوله , ألا ليه ماتقولون ولدنا يبي يرثع بكم , ولا أقشرمنه ألا يامن الله رزقهم بذريه وقال سموه على المرحوم أبوي , والمرحوم طفستن من هالطفسات , صايرن عاد عبدالعزيز الجنازه على غفله , مايمدي الواحد يقول يا الربع عندي عشاء ألا إنتم السهم الأوسط , تقل ماذقتوا الرعفاء , ويامنكم جيتوا تبون تغسلون يامار كلن تقل أول مره يشوف وجه خويه , الناس تبي تغسل وإنتم تهايقون بوجيه اللي حولكم ...

من اليوم ورايح لاله عاده هالتطربق اللي على قلة سنع , أي واحد يعزمكم قولوا والله مرتبطين , يارابطكم اللي مايأوي لكم ههههههه, أنا أدري إن كل هالتربق وهالتجهجل وارثينه وراثه , ولايرفع ضغطي ألا هالوراثه الخايسه , المفروض إن الواحد يارث الشي الزين , وكل وراثه تنرقع ألا وراثه قص الشعر , هذا به واحدن من أخواني الله يذكره بالخير , كان يوم إنه صغير عينه وعين المقص يامنه هذا أسهم عليه وقام يقصقص شعره وأكثر مايقص هاللي حول الجبهه لأنه مايلاطي للباقي وإلا تسان علوم , الوكاد إني يوم أركبت ولد إختي أبديه للمدرسه , يامار جابن جبهته جب , قلت الحمد لله إنك ماورثت من خالك ألا جبت هالجبهه , التسايد لو إنك وارثه معه الطفقه ههههههه , وهذا واحدن من شيباننا مايقول كلمتين ألا مختلفن بالثالثه , مره من المرات راح ومعه وحدتن من خواته وسألوه وش تقرب له قال أنا إخته ههههه ,ومره من المرات يقول مجول قفالك يبي جوالك مقفل , ومره من المرات يتعلل هو وعياله وقاموا جابوا لهم سوداني بالطاري ,وهو يخمش الطاسه ويقول لواحدن من عياله : جب لي سوداني يبي يقول جب لي ماء هههه, ومره عنده عشاء ويبي يقول قوموا لحد يجلس قال : إجلسوا لحد يقوم هههههه , عاد ولده ماشاء الله عليه إختلافاته لو أقولهن لكم تسان تهكرون المنتدى هههههه ...
ولاطرت علي أقولهن لكم ,مار أبقول لكم شي عن عجلة أبو عسوج , وليت عجلته على نفسه , لاوالله ينجل باللي معه , مره من المرات رحت معه للكويت أنا وأبو سعد , ويوم جينا للجمارك,وأمنا على الجيب وهو يجي مسهمن على الجيب يبي يمعطه ,وأنا لك أجي عما حيلي وأزقط بجنبه على طول , أدري إنه يبي يشختوووه , أما أبو سعد جتء يتمشى على كيفه , مايدري إن السالفه هجيج , على مافتح الباب وحط رجله اليمنى , يامار أبو عسوج معشقن من أمس ,وهو يدعس رجله اليسرى , لكن الحمد لله إن أبو عسوج معه العده كامله وهو يدمشق أبوسعد ونعلته ههههههه , وهذا مره قنصت معه ولا معنا ألا طيره قصاب - أسماه على الجنازه - الوكاد إنه جاء وقت صلاة العصر , قال أقم الصلاة أبيك تصلي بي ,وأنا أقيم الصلاة وهو يكبرقبلي هههههه, وهذا مرتن جيت أنا وياوووه مستعجلين برمضان ونبي نلحق على صلاة التراويح ,والله ما أدري هو طفى الجيب أوما طفاوووه يامار منصلقن على مدخل الحريم ههههه , أنا ماعلى الله خافي والله إني إنتبهت له قبل لايدخل ,لكن قلت يدرعم أبتخيل شكل أبو عسوج بوسط الحريم ههههههه , الوكاد إنه رجع علي يامار أنا ميت من الضحك,قال الله ياخذك والله إنك تدري قلت إي والله أدري ههههه, ويقول أبوعسوج ياصرت مستعجلن أكاليوم على المقناص مريت أقرب أفغاني وخمشت لي خبزة تميس وجبن كيري , وأقوم أملخ من هالتميس وأغطط بالجبن وهو على الكشن , وخطوان لقمه ياصرت مستعجل يصير غطوطه من أطراف الكشن ههههه

تعدينا القريه ومرينا على لنا أهل حلال وأنا إشتري منهم سمن بلدي مايلاحن , ومرينا مطعم أبوزياد وندفنا عنده خوش عشاء , يعذر بك تأكل أصابعك وراوووه , ويوم مرينا المنفذ قالوا سيارتكم لازم تمر على الإشعاع , الظاهر إنهم إشتكوا من السمن ههههه , رتسبنا سيارتنا وتعدينا المنفذ قال

- أبوخالد ..غاربي يحتسن

- أبو عسوج .. أي والله أنا رجليني يحتسني

عاد إذا سمعتوا إن الإشعاع منتشر بالسعوديه لا أوصيكم ببوخالد وأبو عسوج ..

وكل هالطريق صاقعينن أعذب الأصوات اللي به ياعيون اللي من أمسه ماتعشى لإبن فطيس, وقصيده : عليك الفرج يا الله ياحي ياقيوم للهاجري سلطان , وهي تجيني الطناخه على طعم هالقصايد قلت من يقبل حدا هالتنكات والله مايلاحنن , وهم يضحكون علي خوياي ويقولون تر دهنك ماينبلع نصه كركم تقل مخالب طير ههههههه


اللهم إجعل خير زماننا آخره وخير أعمالنا خواتيمها وخير أيامنا يوم لقائك...

رساله : في هذا اليوم وفي نهاية هذه الرحله تم عقد قراني , أسأل الله التوفيق لي ولكم ولاتنسوني من صالح دعائكم

[ابوقشعان]

حلوووووووووووو

[عيد ثاني]

ابو قشعان ...

شرفني مرورك

[عبدالله الرس]

الله يعطيك العافيه ومشكور على
الموضوع الجميل

[عيد ثاني]

عبدالله ..

جمل الله ايامك ..

شرفت ..

[magadasd]

ماشاءالله تبارك الله

تقرير في غايت الروعه والجمال

[عيد ثاني]

مقدس ...


حياك الله ..

شرفت ..

[X30]

ياعيد قوم شغل وارد اليابان
ثم عب أديتره وأمل بانزينه

*************
نبـي نمــشي والصـبح ما بـان
والخط ياعيد حنا عارفينه

اخوي عيد/مبدع بكل ماتعنيه الكلمه

[جليغم]

ما شاء الله عليك خوش رحله كثر منها

[أبتمس]

تقرير أكثر من ماتع يعطيك الهافية

[أبو رزين2011]

ايه هذا الشغل ياخوان

[أبو علوى]

الحقيقة موضوع مشوق و صور و قصص أكثر من رائعة

الله يسعدكم و لا يقطع عزيزن عليكم

و مشكورين

[s7up2004]

ماشاء الله الله يعطيك العافية على التقرير

[عيد ثاني]

ياعيد قوم شغل وارد اليابان
ثم عب أديتره وأمل بانزينه

*************
نبـي نمــشي والصـبح ما بـان
والخط ياعيد حنا عارفينه

اخوي عيد/مبدع بكل ماتعنيه الكلمه

تسلم تسلم على الأبيات الجميله وعلى المرور الكريم

[عيد ثاني]

جليغم ..

شرفني مرورك ..

[عيد ثاني]

ابتمس ..

الله يعافييك ..

شرفت

[عيد ثاني]

ايه هذا الشغل ياخوان

ابو رزين ..

تسلم ياغالي ..

شرفت ..

[عيد ثاني]

الحقيقة موضوع مشوق و صور و قصص أكثر من رائعة

الله يسعدكم و لا يقطع عزيزن عليكم

و مشكورين



ابو علوى ..

حياك الله ولاهنت على مرورك ياغالي .

شرفت

[yoosaf]

يعطيك العافيه

[عيد ثاني]

ماشاء الله الله يعطيك العافية على التقرير

سحب ..

الله يعافيك ياغالي ..

شرفني مرورك ..

[عيد ثاني]

يعطيك العافيه

يوسف ..

الله يعافيك ..

شرفت ..

[من الخليج]

الله يعطيك العافية على هذا التقرير

[ريك فليد]

رحلتن طيبه ماشاء الله وصور تفتح النفس

بارك الله فيك على التقرير الجميل

تحياتي

[مداوي الربع]

ماشاءالله .. الله يهنيكم ،

[GMC 111]

ماشاء الله تبارك الله
الله يعطيك العافيه

[ابوخزامى 1]

رحله ممتعه
ماشاءالله

[عيد ثاني]

الله يعطيك العافية على هذا التقرير



من الخليج ..

الله يعافيك ويطول عمرك ..

شرفت ..

[عيد ثاني]

رحلتن طيبه ماشاء الله وصور تفتح النفس

بارك الله فيك على التقرير الجميل

تحياتي

ريك ..

بارك الله في ايامك ..

شرفت ..

[ملهاب]

الله يبيض وجهك 000

[دقات قلبي]

ماشاء الله

[عيد ثاني]

ماشاءالله .. الله يهنيكم ،

مداوي ..

لاهنت ..

شرفت ..

[عيد ثاني]

ماشاء الله تبارك الله
الله يعطيك العافيه






جمس ...

الله يعطيك العافيه ..

شرفت ..

[تربة الشمال]

تقرير مميز لاهنت وجزاك الله خير