المساعد الشخصي الرقمي

مشاهدة النسخة كاملة : الى تعديت140


عزوتي نايف
20/06/2006, 04:50 PM
انا شريت لي gxr 2006
ديزل وتحسفت ليتني ماشريته لاعزم ولا ممشىالمشكله لاتعدى 140 قفل المكيف وارتفعت الحراره
حبيت اسأل الي مرت عليه المشكله مامشى الا6الاف ؟؟؟

وودي اركب له سله له وين افضل ورشه في الرياض السله المخفيه
تحياتي للجميع وخالص احترامي
ابوالجازي
20/06/2006, 05:38 PM
السلام عليكم ورحمة الله وبركاته

هلابك ياعزوتي نايف <O:p</O:p

انا اقول مادام موترك 2006 اكيد عليه ضمان يعني عط خبزك للخباز ولو اكل نصفه(الوكاله) لوكان موترك رايح علي موديله كم سنه انكان نقول يمكن الفريون ناقص او العازل اللي على مواصير المكيف واجزاء المكيف الخارجيه ماهوب مظبوط

اما بالنسبه للسله فيه ورشه بالسلي عند مخرج 18 عندهم السله اللي تبي اسمه السوافي لكن غويلين شوي

ارجو ان اكون اصبت<O:p</O:p

<O:p</O:p
غالي
20/06/2006, 06:16 PM
فعلا وده على الضمان وخلهم يجربونه ولاتسكت لو يطلع لك المشكله مره ثنتين ولازان ادخل على مديرهم وحسهم لو يعطونك موتر جديد
وان عطوك عاد قل ابزيدكم وباخذ بنزين :)
شاص&نص
21/06/2006, 08:18 PM
السلام عليكم و رحمة الله و بركاته
أخوي "عزوتي نايف" و لا يهونون باقي الأعضاء
المشكلة هذي موجودة من في الجيوب الديزل من عام 98 و معنا واحد موديل 2001 ماخلت الوكاله قطعه ما غيرتها فيه و لا صلح و بالأخير ركبنا له مروحة كهرب أمامية مثل البنزين (لأنه ما فيه مروحة) و الحمد لله إنحلت المشكلة

أخوك أبو عبدالكريم
عزوتي نايف
25/06/2006, 12:36 PM
تحياي وسلامي للجميع
طحنون
25/06/2006, 12:42 PM
اخرالعلاج الكي
وهوانك تفك عمرك منه
والله بيرزقك بواحد غيره احسن منه بس انه بنزين ماهو(((((((((فلاته )))))))))) ديزل
وتراني مزوحي لاتزعل من كلمه فلاته
شبح الصحراء
26/06/2006, 01:49 AM
قبل لا تركب مروحة كهرب اذهب للوكيل واشرح لهم المشكلة واذا كنت بالرياض اذهب للفرع الرئيسي جنوب كبري الخليج وأسأل عن المهندس صالح عباس ولا تذهب لفرع النسيم لأن المهندس السوري في هذا الفرع ما يعرف كوعه من بوعه ولا تذهب لفرع الدائري الجنوبي لأن مهندسي الإستقبال ما حولك احد .
ساري15
26/06/2006, 02:43 AM
الحرارة بالديزل عاديه ترتفع الياتعديت الــ 140 وبالحر فقط ....... يعني بالشتاء ماحصلت واسأل اللي معاه ديزل وانا واحد منهم

والمشكلة ماتنحل الا بتركيب مروحة كهرب .... وجهة نظر

اما بالنسبة للمكيف فهاذي جديده واكيد فيه عيب ... وزي ما قالوا الاخوان رح للوكالة مادام انه على الضمان



ولك تحياتي
تــــوني
26/06/2006, 05:52 AM
يا اخي صيف والا شتا المفروض ما ترتفع حرارته ابد ماحطيت فلوسك عبث انشب في حلق الوكالة اجل فوق

140 يفصل المكيف




عسى ماشر ؟؟؟ شاري موديل 64 وشذا الكلام !!!
عزوتي نايف
01/07/2006, 05:39 PM
اشكر الجميع ولهم تقديري وسلامي
راعي الكيف
01/07/2006, 11:00 PM
شف وانا اخوك ..

هالوكالات مايجون إلا بطلعة الروح ...

اقترح اقتراح .... تاخذ لك اجازة يومين مع اجازة الخميس ... وتسنتر عندهم وتاقف على روسهم ... ولازم تلعلع بالصوت وتعلي صوتك عليهم

تراهم مايجون إلا بلعنة الخير .!!

تراهم ياكلوووونك اكل اذا شافوك حبيب ... خلك ذيب واستذيب عليهم ... طبعا هذا اذا لقيت منهم عدم اهتمام .. واذا العكس صحيح ففك الثقيل !!

عسى الله يعينك ويكتب لك التوفيق
أبوتركي
01/07/2006, 11:10 PM
حياك الله أخوي ... وحل المشكلة زي ماقال أبو عبدالكريم ... والأخ ساري .... وهي موجودة بالديزل من زمان وبالأصح حاطينها ميزة مو سلبية ...يعني من أجل الأمان ..



تحياتي ...
فتى شنه
02/07/2006, 02:30 AM
يا اخي صيف والا شتا المفروض ما ترتفع حرارته ابد ماحطيت فلوسك عبث انشب في حلق الوكالة اجل فوق

140 يفصل المكيف




عسى ماشر ؟؟؟ شاري موديل 64 وشذا الكلام !!!


هههههههههههههههه والله انك صادق
عزوتي نايف
03/07/2006, 10:53 PM
اخواني يعطيكم العافيه وبا لنسبه لا بغيت اركب سله في الرياض او القصيم سله مخفيه وما ادري كم سعرها
لاهنتو

تحياتي وتقديري

للجميع
ساري15
04/07/2006, 12:20 AM
اخوي ..............

السلة بالرياض مدري عنها

لكن بالقصيم انا مركبها والحقيقة انها روعه وممتازه ويفصلونا على طلبك وذوقك .. ويعطونك الراي بعد والعيوب والمزايا بكل تصميم

ويخيرونك ... وبالنسبة للسعر انا مفصلها بـــ (( 550 )) بالرس

وانتبه اذا جو يركبونها خلهم يحطون ربل بين البدي والسلة مكان المسمار ... لأنها اذا ماحطيت الربله راح تخرخر عليك ما الياها هلت وامطرت .. وصارت معاي ..........


والله يوفق .........
الوشاح
04/07/2006, 01:05 AM
طبيعي .. حمايه للمكينه من الحراره الزائده

جيب الوالد 99 نفس المشكله
تحيتي للجميع
عزوتي نايف
06/07/2006, 02:46 PM
يعطيكم العافيه والله لا يهينكم وما قصرتو