عاجل ارجو الافادة في رأيكم بالسفر للخارج اول ايام الزواج

[ABOمحمدالحوطي]

السلام عليكم
وكما هو معروف في هذه الاياام من كثرة السفريات والزواجات وانا مقبل على زواج
وارجو من اصحاب الخبرة والعلم ان يعطونا ويفيدونا لي او لغيري ممن يطلع على الموضوع بارائهم حول الذهاب وقضاء شهر العسل خارج المملكة كماليزيا وغيرها لأجل السياحة مع تحفضي الشديد حول تصوير المرأة وغير ذالك
ام تنصحون بالسياحة الداخلية اسلم واحفظ بغض النظر عن المال وغير ذالك المقصد هل السفر له تأثير على المسافر والمسافرة
نرجو طرح الآراء بحيادية وحسب علم وخبرة
وجزاكم الله خيرا على كل من يستفيد من هذا الموضوع

[llonely]

يعني ثاني يوم من الزواج تصبح وانت مسافر للخارج لا ما اوافقك لاكن اعطيك رايي 3 ايام بعد الزواج في فندق محلي وبعدين اسبوعين سياحه داخليه وايضا تاخذ عمره بعدها وزيارة للمسجد النبوي ثم تاخذ اسبوع ان اردت سياحه خارجية في بلاد موثوقه وبكذا كملت شهر عسل فل كامل

[عبدالرحمن بن ذياب]

انا اقول يا طويل العمر و اشوف انك اول ما تبدأ به حياتك الزوجيه عمرة ببيت الله الحرام و زيارة لمسجد نبيه الكريم
صلى الله عليه و سلم و تجنب انك تسافر للخارج مع الحرمه لا تفتح عيونها على اشياء خافيه عنها

[ABOمحمدالحوطي]

اشكركم على الردود الطيبة لكن ياليت لو احد مجرب او صاحب علم وخبرة
لان قبل يومين يقولي واحد لو تخفي صورة المره ولزق ولا تلزق مافيه فايده شايفين شايفين
وواحد يشتغل في الجوازات يقول اي واحد بالجوازات مجرد طقت زر وحدة وتطلع معلومات المعزبة كلها واحترت
مع ان السياحة الخارجية من حيث الأنس والمناظر الطبيعية مافيه مقارنة ابدا ويالربع الموضوع مهم نرجو الافادة والزيادة على ما قال الربع الله يجزاهم خير

[abooturki]

اذا انت خبير في الدوله اللي بتطلع لها او على الاقل خبير في السفر بشكل عام اشوف إن السفر خيار ممتاز ،
طبعا مع الحرص على اختيار برنامج السفر اللي يناسب العرسان ،

غير ذلك محليا احسن ،

هذي وجهة نظري

[بدوي نمبر ون]

انت طلبت وجهات نظر وسوف تجد الاختلاف في الاراء
انا من راي انك ماتسافر للخارج ابد ابد
وتبدا حياتك الزوجيه بزياره لبيت الله ابرك وافضل
وابذكرلك موقف صارلي سافرت انا وزوجتي للاردن شهر بصل ومرضت هناك وتعبت تعب شديد لمدة خمس ايام وكنت اقضي ساعاتي محتار بالتفكير لو يصير لي شي بهالديره وش اسوي بحالي ووش اسوي بالمره اللي معي وباخر الاسبوع كلمت احد الزملاء وكان بالاردن للدراسة الماجستير والحمدلله اذكر انه من جاني قالي وش تبي قلت ديرتي تكفا ...
والصبح وانا عند اهلي والحمدلله وبعد الزواج والعيال قمنا كل سنه للاردن ونفس الفندق ههههههه
اهم شي ملاحظه لو بغيت اتسافر خاصه اول ايام زواجك لاتروح لأماكن بارده
لانك اكيد بتتروش كثير ويخشك برد مثلي هههه

[دغيم1]

السلام عليكم ورحمة الله وبركاته
حياك الله أخوي
وجهات النظر دوما تكون متباينة ومتخالفة
ولكل معطياته واسبابه
لاشك أن لحظات الزواج وأيامه الأولى ستبقى ذكرى جميلة
ولابد أن تجعل منها لحظات مميزة
رحلة العمرة والسياحة الداخلية والسياحة الخارجية
لكل جهة نظرة
فزيارة البيت الحرام وأخذ عمرة والصلاة في المسجد الحرام وشكر الله على هذه النعمة أمر مطلوب ومحمود
إلا أنني لاأوافق الأخوة في السياحة الداخلية
لأنك لن تجد مايشبع رغبتك فيها
غلاء في الأسعار
اما السياحة الخارجية
فهي أقل تكلفة من الداخلية واجمل في تلبية حاجاتك
اما من ناحية مشاهدة صورة زوجتك فأعتقد انه من السخف أن يحرص
أحد على مشاهدة صورة إمرأة متحجبة لم تبدي أي زينة
وختاما أبارك لك الزواج واسأل الله أن يوفقكم ويجمع بينكم على خير
تحياتي

[بن حاضر]

انا افضل السياحه الخارجية ..

انا ما ادري وش قصدك بـ الصوره هل قصدك جوزات السعودية ...!؟ يوجد قسم للنساء في جوزات الرياض ..

واذا قصدك في السفر وقت الدخول للدولة .. في دبي موظفات نساء في الجوزات و كذلك في قطر و كذلك في شرق اسيا مثل ماليزيا و اندونيسيا يوجد موظفات نساء على الكونتر ..

فما ادري وش المقصد من الصوره بـ الضبط ..

في النهاية المره تصور بدون مكياج و متحجبه ..

وانا لا اظن ان صور النساء عائق في السفر .

موفق خير ..