مشورتكم في الشاص او الهايلكس

[(((.ابوتميم .))))]

السلام عليكم ورحمه الله
يااخوان ابي مشورتكم
انا من عشاق الشاص وانا الان مقدم على شرائه المهم قالولي الناس مايصلح داخل الرياض وفي الطرق
انا بشكل يومي اقطع حول80 كيلو رايح جاي للجامعه وفي الشتاء كل نهاية اسبوع بر وفي الصيف طلعات خفيفه وقليله
حملي على الموتر وسط واي موتر صندوق يشيله
شارو علي بهايلكس غمارتين دبل وش رايكم
هل الشاص ينفع داخل المدن لان وراي جامعه ومشاوير واخاف اشتري الشاص واتحسف
مع العلم اني اعشق الشاص بجنون لاكن انتو خابرين لازم الواحد يفكر بعقله ويشاور حتى يكون على بينه ويفتك من التردد
الان معي ددسن دبل :(
هايلكس دبل غمارتين جديد او شاص 2010 او 2011 بدون رفارف لان الرفارف مشتحيل افكر فيه والسيارة الي بشتريها الان ان شاء الله ستكون سيارتي الوحيده
تحياتي للجميع

http://www.mekshat.com/vb/images/misc/progress.gif

[ابونبيل]

الشاص موتر بيطربك بس مشكلته انه غماره اذا مايخالف معك ممتاز جدا
واما ميزت الهلي الغماره الثانيه ومشكلته عزمه ماهو مثل عزم الشاص

والصراحه رأيي ان الهلي احسن السبب المرتبه الثانيه +ارخص + ممشاه حلو بالديره والبر

والله يوفقك ولا تنسى الاستخاره

[HAS5SAN]

انا مع الهايلكس اشوف انه مناسب لك
حسب كلامك
لكن ابو رفارف منظره افضل ولك الخيار بعد استخارة الله سبحانه

[(((.ابوتميم .))))]

الشاص موتر بيطربك بس مشكلته انه غماره اذا مايخالف معك ممتاز جدا
واما ميزت الهلي الغماره الثانيه ومشكلته عزمه ماهو مثل عزم الشاص

والصراحه رأيي ان الهلي احسن السبب المرتبه الثانيه +ارخص + ممشاه حلو بالديره والبر

والله يوفقك ولا تنسى الاستخاره
يعطيك العافيه
الغمارة الثانية ما احتاجها وانا ماقلت هايلكس غمارتين دبل الا علشان شكل الغمارة دبل مهوب زين :D
يعطيك العافيه وماقصرت وبيض الله وجهك

[(((.ابوتميم .))))]

انا مع الهايلكس اشوف انه مناسب لك
حسب كلامك
لكن ابو رفارف منظره افضل ولك الخيار بعد استخارة الله سبحانه
ماقصرت الله يكتب الي فيه الخير للجميع
رفارف على الهايلكس زينه لاكن الشاص :no2:
لاهنت
ننتظر باقي الاعضاء :)

[ابوناهض.]

والله يخوك الشاص موتر وهيبه وكلن يبيه حلو .. اذا مايخالف معك غماره وتركب بس 3 فكلك شاص ياخلفهم ونت مغمض .. اذا انت راعي حمل اوادم وكذا فكلك هلي ... والله يوفقك ان شاء الله

[بن جابي]

ياخوي بقيمة ال 2010 يا طويل العمر 100 الف

تشري فورد ب 70 الف للاهل
وتشري شاص 92 - 93 قالب مرشوش تلقاه ب 25 - 30 وخله لولعك للبر

والحمد لله

[Salamah.y]

وش جاب الثرى للثريا ,, مهو انتقاصاً بالهايلوكس
و لكن الشاص طرب و رزهـ , ماهي بالسيارات كله
دامك تقول بالجامعه , يعني شاب !!
ودامك شاب فل الحجاج و خذ الشاص انبسط به
موتر هيبه و نشيط , له اسمه و يخدمك بكل مكان ~

بالنسبه للراحه , أسحب من الريش الخلفية
و بيكون مثل مستوى الهايلوكس بالراحه

,

الله يوفقك و تشتري الموتر المبروك اللي يخدمك
سواء شاص او هايلوكس !!

[(((.ابوتميم .))))]

والله يخوك الشاص موتر وهيبه وكلن يبيه حلو .. اذا مايخالف معك غماره وتركب بس 3 فكلك شاص ياخلفهم ونت مغمض .. اذا انت راعي حمل اوادم وكذا فكلك هلي ... والله يوفقك ان شاء الله
وياك االله يجزاك خير

[(((.ابوتميم .))))]

ياخوي بقيمة ال 2010 يا طويل العمر 100 الف



تشري فورد ب 70 الف للاهل
وتشري شاص 92 - 93 قالب مرشوش تلقاه ب 25 - 30 وخله لولعك للبر



والحمد لله

يعطيك العافيه وماقصرت لاكن فكره موترين صعبه والشاص القديم مايصلح خرابات وبلاوي ولاني معتمد عليه بعد الله خصوصا والشاص مايستخدم الا استخدام جائر :D

[(((.ابوتميم .))))]

وش جاب الثرى للثريا ,, مهو انتقاصاً بالهايلوكس
و لكن الشاص طرب و رزهـ , ماهي بالسيارات كله
دامك تقول بالجامعه , يعني شاب !!
ودامك شاب فل الحجاج و خذ الشاص انبسط به
موتر هيبه و نشيط , له اسمه و يخدمك بكل مكان ~

بالنسبه للراحه , أسحب من الريش الخلفية
و بيكون مثل مستوى الهايلوكس بالراحه

,

الله يوفقك و تشتري الموتر المبروك اللي يخدمك
سواء شاص او هايلوكس !!
رد يخلي الواحد يستانس :D:good2: ولاتهون الردود الي فوق
يعطيك العافيه ماقصرت ياتسبدي

[أبوعابد 22]

يارجال كنك تقول رشاش روسي ولا صيني
اكيد الشاص انا عندي انه اطيب من الهلي بواجد
يارجال تكفي رزته الشاص لين جاك اشهب الهب ومكره دفلك لاعد تدور موتر غيره
وتراني مثلك معي ددسن دبل الخجماء وناوي على بيعته وافكر في الشاص
بس الشاص بعيد عن شاربي بس نقول الله ييسر
وعليك بشاص وانا واخوك والله ان تكده عشر سنوات مغير بياكل عليك زيت وبنزين
فحمات وسيور وسعره فيه يعني لو نويت تبيعه
واذا انت رجال راعي تقطيع شعبان وقت المسيل ولا ناوي تنفيج ارانب في الرمله ولا راعي جنوب وبران
ولا تقول مافيه مقناص بديره وودك بالريم والوعول تقول بشطح للسودان مالك الى الشاص
ام الهلي ياعزتلي من المواتر ابو سنتين ثلاث الا هو متهردب وانت شايف بديه قرطاس يعني لو تصدم حصني راحة الوجهيه
وانت وانا واخوك منت عاشق للشاص لوانك عاشق للشاص كان شريته ولاشورة احد
ونقول مبروك الشاص مقدمن والله يرزق كل من يتمنا شاص قول امين

[(((.ابوتميم .))))]

يارجال كنك تقول رشاش روسي ولا صيني
اكيد الشاص انا عندي انه اطيب من الهلي بواجد
يارجال تكفي رزته الشاص لين جاك اشهب الهب ومكره دفلك لاعد تدور موتر غيره
وتراني مثلك معي ددسن دبل الخجماء وناوي على بيعته وافكر في الشاص
بس الشاص بعيد عن شاربي بس نقول الله ييسر
وعليك بشاص وانا واخوك والله ان تكده عشر سنوات مغير بياكل عليك زيت وبنزين
فحمات وسيور وسعره فيه يعني لو نويت تبيعه
واذا انت رجال راعي تقطيع شعبان وقت المسيل ولا ناوي تنفيج ارانب في الرمله ولا راعي جنوب وبران
ولا تقول مافيه مقناص بديره وودك بالريم والوعول تقول بشطح للسودان مالك الى الشاص
ام الهلي ياعزتلي من المواتر ابو سنتين ثلاث الا هو متهردب وانت شايف بديه قرطاس يعني لو تصدم حصني راحة الوجهيه
وانت وانا واخوك منت عاشق للشاص لوانك عاشق للشاص كان شريته ولاشورة احد
ونقول مبروك الشاص مقدمن والله يرزق كل من يتمنا شاص قول امين
بيض الله وجهك ماقصرت
اي والله الخجماء انا اشهد :D
صح اني هاويه بس انت خابر المشاور زين وعقل واحد يفكر مهوب مثل 10 يفكرون
الله يرزقني ويرزقك شاص امين

[ذيب زلفاوي]

لو تحط خيار ثالث سييرا

موتر يصلح لك واذا انت شاك في ممشاه بالنفود افتح اليوتيوب ماشاء الله مايرده شي
وصيانته رخيصه وفيه مميزات كثيره اهمها تشغيل عن بعد وشاشة المعلومات وراحه و 8سلندر

وبدراهمك تقدر تفكه وكاله

[البواردي ،]

--







شاص

[مهزوز]

اخوي اشتر الشاص ولا تشاور فرق بين الثرا والثريا الله يرزقك شاص امين يارب تقبل مروري

[السناعيس .f16]

... السلام عليكم ورحمة الله وبركاته
اسمع اخوي انا ابي انصحك كوني مجرب الموترين
الشاص . الاغلبيه يشترون الشاص لتحميل الاعلاف وغيره يعني راعي حلال .يكسر الظهر لو حتاء تشيل الريش (السست)كله مافي امل راحه في الموتر .الجديد 2008 الى 2012 النمره 2بارده مراء مراء
.الموتر السرعه القصوه له اذا انت مركب كفرات شو عريضه 150k
و ممكن اقل . اذا مسرع في الخط وانفقع (بنشر)الكفر ممكن نتقلب
في المراقاء ما انصحك فيه ما تقدر تراقاء الى و انت مشغل الدبل في البر اذا نزلت من نزله قويه و انت مسيف احتمال تقلب لانه رفيع مراء
الزبده (عزم مافي ماهو مثل عزم 2006 و تحت )يعني ما انصحك فيه الى اذا انت تبي 2006 وتحت واهم شي دفلوك بس مراح تلقاء النظيف واذا لقيت غالي مراء ممكن اغلا ءء من الوكاله من جد
انا استخدمن شاص دفلوك و مكراء و هاذاء الي شفت منه لمدة 4 شهور وبعتو الشاص موديل 2010

الهايلوكس الي معي دبل غمارتين بدون رفارف 2012
بلمرقاء طرب روح ما يردك شي ارقاء بدون دبل .تجديع .تسيف ما شاء الله ماشفت منه لا ضرر ولا شي بلخط راسيه و مريحه مراء الكفرات شوي عريضه فا تمشي تقريبن 180او 190k
لانه مو مثل الشاص الهلي شوي نازله يعني ارتفاعه اوكيه
انا دوامي في شركه قبل الخرج و انا من سكان الرياض يعني اداوم يومين ما عداء الخميس و الجمعه رايح جاي في الخط راحه و في امان ( والامان عند الله))


هاذاء تجربتي بين الشاص و الهايلوكس
انصحك في الهايلوكس
وعلى فكراء الغماره ممتاز بلحيل
:s:good2:

[أبوعابد 22]

ووجهك اخوي ابوتميم
اخوي السناعيس دور غيرها الهلي احسن من الشاص
ياراجال معنا هايلكس ددفرنسين غمرتين مديل 2010 الرجال فاكه على رجله
والله العظيم انه يرقص بواحد والموتر مايمشي مافيه عزم والرجال انا اعرفه زين
سواق راعي رمله وقص سيوف والله العضيم انه لين اقبلنا على سيف تسمع حنة الموتر وياله يمشي بواحد وهذا عليه تانكي مويه وكفراته 15 يعني لابيت حايلي ولا تنكي بنزين ولا توانك جانبيه وهذا ممشه اجل لين رحة عليه لرمله ورصية الموتر كيف بيمشي
وكثر منه وانا واخوك السناعيس الشاص مايجيب الى 150
اشونه برابع جايب عليه 200 وانا الي اسوقه شاص 2011 بريمي مكره دفلك
والموتر بلد ماعليه ترهمات ولاشي اللهم فاك الفصله بس
انا واعوذ بالله من كلمة انا موتر ددسن دفرنسين والموتر مرفوع واجد
وعليه كفرات حجريه لبنه وجنوط هلل يجيب 150 براحه وهذا وهوا خجما
وانت تقولي الشاص مايجيب 150
البرده في الثاني في النفود صادق معك حق فيه بس لها حل وهوا تغير
الدعسه الكهربائيه الى دعسه عايديه وتروح البرده في العزم

[sgl2002]

والله ياخوك خذ العلم مني

انا ياطويل العمر شاورتك قبلك كثير

ونفس طريقتك والناس يقولون مايصلح ومدري وش


وتوكلت على الله وشريته وشفه بالتوقيع وانا مدرس بعد


صراحه اذا تبي موتر مريح خذ ابو رفارف 2010

بنزين مايصرف ومراتبه مريحه وانا ركبت له مساعدات باترول وصار دللللللع

لكن اذا كنت تستخدم باترول ثم تستخدم شاص فترى الشاص معطينه سمعه ولاهو بذاك الزود

تراه بالنفود خاصة عللله وقومته تجيب المرض والرساوة معدومة

لكن اذا ماجربت البااترول قبل فالموتر بيطربك

[بآوزير]

الشاص لايبعيه من شراه ليا شرا

[قناص2000]

كلام الاعضاء كلهم زين بس وانا اخوك السؤال عندك دراهم للشاص . اي دراهمك واجد اشتره وان والله الحال ميسور لاوالله خلك على الهايلكس لك .
كنت زيك اول ابي الشاص وابي الهايلكس الدبل . لااخذت ذا ولا ذاك اشتريت لاندكروزر والحمد الله على النعمه

[السناعيس .f16]

رد على ابو عابد22
اسمع اخوي لو اقولك ما راح اتصدق شين
1.ممكن خويك اللي معو الموتر .ماهو سواق . وهي على السواق .حتاء ممكن لو مهو اي موتر ممكن يغرز
2. طالعين في 3مواتر في الدهناء
و في نطه يعني (مراقاء) بس طويل مراء مراء مراء انا معي هلي دبل و هو شاص2010 و3 شاص بس 2006 كله الشاصات فل فل كامل
انا وصلت لاخر الطلعه . والشاص2006 وصل زيي لاخر هو لا لين حصلناء له طلعه شوي فصيراء و رقاء

اهم شي في النفود
1.السواق خبير
و الموتر ثقه
بس لايردك شي


و اسفين لصاحب هاذاء الموضوع لتطرف عن الموضوع
حبيت بس اوضح اللي الناس هابين فيه
ولا تنساء حجم المكينه 2012 4000سي سي يعني الله يعين و انت بكيفكم
اهم شي انا و مقتنع بلهلي و بس

[(((.ابوتميم .))))]

الله يعطيكم العافية ويجزاكم خير
لي تعليق على مشاركه السناعيس
على حسب علمي ان الشاص من 2010 وطالع المكينة غيروها
ومن 2000 الى 2009 مكينه وحده يعني 2006 نفس 2009
ترا المستشار مؤتمن
مهيب معقوله الشاص يالله يجيب 150 والهايلكس 190 انا جربت الهايلكس والله العظيم انه من بعد 140 يبرد شوي واذا كان قدامك طلعه يبرد عزمه هذا وهو فاضي اجل لو محمل
معليش وانا خوك ردك مليان تعصب وخلاف للواقع
لاهنت على كل حال وجزاك الله خير ووفقك الله

[صياد الجبل]

الشااااص دون تفكيررر او ترددد او غيررر اذا انت هاوي للموتر وتبي تستعمله الاستعمال الصحيح


بالنسبه


للمكنيه وكذا


من 2000 الى 2009


المكينه هي


4500efi


ومن 2010 الى وقتنا هذا


المكينه


4000cc


جهز الاشهب وخذ بالدار جوله
http://im26.gulfup.com/2012-06-11/1339445141312.jpg (http://www.gulfup.com/show/Xpgy47l7vh40ko)

[هبوب الشمااال]

الشاص وانا اخوك هو الموتر وشوله الهرج الواجد

[السناعيس .f16]

مساء الخير
اخوي صاحب الموضوع الجميل تبي الكلام السليم و في الصميم ابحث عن موضوع باسم(ياشباب نصيحه ابعدو ابعدو ابعدو ) وشف كلامي صحيح ولا لا
واهم شي تشوف رد العضو(sgl2002 (http://www.mekshat.com/vb/member.php?u=166247)) في موضوعك و في موضع (ياشباب نصيحه ابعدو ابعدو ابعدو)

[السناعيس .f16]

الله يعطيكم العافية ويجزاكم خير
لي تعليق على مشاركه السناعيس
على حسب علمي ان الشاص من 2010 وطالع المكينة غيروها
ومن 2000 الى 2009 مكينه وحده يعني 2006 نفس 2009
ترا المستشار مؤتمن
مهيب معقوله الشاص يالله يجيب 150 والهايلكس 190 انا جربت الهايلكس والله العظيم انه من بعد 140 يبرد شوي واذا كان قدامك طلعه يبرد عزمه هذا وهو فاضي اجل لو محمل
معليش وانا خوك ردك مليان تعصب وخلاف للواقع
لاهنت على كل حال وجزاك الله خير ووفقك الله

و الله ياخوي هاذاء اللي اشوفه انا 2006 شاص فوق 2006 مدري وشو من جد ماهو شاص كانه دناء
رد على السرعه
لا تنساء الهلي خفيف كم فيه ريشه (سست) من خلف بس 5 الشاص كم 11
كم مقاس الكفرات انا 15 هو كم ممكن 16 او 17

بعدين انا اتكلم من واقع تجربه واللي اشوفه في البر والمراقاء من ناحيت قوة الشاص و الهلي

بعدين هاذاء راي وانتم بكيفكم
انشاء لو تشتري شاحنه و اطعس عليه انا وش دخلي
:good2::D

[صديق كلم رفيق]

انحش عن الشاص ، الشاص مايصلح ابد يكون السيارة الرئيسية . لازم مع الشاص سيارة ثانيه للمدن والسفر ، لان الشاص في البلد متعب في اللفات ومتعب بالمركب وفي الزحام .

الشاص للبررر فقط .

[ya 7bny lk]

مآيبيلهـآ مشآور ، ( شآص وتوكل على الله ..

[نسري بالليل]

أخوي إذا يناسبك الشاص النيسان شكلة تمام والمكينة فتك 4800 وصاير يايات أمامي وخلفي يعني مريح
ويجي ثلاجة .........:good2:
للمعلومية أنا ما جربت لا الهلي ولا الشاص ولا النيسان بس حبيت أشارك معكم بالراي.....
دمتم بود

[مخاوي العشه]

يارجال استخر قبل كل شيء

أنا قبل فتره كنت صامل على الشاص من 2006 وتحت

لكن الحمد لله الوالد الله يطولي بعمره أقنعني بالفورد f150 والحمد لله خذيت لي واحد غماره ونص نظيف ماشاء الله حوض طويل
موديل 2006 جاهز ومجهز للبر

ماشاء الله راحه ورساوه ومواصفات ممتازه
و8 سلندر


والله يكتب اللي فيه خير لك وللجميع

[راع الريمة]

أنا عندي شاص2004 للبل..ومعي هايلوكس 2007

بصراحه الشاص عززززز....أنا كل يوم أداوم 280 ك ....لأني مدرس ومدرستي خارج منطقتي...ومااااااأأأأأأأخذ غير الشاص ..مرتاح نفسيا....

وبعدين تزوجت ورزقني الله بأفلون 2012 ...وإلى الااان ماأداوم الا بالشاص لأنه عزززززززوهيبه
وراااااحه نفسية


الخلاصة...

الشاص عز لكن فيه ثقل ...مهو بمثل الهايلكس...خفيفه ....فهمتني
الشاص يصرف مهو بمثل الهايلوكس
الشاص ينقز أكثر من الهلللي لكن ياااازين مناقزه
الشاص قوووي مايقارن بالهايلوكس
الشاص يبيله انسااان راااكد لأنه ماينفعله المربوووش...لانه يكسرك وتكسره
الشاص يبسطك نفسيا ومعنويا هههه..أنا إلى الان أداوم لمدرستي بالشاص والافلون وااقفه...عاد يضحك علي الوالد ويضحكون علي أخواني ...عندك سيارة مريحه وتداااااوم بهالبعير هههه لكنييي مبسوووووط


لأنه





عز الخوي لنخيته

[(((.ابوتميم .))))]

أخوي إذا يناسبك الشاص النيسان شكلة تمام والمكينة فتك 4800 وصاير يايات أمامي وخلفي يعني مريح
ويجي ثلاجة .........:good2:
للمعلومية أنا ما جربت لا الهلي ولا الشاص ولا النيسان بس حبيت أشارك معكم بالراي.....
دمتم بود
لامايصلح من وراء اي شي احمله يطيح وينزل مرره ماتوقعته كذا ابداا لو تانكي 100 لتر وفوق بتشوفه متساوي مع الارض :D
لوه سست كان احسن :good2:
ماقصرت والله لايهينك

[(((.ابوتميم .))))]

يارجال استخر قبل كل شيء



أنا قبل فتره كنت صامل على الشاص من 2006 وتحت


لكن الحمد لله الوالد الله يطولي بعمره أقنعني بالفورد f150 والحمد لله خذيت لي واحد غماره ونص نظيف ماشاء الله حوض طويل
موديل 2006 جاهز ومجهز للبر


ماشاء الله راحه ورساوه ومواصفات ممتازه
و8 سلندر



والله يكتب اللي فيه خير لك وللجميع

يعطيك خيره ويكفيك شره
بس الموتر بيقعد معي واجد يعني مهيب سنه ولاسنتين
وانت خابر الامريكي يحب السياحه والاقامه في الورش :D
ويبله واحد يحافظ عليه وصيانه وهذا الي بيعيش معه واتوقع انك من 1ذا النوع
يعطيك العافيه وماقصرت

[(((.ابوتميم .))))]

أنا عندي شاص2004 للبل..ومعي هايلوكس 2007



بصراحه الشاص عززززز....أنا كل يوم أداوم 280 ك ....لأني مدرس ومدرستي خارج منطقتي...ومااااااأأأأأأأخذ غير الشاص ..مرتاح نفسيا....


وبعدين تزوجت ورزقني الله بأفلون 2012 ...وإلى الااان ماأداوم الا بالشاص لأنه عزززززززوهيبه
وراااااحه نفسية



الخلاصة...


الشاص عز لكن فيه ثقل ...مهو بمثل الهايلكس...خفيفه ....فهمتني
الشاص يصرف مهو بمثل الهايلوكس
الشاص ينقز أكثر من الهلللي لكن ياااازين مناقزه
الشاص قوووي مايقارن بالهايلوكس
الشاص يبيله انسااان راااكد لأنه ماينفعله المربوووش...لانه يكسرك وتكسره
الشاص يبسطك نفسيا ومعنويا هههه..أنا إلى الان أداوم لمدرستي بالشاص والافلون وااقفه...عاد يضحك علي الوالد ويضحكون علي أخواني ...عندك سيارة مريحه وتداااااوم بهالبعير هههه لكنييي مبسوووووط



لأنه






عز الخوي لنخيته

:good2::good2::good2::good2:
ردك ذا عن موضوع كامل لاهنت وماقصرت

[أبوعابد 22]

ما اقول الا الله يرزقك باشاص وكل متمني له
والسالفه واضحه وضوح الشمس مايبلها كلام شاص

[مخاوي العشه]

يعطيك خيره ويكفيك شره
بس الموتر بيقعد معي واجد يعني مهيب سنه ولاسنتين
وانت خابر الامريكي يحب السياحه والاقامه في الورش :D
ويبله واحد يحافظ عليه وصيانه وهذا الي بيعيش معه واتوقع انك من 1ذا النوع
يعطيك العافيه وماقصرت




بس لاتنسى الاستخاره ونا خوك

ومن ناحية الهايلوكس والشاص

انا اؤيد الشاص تكفي هيبته


لكن انت خذ السياره على حسب حاجتك

يعني اذا الاهل دايم توديهم وتجيبهم تبي راحه خذ الهايلوكس

واذا دايم تقضي المشاوير لحالك مامعك احد وتبي الوناسه وتطلع بر كثير
وتحمل بالموتر على طول خذ شاص


والله يرزقك باللي تتمنى

[(((.ابوتميم .))))]

بس لاتنسى الاستخاره ونا خوك



ومن ناحية الهايلوكس والشاص


انا اؤيد الشاص تكفي هيبته



لكن انت خذ السياره على حسب حاجتك


يعني اذا الاهل دايم توديهم وتجيبهم تبي راحه خذ الهايلوكس


واذا دايم تقضي المشاوير لحالك مامعك احد وتبي الوناسه وتطلع بر كثير
وتحمل بالموتر على طول خذ شاص



والله يرزقك باللي تتمنى


جزاك الله خير ووفقك الله باذن الله النيه على جيب الشاص الله ييسره لي امين
ويرزقك ومن يقرا بالي تتمنى
يعطيكم العافية ياشباب ومهيب غريبه والله على رجال مكشات :)
بيض الله وجه من رد ومن مر على موضوعي وابشرو اذا شريته بموضوع كامل تجهيزات
تحياتي للجميع

[أبوخالد501]

شف وانا اخوك الله يرزقك بشاص لاكن انت حاطهه براسك
بس تبي لك تعزيز :D
ولا انا معي هايلكس دفرنسين 2009 مشالله تبارك الله
حطه على يمناك راحة في الخط والنفود يطربك
وقفته مشالله عليها تسر الناظرين :p ومبروك الشاص مقدما :D

[بآوزير]

يازين الشااص زينااه