تنصحوني اركب مكينة لكزس ولا مكينة 4500 نيسآن

[RW7..ALBDAWA]

السلام عليكم ورحمة الله وبركآتة

اخوآني اعضاء مكشات يعلم الله ان لكم معزة بالقلب وحب فآلله

وششوركم اخذه الاول بالاول ونصآيحكم امشي عليهآ

وانآ الحين ابي مسآعدتكم انآ عندي بآترول مكينة 4200 وكنت عآرض موتري عشآن المكينه حقت 4200 بالعربي بطـه والحين استخرت وقلت ابي اركب مكينه وانآ رجآل احب الموتر النشيط

جآني رجآل

وقآلولي ركب مكينة لكزس وقلت ماهي مشكله نركب وشوي ونصحوني نآس وقآلولي هي حلوه وبدون عطآلأت بس لآخربت عليك وانت بهجره يلآ عاد ابلش وين بتحصل لكزس
منت محصل الا نيسان قطع ولا تآيوتآ

وانآ الحين ابي شوركم هل مكينة 4500 بخآخ او كربريتر نششيطه ولالا

انآ خوفي انهآ تسير مثل نشآط الـ 4200

مآخفي عليكم موتري عليه هدرز وعليه مراوح وفرارات وديلكو الكتروني وكويل ومدبل الاسلاك ومع ذالك بآلبآآآآآآآآآآآآآآآآآآآآآآآآلون يوصل 175 واحياناً 180 ماشاء الله تبآرك الرحمن بس ابي موتر انشط لأني انآ احتاج السرعه بآوقآت فـ نصايحكم الله يحرم وجيهكم من النآر اركب 4500 نيسآن ولا لكزس

[التعـ King ـديل]

4500 بخاخ + هدرز سويدي + تنزيله الوجه شوي او رفعه من ورا شوي + فرارات

[mjeeed]

والله الكزس يمدحونه بقله الصرفيه قله الخراابات

بس ماجربته

[برنس الترهيم]

مرحبا
اخوى بالنسبه للعزم مافى مقارنه بين اللكزس والسفارى بكل انواعه .اللكزس طبعا احسن .
اما بالخط اللكزس يوقف عند 205 او 210 بالخامس يعنى مهنا ذاك الفرق .لكن بالاول والثانى والثالث والرابع فرق كبير بينهم . اللكزس افضل.

[RW7..ALBDAWA]

4500 بخاخ + هدرز سويدي + تنزيله الوجه شوي او رفعه من ورا شوي + فرارات



هذآ الشغل اللي كنت نآوي عليه بس كيف عزمه يطلع انشط بوآجد من 4200 ولا بفرق بسيط

[RW7..ALBDAWA]

والله الكزس يمدحونه بقله الصرفيه قله الخراابات

بس ماجربته

انآ خابر هالشي انهآ مآتصرف وقليلة خرابات بس المشكله لا سمح الله صآر بهآ شي وانآ بآحدى القرى وعآد انت تعرف الهجر لايوجد بهآ الا نيسان وتيوتآ فقط لاغير يعني بآكل هوىىى

[RW7..ALBDAWA]

مرحبا
اخوى بالنسبه للعزم مافى مقارنه بين اللكزس والسفارى بكل انواعه .اللكزس طبعا احسن .
اما بالخط اللكزس يوقف عند 205 او 210 بالخامس يعنى مهنا ذاك الفرق .لكن بالاول والثانى والثالث والرابع فرق كبير بينهم . اللكزس افضل.

بيض الله وجهك بس عندي نقطه مو كل المكآين توقف على 210 بعضهم وشوف عيني يوصل بالمآجلآن 232 طبعاً المكينة موديل 2000

[العنابي 616]

مكينة 4500 ما تسوى شي عند اللكزس
عندك خيار ثاني هو مكينة 4500 تيوتا

[كبسولة2]

مكينة تويوتا 4500 بخاخ

بتعطيك أداء ممتاز وقطع غيارها متوفره في كل هجرة ومحطة بنزين

[امير الحبر]

ركب لكزس ولا تشيل هم خرابها بالهجر راس مالها سطحه .. لا قدر الله وخربت
او ركب LS1 كلن يركبها ويمدحها ويمديك تزودها وتجيب رقم قوي

[ابو99]

اخى اهم شى البدى لأنه ما يصلح تلبس عجوز ثوب زفاف المثل يقول الباب على قدر العماره والعكس
مكينه اللكززب15000ألف ريال
وال 4500ب 12000وعساك على القوه لو تشترى لك لكزز شد بلد احسن تلقاه استعمال امريكى رخيص بعدين يا اخى تقول موترك يمشى 175 وش تدور اكثر من كذا قم بزيارة المستشفى وشف ذوى الا عاقات الخاصه كلها من اسباب الحوادث والسرعه الزائده الله يستر على الجميع والسلام

[السناعيس .f16]

والله يا خوي انا زيك ابي ازيد عزم هايلوكس دبل2012 بس مدري وين في امكان ورشات الترهيم
و وش الاشياء الاضافيه من قطع تزوريد و انشاء الله الاعضاء يفيدوني

انا مكاني في الرياض

[السناعيس .f16]

يا اخوان مكينة ls1وش نوعه هاذي المكينه تجي شد اي موتر او اي وكيل
وهل هي تصلح اركبه على هايلوكس دبل؟

[RW7..ALBDAWA]

اللـه يعطيكم الف عآفيه بالنسبه لـ مكينة التيوتآ لآخربت المكينـه بالكآمل توضيبهآ غآلي اغلى من 4500 نيسان وسعر المكينه غآلي انآ اخترت 4500 نيسآن لأنهآ تركب بدون تلحيم وقص وخرآبيط بس شكلهآ بترسي على 4500 تيوتآ بس كيف عزمهآ بالخط وكيف عزمهآ بالرمل

والله يجزآكم الجنه ويحرم وجيهكم من النآر .....

[Salamah.y]

طيب فيه خيار ثآني , وهو الإبقاء على مكينة شد البلد
مع تعديلها لتعطيك أداء أفضل من الـ 4500 النيسان البخاخ
و بتكلفه أقل من الترهيم و التبديل !!

طبعاً كلامي هذا , من موضوع لـ أحد الأخوان في مكشات
يتكلم فيه عن تعديل مكينة النيسان , 4200

تفضل الرابط , و الله يوفقك بالإختيار الأنسب

http://www.mekshat.com/vb/showthread.php?t=218610

[ابونبيل]

اللكزس 4500 ماتوقع تفرق عن 4200 ودامك دافع دافع ادفع بالشي المضمون

[س.س.التميمي]

ماشاء الله تبارك الله موضوعك شيق واللي زود حلاه ردود الاخوان الله يوفق والله يكفينا شر السيارات وحوادثها

[مشلخ الذيب]

من عرفت الباترول مايركبون عليه الا لكزس أو ls1 اللي هي مكينة الكابرس أو مكينة الجمس الـ 6 لتر أو مكينة فتك مدري عن 4500 > ماتسوى ترهيمها

[عاشق البسيتين]

مكينة الكابرس تخلي النيسان طيارة لان البدي خفيف ومعروفة اسمه ( الس 1 )

[RW7..ALBDAWA]

أشكر جميع من رد على موضوعي ومسآندتي فيــــــــه

نوينآ انشآء الله على مكينة لكزس لأكن شغل الامآرآت

بحيث اني سمعت عنه أفضل شغل من أهل الريآض

والشي الثآني ارخص من اهل الريآض والفرق بينهم 9000 اللاف ريآل لأكن ياخوآن مكينة البلد وش اسوي فيهآ

هل فيه احد باالآمارات يشريهآ وبسعر زيين ولأارجعهآ معي لريآض

[Salamah.y]

^

زين ما اخترت و ان شاء الله يكون الشغل مضبوط
و لا تنسى توافينا بالجديد , حبة حبه عشان نستفيد من تجربتك

,

بالنسبه لمكينتك الأصلية
الأفضل ترجعها معك للرياض
هناك المكاين عنهم ارخص و محد يبي مكينتك
لكن هنا ممكن تحصل احد يشتريها بسعر معقول
او تخليها عندك , لوقت الحاجه ~

او تعرضها هنا في رابطة ملاك نيسان باترول
تحصل احد يبيها و يشتريها منك !!

,

مووفق ان شاء الله !!

[abo naser 1]

السلام عليكم

شف ها الرابط بيخدمك في مسئلت تركيب الكزس
http://www.shababonaizah.com/showthread.php?t=351916

واذا تبي مكينة 4500 نيسان موجودة شرط لانقص ولا حرارة اعطيك رقم صاحبها كانها ماراحت بتكلفك راكبه ب 8000 ريال مع هدرز وتبيع مكينتك وبيطلع شغلك كله دون من 5000 ريال
فرق 4500 عن 4200 في سعة البستم ومجاري الراس اوسع ادائها على بدي النيسان القديم جيد بالنسبه لل 4200
http://www.mekshat.com/vb/showthread.php?t=505736

[المنيعي1]

أذا حصلت مكينة 4500 موديل 99 أو 98 بخاخ لاتعداه
انا جربته على باترول 98 طويل 4500 بخاخ نشيطة بالممشاء بدون أظافات تطق 190 وبانفود لابأس به
وواحد من العيال معه نفس موتري مركب هدرز ومراوح وفلتر يسابق الريح.
وميزته مثل ماقلت بدون ترهيم ماعدا الظفيرة

[عاشق المقناص6]

نصيحه لوجه الله لا تغير مكينتك بس زودها ركب كامبيوتر موتك و هدرز بحريني و تيربو واسلك بواجي رياضيه 10 ملي وانشاء الله راح تدعيلي ويصير موترك فزه

[وجعين]

كانك تبيه كل ماشاف محطه يلتفت يمه ركب مكينه نيسان4500 ؟

[العنابي 616]

أنصحك نصيحة مجرب
الإمارات شغلها زين و سعره ممتاز لكن لازم تكون باخص المكان زين
و إذا كنت تعرف واحد إماراتي فأمورك راح تتسهل إن شاء الله لأن الهنود بيرفعون عليك السعر لأنك سعودي
إذا بغيت تركب المكينة بالإمارات يبغالك تاخذ جولة لمدة يومين بين الورش و التشاليح في العين و الشارقة
على شان تتأكد إنك تشتغل في ورشة ممتازة
المكينة الأفضل إنك أنت اللي تشريها و احرص على المكاين اللي تكون راكبه على السيارات يسمونها ( هاف كت )
طبعا ركب مديل 98 و فوق لأنه أحسن و أقوى مديل و بالإمارات يركبونه بدون مشاكل
إحرص على طريقة تجليس المكينة
و أيضا على البليته تأكد إنها مضبوطة و الكلتش عادة يركبون داير فكسار و صحن فتك
جرب السيارة يومين بعد ما تخلص و تأكد إن كل شي سليم تعشيقة القير و إن ما يكون فيه ونه

[المحزري]

انا الحين شغال على باترول 96 ارهم له مكينة V8 خلال هذا الاسبوع يخلص
وراح اوافيكم بجميع التفاصيل باذن الله قريبا مع الصور

[تميم2222]

وانا اخوك .... مافيه مثل مكاين النيسان ..كعملي ..ولا تقارن بالتويوتا . بختصار ..تبي العملي ... خذ نيسان هذي وجه نظر ... الا اذا كانت مكينه اللكزس ارخص

[خبايا انسان]

أشكر جميع من رد على موضوعي ومسآندتي فيــــــــه

نوينآ انشآء الله على مكينة لكزس لأكن شغل الامآرآت

بحيث اني سمعت عنه أفضل شغل من أهل الريآض

والشي الثآني ارخص من اهل الريآض والفرق بينهم 9000 اللاف ريآل لأكن ياخوآن مكينة البلد وش اسوي فيهآ

هل فيه احد باالآمارات يشريهآ وبسعر زيين ولأارجعهآ معي لريآض


رجعها معك الرياض ,,

مكينة البلد بيشترونها منك بالامارات اكثر سعر 1500 ,,

وتبيعها هنا اقل سعر 5000 ,,

وبتركب مكينة اللكزس بالامارات اعلى سعر 8000 ,,

وتركيب مكينة اللكزس عند بدر الحمد ب 17000 ,,

----------------------------

انا اشور عليك ركب مكينة لكزس عند بدر الحمد ب 17000

وبع مكينتك اقل سعر ب 5000

تطلع عليك التكلفة بالسعودية (((( 12000))))

وبالامارات اعلى سعر ب (((( 8000))))

يطلع لك الفارق بين الامارات والسعوديه 4000


ال 4000 هذي اذا بتروح الامارات بتصرفها ميزانية ,, بنزين سكن اكل ... الخ الخ وقد تصرف اكثر من 4000 ف الامارات


^
^
مجرد فرضيات وافكار

[Salamah.y]

^

فيه فرق بين 4 الاف تصرفها على وناستك
من تمشيات و طلعات و تسوق و اكل و غيره
و بين 4 الاف ياخذها بدر الحمد او غيره

اللي نسمع انه بالإمارات أرخص , و أجود شغل
و الموتر بالكثير اذا طول طول ,, اسبوع و انت ماشي عليه
بعكس المرهمين هنا , مماطله و مواعيد كنها مواعيد معامله بأحد وزاراتنا

بعدين اذا اعلى سعر هناك 8 آلاف , يجي و يبيع مكينته هنا بـ 5 آلاف
يعني فرق كبير بين هنا و هناك ,, و اكيد , بالنهايه التجربه خير برهان
<< تحمس ابو الشباب ههههه

الله يوفق و برزق الجميع من واسع فضله

[خبايا انسان]

انا ما ادافع عن المرهمين الي هنا

ولا ادافع عن شغل الامارات


لاكن الملاحظ , بالنسبه لبدر الحمد , المماطله وتأخير المواعيد بسبب الكم الهائل من السيارات التي لديه < وهذا باعتقادي يدل على الحرفية والاتقان ,

بالاضافه الى ميزة في بدر الحمد , يصف لك اكثر من موتر مرهم ويقولك جرب الي تبيه

-------------

وبالنسبه للامارات , تأكد بعد الشغل انه يضمن لك او لا , والله الموفق

[RW7..ALBDAWA]

بيضض الله وجيهكم ..

لأكن شغل الامآرآت على كلآم الشبآب انه احسسن من شغل بدر الحمد وخآصصه تحدي الرمآل

لأكن يآشبآب بدر الحمد قبل سنتين احترق عندهـ موتر الفوزآن وعوضه بدر الحمد يعني هذآ يدل على ان شغله

مش ولا بد مآدري كآنه تغير الحين ولألأ

[خبايا انسان]

اهم شي تكون مقتنع هنا او بالامارات ,, انا قابلت واحد اماراتي مركب مكينة في اكس ار , مركبها بكراج الخوار او الخور بالعين ويمدح الشغل والسعر يقول مابين 15000 و 17000

[com.الطراعيز]

4500 كبليتر وهدرز وسلاك بالنفود تطرب

[abo naser 1]

رجعها معك الرياض ,,

مكينة البلد بيشترونها منك بالامارات اكثر سعر 1500 ,,

وتبيعها هنا اقل سعر 5000 ,,

وبتركب مكينة اللكزس بالامارات اعلى سعر 8000 ,,

وتركيب مكينة اللكزس عند بدر الحمد ب 17000 ,,

----------------------------

انا اشور عليك ركب مكينة لكزس عند بدر الحمد ب 17000

وبع مكينتك اقل سعر ب 5000

تطلع عليك التكلفة بالسعودية (((( 12000))))

وبالامارات اعلى سعر ب (((( 8000))))

يطلع لك الفارق بين الامارات والسعوديه 4000


ال 4000 هذي اذا بتروح الامارات بتصرفها ميزانية ,, بنزين سكن اكل ... الخ الخ وقد تصرف اكثر من 4000 ف الامارات


^
^
مجرد فرضيات وافكار



السلام عليكم

الفرق ماهو 4000 ريال

الشباب عندنا يركبونها على 17000 -5000 بيع الرجيع = 12000 ريال

الشغل في الأمارات ب 8000 - 5000 بيع الرجيع = 3000 ريال

فرق السعر بين ربعا والأمارات 12000 - 3000 = 9000 ريال

بها التسعة الألف تنبسط لك 5 أيام وتكمل موترك من ديكورات كفرات وجنوط ومراتب وترجع بنصها معك

ما الوم الأخوان هنا على الأسعار لعدة أسباب منها

1- عدم توفر العمالة لمحاربة السعودي بديرته
2- القطع والمكاين غير متوفرة الا بيدين أجانب وبعد منع الياباني لمساعدة التجار على نهب المواطن تدبلت الأسعار
3- أسعار قطع الغيار الجديدة من الوكلاء بنص قيمة ابوجميل والخمراني
4- تطبيق الأنظمة على السعوديين فقط لو بتفتح اي شغله عقدوك البلدية ومكتب العمل

[سلطان2007]

^

اللي نسمع انه بالإمارات أرخص , و أجود شغل
و الموتر بالكثير اذا طول طول ,, اسبوع و انت ماشي عليه
بعكس المرهمين هنا , مماطله و مواعيد كنها مواعيد معامله بأحد وزاراتنا


الله يوفق و برزق الجميع من واسع فضله

:good::good::good::good::good::good::good::good::g ood::good::good::good::good::good::good::good::goo d::good::good::good::good: