لعبة عبداللطيف جميل في اسعار السيارا ت :: مهم جدا ::

[صياد الجبل]

هذا سعر السيارة... لا وبعد الربح بعد!!

موظف عند عبداللطيف جميل: يقول
وقعت شركة ذيب لتأجير السيارات عقد مع شركة عبداللطيف جميل وذلك لشراء 500 سيارة تويوتا و لكزس
وكانت الصفقة التاريخية بالنسبة لشركة ذيب "عرض الأحلام"
لأنها اتفقت على شراء السيارات بنسبة خصم وصلة إلى 39% من السعر المتداول بالشركة
مما شجع الشركة على الشراء بعد انقطاع بالعلاقات دام أكثر من ثلاث سنوات بسبب سوء المعاملة من قبل شركة عبد اللطيف جميل
وتعتبر شركة ذيب بمثابة الرجل الخارق الذي أنقذ السفينة من القرق
واليكم تفصيل الصفقة موضح به عدد السيارات وسعر البيع:
تويوتا يارس عادي 2009 .....عدد 110 سيارة .....سعر المتداول 46.000 ....وسعر الصفقة 28.060

تويوتا يارس اتوماتيك 2009 .....عدد 110 سيارة .....سعر المتداول 50.000 ....وسعر الصفقة 30.500
تويوتا كرولا عادي 2009 .....عدد 90 سيارة .....سعر المتداول 53.500 ....وسعر الصفقة 32.635
تويوتا كرولا اتوماتيك 2009 .....عدد 90 سيارة .....سعر المتداول 57.500 ....وسعر الصفقة 35.075
تويوتا اوريون 2009 .....عدد 45 سيارة .....سعر المتداول 85.500 ....وسعر الصفقة 52.155
تويوتا افالون 2009 .....عدد 30 سيارة .....سعر المتداول 103.000 ....وسعر الصفقة 62.830
لكزس2009 es350 .....عدد 15 سيارة .....سعر المتداول155.500 ....وسعر الصفقة 94.855
و أؤكد لكم بهذة الأسعار على أن الشركة باعت
(( بأقل الأرباح ))
وأنها لم تخسر بهذه الصفقة
وبعدها سوف تتضح لك عزيزي القارئ الاجابة عن سؤوال يدور في ذهن الكثيرين منا..
ما هو السعر الأصلي للسيارة...؟

.........................................

الآن صدقت كلام موظف تويوتا السابق المفصول من عمله


الذي أنتشر في مواقع النت قبل 3 أشهر وتداولته الكثير من المواقع والناس

وكنت مشكك في كلامه ذلك الوقت مو معقووووولة هذا الشئ يحصل

عندما قال بأن الجيب الشاص 2009

يكلف الشركة في اليابان 40 ألف ريال تصنيع

وتشتريه وكالة تويوتا بـ 60 ألف ريال مكسب الشركة الأم 20 ألف في السيارة

ويبيعه على المستهلكين بــ 130 ألف ريال !!!!!! مكسبه 70 الف في السيارة

والكامري تكلف الشركة في اليابان 27 ألف ريال تصنيع تقريباً

وتشتريها وكالة تويوتا بــ 48 ألف ريال وتبيعها

على المستهلك بــ 78 ألف ريال !!!!

والخافي أعظم

فلا تستغرب ولا تستعجب أخي المواطن فأنت تعيش

في بلد الأزمات والمتناقضات والسرقات !!!!

أزمة الدقيق .... أزمة الحديد .... أزمة الحليب

سرقات سوا ..... سرقات سوق الأسهم ....

سرقات المساهمات الوهمية البيض والعقار وغيرها الكثير

والآن أزمة السيارات العالمية وأنخفاض أسعارها عالمياً

وسرقة وكلائها في السعودية لجيب المواطن المسكين

لنردد سوياً أخي المواطن

حسبي الله ونعم الوكيل

منقول

[ابونبيل]

وش نقول بس !

الله لنا ماعندنا حماية مستهلك ولا وزارة تجاره..

[أبوسعد111]

لا تستغرب من مايحدث
فأنت في بلد
- وزارة التجارة نايمه >> وإذا صحت صارت بصف التاجر لايزعل عليهم
- حماية المستهلك أقصد (( المستهلكه )) صجه ولجه بس في الجرائد والواقع ماعندك أحد
- أول السيارات رخيصه وفيها حديد ,, والآن كلها بلاستيك وفيبر وغاليه !!!
- ثقافة الناس بالشراء هي أكبر سبب
لماذا ؟
لان سيارات تيوتا " الجديدة بذات " وغيرها لم يعد فيها أمان ولاحتى وسائل سلامه ( رفارف وأبواب كأنها تنك ) ولا يزال الناس تشتري >>> توابيت وليست سيارات
وإذا ناقشة أحد قالك وش تبينا نسوي ,, الله يعين ,, ويذهب يشتري السيارة وأحسب الدين الذي على ظهرة ؟!!

اللهم إنا نعوذ بك من الغلا

[sgl2002]

وش نسوي

ان طاعك الزمان والا طعه

[قايد النيسان]

حسبي الله ونعم الوكيل
لاتستغرب دام عندك ناس تشتري علشان السمعه اجل الفكسار 2012 الفل واصل 360 الف واللكزز واصل 460الف تقريبا نص مليون يعقل هاذا الكلام حتى المواصفات موب هاذاك الزود مانقول الى قاطعوهم قاطعوهم قاطعوهم لاكن واله ماحولك احد
الله لايوفق من كان ورا هاذا الغلا
واقولها مره ثانيه حسبنى الله ونعم الوكيل

[مجنون باترول4800]

الشكوى لله لصار حاميها حراميها ؟؟؟!! *_^
بالله اجل يوم سالفة مثبت السرعة عبدالطيف جميل هو لللي حكم بالقضية ؟!
يعني ضحك على الدقونه ,,
مشكور صاحب الموضوع وولو انك قلبيت المواجع علينا ^_^

[abujod]

هذه ليست لحماية المستهلك
بل
لحماية وزارة التجارة من المستهلك

حسبي الله عليهم

[ملك الفكتوريا]

رضي الله عن الفاروق


ارخصوه انتم

[كاشت وحداني]

جزاك الله خير عالمعلومه
والأكيد ان جميع الوكالات لدينا تكشب الكثير
لكن ابوجميل مدبلها
ومعلومتي هذي ليس تكذيبا لك وليست دفاعا عن ابوجميل وقد يكون اللي نقل لك المعلومه نقلها بخطاء بسيط وهي ان الاسعار ليست اسعار شراء انما اسعار تاجير طويل الامد لمدة مثلا ثلاث سنوات
لان من عام ٢٠٠٥ اصبحت القطاعات والشركات تستاجر السيارات من الوكالات بعقود تختلف حسب الاتفاق قد تكون ثلاث سنوات وقد تكون خمس سنوات
ثم تعاد للوكاله ويلمعونها ويرقعونها ويبيعونها في قسم المستعمل.
وتقبل تحياتي


Sent from my iPhone using Tapatalk

[حب لاينتهي]

الله يكون في عوننا

[التعـ King ـديل]

بعيد عن محتوى الموضوع انا اعجبتني نقطه في كلام ابو سعد وهي ان ثقافه الناس تغيرت

اول السياره كانت للحاجه والان اصبحت للمفاخره اشتري فكسار ب 300 الف علشان عيال عمي يقولون ان الفكسار مركب الشيوخ وعيب علي اشتري نيسان او ميتسوبيشي او غيره من البدائل

اشتري هايلكس غماره بقيمه 75 الف ولا اشتري ددسن ب 55 الف علشان مايقولون عني طفران ومن هناك مشتريه اقساط من ابو جميل وطالع عليه ب 100 الف

الله يرحم الحال بس .. ومازلت اجدد مقاطعتي للسيارات الجديده واحتفاظي بسيارتي الحاليه

[عقاري مع]

حسبي الله ونعم الوكيل

[abo naser 1]

شكلك صياد الشعايب مو الجبل ;)

سويت ضجة وبلبلة على كلام منقول :mad:

ياخي اتق الله يكفي فتن ومشاكل في هالبلد .. عندك دليل جيبه اما قيل وقال وحكي منقول مانباه .

اطالب بحذف الموضوع وايقاف عضوية الناقل


الله يقويك عليك بالجديد دامك راضي بها الأسعار

انا عندي ادله ماهو دليل اسعار الأرباح للسيارات الجديدة بالنسبة للوكلاء جميع السيارات ما بين 100 الى 150%

واسعار الأرباح في قطع الغيار تتراوح مابين 250 الى 1200% لجميع الوكلاء تويوتا وغيرة وهذي عندي ادله

حتي اني في احد دول شرق اسيا سئلت عن كذا سيارة تويوتا منها الكورلا والهايلكس سعرهم أقل 50% عن اسعارنا ولاتنسى ان مواصفاتهم أفضل من ربعنا

وكل حرامي عندنا له شريك في الخفاء والصحافة الشريك الثالث

[وبل نجد]

ضحك ع دقون الرجاجيل وبسسس

لا اقل ولا اكثر
يلومني ف القديم (سعر القطع رخيص وصيانه سهله )
وقوه وصبر
لكنه يفتقد الراحه والفخامه

[توكار]

شكلك صياد الشعايب مو الجبل ;)

سويت ضجة وبلبلة على كلام منقول :mad:

ياخي اتق الله يكفي فتن ومشاكل في هالبلد .. عندك دليل جيبه اما قيل وقال وحكي منقول مانباه .

اطالب بحذف الموضوع وايقاف عضوية الناقل



لا ولله لايحذف الموضوع شكلك نايم نوم الدب متي صحيت العالم تسرق وأنت في سبات


صياد الجبــــــــل بارك الله فيك. قل الحق ولاتخاف الا من ربك

[ابو شكاع]

طيب يا أحبة القول الفصل في هذا هي دول الخليج القريبة
بكم تبيع سيارات تويوتا ؟
هنا يتضح لنا الأمر

[توكار]

انت الدب الروسي انا مسوي دايت ونحفت :p

خلك ذوق عشان احبك:)



أبـــشـــر ياطويل العــــمـــر على أمرك يازين كلامك زيناه

[ابونبيل]

وتدرون من الي فراحنين صح وكلاء الامريكي تراهم مثل ابو جميل بس الفرق انهم مايبادرون برفع الاسعار يعني مايصيرون بوجه المدفع

شوفو التاهو كم وصل سعره والوانيت الجمس الزد سفنتي خويي توه شاريه وارتفع الحين بدون مبرر

[ksa 8888]

حسبى اللة ونعم الوكيل يجميل :r:l:lr:f

[ابوسند9]

الله يجزاك خير والخافي اعظم
وبالنسبه لخونا راحو الطيبين اي والله راحو الطيبين والنار ما تورث اللى رماد! و احب اقولك
ان اسعار السيارات بالخليج متقاربه نعم والسبب ان ابو جميل هو اللي يحدد الاسعار لكونه يملك حصه كبيره في الشركه
لكن يابو جميل انت عطني مواصفات الخليجي مو تبيع سيارات اكسسورات تجاريه مثل الجنوط والدعاسات والمكيف والمسجل والشمعات والخطوط ومثبت السرعه وبعض الديكورات يعني سيارات تجي مافيها شي ويركب لها كل شي صيني وسيارات اخرى فيها كل شي ويبدل قطعها بصيني
نجي لقطع الغيار
انا ودي انك تشوف قطع الغيار بالامارات والله العظيم يا جماعه دئم اشتري من هناك واغلب زملائي وقطع اصليه مو تايوني ووالله العظيم الفرق احينا يصل 50% ولاينزل عن 40% سواء تويوتا او لكزس او نيسان ومع هذا منع الناس انه تجيب قطع غيار جديد من الامارات زي ما منع دخول السيارات المستعمله في موديل معين
اما بالكويت فقطع غيار الجمس يفرق عنا من 30 الى40 %
اخيرا زبدة الهرج ان ابو جميل هو راس الحيه بالنسبه للوكلاء ووهو المسيطر على وزارة التجاره لكن على ما قالو العين بصيره واليد قصيره والناس يالله تويوتا بس ومهايط

[Abusliman]

بعيد عن محتوى الموضوع انا اعجبتني نقطه في كلام ابو سعد وهي ان ثقافه الناس تغيرت

اول السياره كانت للحاجه والان اصبحت للمفاخره اشتري فكسار ب 300 الف علشان عيال عمي يقولون ان الفكسار مركب الشيوخ وعيب علي اشتري نيسان او ميتسوبيشي او غيره من البدائل

اشتري هايلكس غماره بقيمه 75 الف ولا اشتري ددسن ب 55 الف علشان مايقولون عني طفران ومن هناك مشتريه اقساط من ابو جميل وطالع عليه ب 100 الف

الله يرحم الحال بس .. ومازلت اجدد مقاطعتي للسيارات الجديده واحتفاظي بسيارتي الحاليه



الي اعرفه ان ما فيه ددسن غمارة 2012 !! ولو نزل مستحيل يصير بـ 55
والهايلكس من قالك انه بـ 75 هايلكس غمارة جديدة مع اللوح بـ 67 الف ريال
بعدين مب سالفة هياط اول مرهـ اشوف واحد يهايط بهايلكس السالفة الموتر افضل وتكفيك المبيعات عالمياً الهايلكس الجديدة مبيعاته مرتفعه بالحيل
لو تجيب النافارا والددسن مع بعض ما وصلوا لمبيعات الهايلكس
بعدين الددسن فيها مشكلتين الدفرنس ما يتحمل والدفرنس التشريك فيه خايس يعني ما ينفع بالبر ابد .. وترا ادري انهن مهب مواتر بس
وحتى قير الددسن ما يمد الثاني الظاهر ما يتعدى 80 او 85 يعني ما ينفع ابد بالبر

[صياد الجبل]

السلام عليكم

بعض الاعضاء طالبو بحذف موضوعي وانا اوكد اني مانقلت هالكلام الا بعد ماقريته وتمعنت فيه

ولو تتاكد رح اقرا الموضوع مره وعشره وتعرف الحقيقه

ثاني شي لو الموضوع فيه خلاف كان اخوي مشرفنا كنق التعديل قام بالاجراىات الازمه

واحب اوكد على شغله عشان لاحد يفهمها غلط مني اني ماني بضد تويوتا الشركه الام

انا معي مواتر من تويوتا مانكر هالشي ولكن انا ضد سياسة عبداللطيف جميل

فقط لاغير

واحب اقول اللي قالي اني حطيت الموضوع زياده للمشاركات وكذا الحمدلله اول شي يكفي اني عضو بمنتدى مكشات وعضو ذهبي بعد

يعني مشاركه وحده معي ماتفرق والله

امس رحت للشركة عبداللطيف بغيت اشتري كامري للمشاوير البلد

سىلت عن اقل نوع يسمونها شركات

gl قير عادي قزاز كهرباء

تخيلو السعر بكم 77 الف وخمسئه

كان سعرها في 2011 ب 69 الف

طبعا 77 بعد ماخفض اسعارها لانها كانت بلااساس فوق 80 الف ريال

هذا اقل النوع سوح السوح

المهم خرجت من الشركه ولا فكرت اشتري منها ابد ابد ابد

اللين ماتتعدل الاوضاع وترجع للاسعارها الحقيقه

واشكر كل من شارك بالموضوع

وكل من افادنا

[راعي المجهم]

لاحوووووووووول ولاقوة الا بالله

[مقلع الرمث]

رضي الله عن الفاروق




ارخصوه انتم




كما قال الفاروق

[صياد الجبل]

جزاكم الله خير على تواجدكم

[شاهين12]

سيارت تويوتا من المنشاء ارخص من عندنا بكثير ،عندك هنا تباع اضعاف قيمتها .

واللي يبغى يتاكد يراسل موقع الشركه .مايقدرون يوردن السياره لك .
في دوله ثانيه تطلبها وتجيك .اما بسعوديه يقلون مانقدر السبب:

عبداللطيف جميل المورد المحتكر لها عندنا فلاتسغرب قيمتها بتكون اضعاف قيمتها الاصليه.

الغريب في الامر قطاع تويوتا ماهو موحد بفروع الموزعين المعتمدين لوكالة تويوتا.

يعني تلقى القطعه 750 ريال بالفرع الفلاني وتلقى بالفرع الاخر 650 وبالفرع الثالث 500ريال وهذا حاصل معي شخصيا .كلها بنفس المكان ...والواحد ياخذ قطعه يشيك على كذا فرع وبتلاحذون اختلاف الاسعار للقطعه.
المعروف ان قطاع الوكاله سعره موحد لدى الموزعين المعتمدين للوكاله.فيه تلاعب حتى بالقطاع ...

يعني لابغيت تاخذ قطعه لابد تمر كذا فرع علشان تاخذ ارخص الاسعار ...
صراحه هذي ماصرت فروع وكاله ...



مشكوررررررررررررر اخوي صياد الجبل...

[شاهين12]

الي اعرفه ان ما فيه ددسن غمارة 2012 !! ولو نزل مستحيل يصير بـ 55
والهايلكس من قالك انه بـ 75 هايلكس غمارة جديدة مع اللوح بـ 67 الف ريال
بعدين مب سالفة هياط اول مرهـ اشوف واحد يهايط بهايلكس السالفة الموتر افضل وتكفيك المبيعات عالمياً الهايلكس الجديدة مبيعاته مرتفعه بالحيل
لو تجيب النافارا والددسن مع بعض ما وصلوا لمبيعات الهايلكس
بعدين الددسن فيها مشكلتين الدفرنس ما يتحمل والدفرنس التشريك فيه خايس يعني ما ينفع بالبر ابد .. وترا ادري انهن مهب مواتر بس
وحتى قير الددسن ما يمد الثاني الظاهر ما يتعدى 80 او 85 يعني ما ينفع ابد بالبر


مالك لوى الددسن :اسم الدلع الدقس .:good2:


فصلة الواحد والثاني والثالث نفس الهايلكس2006وانت طالع اسم الدلع البقره ...
البقره تقدر تطلعها وكالها بدون ماتسويلها اي تعديل وتروح للبر على طول ..ماتمشي مستحيل .. الصدام الامامي كلبسات وفيبر
حتى الدواسه حقت البنزين كهرب لانشبت اجلس حفر عنها .

احس انها كامري .ماهي بحقت بر..

الدقس ماشاء الله مع البر رهيب جدا بدون اي تعديل ...والدعسه ماهيب كهرب .
ومريح جدا ..وصدامات كسابقاتها.

معك الهلي موديلات 2005 وانت نازل خذ مواتر بالشكل وبالتصميم ،الدفرنس يختلف اكثر توازن من البقره...المكينه تختلف اختلاف جذري والقير يختلف حتى الفصله الثالث والرابع بعد تختلف عن البقره.

اتوقع في الوقت الحالي الدقس احلى ..البقره.

[صاحب مبدا]

التكرار يعلم الجدران لكن الناااااااس صااااارووو اشد من الجدار ماا يبيلهااا شي لا تشرون من عبداللطيف وراح عصب عنووو يرخص الحمدالله البديل موجووووود لو تنجبر تركب قرنبع مراح ينقص منك شي محسسين ان الي يركب تويوتا صاارو شيوخ ههههههههه الحمدالله على نعمة العقل بس.......

[ابن عكاش]

ياشباب انا ابي واحد يجاوب على كلامي ويقنعني
والله العظيم وبدون تعصب لأي ماركة من السيارات بالعقل إذا ابوجميل يكسب هالمكسب الخرافي ليش وكلاء الخليج يبيعون بنفس السعر واغلى بتقولون لي له اسهم في شركة تويوتا اقول لكم خلوا تويوتا على جمب
فيه عندنا نيسان وهونداي وهوندا وغيرها ليش الاسعار متقاربه خصوصاً إذا جبنا نفس الفئة يعني الفرق من 5آلاف إلى 10آلاف وهذي لها حسبه ثانية المواصفات وغيرها
اعرف واحد يدرس في كوريا وسأل عن الهونداي السوناتا ولقاها قريبه من سعرنا طبعاً نخصم قيمة الشحن وماشابه له ليش لقاها بنفس السعر او قريبه منه مع انها من بلد الصنع
انا لا اكذب صاحب الموضوع لكن فيه امور قد نجهلها هي من يكون السبب في ارتفاع الأسعار
وما نقول اللا اللهم ارفع عنى الغلا آمين

[صياد الجبل]

حياكم الله


ونورتم الموضوع بتواجدكم


واحب ااوكد على اخوي ابو صقر كل الشركات فيه لعب وزياده بالاسعار


لكن ليه مايكون فيه انظمه وقوانين ولواىح من وزارة التجاره على كل الشركات عبداللطيف جميل والحمراني والناغي وغيرهم


بحيث لايقدر لايلعب في السعر لايمين ولا شمال .


ومع نزول كل موديل جديد يتحدد سعرها من وزارة التجاره هي من تحدد سعر كل موديل جديد


وذالك بمساعده من شركة تويوتا الام في اليابان وغيرها من الشركات


كذا راح ياخذ المواطن حقه, وياخذ الوكيل حقه, وتاخذ الشركه الام حقها ,.


وبالتمام مافيه لازياده ولا نقصان كلن ياخذ قدر اتعابه


واعتقد هذا افضل حل


لكن حنا وين


نتكلم


نتكلم بلاحلام

[ابوالفهد]

اللهم سلط عليهم وفك المسلمين منهم احتكارهم

[صياد الجبل]

لاهنت يابو فهد

[تميم2222]

سلمني على ابو جميل ... اشهد انه ذيب .. يعرف شلون يصفق بالظهررر... وتحياتي لشعب اللي نايم بالطحين

[صياد الجبل]

اضحك الله سنك يابن تميم

[توكار]

سلمني على ابو جميل ... اشهد انه ذيب .. يعرف شلون يصفق بالظهررر... وتحياتي لشعب اللي نايم بالطحين



لاولله شعب متبــطحــــــــين

[صياد الجبل]

لاهنتم لاهنتم

[قناص*07]

الف شكر على الموضوع

وموضوع في محله
ابوجميل في هذي السنه مزود في قطع الغيار 25%
وفي عام 2011 زاد حول 60%
وفي عام 2010 زود حول 40 % من الاسعار الاساسيه واللي كانت في عام 2006
وهذا الكلام انا متأكد مليون بالميه منه وعندي فواتير وتسعيرات لقطع تم شرائها في عام 2008 و 2010 و شريتها قبل شهر.
و الشهاده الثانيه لاحد موظفين الحرامي لبيع قطع الغيار وعطاني تفاصيل نسب الزيادات من بداية السنه الى قبل اسبوع

[قناص 28 عفيف]

ياشباب انا ابي واحد يجاوب على كلامي ويقنعني
والله العظيم وبدون تعصب لأي ماركة من السيارات بالعقل إذا ابوجميل يكسب هالمكسب الخرافي ليش وكلاء الخليج يبيعون بنفس السعر واغلى بتقولون لي له اسهم في شركة تويوتا اقول لكم خلوا تويوتا على جمب
فيه عندنا نيسان وهونداي وهوندا وغيرها ليش الاسعار متقاربه خصوصاً إذا جبنا نفس الفئة يعني الفرق من 5آلاف إلى 10آلاف وهذي لها حسبه ثانية المواصفات وغيرها
اعرف واحد يدرس في كوريا وسأل عن الهونداي السوناتا ولقاها قريبه من سعرنا طبعاً نخصم قيمة الشحن وماشابه له ليش لقاها بنفس السعر او قريبه منه مع انها من بلد الصنع
انا لا اكذب صاحب الموضوع لكن فيه امور قد نجهلها هي من يكون السبب في ارتفاع الأسعار
وما نقول اللا اللهم ارفع عنى الغلا آمين

اقولك السبب النيسان والهوندا ياباني اصلي
اما التايوتا الانتاج من مصانع في عده دول للرخص الايدي العامله ومع ذالك التايوتا اغلى من النيسان
شاهد الفرق الباترول بحدود 300 الف للفل الفل
والكزس ب 400 الف مع ان الباترول افخم من الكزس ولاكن ارخص بمبلغ مو بسيط
وقس على بااقي السيارات

[صياد الجبل]

قناص 07 اسعدني تواجدك جدا يالغالي وكلامك في محله فيه زيادات على القطع خصوصا الجيوب التي لم يتغير فيها مثل الربع ولكن اختلفت اسعار القطع

قناص عفيف كلامك في محله يالغالي