يالربع .. نبي خدمة منكم واهل قطر خاصة ...

[راعي الصنف]

السلام عليكم ورحمة الله وبركاتة .....


اخواني بغيت منكم خدمة الله لا يهينكم .... طبعا الخدمة من اهل الخبرة واهل قطر خاصة ...

عمي بيشتري له هايلكس جديد 2012 وقال لة واحد من الربع اشترة من قطر ارخصلك ....

السؤال فعلا في قطر ارخص من الي عندنا علما الي عندنا ب88 الف ريال طبعا وارد عبدالطيف جميل
فل كامل ..
.

الشي الثاني الي بغيت اسأل علية هل الي في قطر مكينة 2700 لان واحد يقول لنا ان الي في قطر مكينة 2000 ...على العموم دلوني على الزين الله لا يهينكم ...
لاني ماودي اروح لقطر واخرتها مكينة 2000 واتوهق مع عمي ..

..
الشي الاخير كم اسعار الفل كامل هناك في قطر ..

ولكم الشكر والتقدير ....

[لحظةوداع]

ادخل على موقع قطر سيل وشوف الاسعار والمواصفات

[ابو فهد...]

ايه ارخص بس حسب حساب الجمارك والسكن والتنقل بعدين عندنا من الي يقول ب 88 واحد من العيال قبل اسبوعين شاريه واحده ب 85

[لحظةوداع]

اذا كانت جديدة ماأصدرت لها لوحات قطريه ماعليها جمارك

[راعي الصنف]

الله لا يهينكم ...
بس نبي الجواب الشافي عن السعر والمكينة اهم شي ...
وبالنسبة للسعر عندنا 88 وفي المعارض 91 الله يعين ...
85 من زمان الله يخلف ...

[كبسولة2]

الشباب مايقصرون إن شاء الله

[ابونبيل]

ادخل موقع قطر سيل تحصلها اسعار مختلفه على حسب المواصفات واتوقع الي بتعجبك الي بـ 74الف
علما ان ماعليها جمرك لانها موديل السنه

ولا تاخذ سعودي تراه غاااااااالي حرام تحط 80 بهايلكس

[راعي الصنف]

هلا بالشباب .....
دخلت موقع سيل قطر وفعلا الاسعار ارخص من هنا ....
بس الكلام هل المكينة 2700 اخاف اروح والقاء المكينة 2000 واتوهق مع عمي ..
وين اهل الخبرة وشلون اعرف المكينة 2700 من 2000 نورونا جزاكم الله خير ...

[أبو راشد 33]

تعرف طال عمرك من الكتابة اللي على الحوض و اللي تحت المراية يكون مكتوب 2.7 VVT-i
أما مكينة 2000 مايكون مكتوب شيء على الحوض أو تحت المراية
و الله يسمح أمرك

[راعي الصنف]

اخوي ابوراشد هاذا شي واضح ومعروف الكتابات .... بس المشكة يقول واحد انهم قصدي راعين المعارض هم الي يلزقون الكتابات على الموتر ..
وهو في الاصل مكينة 2000 يعني غش عيني عينك ...
الكلام شكل المكينة هل هو يختلف والا نفس الشكل ..

[راعي الصنف]

اخوي ابوراشد هاذا شي واضح ومعروف الكتابات .... بس المشكة يقول واحد انهم قصدي راعين المعارض هم الي يلزقون الكتابات على الموتر ..
وهو في الاصل مكينة 2000 يعني غش عيني عينك ...
الكلام شكل المكينة هل هو يختلف والا نفس الشكل ..

[ابوسند9]

اخوي
انا اتذكر كنت بقطر ومعي واحد اشترى موديل 2010 ماني متذكر بكم لكن سئلته عن الفرق يقول 10 الاف ريال وسئلته عن فرق المواصفات قال فيه اختلاف بسيط وطبعا ما عليها جمرك اهم شي تاخذ ورقة مقاصه عشان الجمرك وانت لا تاخذها من الوكاله لانهم غاليه راح يم المعارض وحتى المعارض بينهم فرق واجد بينهم وخاصه اذا عرفو انك سعودي لان اغلب المعارض اجانب

[bader7787]

وعليكم السلام مدري عن الاسعار . بالنسبه للمكاين 2TR 2700) //// (1TR 2000)

اما كيف تفرق تلقاها على ورقت الجمرك مسجله 2TR الكبيره ... 1TR الصغيره وتلقاها بعد على استكر المكينه وعلى الاستكر الي على رفرف يسار الداخلي حديد ,, والشئ الاخير بس منب متاكد ميه في الميه الي تجي بدون عداد ضغط مكينه صغيره


للمديلات 2006 وفوق

[راعي الصنف]

اخوي ابوسند .... اخوي بدر ....
الله ينور عليكم مثل ما نورتونا بمعلوماتكم ...

ولا يهون بقية الاخوان ...

والي عندة زود خير وبركة ويشكر علية ...

[f 16]

اخوي نفس المكينة ماكتوب عليه على جنب من يسار 2000 او 2700
رقم منقوش على المكينة زي اللي بالشاصي

[راعي الصنف]

اف 16 وين بالضبط الكتابة وياليت صورة للتوضيح ... وهل الكتابة كبيرة والا صغيرة ..... عشان نعرفها .

[راعي الصنف]

سؤال ياخوان اذا الله اراد وصملنا على الروحة اخذ الفلوس كاش والا احولها على بنك هناك .... وش رايكم

[عبون الجواء]

اخي راعي الصنف حياك الله يا الغالي
انا ابي هايكس 2012 غماره جي ال وقيمته 68000 الف من ثلاثة اشهر وانا ابحث عن السعر المناسب ولا زلت اصبر حتى مضان ان شاء الله قد يكون ينزل السعر سوى
ما دام تروح انت لقطر ولا عليك امر اسئل عن الغماره جي ال وهل هي نفس المواصفات عبداللطيف الجميل ام لا ولك مني جزيل الشكر والتقدير
تقبل تحياتي اخوك ابو عبدالله (( انتظرك الرد هنا او الرسالة الخاصة ))

[راعي الصنف]

اخي العزيز عبون الجواء ....
ما طلبت شي ان شاء الله اذا صملنا ورحنا لن انساك وبيكون موضوعك محل اهتمامي ...

لا تشيل هم .....

[راعي الصنف]

يالربع ما علمتونا نأخذ الفلوس كاش والا نحولها لبنك هناك ...

[عبون الجواء]

بيض الله وجهك ويعطيك الف عافيه انا في انتظارك

[راعي الصنف]

ووجهك ياعبون الجواء .....
وين اهل وشباب قطر مالهم تعليق ولا سمعنا منهم شي ...

[راعي الصنف]

للرفع رفع الله مقداركم ...

[باث 3]

الفلوس أخذها في مخباك

ولا تنسا تصرفها أول ما تدخل قطر قبل لا تروح المعارض
لانه قد واجهنا مشكلة الصرف ما لقينا إلا بعد ما فرينا تقريبا 7 محلات
بس مبلغنا كان جامد شوي تقريبا 285 ألف ريال سعودي

وعموما ألف مبروك مقدما

[ابوسند9]

اخوي
الفلوس خذها كاش افضل
بس اهم شي سجلها في جمرك السعوديه اذا كان المبلغ اكثر من 60 الف حسب تعليمات وزارة الداخليه عشان لو ما اشتريت ورجعت ماحد يسئلك من وين المبلغ؟ وبرضو احينا جمرك قطر يسئلك عن وصل تسجيل المبلغ لدى السعوديه
ولو كان الملبغ 100 الف وكنتو شخصين مالها داعي تسجل المبلغ خلي كل شخص في جيبه 50 الف يعني 59999 الف ما حد يسئلك

[راعي الصنف]

الله يعطيكم العافية ...
معلومات جديدة وقيمة ... بالنسبة لي
ما قصرت اخوي باث واخوي ابوسند ... شاكر ومقدر مشاركتكم ..