طريق (الرياض _القصيم) أصحاب السلات الخلفية ؟؟؟

[يزيد 999]

بسم الله الرحمن الرحيم

طبعا الوقت هذا أغلب الناس مسافرين والطرق السريعة فل والناس معه أغراض لو تعبي دينا ماكفاه فيضطرون لتركيب قلص او سلة واغلب الناس هداهم الله يركب السله الخلفية لانها أجمل وتاخذ أغراض واجد متناسين حديث الرسول صلى الله عليه وسلم(لايؤمن أحدكم حتى يحب لأخيه مايحب لنفسه ) فأنت الله يهديك تضر موتر وتضر عيون الناس لأنك تدمر المساعدات وتضغط على اليايات مما يؤدي إلى تلفها كذلك يصير الموتر فيه إزعاج بالخط بسبب النزول وأيضا هدر للبنزين وكذلك اذا بنشر كفر لاقدر الله تسبب انقلاب السيارة والناس اللي يمشو تزعجهم بالنور لانه يجي للعين مباشرة مما يسبب تشويش للسائق اللي أمامك فكانك جازم على السلة أقل شي أوزن نورك على الأسفل ولاتخلي الناس تدعي عليك وتسبك




وكذلك موضة جديدة التريلات صارت سيارات يمسكون النص ويطوفون مع اليسار وخلاص يدق إشارة ويدخل عليك لو بينك وبينه سنتيمتر واحد؟؟؟

ياليت تكون فيه متابعة للطرق وخاصة الصيانة والمحطات ودورات المياه أكرمكم الله

واللي عنده إضافة ينورنا

عسى ياصل :director:

[عبدالعزيز بن احمد]

عز الله انك صدقت

وخصوصا في التريلات
اي واحد يصادف النفس المشكله ذي ياخذ رقم اللوحه ويبلغ لامن الطرق
ولا اذا مر من عند تفتيش يبلغ.
انا بلغت ولقيت تعاون و شكروني وتشجعت حتى اذا شفت تريله مالها انوار خلفيه صرت ابلغ لان فيها انقاذ نفس


اشككككككرگ على موضوعگ

[كاشت وحداني]

كويس اللي شكروك
مره بلغت عن شاحنه بدون انوار خلفيه وبلاغي كان في نقطة امن طرق
ماهو اتصال والشاحنه جايه خلفي
بعد ربع ساعه الشاحنه شاطفني وداعس ولا وقفوه ولا شي


Sent from my iPhone using Tapatalk

[راعي الصنف]

ناس مستعجلة ...
تصدق لو تطيح السلة وتنفك من السيارة ما جاب خبرها راعيها ..
والضحية الي بيطيح عليها ..
الله يستر على المسلمين ..

[باترول5600]

بخصوص الانوار اعتقد انه من موديلات 2003 و 2004 وطالع اغلب السيارات فيها ميزانية اوتوماتيكية للانوار خصوصا الياباني والكوري

[Magellan]

لا والله ليتك تبلغ قليليين الحيا من مراهقين وغيرهم اللي يمشي فوق 180 ويزعج الواحد برفع النور بشكل متواصل
طبعا هالتصرفات دائما ماتخرج الا من معهم هايلوكسات وكوامري
ناس عديمة مروءة واخلاق ولو تشوفه تلقى عمره بين 16-22 ،،،
ضايقوا العوايل والله اني دايم ادعي ان الله يخلصنا من شرورهم مع غفلة امن الطرق على التركيزعليهم
بلغت كم مره ولاتجاوبوا والظاهر راح استخدم طريقة اخرى وهي الاتصال على الامن العام وذكر نقطة التفتيش اللي ماتجاوبت معي مع ذكر الفرد المسئول

[سهم الجزيرة]

يعطيك العافية
وبالنسبة للتريلات الله لا يوفق الردي منهم
مساكين أصحاب السيارات الصغيرة مالهم أي تعبير يسقطون عليه سلام سلام , والأن تمادوا وصاروا يسقطون حتى على السيارات الكبيرة و يدق اشارة كما تفضلت و يمسك اقصى اليسار بهدف أنه يعدي ألي امامه . وكأن لسان حالهم يقول ( الكبير ياكل الصغير و كني ماشفتك ) .

و عجبتني فكرة أني اخذ رقم اللوحة و ابلغ عليه , عز الله واجد بيتخالفون <<< و نتمنى من رجال الأمن التعاون لأنها مسؤلية و ذمة

شكرا ً لكم

[مسير عليهم]

المفروض السلات الخلفيه تمنع

[ذيب زلفاوي]

انا ودي اسوي تعديلات على الطرق السريعه
اولا توسيع الطريق لان الزحمه زاده مرات ماتحس انك مسافر اقل شي يخلونه 4 مسارات
ثانيا التريلات بعضهم معذورين يعني تجيك تريله قديمة متفككه ويمشي 60 وش تبيهم يسوون التريلات يبتلو وراه ( وضع مخالفه للتريلات الي تمشي اقل من 80 واكثر من 90 ) وماتسقط الا اذا كان الطريق فاضي ومخالفه قويه على الي يمسكون اليسار

ثالثا زياده السرعه من 120 الى 140 لان التقنيه والامان بالسيارات زادت وانا سامع عن طريق بالامارات السرعه فيه 160 وباقي الطرق 140 والشاحنات 100

[ملك الفكتوريا]

بالنسبة لي مع الشاحنات


اجي قدامه واهدي حتى 30 كلم وادعس وخله يشد من جديد الحيوان

[صاحب مبدا]

بالنسبة لي مع الشاحنات


اجي قدامه واهدي حتى 30 كلم وادعس وخله يشد من جديد الحيوان

ههههههه وكان مخربهااا وركب علي وعلى سيارتي وش اسوي بعدين

[عبدالعزيز بن احمد]

ههههههه وكان مخربهااا وركب علي وعلى سيارتي وش اسوي بعدين



ههههههههههههههههههههههههههههه


الشكوى لله