من أين أحصل على هايلكس خليجي دفرنسين غير البازعي

[مفطح]

السلام عليكم ورحمة الله وبركاته
أهلا بكم إخواني أعضاء المنتدى أحب أن أوجه سؤال لكم
أنا أريد أن أحصل على هايلكس 2006 خليجي دفرنسين جديد لأن البازعي ليس لديه هايلكس دفرنسين بنزين
وأحب أن أعرف طريقة للحصول عليه بأسرع وقت ممكن فلا تبخلوا علي بمعلوماتكم الله يعافيكم
وشكرا لكم

[قناص القصيم]

السلام عليكم ..
أخوي ( الزومان ) حياك الله ,,
معرض : اليحيا ,, عنده سيارات Toyota خليجيه
المكان : القصيم / بريده ... المعارض

[البيـــــراوي]

انا قد شفت هايلكس دفرنسين خليجي عند واحد من المعارض بالنسيم

واتوقع انه اليحيى او حوله على يمينه اويساره

[ثعل البرد]

أتوقع اليحي يجيب لك ... أو أزرق دبي من بعده

[مفطح]

الله يعطيكم العافية بس وين معرض اليحيى اللي بالنسيم أبي موقعه بالضبط وإذا تعرفون رقم التليفون يكون أفضل وشكرا لكم

[طعه]

أمام معرض المقران تقريبآ في الجهه المقابله

ت2358884

تحياتي لك

[مفطح]

مشكور يا قناص القصيم وثعل البرد وطعه والبيراوي وأبشرك يا البيراوي أنا بيراوي مثلك مشكورين صراحة على هالمعلومات بس المشكلة أن معرض اليحيى ما عنده ها يلكس دفرنسين بنزين ماعنده إلا ديزل وسألتهم يجيبون بنزين قالوا لا فودي أعرف طريق ثاني الله يعافيكم
أسمع أن فيه أحد يروح للأمارات يجيبون سيارات خليجيه إذا كان عندكم معلومات عنهم لا تبخلوا علي حتى لو أرقام تليفوناتهم

[الدبل الثقيل]

ياخوي فيه معرض عندنا بجده يجيب من البريمي وشفت عنده هايلكس دفرنسين لكن ما أدري هو بنزين ولى ديزل... اسم المعرض الامتياز الحديث في المعارض بجنوب جده مخطط الجوهره...

[مفطح]

اشكر الدبل الثقيل بس كم رقم تليفون المعرض الأمتياز الحديث وهل اللي عنده خليجي وشكرا على تواصلكم الطيب

[البيـــــراوي]

طيب ليش ماتاخذ سعودي
فيه بنزين
بعدين اصبر لك شوي بينزل 2007
على الاقل بينزلون سعر 2006 ان كنت صامل عليه
والله يكتب الي فيه الخير

[مفطح]

أشكر البيراوي وأقول السعودي خطوطه غبيه ما عجبتني غير ان الخليجي مضمون وقطعه اصليه اما السعودي ماتدري وش مسويبه عبداللطيف جميل وفكرة الصبر حلوة لكن المشكلة أصبر لين ينزل سعره وهو مب موجود فهمت علي لازم أدوره اول ثم اقرر اشتريه الحين ولا بعدين واكرر ابغى رقم المعرض اللي بجدة الأمتياز الحديث ووش قصدك بالبريمي

[مفطح]

يا اخوان والله مليت وانا ادور خليجي ياليت تساعدوني اللي يعرف اي معرض في السعودية يجيب خليجي يخبرني مع رقم تليفون المعرض وشكرا لكم

[الطعس الذهبي]

اليحيى بالقصيم والرياض

[ملاعب الريح]

نصيحه من أخ أبعد عن الهايلكس الخليجي

لو صدمت لولا قدر الله خط ما راح تلقى والديكور اللي داخل ما راح تلقا وغير مرغوب إذا جيت تبيع لو إنه جيب ولا شاص الخليجي أفضل لاكن الهلكس السعودي أفضل

تحياتي أخوك (ملاعب الريح)

[شبح الصحراء]

انصحك تصبر الى ان ينزل موديل 2007 الجديد .

[1400]

السلام عليكم
عندي لك رجااااال قرم تحطه على يمناك يجيب جيوب وسيارات من الامارات وان شاء الله انه امين
ارسلك رقمه على الخاص

[مفطح]

عفوا اخوي 1400 ماجاني اي رقم ارجوا ارسال رقمه مرة أخرى ، يا جماعة والله حيرتوني بين الخليجي والسعودي ابغاكم الآن تصوتون وش احسن هايلكس خليجي ولا هايلكس سعودي صوتكم يهمني وشاكر لكم تواصلكم وارجوا ذكر الأسباب واشكركم مرة اخرى والسلام

[الدبل الثقيل]

المعذرة على التأخير .. هذا رقم معرض الامتياز الحديث بجده 2800084/02 وترى اللي عنده ديزل بس..

[هاوي الله]

معرض الفلاح في النسيم الرياض يجيب السيارات الخليجيه ( لا أعرف رقم الهاتف )

[مفطح]

مشكور يا الدبل الثقيل واقول لفتى البران معرض الفلاح مايجيب الا جيوب خليجية اما الهايلكسات مايجيب وأحب اقول لكم مرة أخرى وش افضل هايلكس خليجي ولا سعودي مع ذكر الأسباب لأني صراحة متحير بينهم لكل واحد منهم حسنات وسيئات أبغاكم توضحونها لي ولكل المتصفحين واقول لكم لا تحرمونا من معلوماتكم وشكرا لكم على تواصلكم