كشاف قوي جدااا (صور)

[خيال الصبحا]

السلام عليكم
(منقول)
هذا كشاف اسمه
(ماج ليت) امريكي الصنع لكنه
عليه نور ماشاء الله مايخيب ظنك فيه لا وبعد
معه لمبة احتياطية في نفس الكشاف.موجود لدي محلات ساكو (أنا
ما أدري وين المحل ولكن لعل الإخوان يفيدوننا بمكانه) والحجم الوسط
تقريبا نفس الى في الصور يغطي مساحه شاسعه.فيه جيشي وفية الوان حسب الاختيار
والسعر حسب الحجم(تم تعديل السعر بعد مشاركة الأخ غيام)

http://www.kshta.com/up-pic/uploads/e631496309.jpg
وهذي احجامه

http://www.kshta.com/up-pic/uploads/e21b52dbac.jpg
أتمنى أكون أفدت
وشكراً

[غيّام]

اخوي خيال الصبحا

صبحك الله بالخير

من ناحية الكشاف انا مجربه وممتاز جدا ونوره قوي جدا ولكن سعره مهوب اللي قلت ان كانك تقصد سعر اللي انت حاطه في الصوره الكبيره
فهذا سعره 370 ووكيله المصباح في شارع الريل وبتلقاه عند الرمايه اللي في طريق التخصصي

وهو كشاف تستخدمه معظم القطاعات العسكريه في العالم

[خليف العيد]

اخي ..... خيال الصبحا
صباح الخير
اما الكشاف فهو عندي منذ مايقرب من ( 11 ) سنه
شريته من الرمايه ش التخصصي
وقيمته ( 400 )وهو في ذيك ألأيام كان عليه عرض ومعه ضمان
أما الأن فهو من ( 370 إلى 390 ) ومازال يوجد عند الرمايه
اما البطاريه فقيمتها ( 145 ) ريال واللمبه فهي في ( 25 ) هذه للأيضاح وشكرا
اخيك ( باحث أثار ) الزلفـــــي

[مدالنظر]

تسلم يالغالي
وبالنسبه لمكان ساكو فيه ثلاثه على ما اظن
لكن اثنين ادلهم وسبق ان زرت محلاتهم ,,واحد على طريق خريص بجنب محل سعد الدين للحلويات ومذر كير
والثاني بالدائري الشمالي بين مخرج خمسه ومخج اربعه اللي هو طريق القصيم السريع
والامريكان بالكشااااااااااااااافات لاتعـــداااااااااااااهم (محترفين بالكشافات)
وجزاك الله خير

[عبدالمجيد]

عزالله الي شريته

[ابوسليمان119]

مشكورين على المعلومات الطيبة

اليوم ان شاء الله ابروح وأشترية لأني لي فترة وانا اهوجس فيه

بس احتري احد يجزمني علية

وشكلي جزمت علية

[خيال الصبحا]

السلام عليكم
الأخ غيّام شكراً على
مرورك وتعليقك.وأشكرك
على تعديل السعر وجزاك الله خير
الأخ باحث آثار أشكر لك مرورك وتعليقك
الأخ مدالنظر شكر على توضيح أماكن ساكو.أشكرك
الأخ عبدالمجيد والأخ مقلوب بالعكس الله يوفقكم.وشكراً

[الدبل الثقيل]

جزاك الله خير ياخيال الصبحا.....

يا اخوان نصيحه اللي بيشتري هذا الكشاف لا ياخذ الا من المقاسات الكبيره لو انها كبيره وثقيله لكن خذ من نور أما المقاسات الصغيره لا احد يقربها سعر غالي و نوره ماعندك أحد ... هذا من واقع تجربه وهذا رأيي الشخصي...

[أقلط]

لاهنت اخوي على المعلومات

وكما تفضل اخي.(البدل الثقيل)

المقاسات الكبيرة والا فلا..العام الماضي

اشترينا مقاس الصورة الثالثة..واشترينا كشاف اصفر اللون بنفس الحجم

اظن قيمته 26ريال..طبعا من ساكو.وفي اول كشته الى الدهناء

خرب الكشاف الغالي.وحتى الان لم يعمل وكان (مموه)

اما الاصفر الرخيص.. مازال يعمل ولا يصرف بطارية وقوي جدا(مع صغر حجمه)

وموقع ساكو بالرياض

الاول القديم..طريق التخصصي..قبل العزيزية وانت نتجه جنوب

الثاني..طريق خريص على اليسار وان متجهه شرق

الثالث..حي صلاح الدين..

الرابع...الدائري الشمالي..قبل وكالة العيسى للسيارات وانت متجه شرق (عالم ساكو)

للاحاطة

وفقكم الله

تحيتي وتقديري

[خيال الصبحا]

السلام عليكم
الدبل الثقيل - أقلط
جزاكم الله خير.

[منتعش]

الله يعطيك العافية على الموضوع وعلى الصور
والله يحفظك ويرعاك

[أبوسرحان]

السلام عليكم

خيال الصبحا
الله يعطيك العافيه
كشاف يبين انه قوي جدا وكانه مثل ماتقولون عز الله إنه يستاهل
أخوك أبوسرحان

http://www.9q9q.org/index.php?image=L0bsPOcDBed

[الرهدن]

السلام عليكم 00 ياجماعة الخير
ساكو غااااااااااااالين
روحوا للهامساكين00 مثل البرية والمقناص وغيرهم00
موجود عندهم وهذا رقم الوكيل00 إن كان على خبري ( للمصداقية )
مجموعة المصباح التجارية - مركز المعيقلية - الديرة - برج د - الدور 3 - مكتب 311
هاتف 4141000 تحويلة 300

*******************

الماقلايت عالمي والدليل إن فيه أرقام مثل السلاح ليكون عهدة00
له عندي قريب 10 سنوات00 ولايزال جديد
وعندي بطارية إضافية للرحلات اللي أكثر من يوم00
من تجاربي00
أحرص على عدم سقوطة لأن اللمبة تخرب00:no2:
وعدوه الشمس لأن لونه أسود فيحصل أن تفضى البطارية بسرعة00
لاتركنه بدون استخدام00 الإستخدام المتكرر ينشط خلايا البطارية فتعطيك وقت أطول
الشحن قريب 10 ساعات00 ومن الكهرباء أفضل بكثير من الشحن بولاعة السيارة00
يستمر مضئ متواصل قريب 40 دقيقة00
وسعر البطارية 125 ريال
انتبه عند أي رحلة تأكد من شحنه00
وكان سعره قديمآ 600 ريال 00 والآن 360 ريال
البطارية معي الآن لها 4 سنوات تقريبآ من الشحن المتواصل 00
لايقربكم الأنواع الصغيرة من هذه الشركة00 فهي كثيرة الأعطال وغير عملية00
الخلاصة /
حلال عليه الدراهم لراعي البر والمعنى00
والسلام عليكم00



أخوكم الرهدن00

والرهدن / طير صغير قريب من العصفور يعيش في مكة 00 والله أعلم 0

حكمة00

** لاتجادل الأحمق فقد يخطئ الناس في التفريق بينكما **

[المشراق]

أخي العزيز الكشاف اللي ذكرت أناشريته من عدة سنوات ويوجد منه تقليد وبدون شحن ( 500 ريال عندما شريته ) وعيبه الثقل فقد وقع على رجل ابني أصبعه الكبير وأسود الظفر حتى طاح 0
وقد وجدت كشاف مشابه له وأصغر حجم وأخف منه في البطحاء ( اسواق جمال ) ولمبته قويه حتى اني احطه في مخباي وامشي على نوره طبعاً الثوب خفيف وقال البائع أن ضمان اللمبة ( 90 سنه ) تسعون سنه , ونوره قوي يشبه الليزر ابيض وقيمته 85 ريال فقط وإن شاء الله انزل صورته والكبير لازال عندي وحطيته على جنب 0 طبعاً الكشاف ينشحن على الكهرباء فقط 220 فولت 0ولايوجد له شاحن سيارة 0

[خيال الصبحا]

السلام عليكم
ورحمة الله وبركاته
الأخ منتعش
أشكر لك مرورك وردك
الأخ alsr7i الله يعافيك وأشكر
لك مرورك وردك
الأخ الرهدن
أشكر لك ردك الجميل
والمعلومات الرائعه.ماقصرت
كفيت ووفيت وشـــــكــــــــــــــراً
أخي المشراق
ممكن معلومات عن الكشاف
وصوره له.وكم يستمر شغال.وبعض
المعلومات والصور.وشكراً لك على ردك

[الضاري]

مشاء الله

معلومات مفيدة لمن يبحث عن افضل الكشافات وأن واحدا منهم

فلكم جزيل الشكر

[المشراق]

http://www.kshta.com/up-pic/uploads/e21b52dbac.jpg
أخي خيال الصبحا هذه الصورة التي نزلتها والكشاف الذي ذكرت انا شبيه بالكشاف رقم 3 من فوق وذلك في الحجم والشكل والمدة المتوقعة حوالي ساعتان ولكن ذلك يتوقف على البطارية فكلما كانت جديدة كان الوقت اطول وهو موجود في اسواق جمال المركزية في البطحاء بالرياض تقاطع شارع الخزان مع البطحاء تدخل من تحت الكبري ولف يسار متجه شمال وعند نهاية الكبري تشاهد الأسواق أمامك وأمامها موقف سيارات أدخل مع الباب الجنوبي الذي أمامك واول محل على يدك اليسار وعنده عدة مقاسات وإن شاء الله استطيع تنزل الصورة آمل أن أكون قد افدتك اخي العزيز 0

[ابوطعيمه]

الأخ خيال الصبحا
السلام عليكم ورحمة الله وبركاته

الله يسهلك بالكشاف اللي يسر خاطرك
ولكن نصيحة ياخوي : لا تأخذ شيء غالي كثير في كثير كشافات زينه واسعارها معقوله
وتؤدي الغرض المرجو
كنت زمان ما اشوف كشاف الا وشريته واللي يخرب واللي يأخذونه الاصحاب وما يرجعوه
والحين باقي عندي كثير كشافات خربانه ولا امل بعملها ولكن محتفظ بها لأن اشكالها زينه ولها ذكريات
اما الحين عندي كشافين واحد ماخذه بستة ريالات ومخليه حق الحاجات الصغير والطلعات ومؤدي الغرض المطلبو وله سنوات عندي
وعندي الكشاف اللي ربما ذكرت مواصفاته لك سابقاً في موضوع آخر وهذا للحاجات الأخرى
انا من وجهة نظري ما ادور غيره وسعره معقول وعمله ممتاز وانا بأحافظ عليه مثل الجديد
ان شاء الله تنال مرادك وتوفق في اختيارك
وما هان من استخار
مع اطيب تحياتي

[قنـــاص تبوك]

هذا طال عمرك عندي واحد صار له 6سنين جاني هديه ماشاء الله عليه ولكن انحرقت اللمبه وما لقيت لمبه ثانيه اذا في تبوك محل دلوني عليه الله لايهينكم
ومشكور على الموضوع

[هاوي خلا]

أخوي خيال الصبحا صبحك الله بالخير انا عندي كشاف ماق لايت الكبير وعندي له شاحن سيارة وشاحن بيت الصراحة ما يعلى عليه واخذته من محل قريب لي وراعاني في السعر بس عندي مشكلة فيه وهي أن اسلاك الشاحن خربت وخاصة شاحن السيارة ولا لقيت له قطع غيار للشاحن كان تعرف أحد يبيع الشاحن فلك الشكر والدعاء مني والا هو عليه نور يخلي الحصني يلبس نظارات شمسية بالليل ويموع القزاز من قويه واذكر انه خربت واحترقت علي لمبة الكشاف واخذتها من البطحاء عماير الراجحي بخمسة وعشرين ريال والكشاف له سبع أو ثمان سنين عندي وزي الحلاوة لولا الشاحن .
أخوك / هاوي خلا .

[خيال الصبحا]

السلام عليكم
الأخ الضاري
هلا بك.وشكراً لردك الجميل

الأخ المشراق
جزاك الله خير.ماقصرت
يالغالي

قنـــاص تبوك
حياك الله .وانا ماني من
تبوك ولكن الإخوان الي من
تبوك أن شاء الله يفيدونك.وشكرا

الاخ هاوي خلا
والله ماعندي خبر
عن الي تقول عنه.كان
بودي افيدك.وشكراً

[الرهدن]

السلام عليكم 00

الأخ / هاوي خلا
تقول أسلاك الشاحن خربت00
أعرف كهربائي هندي صح00 لكن للأسف غير مسلم ولعلك تدعوه للإسلام فهو بحق قريب من الإسلام00 هذا مايظهر لي 00


أقول بالتأكيد سوف يصلح لك أسلاك الشاحن00 وبسعر لاتتوقعه
حي السلام - شارع الشافعي - العنيزان للإكترونيات
اسمه / شاه جي
4965752
0568644541
وترى يوجد له قطع غيار: شاحن جديد



الأخ / قناص تبوك
تقول اللمبة خربانة00 طبعآ إذا كان كشافك ماجلايت
لعلك تتصل على الوكيل 4141000 تحويلة 300
وأسأله عن عنوان الموزع في تبوك00


الأخ / المشراق
لازلت أنتظر صورة للكشاف الذي ذكرت ومدحته لنا00




غفر الله للجميع00






أخوكم الرهدن00

[خيال الصبحا]

وعليكم السلام
الأخ الرهدن
مشكور وما قصرت
جزاك الله خير.

[*الفاهم*]

السلام عليكم**

الله يعطيك العافيه على الموضوع

[المشراق]

أخوتي الكرام هذه صور الكشاف ومعها هدية رضاوة عن التأخير وتقبلوا تحباتي


http://upload.arb7.com/uploads/9569bc76bd.bmp (http://upload.arb7.com/)

صورة الكشاف على العلبة وهو مضاء في النور


http://upload.arb7.com/uploads/1dca4da378.bmp (http://upload.arb7.com/)

صورة الكشاف مضاء في الظلام

http://upload.arb7.com/uploads/819df66095.bmp (http://upload.arb7.com/)

صورة الكشلف مضاء في المخباة

http://upload.arb7.com/uploads/be1d08b864.bmp (http://upload.arb7.com/)

الجم بالنسبة للقلم

http://upload.arb7.com/uploads/04ec2dd79f.bmp (http://upload.arb7.com/)

في مدخل صلبوخ

http://upload.arb7.com/uploads/34c66b20e2.bmp (http://upload.arb7.com/)

[البركة]

ياليت يا المشراق تعطينا اسم الكشاف وصناعته الله لايهينك

[المشراق]

أخي البركة حياك الله الكشاف صناعته المانية وأسمه برايت لايت (م) Britelite

[خيال الصبحا]

السلام عليكم
الأخ المشراق
جزاك الله خير وبيض
الله وجهك.عز الله أنك ما
قصرت.أشكر لك تفاعلك معنا.
وهلا بك

[المشراق]

أخي خيال الصبحا ولا يهونون الربع لاشكر على واجب وإذا خدمت واحد من أعضاء مكشات احس انني خدمت نفسي وأنا في خدمة الجميع بس آمروا وتقبلوا تحياتي 0

[خيال الصبحا]

ماتقصر.
راعي واجب.
جزاك الله خير.

[هاوي البر]

الاخوه في المنتدى
السلام عليكم ورحمة الله وبركاته
رحت امس الاربعاء وشريت الكشاف لكن المقاس نفس المقاس رقم اثنين في هذه الصورة من اسفل الي قبل الاخير
http://www.kshta.com/up-pic/uploads/e21b52dbac.jpg

طبع برت ليت الي قال عنه اخوي المشراق
خذت هذا الحجم بعد المكاسر بـ 100 ريال
نور قوي جدا
مكتوب في الكتلوج حقه يشحن اول مره لمدة 10 ساعات حتت تتمد البطاريه وتقبل شحن زياده
بعد كذا الشحن العادي اذا انتهى الشحن لمدة 3 الى 4 ساعات ويعمل الكشاف لمدة 3 ساعات
يوجد لمبة احتياطية تجي معه في اسفل الكشاف قراءت عنها في الكتلوج ورحت للكشاف وفتحت الخطاء الاسفل من تحت ووجدها مركبه ومثبته بشكل محكم
مكتوب ان جسم الكشاف مصنوع من المنيوم الطائرات ومعالج ضد بعض العوامل الجوية
ياتي معه فقط شاحن بيت خط 220
مكتوب في الكتلوج ومرسوم له شاحن سياره ومكتوب يمكنك ان تشتري شاحن سيارة اختياري ويجب التنبيه ان لا تشحن الكشاف و السيارة مطفئة لكي لا تنفذ البطارية ( يمكن يكون سحبه للبطارية قوي )
مكتوب او بالاصح ملصق على الكرتون الماني
و الكشاف مكتوب عليه صنع في الصين

* سؤال هل يجي له بطاريات اذا انتهى عمرها الافتراضي و اين اجدها

[المشراق]

أخي هاوي بر شكراً على المعلومات القيمة التي زودتنا بها وبالنسبة للبطارية لو سألت عنها في البطحاء يمكن تجدها وأنا عند الشراء قال صاحب المحل موجودة وعساه اعجبك ومبروك 0

[هاوي البر]

اي والله اعجبني اخوي المشراق وشكرا لك على انك دليتنا عليه

[aamd01]

لا هنت وبارك الله فيك

[هاوي خلا]

الأخ العزيز الرهدن لك مني جزيل الشكر وان شاء الله نمر على شاه وندعوة للأسلام ونصلح الكشاف والله يكثر من أمثالك .
اسف على تأخري بالرد عليك الله يعطيك العافية .
أخوك / هاوي خلا

[رعد النجدي]

زي ما قال الرهدن وميزته انك لو تجلس في البر شهر يشحن ببطارية السياره ولا يظره انا مخليه في السياره وعلى الشحن على طول وله على هالحال اكثر من سنتين ما يخرب بطاريته الا انها تجلس فاضيه مده طويله

[محمد الكبيسي]

السلام عليكم اني عضو جديد

[خيال نجد]

ممتااااااااااااااااااااااااااز

جداً جداً

وعملي

وأنا شاريه من الهدف

[رعد النجدي]

وكيله المصباح لكن لمن اراده يجده في ابراج المعيقليه

قيمة البطاريه الان للحجم المتوسط 105 ريال واللمبه 21 ريال( مدري ليش الواحد )

استخدمه منذ 6 سنوات ولا غبار عليه

اهم شي لا تشحن البطاريه حتى تخلص تموت

الشحن في الكهرب في البيت 6 ساعات وعلى بطارية السياره 9 ساعات

بطراحه رهيب وقيمته فيه يكفي انه يشحن ببطارية السياره يعني لو تعزب شهر ما عندك مشكله اما من حيث الوزن فهو ثقيل ولكنه لم يصنع للحمل لمده طويله ولكن يتحمل الصدمات ويعلم الله اني احركبه الجمر بس ما اطول يعنني على خفيف وبويته ما طارت

ختاماً راعي البر ما يستغني عنه

[KH840]

بارك الله فيك اخي العزيز

[motors]

للمحافظة على الكشاف يجب ان تشيل الاحجار (البطاريات) من الكشاف عند الإنتهاء من الرحلة انا اعمل هذه الطريقة لي الان سبع سنوات مع الكشاف ابو اربع بطاريات والحمد لله مستمر بالخدمة وإنشاء الله لن يتقاعد إلا إذا بلغ من الكبر عتيا لكن إذا ولعته تشوف سارحة امس

[الغزال الشارد]

تسلم اخوي هاوي البر وام تقصر الله يعطيك العافيــــــــه

[يوسف نت]

عز الله انه دخل مزاجي هالكشاف
القاه بالقصيم يااخوان

[القيادي]

عز الله انه دخل مزاجي هالكشاف
القاه بالقصيم يااخوان
اذكر انه كان موجود عند محل الرماية ببريدة

[مقام البدر]

معلومات مفيده جزاكم الله خير

[قروي الأول]

يالربع سؤالي هل الكشاف أبو بطاريات عادية أحجار أفضل من اللي يشحن بالكهرب ؟؟؟ لأن فيه فرق كبير في القيمة الأحجار ب 90 ريال واللي يشحن بالكهرب ب 370 ؟؟؟ إذا كان يعطي نفس الإضاءة فعلموني الله لا يهينكم

[northstar46]

مشرف وتسوي دعايات لبضاعة امريكية مجانا ولموقع اخر اجل لو كنت عضو عادي وش تسوي أو يحق للمشرف ما لايحق لغيره والمشرف فوق القانون؟؟؟؟؟

[رعد النجدي]

عز الله انه كشاف وقيمته كامل مع الأكسسورات 380 عند المصباح في ابراج التعمير في الديره
كل شي له عيوب وعيبه ان بطاريته عمرها قصير بعد سنه تحتاج لتغيير
يكون النور ضعيف شوي بعد الشحن
وقيمة البطاريه 105 ريال
وبصراحه لا نبخسه حقه عز الله انه عملي لأبعد الحدود

[قروي الأول]

يالربع سؤالي هل الكشاف أبو بطاريات عادية أحجار أفضل من اللي يشحن بالكهرب ؟؟؟ لأن فيه فرق كبير في القيمة الأحجار ب 90 ريال واللي يشحن بالكهرب ب 370 ؟؟؟ إذا كان يعطي نفس الإضاءة فعلموني الله لا يهينكم




....................................

[قروي الأول]

المشاركة الأصلية كتبت بواسطة قروي الأول http://mekshat.com/vb/images/buttons/viewpost.gif (http://mekshat.com/vb/showthread.php?p=1206119#post1206119)
يالربع سؤالي هل الكشاف أبو بطاريات عادية أحجار أفضل من اللي يشحن بالكهرب ؟؟؟ لأن فيه فرق كبير في القيمة الأحجار ب 90 ريال واللي يشحن بالكهرب ب 370 ؟؟؟ إذا كان يعطي نفس الإضاءة فعلموني الله لا يهينكم

[desertman777]

الله يعطيك العافية على المعلومة،،،،،،

[قروي الأول]

لا زلت أسأل


هل الكشاف أبو بطاريات عادية أحجار أفضل من اللي يشحن بالكهرب ؟؟؟ لأن فيه فرق كبير في القيمة الأحجار ب 90 ريال واللي يشحن بالكهرب ب 370 ؟؟؟ إذا كان يعطي نفس الإضاءة فعلموني الله لا يهينكم

[ابوفهيدان]

السلام ياخوان
بالنسبة لكشافات ماقلايت الامريكية ام حجر وخاصة الكبيرة ام ست احجار كبيرة فاشلة جدا جدا اول شي حلوة وليتها قوي وعيبها ثقيلة بس مع كثرة الاستخدام والكرف والطيحات تخرب ويصير ليتها يؤشر كل ماحركتها وانا اقولها من واقع تجربتي ثلاث مرات
بس المشكلة مافي غيرها وانا الحين افضل كشافات دلفين ام اربع احجار اللي يجي لونها اصفر

[قروي الأول]

أخوي أبو فهيدان طيب هل قوة الكشاف أبو أحجار مثل قوة اللي على الشحن

[الكايف2]

اتركوا اللي ماتشحن عليك باللي يشحن ولوانه غالي مهوب خساره يشفيك

[al mohajr]

يعطيك العافية

[ثورة الشك]

السعر احس انه مرتفع

[الساهر2003]

صحيح السعر مرتفع لكن النور عالي والناس من بعيد يحسبون معك كبس يدوي موصول ببطارية السيارة من قوة نوره ماشاء الله واكيد فيه فرق بين ابو حجر والشحن مثل السماء عن الارض