ياأهل توانك المويه

[مهتوي]

السلام عليـــكم ..


انا عندي شروكي 98 وأبي اركب له تانكي ثابت داخل السياره .. وافتح له فتحه من تحت وامد له لي واثبت البزبوز حدر الموتر .. شفت هذي الطريقــه في كذا موتر ..وعجبتني الطريقـه وخاصه ما ياخذ مكان كبير واقدر براحه احط العزبه فوقه.. والتانكي من نوع ستيل ويتسع 80 لتر تقريباً .. وإرتفاعه 5 إنش وطوله 38 سم وعرضه 30 سم ..

إن كان احد عنده خلفيه عن هذي الطريقــه او مسويها .. نبي نستشيره قبل هل هذي الطريقه عمليه ؟.. أهم شي هل تصدي ماده الأستيل ولا لا ؟ وكم تجي تقريباً سعر تكلفته ؟

[الوافي الشمالي]

والله لو عندي المعلومات الي انت قلتها غير انا اركبة مشالله عليك انت اصلا خبير باين عليك من كلامك المقلس والنوع اجل وش بقى غير الدريل والتركيب ( هلا والله فيك ومرحبتين وكل عام وانت بخير) انا دايخ لي اربع ايام علي توانك جيب صاش 2003 ابي اركبه من تحه بلجيب مالقيت الا الغانم والخبير لاكن بطريق انشالله واذا لقيت اخبرك اوكي مشكور:o

[الخبير]

السلام عليكم
هذي الطريقة هي الاشهر في الجيوب الصالون . و إذا كنت انصح احد معه جيب صالون فأنا انصحه بالحركة ذي .
الستينلس ستيل ما يصدي و هذي ميزته . للاسف السعر ما عندي فكرة عنه

[مهتوي]

هلابك اخوي الوافي .... هلا براعي الشاص ..
مبروك عليك الشاص اول شئ .. تقطعه في الفياض .. والشعبان بالعافيــه :)
ولد عمي .. عنده 2002 ومركب التانكي حدر الموتر .. قبل الصدام الخلفي وبالضبط يركب بين الشاص وبين الصدام وتانكي البنزين إذا وصفي صح . حتى ما أنتبهت إنه مركبه إلا يوم طمنت وشفته .... وتلقاه في القصيم مفصل جاهز ماغير تنقد الدراهم ويركبونه ...
لكن من وين شراه ما أدري ..

ــــــــــــــــــ

الخبيــر ..

هلا وغلى اخوي ... سألت الشباب عن هذي الطريقــه .. بس يبيلي اركب مساعدات .. لأنه بيكون ثقيل على الموتر وبينزل تحت ويحك علي في البر ..
وتسلم على المشاركـــــــــه .








مهتوي

[ابو سليمان 9]

والله الستيل كويس لكن الخوف من النصابين 450ريال في تانكي وأخرتها يصدي والله اني مقهور وخوفي انهم يسون فيك زيي انتبه من النصابين




http://www.saudilinks.com/ecards/pix/aoed/12.jpg :hot: :hot:

[الوافي الشمالي]

الله يبارك فيك ومشكور يا المهتوي فعلا انا لقيت مكانه مثل ما قلت لاكن المشكلة لو اني بلقصيم كان افراج لاكن انا في دومة الجندل في الشمال والي ابي اعرفة شكل التنك والكميه الي يتسع من الماء وكيف يتم تركيبه وهل هو حديد او نوع اخر وتحياتي

[راعي البعارين]

أولا بالنسبة للشيروكي ماأنصحك تركب له تانكي لأنه من الداخل ضيق ومن الأسفل مافيه مساحة كافية. عموما أفضل توانك داخلية هي الفيبرلأنها نظيفة ووزنها خفيف على السيارة بس مشكلتها في البداية لها طعم غريب ولكنه يختفي بعد فترة .ويسوونه مصانع الفيبر مثل مصنع في بريدة وايضا في الرس, والرياض مليان.
أما الخارجي فعليك بابو نجمة وهلال 2ملم الياباني وتراه مع ذلك يطلع في الموية لون
احمر بعد فترة وهذا ماهو من الصاج الياباني لكن من اللحام الداخلي.

[سمنان]

أولاً .. أمسي على الجميع بالخير .. وهذي أول مشاركة لي

ثانياً .. بالنسبة للتوانكي .. أنا ركبت تانكي ستيل سمكه 2 ملم وحجمه 100 سم طول 90X سم عرض 10X سم ارتفاع = 90000 / 1000 = 90 ليتر بمبلغ 800 ريال وهو أقل سعر حصلته مع إضافة فواصل داخليه حتى يتحمل أي ثقل ينحط فوقه ويخفف حركة وصوت الماء داخل التانكي .. وعلى فكره المويه نظيفة وصافيه ولا فيها أي ريحة .. بس اللي يبي يركبه افضله يغسله عن بواقي اللحام قبل يركبه .

أما بالنسبة لنوعية أبو نجمة مشكلته يصدي بعد سنه أو حولها .. والفيبر أخشى انه ما يتحمل .. وانا والله ما ادري


لعلي عطيتكم فايده ولو بسيطه .. ولكم احلى تحيه

[العمدة]

بالنسبة للتوانك أبو ثلاث نجوم

فزي ماتفضلوا الإخوان يطلع اللون الأحمر بعد سنه



أما بالنسبة للفيبر قلاس.....فهو يطلع طعم وهذا من واحد مجربه ويقول يطلع الطعم واضح بعز الصيف ان قعد الماء 48 ساعه بالتانكي


أما بالنسبة للستيل....واحد مركبه بنيسان باترول2001 له يجي السنه ويمدحه انه قوي وحاط فصالات بوسطه علشان الرجرجه والغطاء بلاستيك يقول انه يأخذ 100 لتر ويقول مكلفه ألف ريال

[عاشق البر2003]

الاخ سمنان ماقصرت والله يعطيك العافية وجزاك الله خير على هل معلومات الوافية......
لكن ملقيت هسعر بالرياض للاسف ولقيت اقل واحد يصلح استيل بحجم اقل من الي صلحتة انت 30×110 سم تقريبن بسعر 800 ريال فالله يجزاك خير عطنا عنوان الي ركبلك التانكي وتشرب مويته انشالله بالعافية والشاهي بعد..... فوق طعس

[عوير الدوسري]

السلام عليكم يالمهتوي كيف الحال انشاله بخير


انا مثلك عندي قراند شروكي ٩٧ وركبت له تانكي مويه بلاستيك صناعه وطنيه


صبيت فيه ٦ دبات مويه البيضا وباقي يبيله ثنتين او ثلاث تقريباً عرفت ولا يتغير الطعم شريته من الحريق


طبعاً تركبه في الشنطه شكله مثل المسنده تسنده علا مرتبة تظغط عليه عشان يثبت


اققتصادي مرررررره


وصف المصنع بالرياض مخرج ٩ غرناطه تدخل مع الاشاره يمين سيده اول اشاره اللتفت يمين
تشوفه في الزاويه رح بالسياره وجرب اللي تبيه
وشكرا بالتوفيق

[عوير الدوسري]

جرب نصيحتي وتعرف ولا يتعب

[حكمة الصمت]

بالتوفيق ان شاء الله وافاادوك الشباب

تقبل مروري

[AROO]

يا شباب يا ان الموقع ضيع او انكم انتم مضيعين
الموضوع له 10 سنين اتوقع الرجال باع السيارة بعد

ههههههههههههههههههههههههههههههههه

لكن يأهل القصيم بالنسبة للتانك حق الموية اللي يركب حدر الموتر اذا تخبرون لي شي جاهز ياليت تردولي على الخاص
تكفوووووووووووووووووووون يأهل القصيم

[قلايد الخيل]

والله المموضوع قديم مره والرجال من دومة الجندل بعد يالله حيه:D