انطفاء شمعة شركة تايوتا والشعب بدأ يتفتح ..

[عاشق القرى]

بسم الله الرحمن الرحيم والصلاة والسلام على أشرف الانبياء والمرسلين نبينا محمد عليه

أفضل الصلاة وأتم التسليم ..

أما بعد :

الكل يعلم أن تايوتا شركة متعددة الجنسيات في مجال صنع السيارات ومقرها الرئيسي اليابان وتأسيس الشركة كان في عام 1937مـ .ومؤسسها المعروف ( كيشيرو تويودا) ..

اكتسبت تايوتا في إنتاجها شعبية كبيرة لقوتها وتحملها وقلة أعطالها وجمال شكلها ، حتى
أصبحت جودتها معروفه لدى أكثر الشعوب واكتسبت رواجا تاما في مبيعاتها .


ولذلك من منا لا يعرف الجيب الاند كروزر والهايلكس والكامري والكرسيدا ..الخ ..


فسبحان من جعل كل صعود يعقبه هبوط وكل ارتفاع يعقبه نزول ، فلقد تحول إنتاج تايوتا

في السنوات الاخيرة مجرد قطع كرتونية سهلة التلف كثيرة الاعطال قليلة التحمل ..

ففي الواقع انظر إلى جيب الاند كروزر كيف كان وكيف أصبح وقس على هذا بقية الانواع ..

في تصوري أن سيارة تايوتا القديمة عمرها الافتراضي 25 سنة وقد تزيد والان سيارات تايوتا
اتوقع عمرها الافتراضي اقل من ربع مدة السيارات القديمة وذلك بسبب ضعف الحديد
والصدامات فايبر وقلة الجودة وكثرة الاعطال من مثبت سرعة وغيره ..

ومن ناحية تجربتي الشخصية فلقد اشتريت هايلكس دبل 2011ومشيت عليه 40 الف كيلو وماكمل معي 6 أشهر حتى بعته والسبب ضعف السيارة بشكل عام من جوانب كثيرة فالديكورات تفككت وسمعت اصوات كثيرة منها والرفرف تضغطه باصبعك فيتحرك والدعامة
كانت كانت ملحمة وانفكت بلا سبب يذكر ..

ومع هذا كله أسعارها مرتفعة جدا والوكلاء يزدادون طمعا يوما بعد يوم ..

فقد وصل سعر الاند كروزر ال300 الف ريال والهايلكس العادي 90 الف والدبل 100 الف

فلذلك يجب علينا كشركات وأفراد الاتجاه إلى ( البدائل) طبعا ليس أي بديل بل بديل

مناسب ولاننسى المقاطعة لهذه الشركة المسماه تايوتا ..

وهذا أقول ( لقد أنطفأت شمعة تايوتا والدنيا لاتدوم على حال )

لا أستغني ياأحبتي عن تعليقاتكم وملاحظاتكم ..

هذا ماتيسر كتابته ولي مواضيع أخرى قادمة مشابهة والله أعلم وصلى الله على نبينا محمد
صلى الله عليه وسلم ..

[سراب الوقت]

رأيي اخي العزيز ان شمعة تويوتا لم تنطفئ بعد

وسبب توجه الناس لشركات اخرى هو غلاء سيارات تويوتا وذلك مقابل جودتها الافضل في الوقت الحالي

انا لا اقول ان جودتها الان نفس الجودة في السابق لكن هي من الافضل الان

بينما يستطيع الفرد شراء سيارة جودتها لاباس بها مقابل سعر معقول

هذي قناعتي ولك مني كل تقدير

[ابو نعمه]

والله يا صاحبي كلامك صحيح

وكيل و شركة تويوتا عموما

جشعين جدا جدا

كان عندي برادو VX 2010
اشتريتها 154000 ريال
بعد فتره من شرائها اكتشفت ان السياره مائلة
الى جهت اليمين

وقفتها في عدة شوارع و جميع الاتجاهات و صورتها

و ديتها الصيانه قالو لي انت واهم
و السياره ما فيها شي

و بعتها

السنة الي بعدها تم الغاء فئات الـ VX

و و بقي الـ TXL

و خلال سنتين اصبح سعر الـTXL
155000 ريال ؟؟؟؟؟

لماذا لا يوجد جواب

هل ارتفع سعر مواد الصنع مع العلم انه نفس الشكل

و يمكن انها مصنعه نفس عام 2010

لكن ما نقدر نقول شي خصوصا عندنا
العالم ركض ورى عبد اللطيف جميل

يمكن صيانتهم افضل من ميتسوبيشي او نيسان
مع اني اشوف ان متسوبيشي اجود صناعة من التويوتا

لكن سياراتهم ما عاد هي الاوله

[راعي الصنف]

السلام عليكم ...
اخواني للاسف الشديد ان جميع الوكلاء هنا سواسية في الطمع والجشع ...
وتويوتا اكتسبت شعبية كبيرة بين افراد المجتمع .....
ومن الصعب تغير هذة النظرية وانتزاعها من البشر ...
لكن اقول كلن بعقلة راضي ...

ويضل الاندكروزر هو الموتر الوحيد الي يمسك سعرة ويعتبر فعلا شيك بكل ما تعنية الكلمة ...
هذا الي عرفناة وحنا صغار والى الان للاسف الشديد ... مستمرين على هذا ......
وسلامتكم ...

[SAS2]

صاحب وشلون كاتب موضوع عن صناعة سيارات وتقول اتوقع ما تصبر الجيوب الجديده 25 سنة مع انها من 2008

ما شكا احد منها ومعي 2009 ما لاحضت اي مشاكل عموما انا معك بالاسعار غالية فقط ومشكور يالغالي على هالموضوع

[عاشق القرى]

سراب الوقت : وجهة نظر ونحترمها ..

ابونعمة: تجربة من الواقع وهو مصداق لكلامي وشاكر على مرورك ..

راعي الصنف : شاكر لك المرور والرد ..

SAS2 : امل منك قراءة الموضوع مرة اخرى .. انا قلت الجيوب القديمة وليس الجديدة وشاكر على مرورك ..

[قمة افرست]

اخوي سردك حلو ولو انك جانبت الصواب بتحديد تويوتا
والصح ان جميع السيارات اصبحت كرتونية وليست تويوتا فقط
وساقتبس ماطرحت بتحديد اللاند كروزر وصداماته اصبحت فيبر ولاتتحمل نعم هذا الكلام صحيح
ولاكن هل الفورد باقي كما هو هل الجمس لازال صدام حديد
كل السيارات تصنع بنفس الطريقة والاليه مع اختلاف الاذواق وبسيط الفرق بالجوده
تجي للسعر تقول الفي اكس ار يوصل 300الف طيب الاسكاليد سعره حول 280الف ونفس مكينة اليوكون والتاهو
ولايتحمل البر كما الفكس ار ولا هو بجودة الفي اكس ار
نجي للدينالي سعره 200الف ريال نفس سعر الجي اكس ا
نجي لل اس ال تي 180 الف
اذا الاسعار كلها عاليه وليس حصرا على تويوتا
والتويوتا قياسا بالاسعار افضل الموجود من ناحية الجوده
جربنا الجموس والجيوب والافضل الجيوب بدون منازع حتى لوفرق السعر
انا اذا بدفع 200الف او 180 الف ومن تجاربي ماحطها بامريكي ابدا
اختار نيسان او تويوتا
وهذا الواقع الي الناس عارفته من تجربه الناس مااختاروا تويوتا عشوائي بل تجارب

واخيرا يتضح ان الهدف هو النيل من شركة تويوتا وختامك للموضوع بمقاطعة شركة تويوتا وهذا
قد يفقد الموضوع جوهره وحبيت ان تصفها بالشركة المسماه تويوتا

[عاشق القرى]

راحو الطيبين : ياأخي العزيز انا اتكلم عن واقع السيارات الجديدة وليس القديمة ( القديمة تحطها فوق الراس)

انا اقصد بموضوعي السيارات الجديدة الجيوب من 2008 وطالع والهايلكسات من 2006 وطالع والكامري من 2003 هي ازداد سعرها وقلت جودتها وهذا واقع ومشاهد ، اما مسألة ازدراء ماركة وماالمانع من ازدراء جودتها وتحملها وهيئتها وشكلها ، على العموم شاكر لك المرور والرد ..

[عاشق القرى]

قمة افرست : ومهب لازم تشتري اسكاليد عندك جمس سوبر بان ارخص بكثير منه وعندك اكسبدشن سعره فوق المية بشوي..

اما بالنسبة للجيوب تايوتا ان كانت من 2007 وتحت فعز الله طحت على كنز اما 2008 وفوق فعز الله طحت على كرتون وسعر غالي ياخوان فتحوا انا اقصد بكلامي سيارات تايوتا الجديدة بارك الله فيكم ..

واما سالفة المقاطعة ( فاأنا أقول بملئ فمي قااااااااااااااااااااااااااااااااااااااطعوهم ) وش المشكلة ..

وبالأول والاخير أغلب الشركات رفعت اسعارها وجودتها قلت بكثير لكن شركة عن شركة ..

وامل منك تقبل مداخلتي بصدر رحب ..

[قمة افرست]

اخوي انا متقبل مداخلتك وموضوعك بقلب رحب وكل هالنقاشات اراء لا اكثر ولااقل
وانا قست على كلامك بان سعر الفي اكس غالي هنا اقارن اش المقابل الي هو الاسكاليد
انت لوقلت كامري اقولك نعم فيه بديل ازيرا او سوناتا وجيده وهي الوحيده الي اثرت على مبيعات تويوتا
اما الكروزر لم نجد بديل حتى الان اليوكون لايمكن مقارنته بالكروزر جوده الكروزر سابقه اليوكون بمراحل
اما السيارات القديمه فالجيب 2007 افضل وابصم بالعشره من الجديد
وهنا طرحت لك هل 2006 يوكون يقارن بالجديد القديم ايضا افضل

بشكل عام جميع السيارات اسعارها عاليه والجوده اقل
ونقطة الخلاف تحديد تويوتا فقط
انا اقترح عليك تجرب لاندكروزر الجديد وتعطينا رايك
ومتاكد انك بتقول تستاهل وماقولك خذ الفي اكس ار خذ اي نوع جي اكس ار حتى لو 6 سرندل

[ابن مكرز511]

كلام في الصـــــميم ياعاشق القرى

[vxr900]

سيارات تويوتا كلها لها بدائل إلا الاندكروزر الصراحة ماشوف له بديل او عيبة سعره الي مبالغ فية
والي تقول قاطعوهم والله ياخوك الي عنده فلوس ماراح يقاطع مادام دراهمة راهية او شوف كثرته اتلاقيه عند كل اشارة بالرغم ان ماله اربع شهور نازل (2012) والي طفران والله لو يصير بربع قيمته ماراح يشترية

[عاشق البسيتين]

دام في ناس تشري لاتقول انطفت

[نبيل المقاصد]

والله ماقد شفت احد كاتب مواضيع مثل كذا وطلع بنتيجه ابدا ابدا
وكل واحد هنا يدخل وهو مسكر مخه بقفل حديدي ماله مفتاح
يعني مستحيل ان احد يقتنع برأي غيره الي معه تويوتا تويوتا والي نيسان نيسان والي امريكي امريكي .... لكن مادام التعصب وصل استراليا وامريكا مانلومكم

همسه : انتشار الشي وشيوعه لا يدل على صحته او بالاحرى جودته. :good2:

[نبيل المقاصد]

اخوي انا متقبل مداخلتك وموضوعك بقلب رحب وكل هالنقاشات اراء لا اكثر ولااقل
وانا قست على كلامك بان سعر الفي اكس غالي هنا اقارن اش المقابل الي هو الاسكاليد
انت لوقلت كامري اقولك نعم فيه بديل ازيرا او سوناتا وجيده وهي الوحيده الي اثرت على مبيعات تويوتا
اما الكروزر لم نجد بديل حتى الان اليوكون لايمكن مقارنته بالكروزر جوده الكروزر سابقه اليوكون بمراحل
اما السيارات القديمه فالجيب 2007 افضل وابصم بالعشره من الجديد
وهنا طرحت لك هل 2006 يوكون يقارن بالجديد القديم ايضا افضل

بشكل عام جميع السيارات اسعارها عاليه والجوده اقل
ونقطة الخلاف تحديد تويوتا فقط

انا اقترح عليك تجرب لاندكروزر الجديد وتعطينا رايك
ومتاكد انك بتقول تستاهل وماقولك خذ الفي اكس ار خذ اي نوع جي اكس ار حتى لو 6 سرندل

السلام عليكم
اخوي قمة افرست
كيف حكمت على انه لا يوجد بديل للاند كروزر وايضا اليوكن لا يمكن مقارنة بالاند
اليوكن سياره عائلية وهي للسفر والاستعمال المدني < حلوه مدني:D
يعني داخل المدن. لكن بسألك اخوي وخل التعصب وش تقول عن الباترول الجديد؟
انا صراحه من ملاك الاند من 97 ومن 2006 لكن الجدي لم اجربه ولم ارى تلك المتانة والقوة التي نسمع بها ولم نراها صحيح انها مواتر وتتحمل لكن مثلها مثل باقي السيارات
والان ولله الحمد امتلك بطل الدروب باترول 2011 ماشاء الله واكتشفت صراحه ابداع صناع اليابان حتى الهربده الي نسمعها بالنيسان لم اراها ابدا متماسك ومتين .
واحمد الله اني وفقت فيه ولم اسمع لاراء المتعصبين وانصح من لم يمتلك الباترول من قبل بتجربه هذه السياره ;)
اسف عل الاطالة وشكرا

اخيرا كل واحد والي يريحه لكن من باب حب الخير للاخرين
<<حارس مسجدنا عنده سيكل من قرن نوح واتوقع لو تعطيه دباب ماباعه>>> اما قويه يانبيل المقاصد:p

[عبدالله الغربي]

تويوتا مثل نوكيا كانت صناعة ممتازة وبعد ذلك أصبحت سئية جدا

[يزيد 999]

والله ياشباب إني كنت دايخ بشيء إسمه (عشة) وإلى الان لكن الصناعات الجديدة من تويوتا مهب هاك الزود
لافخامة لاقوة ضعف البدي أماالأخ اللي يقارن بالسكاليد والاند حبيبي الاسكاليد والدينالي مكينته 6 لتر واليوكن والتاهو 5,3 وبعدين الاسكاليد يستاهل تقارن فخامته بالمصخره ولا القوة ولا الشكل ولا الجودة وش جاب لجاب
ياأخوي بسعره أطك جيب بورش مو موتر أمشي فيه مثلي متل الناس

[س.س.التميمي]

الله كريم وعبداللطيف جميل ماهو ابخير ولا الخير يمه مدام هذي اسعاره هذا والعلم عند الله انه بيع جشع تقبلو مروري

[قمة افرست]

السلام عليكم
اخوي قمة افرست
كيف حكمت على انه لا يوجد بديل للاند كروزر وايضا اليوكن لا يمكن مقارنة بالاند
اليوكن سياره عائلية وهي للسفر والاستعمال المدني < حلوه مدني:D
يعني داخل المدن. لكن بسألك اخوي وخل التعصب وش تقول عن الباترول الجديد؟
انا صراحه من ملاك الاند من 97 ومن 2006 لكن الجدي لم اجربه ولم ارى تلك المتانة والقوة التي نسمع بها ولم نراها صحيح انها مواتر وتتحمل لكن مثلها مثل باقي السيارات
والان ولله الحمد امتلك بطل الدروب باترول 2011 ماشاء الله واكتشفت صراحه ابداع صناع اليابان حتى الهربده الي نسمعها بالنيسان لم اراها ابدا متماسك ومتين .
واحمد الله اني وفقت فيه ولم اسمع لاراء المتعصبين وانصح من لم يمتلك الباترول من قبل بتجربه هذه السياره ;)
اسف عل الاطالة وشكرا

اخيرا كل واحد والي يريحه لكن من باب حب الخير للاخرين
<<حارس مسجدنا عنده سيكل من قرن نوح واتوقع لو تعطيه دباب ماباعه>>> اما قويه يانبيل المقاصد:p


اولا ياليت نبعد عن الرد على الردود وابداء الراي في ماطرح الاخ العضو عاشق القرى
ثانيا بما ان ردي لفت انتباهك برد عليك
النيسان لاغبار عليه انا اقصد لايوجد بديل بالامريكي ردا على ماطرحه صاحب الموضوع ونا بعيد كل البعد عن التعصب
ولو تابعت ردي الاول كان تلقى اني قلت ادفع 180 في تويوتا اونيسان اما امريكي مايستاهل
واستخدمت اليوكون ولازلت اقول سياره جيده اليوكون مدني على قولتك حده الاسفلت
اوطعس خفيف
بس مانقارنها بالجيب ابدا ولاتحمل مثل الجيب ولايمتلك اليوكون صبر وتحمل الجيب سواء كروزر او نيسان
وهنا اذا كان فيه تميز فكيف نقوم بالمقارنه
اصبح الامريكي اسواء صناعه الكوري تفوق عليه في بعض النقاط
هذا اذا تكلمنا بشفافيه وصراحه
ولو جاب الكوري جيب مشابه للاند بينجح بتفوق ويسبق الامريكي ( المدني )

ناظر توقيعي كله حلول لليوكون مافيه مسمار باليوكون الاعارف له من كثر استخدامي لها
ونقطة الخلاف ليست تويوتا او يوكون اوغيرها الخلاف تحديد تويوتا فقط
وبالنسبة لي طريقة الطرح هو مااختلف عليه مع صاحب الموضوع
جميع السيارات اصبحت الصناعه جودتها اقل وهنا نقطة الخلاف وليست تويوتا بل تويوتا افضل الموجودين بشكل عام الياباني افضل من الامريكي
اضافة الى ارتفاع الاسعار اجل اليوكون يقفز من 135 الى 155 السياحي سلامات
الا اخذ لاند اونيسان حتى لو سياحي وقير عادي




عموما انا لازلت اقول الخلاف ليس على نوع سيارة وانما على تحديد ماركه بعينها
ومحاولة اظهار الباقي بانه الافضل

[يزيد 999]

اولا ياليت نبعد عن الرد على الردود وابداء الراي في ماطرح الاخ العضو عاشق القرى
ثانيا بما ان ردي لفت انتباهك برد عليك
النيسان لاغبار عليه انا اقصد لايوجد بديل بالامريكي ردا على ماطرحه صاحب الموضوع ونا بعيد كل البعد عن التعصب
ولو تابعت ردي الاول كان تلقى اني قلت ادفع 180 في تويوتا اونيسان اما امريكي مايستاهل
واستخدمت اليوكون ولازلت اقول سياره جيده اليوكون مدني على قولتك حده الاسفلت
اوطعس خفيف
بس مانقارنها بالجيب ابدا ولاتحمل مثل الجيب ولايمتلك اليوكون صبر وتحمل الجيب سواء كروزر او نيسان
وهنا اذا كان فيه تميز فكيف نقوم بالمقارنه
اصبح الامريكي اسواء صناعه الكوري تفوق عليه في بعض النقاط
هذا اذا تكلمنا بشفافيه وصراحه
ولو جاب الكوري جيب مشابه للاند بينجح بتفوق ويسبق الامريكي ( المدني )

ناظر توقيعي كله حلول لليوكون مافيه مسمار باليوكون الاعارف له من كثر استخدامي لها
ونقطة الخلاف ليست تويوتا او يوكون اوغيرها الخلاف تحديد تويوتا فقط
وبالنسبة لي طريقة الطرح هو مااختلف عليه مع صاحب الموضوع
جميع السيارات اصبحت الصناعه جودتها اقل وهنا نقطة الخلاف وليست تويوتا بل تويوتا افضل الموجودين بشكل عام الياباني افضل من الامريكي
اضافة الى ارتفاع الاسعار اجل اليوكون يقفز من 135 الى 155 السياحي سلامات
الا اخذ لاند اونيسان حتى لو سياحي وقير عادي




عموما انا لازلت اقول الخلاف ليس على نوع سيارة وانما على تحديد ماركه بعينها
ومحاولة اظهار الباقي بانه الافضل

أخوي طلعت الأمريكي أسوء شي وهو بالعكس وتجربتك لسيارة وحدة لايعني تحكم على البقية أنا كان معي باترول 97 والله إني شبه يوميا بالصناعية بس ماجيت هنا وسبيته لأني أدري إنه فيه غيره مع شخص ثاني ولايعرف الورش ولا شيء وبعدين سالفة الأمريكي مايستاهل أجل الاند ب 200000 وشوي يستاهل ؟ والأمريكي لاركبته فخامة ومنظر وتقنية وجودة أفضل ولا الفرق شوي بعدين اليوكن من 7 وفوق والاند من 8وفوق والباترول من 10 وفوق كلهن مهب حقات بر وأسعارهن إرتفعن خصوصا الاند شين وقوي عين أما عن نفسي عندي يوكن 2005 والله إنه بالبر يمشي أزين من الجيوب ولا يدري وين الورشة قعد عندنا 6 سنين مادخلناه ولا ورشة وبعدين راح تشليح والهونداي تغلبت على التويوتا والدليل السونتا أما على الأمريكي ولا قربت لمه حتى وتويوتا أسوء الموجودين لأني ماعمري شفت أحد شرا أمريكي وكالة وقال فيه عيب مصنعي إلا نادر
لكن تويوتا نص السعودية علقت مواترهم والبدي بلاستيك ببلاستيك والجودة سلملي عليه كل شيء يتفكك والبدي بيدك تعفطه وتقولي تفوق على الأمريكي؟؟ أبفهم وش تفوق فيه
لا وتقول ليه السعر قفز هاه قفز لتغييرالشكل كامل إضافة قير 6 سرعات وغيره لكن الفي اكس ار يقفز من 140000 إلا 360000 عادي لأنه تويوتا ؟ قلي وش المميزات اللي بالاند اللي تخلين أصير غبي وأشريه بهالسعر يعني نيسان ضبطو الباترول وخلوه رولز رايز وتويوتا حقك وش سوت حطت رجل على رجل وقللت الجودة وزادت الأسعار وجاي تدافع عنهم بعد ؟؟
بالنسبه لي الياباني إنتهى من 1997 والأمريكي من 2006
واللي ماسكين الشغل اللحين الكوري والألماني والصيني بدو يطقطقون

[قمة افرست]

^^^^^^
الحقيقه انت تكلم بنقاط عده بختصرها لااوصل وجهة نظري
اليوكن قفز سعر من
2007 من الى 135 وكان سعر 2006 بعد العرض 90 الف
وقفز من 2009 ونا شاريه 135 الى 148 في 2010 وثم الان 155
ترى الدينالي كان ب150 الى تعدى 200الف الان
وليس له علاقة بتغيير نمر القير ولاشي
اذا السعر كلهم زي بعض صار مبيعات زود وكيل
زودو السعر الوكلاء جميعهم صنف واحد سواء عبداللطيف او غيرة
نجي الجوده مجرب اليوكون من القديم حتى 2011 نفس العيوب من 2003 حتى اليوم
وتقدر تدخل عندنا برابطة اليوكون وتابع وهذا مايعني ان السيارات الباقية لايوجد فيها عيوب
وبعدين انا قلت ان اليوكون جيد بالمدن والاسفلت ماذميته على رسلك علينا
لاني لازلت مقتنع فيه كسيارة عائليه للسفر ومريحه وفيها ميزات حلوه ماهي موجوده بالتويوتا
كذلك اقول الكوري تغلب على الامريكي ويناطح الياباني عندك السوناتا والازيرا افضل من الكامري وهنا
لاتقول اذم بتويوتا انا اتكلم بواقعيه ومن تجربه مايهمني من اكثر مبيع
انا بوضح لك نقطه دام وصلوا سعر اليوكون لون لؤلؤي 190 اعتقد الناس بتاخذ نيسان او تويوتا الي يفكر
وهنا اقولك لااسباب كثيرة اولها قلة الخراب

المفيد من ماسردنا
سعر تويوتا نعم مرتفع كذلك سعر باقي السيارات اذا لماذا نذم بتويوتا ولانذم نيسان ولاهونداي ولا جي ام كلها اسعارها زادت عن الاول ب30 بالمية
الجوده كل الجديد لازلت اكرر كثير المشاكل
ولاكن يبقى سلبيات الياباني اقل بكثير كما اوضحنا


انت طرحت تجربة ليوكون 2005 وهذا جيد علما القديم جيد بالنسبة لليوكون ويمكن التجربة بارض سهال اوصحراء زي صحراء الحفر او القصيم
بقولك اذا بتجرب السيارة اليوكون جربها بصحراء وحرة الحجاز وتعال بعد مشوار واحد احكم
بقولك ايضا ملاحظه ادخل اسفل جميع موديلات اليوكون من 2000 حتى الان وشوف هل اسفل السيارة محمي او مبطن اول شي جهاز الاايبي سي عرضه للماء وعرضه لاي حجر تضربه ويروح قيمته فوق 5000 اسلاك الااي بي سي معلقه لو هندي مركبها كهربائي صلحها افضل عندك القير لايوجد حماية
بضرب لك مثل بالهايلكس بس
اتحداك تغير الزيت قبل تفك غطاء حماية لااسفل السيارة من 10 مسامير
وهذي موجوده بتويوتا وبي ام حماية اسفل السيارة

وبطرح لك تجربتي مع جيب كروزر 98 مكينة لكزس وقير تماتيك
دوام يومي مسافة 70 كم مابين طريق حرة وصحراء غبار وماشي تقريبا 300الف كم كملها معي
بعد مااغسله من الغبار يرجع كانه جديد لم يدخل صحراء ابدا

[Magellan]

والله أشوف الوضع صحي ان الناس يبدلون من ماركة الى اخرى
وللمعلومية لا يسوّق للسيارات اليابانية الا في مكشات وممكن بسبب الوضعيه الاجتماعيه
لذلك تجد الاغنياء ماتجد عند بيوتهم سيارات يابانية وتلقى الالماني والاسكاليد من سيارات الدفع الرباعي ولايمكن بأي حال من الاحوال ينزل عن هالمستوى،،
وسوق السيارات مفتوح للجميع في ناس تفضل الياباني وفيه ناس تفضل غيرها وبحسب الفئة عمرية وغيرها،،،
انا يوم كنت في الجامعه كان معي كامري وبعد التوظف تحولت للأمريكي وكانت تجربة ناجحه،،
يعني لو بفكري السابق كان مثل اللي هنا محامي الدفاع عن تويوتا
والانسان من طبعه التغيير والتبديل مثل مايغيّر الاجهزة الكهربائية في بيته من ماركة الى ثانية ، ارى ان هذه المواضيع مالها قيمة اجتماعيه بسبب انها ماراح نحصل لنتيجة ولمعلومة تبادل خبرات نستفيد منها

[تميم2222]

اننننننننننتبه خلفك تويوتا معلق هههههههههههههههههههههههه.... يا رجال بحريقه بعض الناس ما يقتنع الا لين يتخووووووووبر .. بصراحه تويوتا الشاص والربع وبس لانهم ياباني ياباني .. غيره في الدرام ...صناعه دخلت فيها خشره اننننحش عنها ..الافلون وجيب لكزس امريكي والهايلوكس ولاندكروز تايلندي والمطمه الكبرى مستبدل بقطع صينه اردى درجه بالصيني .. ويقولون العالم وره يعلق بعد ؟؟

[ابونبيل]

تويوتا هي تويوتا ولاكن الفرق بينها وبين القديمه السعر

يعني تشتري لندكروزر ب120 الف في عام 2003 كان سعرا جدا مناسب
لاكن في 2012 تشتريه بـ 280الف سعر غير مناسب فتبدأ الناس تعيبه وتقول سياره فاشله والسبب انهم ماشافو ال280الف على السياره وسعرها فوق مواصفاتها فهذا السبب الي خلا الناس تقول تويوتا تغيرت

ان السعر فوق المواصفات فتطلع السياره بعينك فاشله..

[أطلال نجد]

وعليكم السلام ورحمة الله ،،،
نعم يوجد شريحه كبيرة من الناس بدأت تميز بين الصح والخطأ
تويوتا في السابق كانت هي الأفضل
لكن في وقتنا الحالي تراجعت جودتها وشعبيتها إلى حد كبير
حتى أن كثير من عشاق هذه الشركة يعرفون ذلك جيداً لكن منهم من لازال يكابر ويغالط نفسه
ومنهم من يشتري ليبيع مع أنني أرى بأن جميع موديلاتها الأخيرة لا تستحق الاحتفاظ بسعرها
ومنهم من يشتري أسم وشعار تويوتا للمفاخرة
لكنني مؤخراً لاحظت تحول كبير من قبل عشاق لتويوتا أعرفهم شخصيًا إلى شركات أخرى بديله
أكثر جودة وأقل سعراً
شكراً لك

[ساهر حايل]

هلا اخوي كلامك رائع ولكن عندي ملاحظات انا اعيشها هالايام , انا بعت سيارتي فورتشر وجالس ادور سياره جديده ..وابي سكويا .


مريت الوكالات كلهن تقريباً ماهو البديل بنظرك للسكويا مع فارق السعر
سكويا مواصفات فتحه , سله , هزاز طبعاً ماكينه وقير لكزز ب 158 الف ريال , مهما قلت ودي ان الوكيل يولي مالنا غنا عن تويوتا ولازالت الافضل بنظري طبعاً .


وبالتوفيق للجميع

[رجل المرور]

صبحكم الله بالخير عندي مداخله بسيطه يالربع المشكله ماهي بتويوتا المشكله بالوكيل الي عندنا ضارب دبل بالسعر .. وبالنسبه للتويوتا ابد ماتروح شعبيتها .. لانه الافضل بالصبر والتحمل مع الكد والمكده . وشكرا

[أطلال نجد]

أخوي ساهر حايل
من البدائل المطروحه عندك فورد أكسبدشن
وعندك نيسان إرمادا
والسكويا رائع بهذه المواصفات وسعر مناسب، وترى لو كان عليه إقبال مثل اللاند كروزر واللكزس
ما باعه الوكيل بأقل من 300 ألف
موفق للخير ،،،

[قناص 28 عفيف]

انتم شاهدو الشوارع كل الشعب هابين في التاهو واليوكن والسييرا والهونداي

تايوتا تراجعت هذا هو الواقع

[يزيد 999]

^^^^^^
الحقيقه انت تكلم بنقاط عده بختصرها لااوصل وجهة نظري
اليوكن قفز سعر من
2007 من الى 135 وكان سعر 2006 بعد العرض 90 الف
وقفز من 2009 ونا شاريه 135 الى 148 في 2010 وثم الان 155
ترى الدينالي كان ب150 الى تعدى 200الف الان
وليس له علاقة بتغيير نمر القير ولاشي
اذا السعر كلهم زي بعض صار مبيعات زود وكيل
زودو السعر الوكلاء جميعهم صنف واحد سواء عبداللطيف او غيرة
نجي الجوده مجرب اليوكون من القديم حتى 2011 نفس العيوب من 2003 حتى اليوم
وتقدر تدخل عندنا برابطة اليوكون وتابع وهذا مايعني ان السيارات الباقية لايوجد فيها عيوب
وبعدين انا قلت ان اليوكون جيد بالمدن والاسفلت ماذميته على رسلك علينا
لاني لازلت مقتنع فيه كسيارة عائليه للسفر ومريحه وفيها ميزات حلوه ماهي موجوده بالتويوتا
كذلك اقول الكوري تغلب على الامريكي ويناطح الياباني عندك السوناتا والازيرا افضل من الكامري وهنا
لاتقول اذم بتويوتا انا اتكلم بواقعيه ومن تجربه مايهمني من اكثر مبيع
انا بوضح لك نقطه دام وصلوا سعر اليوكون لون لؤلؤي 190 اعتقد الناس بتاخذ نيسان او تويوتا الي يفكر
وهنا اقولك لااسباب كثيرة اولها قلة الخراب

المفيد من ماسردنا
سعر تويوتا نعم مرتفع كذلك سعر باقي السيارات اذا لماذا نذم بتويوتا ولانذم نيسان ولاهونداي ولا جي ام كلها اسعارها زادت عن الاول ب30 بالمية
الجوده كل الجديد لازلت اكرر كثير المشاكل
ولاكن يبقى سلبيات الياباني اقل بكثير كما اوضحنا


انت طرحت تجربة ليوكون 2005 وهذا جيد علما القديم جيد بالنسبة لليوكون ويمكن التجربة بارض سهال اوصحراء زي صحراء الحفر او القصيم
بقولك اذا بتجرب السيارة اليوكون جربها بصحراء وحرة الحجاز وتعال بعد مشوار واحد احكم
بقولك ايضا ملاحظه ادخل اسفل جميع موديلات اليوكون من 2000 حتى الان وشوف هل اسفل السيارة محمي او مبطن اول شي جهاز الاايبي سي عرضه للماء وعرضه لاي حجر تضربه ويروح قيمته فوق 5000 اسلاك الااي بي سي معلقه لو هندي مركبها كهربائي صلحها افضل عندك القير لايوجد حماية
بضرب لك مثل بالهايلكس بس
اتحداك تغير الزيت قبل تفك غطاء حماية لااسفل السيارة من 10 مسامير
وهذي موجوده بتويوتا وبي ام حماية اسفل السيارة

وبطرح لك تجربتي مع جيب كروزر 98 مكينة لكزس وقير تماتيك
دوام يومي مسافة 70 كم مابين طريق حرة وصحراء غبار وماشي تقريبا 300الف كم كملها معي
بعد مااغسله من الغبار يرجع كانه جديد لم يدخل صحراء ابدا

يا أخوي سعره يرتفع إيه مثل جي ام ونيسان أما تويوتا فمبالغة وقلة جودة وين الجودة يلا قلي ؟؟ وين الراحة ؟؟ وبعدين أشري دينالي أقوى وأفخم وأريح وأرخص من الاند ولا أشري لاند اللي أقل مزايا بسعر أغلى أما العيوب فليست من السيارة بل من اللي يسوقه ولا أنا عائلتي تمتلك تاهو 2004 وتاهو 2005 وسوبربان 2005 وسوبربان 2002 و8100 2001 ويوكن 2009 وتاهو 2010وما عمرهن دخلن ورشة إلا أشياء استهلاكية أما خرابات أوعيوب لا يوجد أما المواتر اليابانية كامري 2003 وكامري 2005 وباترول 97 هذولي زباين معروفين عند الورش ولازم كل يومين تصير فيه زياره مع العلم الجموس كله مع كبار وعاقلين والياباني مع شباب يعني طلعت اليابانية هي الكسر والجموس هي الصح فهذا دليل على إن البلا من المستخدم نفسه وأنا أتحداك تشري جمس وكالة وتحافظ عليه ويطلع فيه خرابات أما الاند فأنت تمسك مع أهلك وبحفظ الرحمن ماتدري إلا هو معلق وجايب الطبلون هاك الوقت دافع عنهم :mad: حبيبي التيوتا خلاص مافيه جودة كل شيء بلاستيك وإذا ضرب عليك كفر سلملي على الرفرف أما الهونداي ماتفوقت على جي إم بأي شيء لم تصنع جموس أو سييرا أو كابرس أو كرايزلر بل إنه مابدت تصنع محركات 8 سلندر يعني وين التفوق ؟؟ لكنه قالت بالتيوتا هه وصنعت سوناتا والنترا وجينسس وازيرا لمنافسة الكامري والماكسيما أما اليوكن بالنفود والله يرقى طعوس ماترقاه الهلي وما بقى شعيب أو وادي إلا راح له ولاعمره شكى من شيء والجيب ركبت مع واحد معه 2005 فاكه وكالة وبالنفود ماغير إزعاج ونطنطه وتفكك الديكور
وأنا معي فورد f150 2004 مابقى نفود إلا رحت له ولاعمره غرز ومابه إلا العافية لا رجعت غسلته من جوا ومن برا لو تشوفه تقول 2012 !!
وترا ماقوى شوكة تويوتا وجميل إلا الأشخاص اللي مثلك اللي يدافع عن التيوتا رغم كل المشاكل اللي به ولو يجي أبو جميل ويجيب لك بدي حق لاند بدون شاصي وقال ب 500000 نطتوا وشريتوه :mad:

[مقلع الرمث]

على حسب معلوماتي البسيطه الكامري قل انتشارها بالشوارع مثل السابق وخاصه الموديلات الحديثه

اقتنيت كامري 2008 واحد اصدقائي لديه كامري 2011 اصوات بالديكورات مكيف سيئ

خامه المراتب سيئه وبالمقابل وامامها الكامري الان ب المئه وتزيد الازيرا وتعتبر لمن جربها لاتقارن

بالكامري وسعرها ب 94 وسقف بنورما وتصميم رائع وديكورات جميله ومكيف ممتاز

[محامي وراط]

تحية طيبة لصاحب الموضوع ،،


أبيض وجه ولاهنت ،،


موضوعك فالصميم يبو براهيم ،،


لكن فالنهاية بتطلع بدون فايدة والسبب أصابعك مهب سوى طال عمرك ،،


وبقولك شغلة لولا اختلاف الاذواق لبارت السلع ،،


وشيء طبيعي تلقا فلان مقتنع بشركة ما
وفلان آخر مقتنع بشركة أخرى الوضع عااادي جدا ،،


لكن الطامة الكبرى أن أكثر الناس حاليا صاروا ما يعرفون الا تويوتا


رغم وجود عيوبها وانتشارها بشكل ملفت
وقلة جودتها وارتفاع اسعارها بفرق كبير بين الشركات الأخرى
ومع هذا تشوف أكثر الناس مع الخيل يا شقرا ،،


لدرجة ان تويوتا وبدون مبالغة لو تصنع سيكل


وتحط عليه علامة تويوتا وتقول بــ = 50 الف


جوك هالعالم وشروه بدون نقاش
على بالهم انه مضمون من العيوب والمشاكل 100%


ومن الصعب انا ولا انت ولا فلان تغير من قناعة غالبية الناس


بمقاطعة هذه الشركة او تركها والابتعاد عنها ،،


ولا تنسى ايضا الشركات الاخرى اليابانية او الامريكية


قلت جودتها مع ارتفاع اسعارها ( كل شيء تغير للأسوء )،،


صحيح الجميع ما ينكر أنا تويوتا متصدره في ارتفاع الاسعار


مع كثرة المشاكل والعيوب المصنعية الغير مبررة من الشركة ،،


ومع هذا اقولك السيارات او الشركات الأخرى قلة جودتها


ولكنها ما رفعت مثل ما رفعت شركة تويوتا ،،


والسيارات وانا واخوك مهب مثل أول ،،


في نظري أغلب السيارات انتهت من بعد عام 1997م


ما اقصده بالضبط من موديل 1998 وفوق كل سيارة صار بها عيوب ومشاكل ومشاوير للورش باستمرار
سواء تويوتا او نيسان او الامريكي وباقي الشركات المعروفة ...


والدليل أغلب الناس اللي يطلعون للبران واجد
ويكشتون بالنفود او غيره ،، صار يشتري سيارة قديمة


ويجهزها للبر من وإلى ويخليها لأي كشتة تصير جاهزة بكل شيء ،،


( مهب الجيوب النيسان المرهمة لا لا ،، سيارة مثلها لكن بمكينة البلد سواء تويوتا أو نيسان
تلقاه من موديل 97 ونازل يجهزه تجهيزات خفيفة ويخلية للمكاشيت وللمقانيص وللطلعات البرية بشكل عام )


اما السيارات الجديدة حاليا صارت استخدام داخل المدينة أكثر من خارجها لكثرة عيوبها واعطالها
يعني استخدام حشمه بدون جلد وكرف بالشعبان والبران او النفود ،،


أما بالنسبة للي يقول السيارة الفلانية بالشركة الفلانية مالها بديل او مالها منافس !!!


يسمحلي أقوله وبالفم المليان ما عندك سالفة أبد ،،


اي سيارة بأي شركة تلقا لها بديل او مقاربة لها بالشركة الأخرى أي كانت السيارة ،،



وفالنهاية أقولك شكرا لك على اعداد الموضوع ،،


وتسلم يمناك ولك خالص تحياتي ^__^

[ساري بريدة]

انا صرحه جربت الباترول للبر وحصلته يصرف بنزين اكثر من ا لتويوتا وكذالك اصوات الابواب وكذالك انطفاء الطبلون فجاه

وقطع الغيار غالي جدا اما السيارات الامريكيه فهي لاتصلح للبر

[قناص 28 عفيف]

يااخوان الشعب بدا يفهم بس ابو جميل يلعبها صح موزع موضفينه في المنتديات ويتكلمون وكانهم مواطنين مثلنا

[يزيد 999]

انا صرحه جربت الباترول للبر وحصلته يصرف بنزين اكثر من ا لتويوتا وكذالك اصوات الابواب وكذالك انطفاء الطبلون فجاه

وقطع الغيار غالي جدا اما السيارات الامريكيه فهي لاتصلح للبر

أخوي لاتحكم عشوائي وبدون تجربة أنا كان معي باترول 97 ومبهذلن بالنفود ولايرقى الا اذا كان السواق فقط هو الموجود بالسيارة وياخذعزم وبطلعت الروح يرقى مع إنه ربع يعني خفيف بعد شريت وانيت فورد غمارة ونص وزنه 2طن ونص !! ومن شريته ماغرز نهائيا مع العلم عليه تانكي 200 لتر وكان الماء فل كذلك شد (هنقلين) والعزبة كاملة والمكيف شغال وراكبينه أربعة ثلاث أوزانهم فوق المية ويمشي بالنفود ولا تنقد عليه بشيء يعني يصلح للبر;)

[عاشق القرى]

جزاكم الله خير يااخوان على المرور والرد على موضوعي واقتبس من ردودكم (ان تايوتا كانت شركة عملاقة وأصبحت شركة منتوجاتها اقل من متوسط واسعارها مبالغ فيها جدا )..

[مايطيق الصبرا]

كانت صرحا من خيالٍ .. فهوى ..

1- اسعار مبالغ فيها بقوة .
2- اعطال كثيرة وخطيرة .
3- قطع الغيار غالية .
4- مواصفات اقل من الخليجي .
5- اكسسواراتها صينية .

مسألة وقت وستندثر هذه الشركة .

[قمة افرست]

وترا ماقوى شوكة تويوتا وجميل إلا الأشخاص اللي مثلك اللي يدافع عن التيوتا رغم كل المشاكل اللي به ولو يجي أبو جميل ويجيب لك بدي حق لاند بدون شاصي وقال ب 500000 نطتوا وشريتوه :mad:




ماادري اخوي انت ترد بدون ماتقرا او عندك مشكلة بماركة تويوتا
ايضا ملاحظ اي عضو يخالفك تحاول تقنعه بطريقة عجيبه
انا عن نفسي ماعندي مشكلة مع اي ماركة الي يلبي احتياجاتي بقول برافو
وبعدين يااخي هذي وجهة نظر مو لازم الكل يقتنع بان الامريكي بطل
صاحب الموضوع يقولو تويوتا صارت صناعتها سيئه نعم هو صادق
كذلك باقي السيارات كلها اصبحت سيئه وتبقى تويوتا افضل السيئين
بعدين انا مدحت الامريكي ماتعصبت لتويوتا قلنا الامريكي سيارة بلد بقناعه عامة وتجربه وهذا رايي وراي كثيرين
وقلنا النيسان افضل وامتدحنا الازيرا والسوناتا مقابل الكامري
فياليت تقراء وتهدي وترد بدون تعصب
محنا مستفيدين من زيادة مبيعات اي من الشركتين ولاكن يبقى راي لازم نطرحه بمصداقيه دون تحيز
الياباني رقم 1
الكوري تفوق 2
الامريكي 3
هذي للسيارات الشعبيه
اقتنعت اهلا وسهلا ماقتنعت احترم رايك واقدره
ولولا تعدد الاذواق لبارت السلع
وعن نفسي استخدم اليوكون والجيب في ماصنع

دمت بخير

[ابومهجه]

لا زالت هي الأفضل

ويأتي الفرد القراند ماركيز والكراون فكتوريا بعدها

[يزيد 999]

ماادري اخوي انت ترد بدون ماتقرا او عندك مشكلة بماركة تويوتا
ايضا ملاحظ اي عضو يخالفك تحاول تقنعه بطريقة عجيبه
انا عن نفسي ماعندي مشكلة مع اي ماركة الي يلبي احتياجاتي بقول برافو
وبعدين يااخي هذي وجهة نظر مو لازم الكل يقتنع بان الامريكي بطل
صاحب الموضوع يقولو تويوتا صارت صناعتها سيئه نعم هو صادق
كذلك باقي السيارات كلها اصبحت سيئه وتبقى تويوتا افضل السيئين
بعدين انا مدحت الامريكي ماتعصبت لتويوتا قلنا الامريكي سيارة بلد بقناعه عامة وتجربه وهذا رايي وراي كثيرين
وقلنا النيسان افضل وامتدحنا الازيرا والسوناتا مقابل الكامري
فياليت تقراء وتهدي وترد بدون تعصب
محنا مستفيدين من زيادة مبيعات اي من الشركتين ولاكن يبقى راي لازم نطرحه بمصداقيه دون تحيز
الياباني رقم 1
الكوري تفوق 2
الامريكي 3
هذي للسيارات الشعبيه
اقتنعت اهلا وسهلا ماقتنعت احترم رايك واقدره
ولولا تعدد الاذواق لبارت السلع
وعن نفسي استخدم اليوكون والجيب في ماصنع

دمت بخير

إيه عندي مشكلة مع تويوتا أسوء صناعة وأغلى سعر ؟؟ وأنا ماحاولت أقنع أحد لكن أشوف واحد جاي ويقول أحسن شيء تويوتا والأمريكي ماينفع هذي قناعة عنده أنا كذلك أطرح قناعتي مافيها شي وماعمري رديت على أحد وقلت إلا تاخذ أمريكي أنا أعطيه اللي عندي وهو حر ياخذ بكلامي أو يتركه كذلك لما أشوف واحد يسب تويوتا ألقى كل الردود ستبقى تويوتا الأفضل والأكثر جودة وتصير حرب عشانه فمن حقي أبين للي قدامي إن كلامه غير صحيح وشلون بعدين أنت تقول كل السيارات الجديدة سيئة وتويوتا أفضل الأسوء معناه إن تويوتا أفضل شركة وهذا أكبر خطأ تراجعو بالجودة والراحة ورفعوا الأسعار ومع ذلك تصرون على أن تويوتا الأفضل هذي قناعة عندك وليس بالضرورة تكون صحيحة أنت ذكرت إن الأمريكي فيه عيوب كذلك سعره مبالغ وأنه موتر مدينة مهب حق بر
أنا ماعندي تعصب لكن ما أسكت عن الخطأ أما بالنسبة للترتيب اللي ذكرته فوجهة نظرك مع إني أختلف معك وهذا الترتيب اللي أنا مقتنع فيه
1_الألماني
2_الأمريكي
3_الياباني والكوري
ودليل على إن الأمريكي أفضل سيارة بالبر
سيارات الجيش همر h1 (أمريكي)
سيارات أرامكو جمس سييرا ويوكن وسوبربان (أمريكي)
أفضل سيارة رالي بالعالم فورد رابتر (أمريكي)

[ابوراكان تبوك]

رأيي اخي العزيز ان شمعة تويوتا لم تنطفئ بعد

وسبب توجه الناس لشركات اخرى هو غلاء سيارات تويوتا وذلك مقابل جودتها الافضل في الوقت الحالي

انا لا اقول ان جودتها الان نفس الجودة في السابق لكن هي من الافضل الان

بينما يستطيع الفرد شراء سيارة جودتها لاباس بها مقابل سعر معقول

هذي قناعتي ولك مني كل تقدير
:good2::good2::good2: اصلاً كل السيارات ارتفعت حتى الامريكي اليوكن عام 2010 كم كان سعره وكم سعره اللحين 2012 الـ 2010 كان 113 والحين لحق 143
قطع الغيار حول بعض عندك بواجي اللاند 54 ريال وبواجي الاكسبديشن 452 الامريكي صيانته صعبه جداً مقارنه بسيارات تويوتا وعندي السيارتين تحت الاستخدام
والعجلة تسير لو يرجع اللاند بـ 120 الف اصفاااااااااار كان ماشفت انتشار اليوكن والتاهو لأن شركاتهم تعتبر نسبياً مقبوله سعرياً وعروضهم بصراحه حلوه
اعيد واكرر لو يرجع اللاند بـ 120الف تلقى كل العالم تسب الأمريكي وكلن يغني على ليلاه

[ابونبيل]

:good2::good2::good2: اصلاً كل السيارات ارتفعت حتى الامريكي اليوكن عام 2010 كم كان سعره وكم سعره اللحين 2012 الـ 2010 كان 113 والحين لحق 143
قطع الغيار حول بعض عندك بواجي اللاند 54 ريال وبواجي الاكسبديشن 452 الامريكي صيانته صعبه جداً مقارنه بسيارات تويوتا وعندي السيارتين تحت الاستخدام
والعجلة تسير لو يرجع اللاند بـ 120 الف اصفاااااااااار كان ماشفت انتشار اليوكن والتاهو لأن شركاتهم تعتبر نسبياً مقبوله سعرياً وعروضهم بصراحه حلوه
اعيد واكرر لو يرجع اللاند بـ 120الف تلقى كل العالم تسب الأمريكي وكلن يغني على ليلاه

:good2: الي ابيه قلته لافض فوك

[المهاجر انا]

قديمك نديمك مالنا غنا عنه

[يزيد 999]

:good2::good2::good2: اصلاً كل السيارات ارتفعت حتى الامريكي اليوكن عام 2010 كم كان سعره وكم سعره اللحين 2012 الـ 2010 كان 113 والحين لحق 143
قطع الغيار حول بعض عندك بواجي اللاند 54 ريال وبواجي الاكسبديشن 452 الامريكي صيانته صعبه جداً مقارنه بسيارات تويوتا وعندي السيارتين تحت الاستخدام
والعجلة تسير لو يرجع اللاند بـ 120 الف اصفاااااااااار كان ماشفت انتشار اليوكن والتاهو لأن شركاتهم تعتبر نسبياً مقبوله سعرياً وعروضهم بصراحه حلوه

اعيد واكرر لو يرجع اللاند بـ 120الف تلقى كل العالم تسب الأمريكي وكلن يغني على ليلاهتكلمنا بالسعر سابقاً أما قطع الغيار فأنت أغفلت شغله البواجي تقعد تقريبا سنه ثم تغير أما حقات الإكسبيديشن فتقعد 7 سنين وزود عشان كذا سعره عالي أما الصيانه فأنا كل مواتري أمريكي ولا واجهت أي مشكله من ناحية سعر أو عدم استقباله بالورش عدا عن تنزيل السعر كذلك زيادة الجودة والفخامة والتقنية المستخدمة

[ابوراكان تبوك]

تكلمنا بالسعر سابقاً أما قطع الغيار فأنت أغفلت شغله البواجي تقعد تقريبا سنه ثم تغير أما حقات الإكسبيديشن فتقعد 7 سنين وزود عشان كذا سعره عالي أما الصيانه فأنا كل مواتري أمريكي ولا واجهت أي مشكله من ناحية سعر أو عدم استقباله بالورش عدا عن تنزيل السعر كذلك زيادة الجودة والفخامة والتقنية المستخدمة
[/CENTER]

ههههههههه لا والله يا اخوي ما احد عانا مثلي وانا مستخدم للسيارتين حالياً
اصلاً بواجي الاكسبديشن اذا تعدت سنه ونص ماتفك كلها تجيم وتوي فاك الرأس حق الاكسبديشن بـ 500 ريال والسياره ماشيه 90الف انكسر فيه بوجي 4 و 5 و 7 حافظها حفظ من كثر ما عانيت منها
اماااااااااااااااا سبع سنوات يارجل انت ما استخدمت الامريكي ( الاكسبديشن ) اعذرني البواجي تتغير كل 20 الف يعني 7 سنوات كم بتمشي عليها
ووجهت نظرك احترمها لأنك متحمس وكل الموضوع أصلاً تسليه ومناقشه

[tevo]

اخوي سردك حلو ولو انك جانبت الصواب بتحديد تويوتا
والصح ان جميع السيارات اصبحت كرتونية وليست تويوتا فقط
وساقتبس ماطرحت بتحديد اللاند كروزر وصداماته اصبحت فيبر ولاتتحمل نعم هذا الكلام صحيح
ولاكن هل الفورد باقي كما هو هل الجمس لازال صدام حديد
كل السيارات تصنع بنفس الطريقة والاليه مع اختلاف الاذواق وبسيط الفرق بالجوده
تجي للسعر تقول الفي اكس ار يوصل 300الف طيب الاسكاليد سعره حول 280الف ونفس مكينة اليوكون والتاهو
ولايتحمل البر كما الفكس ار ولا هو بجودة الفي اكس ار
نجي للدينالي سعره 200الف ريال نفس سعر الجي اكس ا
نجي لل اس ال تي 180 الف
اذا الاسعار كلها عاليه وليس حصرا على تويوتا
والتويوتا قياسا بالاسعار افضل الموجود من ناحية الجوده
جربنا الجموس والجيوب والافضل الجيوب بدون منازع حتى لوفرق السعر
انا اذا بدفع 200الف او 180 الف ومن تجاربي ماحطها بامريكي ابدا
اختار نيسان او تويوتا
وهذا الواقع الي الناس عارفته من تجربه الناس مااختاروا تويوتا عشوائي بل تجارب

واخيرا يتضح ان الهدف هو النيل من شركة تويوتا وختامك للموضوع بمقاطعة شركة تويوتا وهذا
قد يفقد الموضوع جوهره وحبيت ان تصفها بالشركة المسماه تويوتا
اخوي حبيت انبه لا تقارن الاسكاليد بالvxr قارنه باللكزس وغير كذا الاكاديلاك والادينالي مينتهم وحده اما الجمس والتاهو مكاين غير.:good2:
تصير المقارنه كذا
اللكزس اعتقد وصل 400 الاسكاليد 280 حسب ما تقول
الفكس ار 300 الدينالي طبعا مكينته اكبر من الجمس 200
وطبعا قيس المواصفات والفرق بالراحه .
الي اعرفه ان الجيب الاستاندر يجي بدون مكيف خلفي ولا مثبت سرعه ولا تكايه بالنص يعني قير ومكينة وبدي وسعره 150 ألف
التاهو الاستاندر تقريبا 140 الدبل ويجي مثبت ومقعدة السواق كهرباء و مكيف خلفي وتكايه بالنص يعني المواصفات الأساسيه موجوده .
وعلي فكره بالعكس تيوتا واضح فيها ردائة الصنع والجوده من مديل لمديل وهذي حقيقه يشوفها الكل والي استخدم يعني بتقنعني ان الاند 98 والي قبل افضل من الأن؟
بتقنعني ان الكامري 2002 أفضل من الأن ؟
والهايلكس أفضل من 98؟
وغير كذا سالفة قطع الغيار :f الله يعينكم عليها .
انا هذي وجهة نظري والي اشوفه من الي حولي .
وبالنسبه للأمريكي أثبت جودته ويعيش ويمد معاك بالعمر لاكن يبيلك تسوي له صيانه دوريه فقط من زيوت وغيراها الشغلات الأساسية و باذن الله بيعمر معك.

[وحش القفار]

لايميز تويوتا جودة الصناعه ومتانتها انما يميزها خدمة مابعد البيع من اسعار القطع والتوفر وامكانية الصيانه
تعرف قيمتها عندم تقدم السيارة وتتكرر زيارتك للصيانه اكتب وسيارتي الحبيبه التيما في الصيانه مشكلة تفتفه
والشركه ياغافل لك الله كل يومين ثلاثه حل والسياره لها اسبوع وانت مضطر تنتظر لاني طلعت ونزلت ماضبطة السياره فمالي حل الا الشركه واما بيع السياره علما انها سياره جميله وللعلم سيارتي الثانية باترول وعلى عشقه شريت الالتيما واكتب من تجربه سابقه كانت لي مع التويوتا التويوتا اقتناء لمده طويله بخلاف الاخريات بعد مده والحاجه للصيانه تفكر في الخلاص وتكون الخساره فادحه

[ابوالفهد]

ما فيه غناه عن تو يوتا لو كانو حراميه يسلبون مخابينا الشكوي علي الله

[يزيد 999]

ههههههههه لا والله يا اخوي ما احد عانا مثلي وانا مستخدم للسيارتين حالياً
اصلاً بواجي الاكسبديشن اذا تعدت سنه ونص ماتفك كلها تجيم وتوي فاك الرأس حق الاكسبديشن بـ 500 ريال والسياره ماشيه 90الف انكسر فيه بوجي 4 و 5 و 7 حافظها حفظ من كثر ما عانيت منها
اماااااااااااااااا سبع سنوات يارجل انت ما استخدمت الامريكي ( الاكسبديشن ) اعذرني البواجي تتغير كل 20 الف يعني 7 سنوات كم بتمشي عليها
ووجهت نظرك احترمها لأنك متحمس وكل الموضوع أصلاً تسليه ومناقشه

أبوي أنا معي فورد 2004 f150 مكينته 5,4 triton نفس مكينة الإكسبيديشن ومغير البواجي بنفسي لأنه مثل ماتفضلت البواجي طويلة احتمال تنكسر لأن الجزء الأخير من كثر الكربون اللي عليه يمسك ولايطلع مما يؤدي إلى فك الراس لإستخراجها إذا فكيته عند أي محل لأنه مايدري عن الموتر أبد أنا جبت بخاخ إي سي ديلكو وفكيت البوجي مقدار ربع لفه ثم بخيت عليه وبعد 5 دقايق طلعته ولا انكسر ولا واحد ياأخوي أنا ماجبت كلام من عندي رح إسأل الوكالة وشف

[تميم2222]

تويوتا الجديد خااااااابور ...يمشي مليووووون ..وسلامتك

[بن سليمان]

باسعار تويوتا الحالية وخصوصا فئة الدفع الرباعي من الاندكروزر وطقته تقدر تشتري لك سيارة ولأخوك سيارة او لولدك وولد الجيران بعد
لكن وين الناس اللي تحسبها صح ؟
واللي يقول ما فيه بديل....
اقول اغلب اهل البر ما يطلع الا وقت البراد والربيع والامطار :lو الحمدلله الكثير من الفياض والرياض واماكن الربيع واصلها القار
العليم او عليم الظمأ الحين تقدر على أكسنت توصل له عقب ما كان مقطعه
تويوتا عندنا تمييز بانتشار فروع الوكيل ومعه موزعين يساندونه بتوفير قطع الغيار والصيانة ومع ذلك قطع غيار تويوتا غالية رغم انها تصنع في الصين والهند ومصر
مشكلتنا ومصيبتا عندنا ناس مهايطية انسان داج هاج راتبه 5000 ماسكة معه الا يفك لاندكروزر واخرتها لا وقف بالمحطة قال للعامل عبي بعشرة ريال


ههههههههه لا والله يا اخوي ما احد عانا مثلي وانا مستخدم للسيارتين حالياً
اصلاً بواجي الاكسبديشن اذا تعدت سنه ونص ماتفك كلها تجيم وتوي فاك الرأس حق الاكسبديشن بـ 500 ريال والسياره ماشيه 90الف انكسر فيه بوجي 4 و 5 و 7 حافظها حفظ من كثر ما عانيت منها
اماااااااااااااااا سبع سنوات يارجل انت ما استخدمت الامريكي ( الاكسبديشن ) اعذرني البواجي تتغير كل 20 الف يعني 7 سنوات كم بتمشي عليها
ووجهت نظرك احترمها لأنك متحمس وكل الموضوع أصلاً تسليه ومناقشه

الاخ يتكلم عن بواجي تويوتا ؟؟
يا اخي عندي فورتشنر شد بلد فرامله تعبانه والوكيل مغير يمطرس فيه ويقول كل شي تمام اول مرة اشوف سيارة تمسك فرامل تدوس بنزين والابنص يرتفع على ثلاثة
بواجي الفورد تمشيك 240 الاف كيلو
هذي تعليمات المصنع



حافظ على المحرك في أفضل حالاته





إن أفضل شيء يمكنك القيام به لسيارتك هي الصيانة المجدولة عند الوكيل. ويتضمن كل جدول صيانة للسيارة ما يلي:

فحص مكونات المحرك الرئيسية في كل زيارة

فحص وتعبئة مستويات السوائل في كل زيارة

تغيير سائل التبريد كل 100000 ميل أو 161000 كيلومتر.

فحص سيور تدوير الملحقات عند 124000 ميل أو 200000 كيلومتر.

استبدال صمام تهوية علبة المرافق الموجبة (PCV) عند 150000 ميل أو 241000 كيلومتر.

استبدال البواجي عند 150000 ميل أو 241000 كيلومتر.

تغيير سائل ناقل الحركة/محور النقل عند 155000 ميل أو 250000 كيلومتر
http://www.me.ford.com/ar/sau/parts-service/maintenance/engine-services

[Bader-M]

وعلكيم السلام
هي بالاول والاخير قنعات شخصية
قبل فترة شرى قريب لي جيب لكززس وقبل ما يخلص اوراقة جاه مكسب 30 الف ريال
تخيل تشتري سيارة من الوكيل و تبيعها بمكسب
بنسبة لرائي الشخصي
لا يوجد منافس لتويوتا بالدفع الرباعي
اما في السيارات السيدان الصغيرة و كذلك السيارة المتوسطة والمخمة
فان الكوري منافس قوي جدا جدا ويعتبر بنواجي كثيرة افضل مثل السعر و الصيانة و اسعار قطع الغيار

موفق

[ابوراكان تبوك]

والله يا بن سليمان احترم وجهه نظرك وقراءتك للكتلوج لكن الواقع يقول غير ذلك
الاكسبديشن عندنا وكاله وتحت استخدام الوالد ومحافظ عليه جداً قبل شهر سوينا تصفيه للمكينة فلاتر وصفايه وبواجي من باب الاحتياط وتكسرت البواجي وبعضها محروق وهو شد الوكاله لو البواجي عندي صورتها لك وهي على ممشى 90 الف مافيه ولا واحد نظيف بغض النظر عن اللي انكسر
بالنسبه لي استخدمت الربع تويوتا 13 سنه وحالياً لاند كروزر 2002 من ثلاث سنوات الحمد لله ما اخبر ان كلا السيارتين عقدتني بشيء
صحيح ان الاكسبديشن يتوفق على اللاند بكثير من الخدمات بس الثقه عندي معدومه فيه

[محامي وراط]

تويوتا مارفعت اسعارها الا من هالناس اللي يقول :

خذ تويوتا وأنت مغمض ،،

وغير كذا ما خلاها تمسك اسعارها الا المستخدمين والشريطية

كان مافيه البلد الا هالولد ،،

حاليا منتجات تويوتا جودتها رديئة جدا

ومع هذا رافعين الاسعار + قطع الغيار للمواتر الجديد ما تلقاها

مثل فحمات وفلاتر وغيرها من القطع الاستهلاكية ،،

صحيح الموزعين تلقهاهم بجخر الضب

لكن يوم تجيهم يقولك مافيه اصلي فيه تجاري ،،

وش هالشركة النايمة ؟؟ وش هالموزعين ؟؟

[يزيد 999]

والله يا بن سليمان احترم وجهه نظرك وقراءتك للكتلوج لكن الواقع يقول غير ذلك
الاكسبديشن عندنا وكاله وتحت استخدام الوالد ومحافظ عليه جداً قبل شهر سوينا تصفيه للمكينة فلاتر وصفايه وبواجي من باب الاحتياط وتكسرت البواجي وبعضها محروق وهو شد الوكاله لو البواجي عندي صورتها لك وهي على ممشى 90 الف مافيه ولا واحد نظيف بغض النظر عن اللي انكسر
بالنسبه لي استخدمت الربع تويوتا 13 سنه وحالياً لاند كروزر 2002 من ثلاث سنوات الحمد لله ما اخبر ان كلا السيارتين عقدتني بشيء
صحيح ان الاكسبديشن يتوفق على اللاند بكثير من الخدمات بس الثقه عندي معدومه فيه

أخوي أنت تقول البوجي محروق طيب قبل ماتغيرهن كان فيه تقطيع أوتفتفة ومثل ماقلت البوجي ماينكسر إلا إذا فكه واحد مهب فاهم وطبيعي بوجي له كم ستة يكرف تبيه يطلع وهو يلق مسألة الثقة كلن يعرف موتره ;)

[قناص 28 عفيف]

لا تنسون قطع غيار تايوتا نااااااار ناااااار

[قمة افرست]

يااخوان انا بناقشكم بنقطه هل هي ايجابيه لي كمستخدم او سلبيه
وتخص الوكيل فيه ناس تقدح بوكيل تويوتا وانا ارى انه ممتاز ومن جرب غير من سمع

دائما نسمع عروض للسيارات طيب انا شاري سيارتي 150 مثلا
تقوم ياجميح او العيسى تسوي خصم على نفس الموديل وعرض على السيارة مايقارب 18 الف ليه
انا بكذا متضرر بخسر مايقارب 40الف بالسيارة وبنفس السنه
تويوتا لايمكن يعمل عرض اكثر من 5000الاف
واحيانا ينزل الموديل الجديد وسعر الي قبله فرق 1000 فقط

طيب انا كمستخدم واكيد بغير اش ذنبي بعد ماصرفت سياراتك تخفس بسعر السيارة
حتى اصحاب المعارض مايحميهم وكيل جي ام
صديق لي شاري يوكون 2009 بسعر 145الف وانا اخذه عرض 127 شوف الفرق
برضه اخذت 2011 عرض 137 زيرو وعرض شاشة معه وسعره السابق 148او 150

[قمة افرست]

أخوي أنت تقول البوجي محروق طيب قبل ماتغيرهن كان فيه تقطيع أوتفتفة ومثل ماقلت البوجي ماينكسر إلا إذا فكه واحد مهب فاهم وطبيعي بوجي له كم ستة يكرف تبيه يطلع وهو يلق مسألة الثقة كلن يعرف موتره ;)






يااخ يزيد بواجي الاكسبديشن معروف انها تكسر يمكن السبب بالتاخر بتغييرها والسبب ماهو البوجي الراس يلحم بالبوجي ماعاد ينفك
وصارت كثير ماهي حالة وحده وقدامي
وترى ماهو بس الاكسبديشن حتى الموستنق

ونصيحة اذا سيارتك اكسبديشن اونفس المكينة لاتتاخر بالتغيير

[ابوراكان تبوك]

يااخ يزيد بواجي الاكسبديشن معروف انها تكسر يمكن السبب بالتاخر بتغييرها والسبب ماهو البوجي الراس يلحم بالبوجي ماعاد ينفك
وصارت كثير ماهي حالة وحده وقدامي
ونصيحة اذا سيارتك اكسبديشن اونفس المكينة لاتتاخر بالتغيير
هههههه يا اخوي يزيد مومقتنع بكيفه حتى سيارتي بيشككني فيها متعصب أمريكي:D وش دخل الفك بحرق البوجي ومشكلة البواجي من 2006 الى 2008


الله يوفق الجميع ومهما كان نوع السيارة فكلها كوم حديد

[قمة افرست]

اهداء ليزيد اختلاف بين شاعرين معروفين اختلفوا بين الجمس والجيب
وكل منهم يمدح سيارته :D


ho4_C89tg8w

[sgl2002]

معليش ياشباب انا جربت تويوتا لاندكروزر وجربت نيسان باترول

غير هذي السيارتين ما اظن صنع مثلها

قوة وتحمل وقلة خرابات وكلن يعرف يصلحها

صراحه لا احد يتعب نفسه ويقنعها بشيء هو ماهو مقتنع فيه

لاندكروزر وباترول لاغنا لنا عنهم

اما في السيارات الصغيرة فهونداي هي الرائدة في العصر الحالي

وهذا العلم الوكاد

[يزيد 999]

قمة إيفرست وأبو راكان أنا مصر على كلامي بواجي الفورد عمرهن 7سنوات وأتوقع أحد الأخوان جاب الكلام حق الوكالة وحطه وبالنسبة للفك فهي مشكلة من 2004 الى 2008 لأن البوجي طويل واللي يحصل إن الكربون يمسك راس البوجي وبوجي الفورد يجي قطعتين فتطلع قطعة ويبقى الراس تحت لأن الكربون ماسك فيه ويمكن تفادي المشكلة عند فتح البوجي مقدار ربع لفة ووضع بخاخ ايسي ديلكو على مدخل البوجي عشان يذوب الكربون اللي ماسك الراس وعند الفك ماينكسر أي جزء بالبوجي وهذا عن تجربة وكذلك كلام المهندس أحمد القحطاني <<<<خبير بجميع أنواع الفورد

أما المقطع فهذي حالي أنا وأنت !!

[Zizo666]

قمة افرست : ومهب لازم تشتري اسكاليد عندك جمس سوبر بان ارخص بكثير منه وعندك اكسبدشن سعره فوق المية بشوي..

اما بالنسبة للجيوب تايوتا ان كانت من 2007 وتحت فعز الله طحت على كنز اما 2008 وفوق فعز الله طحت على كرتون وسعر غالي ياخوان فتحوا انا اقصد بكلامي سيارات تايوتا الجديدة بارك الله فيكم ..

واما سالفة المقاطعة ( فاأنا أقول بملئ فمي قااااااااااااااااااااااااااااااااااااااطعوهم ) وش المشكلة ..

وبالأول والاخير أغلب الشركات رفعت اسعارها وجودتها قلت بكثير لكن شركة عن شركة ..

وامل منك تقبل مداخلتي بصدر رحب ..


أنشهد ان كلامك 100 % صحيح مع

[Zizo666]

قمة افرست : ومهب لازم تشتري اسكاليد عندك جمس سوبر بان ارخص بكثير منه وعندك اكسبدشن سعره فوق المية بشوي..

اما بالنسبة للجيوب تايوتا ان كانت من 2007 وتحت فعز الله طحت على كنز اما 2008 وفوق فعز الله طحت على كرتون وسعر غالي ياخوان فتحوا انا اقصد بكلامي سيارات تايوتا الجديدة بارك الله فيكم ..

واما سالفة المقاطعة ( فاأنا أقول بملئ فمي قااااااااااااااااااااااااااااااااااااااطعوهم ) وش المشكلة ..

وبالأول والاخير أغلب الشركات رفعت اسعارها وجودتها قلت بكثير لكن شركة عن شركة ..

وامل منك تقبل مداخلتي بصدر رحب ..


أنشهد ان كلامك 100 % صحيح مع إني هاااااااااااوي وراعي نيسان عز الله انه موتر

خفه يطربك بالبنفود بالوديان وبالجبال بعد ما عليه تعدي عيبه التفكك لكن اللي بيتابع ويربط ويشيك عليه أنه بيستانس واخص حبيب قلبي الباترول الربع

[تميم2222]

اهداء ليزيد اختلاف بين شاعرين معروفين اختلفوا بين الجمس والجيب
وكل منهم يمدح سيارته :D


ho4_C89tg8w



الجيب شيخ كرم الله ملحاه .... هذا يوم مكينته كانت هي اقوى الجيوب ويومه يابان يابان ...... والحين يخسا ويقطع ... جت جيوب .. تفرك خشته في الرمل فرك ... وبلااااا هيااااااااااط

[عاشق القرى]

أشكر من رد على موضوعي المتواضع أسأل الله لكم التوفيق في الدنيا والاخرة ..

[ماجد القرشي]

بخصوص البواجي كان معي كامري ٢٠٠٧ اخذتها ماشية ٣٠٠٠٠ بعتها ماشيه ٢٥٠ مافكيت بواجيها ولا لاحظت عليها تغير الله يبارك لراعيها

[الدبل الثقيل]

بسم الله الرحمن الرحيم والصلاة والسلام على أشرف الانبياء والمرسلين نبينا محمد عليه

أفضل الصلاة وأتم التسليم ..

أما بعد :

الكل يعلم أن تايوتا شركة متعددة الجنسيات في مجال صنع السيارات ومقرها الرئيسي اليابان وتأسيس الشركة كان في عام 1937مـ .ومؤسسها المعروف ( كيشيرو تويودا) ..

اكتسبت تايوتا في إنتاجها شعبية كبيرة لقوتها وتحملها وقلة أعطالها وجمال شكلها ، حتى
أصبحت جودتها معروفه لدى أكثر الشعوب واكتسبت رواجا تاما في مبيعاتها .


ولذلك من منا لا يعرف الجيب الاند كروزر والهايلكس والكامري والكرسيدا ..الخ ..


فسبحان من جعل كل صعود يعقبه هبوط وكل ارتفاع يعقبه نزول ، فلقد تحول إنتاج تايوتا

في السنوات الاخيرة مجرد قطع كرتونية سهلة التلف كثيرة الاعطال قليلة التحمل ..

ففي الواقع انظر إلى جيب الاند كروزر كيف كان وكيف أصبح وقس على هذا بقية الانواع ..

في تصوري أن سيارة تايوتا القديمة عمرها الافتراضي 25 سنة وقد تزيد والان سيارات تايوتا
اتوقع عمرها الافتراضي اقل من ربع مدة السيارات القديمة وذلك بسبب ضعف الحديد
والصدامات فايبر وقلة الجودة وكثرة الاعطال من مثبت سرعة وغيره ..

ومن ناحية تجربتي الشخصية فلقد اشتريت هايلكس دبل 2011ومشيت عليه 40 الف كيلو وماكمل معي 6 أشهر حتى بعته والسبب ضعف السيارة بشكل عام من جوانب كثيرة فالديكورات تفككت وسمعت اصوات كثيرة منها والرفرف تضغطه باصبعك فيتحرك والدعامة
كانت كانت ملحمة وانفكت بلا سبب يذكر ..

ومع هذا كله أسعارها مرتفعة جدا والوكلاء يزدادون طمعا يوما بعد يوم ..

فقد وصل سعر الاند كروزر ال300 الف ريال والهايلكس العادي 90 الف والدبل 100 الف

فلذلك يجب علينا كشركات وأفراد الاتجاه إلى ( البدائل) طبعا ليس أي بديل بل بديل

مناسب ولاننسى المقاطعة لهذه الشركة المسماه تايوتا ..

وهذا أقول ( لقد أنطفأت شمعة تايوتا والدنيا لاتدوم على حال )

لا أستغني ياأحبتي عن تعليقاتكم وملاحظاتكم ..

هذا ماتيسر كتابته ولي مواضيع أخرى قادمة مشابهة والله أعلم وصلى الله على نبينا محمد
صلى الله عليه وسلم ..


اوافقك بقوة أخي الكريم

[مكشآتي للآخر]

كلمة وحدة بس إسئل فيها معجبين تويوتآ كلــــهـم
هل يعقل شـآص موديلة 2008 ماشي اقل من 130 الف
الكفر الامامي الايسر يطيح هو والجنط والهوب؟؟؟
كلهم ؟؟
لف يمين الا الكفر طـآآآح هو والجنط والهووب والعكـس إعتقد كذآلكـ

[الشمروخي]

كلامكم مردود وشوفوا مبيعات تايوتا ٢٠١٢ تفتحنا وجربنا غير تايوتا وانكبنا تايوتا وبس بس غلا سعره خلا العالم تنكب وتلف يمين ويسار
حنا راعين جلد وردميات وضلعان ونفود وكشع ومطارد غير جيب تايوتا بانواعه وموديلاته وبعده الباترول فقط بالصبر والمشي مالقينا بلا امريكي بلا مستبيشي بلا فتاق بلا فتك التخبيط باترول الاول ٤٥٠٠ وكل جيوب تايوتا وبس

[الشمروخي]

مكشاتي للاخر

كيف الحال


هههههه صدقتك

[يزيد 999]

يالشمروخي عيب عليك تكذب الرجال هو وش مصلحته من الكذب وأنا حاس إن لك دخل بعبد اللطيف جميل

[abohmad]

كل السيارات ما عاد هى مثل اول الجمس ما عاد هو الجمس اللى خابرين والتيوتا ماهو الجيب الى اول يضرب فية المثل بس يمكن النيسان هو اللى شوى من المتانة وكم سنة يتبع ربعة اللى قبلة التيوتا ولالمريكى ما عاد فية متانة

[سفاري الشرقية]

انتم معارضين للتويوتا عشان السعر فقط لو كانت رخيصة ما كان نشوف هالهجوم بهالشكل

[Shqra]

أنا أستغرب من الناس اللي يربطون غلاء الأسعار بجشع التجار
صحيح فيه جشع بس 99٪ إن لم يكن 100٪ من التجار رفعوا أسعارهم
مثل الكوكا والبيبسي والسيارات والألبان ...إلخ حتى اللي مارفع سعر منتجاته. بيقلل الكمية فمثلا الحلويات تشيبس ليز كان الكيس تلاقيه مليان بطاط والحين تلاقي فيه 5 حبات بطاط والسكيتلز ...الخ

يا إخوان كلامي اللي فوق أهدف منه إن المنتجات ما إرتفع سعرها فالمنتجات هي نفسها ماتغيرت واللي تغير هو العملات فقدت قيمتها

أنا فتحت اليوتيوب وكتبت عن الدولار في مقارنة وشاهدت مقطع شايب يتكلم فيه يقول كنت أشتري البرجر ب 29 سنت أيام 1969 أما ألحين سعر نفس البرجر يوصل 9 دولار طبعا هو يتكلم عن الوجبة ..

ومن المتوقع أن تنخفض قيمة الدولار أكثر طبعا الريال مرتبط بالدولار فيعني ستنخفض قيمته أكثر

إكتب في قوقل inflation calculator وحط مبلغ محدد مثلا في الستينات وشوف كم يساوي هالأيام والصراحة أنا مستغرب كيف شركات السيارات ماتضاعفت بشكل عجيب وأعتقد إنهم ضحوا بالجودة لكي لا يرتفع السعر أكثر

اللي يوافق كلامي يسويله إقتباس ويؤكد عليه :good2:

[سوبربان2011]

يالبا تويوتا فديتها ياناس سواء طلعت اونزلت اوطفت او ولعت.. تويوتا الى الأبد

[نواف685]

اعتقد بسبب غلا الاسعار لطراز تويوتا

[مكشآتي للآخر]

مكشاتي للاخر

كيف الحال


هههههه صدقتك

حيـآآك عندي بالخـفـجي وإوريك الشاص وشوفة بعـيونك

وإحكم عليـه
وهاذا انا اقولها قدام الرجآل الي هنا ورقمي وصل لكـ برآيفت

[الشمروخي]

ليه مكذبك انا قلت لك صدقتك

خلك واثق بنفسك وقل لخويك يشد الصواميل الله لا يهينه

[الشمروخي]

كلنا نعرف ناس ملكت شيصان لا واحد ولا اثنين والكلام يروح ويجي وكلن عقله براسه وانا خوك

[مكشآتي للآخر]

ماهي من الصوآميل الله يجزاك خير انا قلت لك حتى الهوب طلـع معة
وفعلآ يالغالي مابينا الا كل خير
ولاكن لو اني مو واثق من كلآمي ماكان نزلتة
ولاكن للآمآنة
الشاص بالبر يوميآ شتى صيف خريف
وحتى الموتر متهرقل من داخل
وانواع الاصوآت
كانك بتجربة طال عمرك إبد حيآك تشرفنآ في محلنآ

[رحال كعب]

السموحة من صاحب الموضوع والمشاركين اضيف لكم ثلاث نقاط
معنى Toyota اللعبة او المصنوعه من اللعبه وهو تحدي من ياباني عندما اسمها الامريكي Toy ووصل اليباني الى قمة التحدي وصنع السيارة وقال له انا صنعت من الالعاب سيارة

2- اليباني جيد في زمان القديم بكل المقاييس ولايضاهية مصنع الى وقت 2000
3- الوقت الحالي تساوت ان لم تكن اقل في وقتنا الحالي ومن منكم لايذكر قبل فتره والى الان من يشتكي من الامريكي وقت تجاوز الكثير من مشاكله في النهاية الفيصل الدراهم اما بالنسبة لي ولله الحمد والفظل والمنه لااعترف بغير الامريكي سيارة تمشي على الارض حتى وان كانت في نظر الاخرين الاسوء كان لي تجربة يابنيه وكانت اكبر حماقة ارتكبتها في حياتي واعتذر لنفسي

[klhol123]

أخي الكريم عاشق القرى حفظك الله
بعد التحية والتقدير لشخصك الكريم وجميع الأخوة الآكارم
كلامك اخي الكريم واقعي جدا ومن واقع تجارب وليس تجربة واحدة شخصية وغير شخصية
اختصارا انا جربت بنفسي نوع جديد موجود في المملكة في جدة وفي الرياض سيارات تسمى جنجو نيسان 4X4 وانيت غمارتين سيارات رائعة جدا وانصح الجميع باستخدامها وتجربتها فهي سيارات نيسان اصلا ولكن تم تجميعها بالصين وجميع قطعها قطع نيسلن والسيارات قوية جدا بجسمها المعدني والقوي يعني حديد فعلا حديد مو كرتون والمكيف حقها خطير جدا وقوي واداء السيارة عالي وكمالياتها كاملة يعني ريموت كونترول وقزاز كهربا وقفل مركزي ومرايات بالكهربا ودبل اليكتروني السيارة رائعة بصراحة وعلى الأستخدام وجدت انها افضل من التويوتا وارخص بكثير يعني في حدود 58000 ريال فول اوبشن وضمانها 3 سنوات او 100,000 كم واللي حابب يجربها هاد ايميل قسم المبيعات وعندهم سارة تيست درايف منها m.khaled@amotors.com.sa ولكم مني خالص الدعاء والتحية

[يكفيني نظرة]

الا على طاري تويوتا..
شخص يمتلك مكتب تأجير سيارات يقول التويوتا يدخل الصيانه اكثر من الكوري عندي ولاحظ تفوق الكوري على التويوتا وبالذات الهونداي ..
وعلى فكره انا كنت من مستخدمي التويوتا والان معي فورد..

[سفاري الشرقية]

الا على طاري تويوتا..
شخص يمتلك مكتب تأجير سيارات يقول التويوتا يدخل الصيانه اكثر من الكوري عندي ولاحظ تفوق الكوري على التويوتا وبالذات الهونداي ..
وعلى فكره انا كنت من مستخدمي التويوتا والان معي فورد..

خل عنك هالكلام التويوتا ماجت قبلها ولا بعدها سيارة لحد الان عيبها الوحيد سعرها الغالي والغالي ثمنه فيه .

[وسيع الصدرر]

والله موضوع شيق لاكن اببدي رايي ومن واقع تجربه واحد من الزملا طبعن رفيزي رجله متبريه منه يكرف الموتر كرف ونفس وضعك معادي التايوتا شرا سيرا جديد ثلاث شهور والدبل خربان وشهر كامل بالوكاله غير الحراره والقير باعه وشرا موتر والله مدري وش اسمه اخو السلفرادو اقل من شهر وباعه وكذا سياره اخر شي رجع وشرا هدد 2009 يقولي ليتني قاعد على الهلي وموفر هالدراهم وانا من استخدامي للهلي والله ما اشتكي من الصدام الامامي لان حتى انا اجور على الموتر وفيه حلول وان كان على الفيبر انكان ماتدري هذا يزود نسبه الامان بالحوادث لا قدر الله وش يفرق ابحارب بالموتر مثلن والي مونسن اكثر قبل اسبوع شاري صدام هلي 12 امامي اصلي ب 450 يابلاش معليش تضل تايوتا بالمقدمه وكل واحد وذوقه

[Seas Diver]

والله انا ضد تويوتا سواء كانت جيدة او سيئه لكن الشعب عندنا اذا مشى بدرب مستحيل يغيره ولو تعطيه سيكل اهم شيء مكتوب عليه تويوتا يشتريه.

[عبدالله614]

كنا نستخدم تويوتا ومبسوطين لامشاكل ولاوجع راس ثم اشترينا من سكراب شفرولية الله لايربحهم لاهم ولا
بضاعتهم وشفنا الهم والغم والتردد على الورش وقطع الغيار, تمسي السيارة سليمة وتصبح والسيارة
خربانة والمشكلة اني شاري السيارة بالثمانين الف والحين ماتنسام بـ6000 ريال على الرغم
انها ماكملت 200 الف كيلو (لومينا 2003) بينما الي معه كامري والا اكورد لازالت سياراتهم بصحتها
وعافيتها رغم انها تجاوزت 500 الف كيلو واسعارها في ال 35 الف وطالع , وبعد هالمنكح الي
تجرعته عودت لتويوتا وعودت للراحة النفسية والجسدية ونسيت المشاكل ودرب الورش

بالمناسبة عندنا جمس 2005 ماشي 300 الف كيلو صلحنا الدبل ثلاث مرات وياكثر مايغدر بنا وقت الحاجة له
ووضبنا مكينته والحين يالله يمشي ,وعندنا فكس ار 2001 ماشي 600 الف لم نعمل صيانة قط للدبل
ولا للمكينة ولا القير ولا زال بنفس نشاطه وعزمه وتماسكه مع العلم ان السيارتين يقودها
شخص واحد , ولدينا جكس ار 2008 ماشي 260 الف وكانه على الزيرو ولم نعمل له اي صيانة ولايوجد
فيه اي مشاكل وعني انا ااكد من تجربتي ان الاند كروزر الجيل الجديد اعلى جودة من الجيل السابق
حتى ان مشاكله الميكانيكية تكاد تكون معدومة ولايوجد احد اشتكى من شي بسيط او كبير

[يزيد 999]

الأخوان اللي فوق الكلام كله عن الموديلات الجديدة ولا القديمة معروفة جودته كذلك الأسعار إرتفعت مع قلة الجودة واللي يقول ماله بديل ولاغنى عنه أبسألك وش جاب المصخرة للإكسبيديشن ولا لليوكن والتاهو ناظر فرق الأسعار وتعال إهرج !! وبالنسبة للكد أنا مرت علي ثلاث سيارات بر أمريكية يوكن 2005 وتاهو2005 وفورد f150 2004 وكل يوم من نفود لنفود وكلهن ممشاهن فوق 200000 والفورد كمل 300000 ولا شكيت من دبل أو قير أو حرارة ولابهن إلا العافية التيوتا ماشفت منه شيء تفوق فيه على الأمريكي حتى الان ؟
والمشكلة الناس اللي تدافع عن تويوتا إلى الان مدري هم محامين ؟؟

[تاج1426]

تحية طيبه وبعد

اخوي انا جربت الدفرنسين الامريكي والنيسان والتويوتا قديم وجديد

اتفق معك ان الجديد كله ما ينفع وانطفاء شمعة تويوتا اعتقد انه من جهتك انت من واقع تجربتك الشخصية

اما من ناحية المبيعات فلا اعتقد .

والسؤال : اين البديل في السيارات الجديده وياليت تحدد لنا نوع معين من واقع تجربه .

[وجعين]

المنافس القادم للياباني وخاصة تويوتا هو شركة هونداي الكوريه سيارة سوناتا قضت على الكامري فهل يتم القضاء على الفكسار ويتم صنع جيب بحجم الفكسار من شركه هونداي؟؟؟؟؟؟

[مكشآتي للآخر]

كنا نستخدم تويوتا ومبسوطين لامشاكل ولاوجع راس ثم اشترينا من سكراب شفرولية الله لايربحهم لاهم ولا
بضاعتهم وشفنا الهم والغم والتردد على الورش وقطع الغيار, تمسي السيارة سليمة وتصبح والسيارة
خربانة والمشكلة اني شاري السيارة بالثمانين الف والحين ماتنسام بـ6000 ريال على الرغم
انها ماكملت 200 الف كيلو (لومينا 2003) بينما الي معه كامري والا اكورد لازالت سياراتهم بصحتها
وعافيتها رغم انها تجاوزت 500 الف كيلو واسعارها في ال 35 الف وطالع , وبعد هالمنكح الي
تجرعته عودت لتويوتا وعودت للراحة النفسية والجسدية ونسيت المشاكل ودرب الورش

بالمناسبة عندنا جمس 2005 ماشي 300 الف كيلو صلحنا الدبل ثلاث مرات وياكثر مايغدر بنا وقت الحاجة له
ووضبنا مكينته والحين يالله يمشي ,وعندنا فكس ار 2001 ماشي 600 الف لم نعمل صيانة قط للدبل
ولا للمكينة ولا القير ولا زال بنفس نشاطه وعزمه وتماسكه مع العلم ان السيارتين يقودها
شخص واحد , ولدينا جكس ار 2008 ماشي 260 الف وكانه على الزيرو ولم نعمل له اي صيانة ولايوجد
فيه اي مشاكل وعني انا ااكد من تجربتي ان الاند كروزر الجيل الجديد اعلى جودة من الجيل السابق
حتى ان مشاكله الميكانيكية تكاد تكون معدومة ولايوجد احد اشتكى من شي بسيط او كبير





-------------------------
لدينآ جمس 2003 ماشي تقريبآ 200 الف
لم يدخل الى ورشة تصليح الا مرة وحدة فقط وصارلة معنا مايقارب 9 سنين
والمشكلة التي حصلت هي تهريب ماء من طرمبة الماء وقمنا بتغيرها بآقل من 500 ريال
والحمد لله الجمسسس ابد مايشكي من شي
تعقيبآ على مشكلة الجمس الي عندك ربمآ يكون فية خلل صنآعي + إو سوء استخدام

_____________________________________________




لدي ملاحظة بسيطة بالنسبة لتويوتآآآ
إخوي كان عندة كآمري كنت اللاحظ عليها انه كل تقريبآ 4 شهور الى 6 شهور يقوم بتغير
الفحمات(السفايف)_(القماشات)
وبينمآ السيارات الخرى مثل اللماني والامريكي والانجليزي
سنتين إو إكثرررر
؟؟
شنو سبب المشكلة ذي؟

[تميم2222]

معليش ياشباب انا جربت تويوتا لاندكروزر وجربت نيسان باترول

غير هذي السيارتين ما اظن صنع مثلها

قوة وتحمل وقلة خرابات وكلن يعرف يصلحها

صراحه لا احد يتعب نفسه ويقنعها بشيء هو ماهو مقتنع فيه

لاندكروزر وباترول لاغنا لنا عنهم

اما في السيارات الصغيرة فهونداي هي الرائدة في العصر الحالي

وهذا العلم الوكاد
صح لسااااااااانك :good2:

[ابونبيل]

-------------------------
لدينآ جمس 2003 ماشي تقريبآ 200 الف
لم يدخل الى ورشة تصليح الا مرة وحدة فقط وصارلة معنا مايقارب 9 سنين
والمشكلة التي حصلت هي تهريب ماء من طرمبة الماء وقمنا بتغيرها بآقل من 500 ريال
والحمد لله الجمسسس ابد مايشكي من شي
تعقيبآ على مشكلة الجمس الي عندك ربمآ يكون فية خلل صنآعي + إو سوء استخدام

_____________________________________________




لدي ملاحظة بسيطة بالنسبة لتويوتآآآ
إخوي كان عندة كآمري كنت اللاحظ عليها انه كل تقريبآ 4 شهور الى 6 شهور يقوم بتغير
الفحمات(السفايف)_(القماشات)
وبينمآ السيارات الخرى مثل اللماني والامريكي والانجليزي
سنتين إو إكثرررر
؟؟
شنو سبب المشكلة ذي؟

سببها بريكات اخوك الله يحفظه او انه يركب الفحمات دون خرط للهوبات او انها تجاريه مو معقوله 4 شهور وتروح!

[تميم2222]

الشعب في وعي ... والحقيقه تنكشف لهم لكن بعض الناس يغطي على فضايح تويوتا ..يمكن عشان معه نفس الشركه وعبد اللطيف ذكي ما يهمه الناس يبيع المعارض واذا جيت له قال مافيه ؟؟؟.... واذا رحت المعارض لزخوك بسعر في الجبهه ...بزياده 15 او 20 الف . ويجونك ناس يقولون عليه طلب ... وين هالطلب وهو مالي المعارض ؟؟؟؟ فياليت الناس تفتح عقولها شوي لهالامر

[عاشق القرى]

اشكر الاخوان الكرام على المرور والرد ونكاد نتفق على رأي واحد وملخصها قلة الجودة وغلاء السعر ..
عموما الناس أصبح يعرفون والقرار باأيديهم..

[المكان]

والله الي مصبرنا على عبد اللطيف جميل ونصبة هو انة غيرمشترك في
( سمة )

[الشقردي 999]

كيف تقارنون يوكن وتاهو في لاندكروزر
تاهو 140 الف
لاندكروزر 240الف
هاذا زمن الامريكي لاكن عيبهم انهم ما حطوا جيب للبر
لاكن عندك f150 العادي افضل من الاند في البر فما بالك في الرابتر الي ماله منافس اصلا
وعندك السييرا والله انه تمااام في البر واقوا من الااند والشاص بعد
والجديد 2014 جنرال موتر بيبدعون ان شاء الله

[فتك 11]

مشكلة التعصب
هذا مثل اللي يقول عنز ولو طار
شي واضح شغل الله بالخير
ويقولك تويوتا
على كل حال
كل شركه لها سلبياتها ومميزاتها وهي قناعات
نيسان يكفي انها افضل بالجوده واقل بالاسعار
معي فتك 11 رفارف سود قارنة بالجي اكس لا سعر ولا مواصفات يكفيك دفرنسين وسعر معقول في ظل انعدام الدبل العصا
وبالتوفيق للجميع

[abo mani3]

وين الجودة في الكورلا

واحد من ربعي معه النترا 2010

استخدمها سنتين وعطاها السواق واشترى كورلا

والى يومكم يقول ان الانترا افضل من الكورلا 100 مرة والكورلا شاريها جديده والالنترا مثل

[Mr. Format]

الشعب في وعي ... والحقيقه تنكشف لهم لكن بعض الناس يغطي على فضايح تويوتا ..يمكن عشان معه نفس الشركه وعبد اللطيف ذكي ما يهمه الناس يبيع المعارض واذا جيت له قال مافيه ؟؟؟.... واذا رحت المعارض لزخوك بسعر في الجبهه ...بزياده 15 او 20 الف . ويجونك ناس يقولون عليه طلب ... وين هالطلب وهو مالي المعارض ؟؟؟؟ فياليت الناس تفتح عقولها شوي لهالامر


أفضل تعليق والأقرب للواقع :good2:

[sultanooo]

هههههههههههههههه

مالنا غنئ عن ابو جميل

[عاشق القرى]

سلطان وجهة نظر محل نظر وشكرا على المرور ..

[hail_ksa]

رأيي ..
أكثر عملاء تويوتا حالياً هم عملاء إيجار أو تقسيط .. وقياس عمليات بيع تويوتا في المملكه من دون التطرق لهذه الشريحه ليس دليل على جودة المنتج .. هناك شريحه تسحب من انتاج تويوتا بدون وعي وتساعد هذه الشركه على استغلال المستهلك بسيارات ذات جودة رديئة .


الشركة مفلسه والبعض مغفل

[حكيم2]

الموضوع مايستاهل كل يمد رجوله على قد لحافه
تويوتا له عشاقه ونيسان والامريكي فيه من يهواها بسبب سهوله امتلاكه
في الحاله الى يبي الجوده والمتانه تويوتا وسهوله الصيانه وتوفر القطع سواء في الوكاله او التشاليح او حتى في البقاله وحرام نقارن بين المفخره واي سياره ثانيه ويكفيك انه شيك في جيبك اذا مازاد مانقص.....لكن ارتفاع الاسعار زاد عن حد المعقول مقارنه بالشركات الاخرى ز وشكرا

[ملك الفكتوريا]

[COLOR="Navy"]




أنا أبغى أعرف شئ واحد ليه اللي كان معه تويوتا وجرب الامريكي ما يترك الأمريكي


الأمريكي مركب وعز مو خرط


والناس تقول خرابات أي خرابات بإختصار الموتر عطه يعطيك


أعتقد كل شخص عنده استعداد يدفع 300 ريال سنويا صياانه مثل

تغيير زيت قير

فلاتر بنزين هواء

موية رديتر

بلف حرارة

مع شغل اليد والتسييخ وغسيل السلندر وتعيش معه


ولو نحسب 300 ريال بخمس سنوات يعني 1500 ريال


وعلى سيارة تضمن أنها تعدي الـ500 الف كيلوا بالراحة ومريحه وقطع غيار معقوله


ولا اقول سيارة ما تمشيني ثلاث سنوات او 200 الف واقول اووووه ما فيها خرابات


وفجأة ضربت مكينه او قير

واسعار ما تقل عن 10000 ريال


يا جماعة الخير 1500 او 10000 والحكم عقلك



أجل قير اوريون 18000 الف وكاله وتوضيب عند ترايستار 12000ريال




وبعدين المسألة على الصيانه


سواء امريكي او ياباني واي راعي ياباني ماشي موتره اتحدى مايكون راعي صيانه ويغير الزيت بوقته




وبعدين معي فورد 99

من شريناه عام 2003 الى 2011 وقت الحادث الخرابات

بكرة سير بـ60 ريال بسبب موية مطر

ومروحة عام 2011 بعد استخدام 12سنة 560 ريال

طبة رديتر لان السواق معي المويه لراسها بـ50 ريال الطبة


وبعد الحادث الشنيع اللي تضرر منه الشاص بالسيارة تم تغيير كم حاجه


مع اني اكرفه بالخطوط ولا قال شئ ولله الحمد


واكبر عطل القير

لاني اكلت حفرية ونزل الزيت 12 لتر وعبيت فقط 5 لتر ومشيت عليه شهر وبعدين زودته

جلس سنتين ومشيت على زيت القير 70 الف ومقاومات وخطوط وعلى الفصله والسرعه الثانية احترقت صار اول ثالث

وكديته تسع شهور خطوط ومدينه وبر بعض الاحيان واخرتها توضيب بـ3000 ريال




يا جماعه بعيد عن كل هذا



هل بالياباني مواصفات سلامه تستحق السعر


طبعا المقارنة مع الافضل دائما


الامريكي ضد فولفو

الياباني ضد فولفو



والله المستعان /COLOR]

[أنصر نبيك]

هلا اخوي كلامك رائع ولكن عندي ملاحظات انا اعيشها هالايام , انا بعت سيارتي فورتشر وجالس ادور سياره جديده ..وابي سكويا .



مريت الوكالات كلهن تقريباً ماهو البديل بنظرك للسكويا مع فارق السعر
سكويا مواصفات فتحه , سله , هزاز طبعاً ماكينه وقير لكزز ب 158 الف ريال , مهما قلت ودي ان الوكيل يولي مالنا غنا عن تويوتا ولازالت الافضل بنظري طبعاً .




وبالتوفيق للجميع

وليش بعت الفورتشنر يمدحونها وماعليها كلام

[أنصر نبيك]

اتفق مع صاحب الموضوع التويوتا مبياعتها في نزول والسبب رداءة الصناعة وقلة الجودة + صيانة قائمة
على النصب والسرقة + اسعار مبالغ فيها زيادة عن اللزوم اما الذين يمدحون الموديلات القديمة فأعتقد
ماهو صاحي من يشتري لاندكروزر موديل 2007 ماشي فوق 120 الف كيلو ب 140 أو 150 الف هذا اسمه
سخف عقل وتبديد غير منطقي للمال

[كومبو]

والله يا صاحبي كلامك صحيح

وكيل و شركة تويوتا عموما

جشعين جدا جدا

كان عندي برادو VX 2010
اشتريتها 154000 ريال
بعد فتره من شرائها اكتشفت ان السياره مائلة
الى جهت اليمين

وقفتها في عدة شوارع و جميع الاتجاهات و صورتها

و ديتها الصيانه قالو لي انت واهم
و السياره ما فيها شي

و بعتها

السنة الي بعدها تم الغاء فئات الـ VX

و و بقي الـ TXL

و خلال سنتين اصبح سعر الـTXL
155000 ريال ؟؟؟؟؟

لماذا لا يوجد جواب

هل ارتفع سعر مواد الصنع مع العلم انه نفس الشكل

و يمكن انها مصنعه نفس عام 2010

لكن ما نقدر نقول شي خصوصا عندنا
العالم ركض ورى عبد اللطيف جميل

يمكن صيانتهم افضل من ميتسوبيشي او نيسان
مع اني اشوف ان متسوبيشي اجود صناعة من التويوتا

لكن سياراتهم ما عاد هي الاوله

العيب Hالمصنعي هذا طلع لسيارات 2010 VX + لكزس GX460 وتم سحب السيارات وإعادة البرمجة أتكلم عن تجربتي الوالد معه GX460

وإلغاء فئة vx بس عند عبداللطيف جميل لكنها موجوده بالخليج

[كومبو]

اخوي سردك حلو ولو انك جانبت الصواب بتحديد تويوتا
والصح ان جميع السيارات اصبحت كرتونية وليست تويوتا فقط
وساقتبس ماطرحت بتحديد اللاند كروزر وصداماته اصبحت فيبر ولاتتحمل نعم هذا الكلام صحيح
ولاكن هل الفورد باقي كما هو هل الجمس لازال صدام حديد
كل السيارات تصنع بنفس الطريقة والاليه مع اختلاف الاذواق وبسيط الفرق بالجوده
تجي للسعر تقول الفي اكس ار يوصل 300الف طيب الاسكاليد سعره حول 280الف ونفس مكينة اليوكون والتاهو
ولايتحمل البر كما الفكس ار ولا هو بجودة الفي اكس ار
نجي للدينالي سعره 200الف ريال نفس سعر الجي اكس ا
نجي لل اس ال تي 180 الف
اذا الاسعار كلها عاليه وليس حصرا على تويوتا
والتويوتا قياسا بالاسعار افضل الموجود من ناحية الجوده
جربنا الجموس والجيوب والافضل الجيوب بدون منازع حتى لوفرق السعر
انا اذا بدفع 200الف او 180 الف ومن تجاربي ماحطها بامريكي ابدا
اختار نيسان او تويوتا
وهذا الواقع الي الناس عارفته من تجربه الناس مااختاروا تويوتا عشوائي بل تجارب

واخيرا يتضح ان الهدف هو النيل من شركة تويوتا وختامك للموضوع بمقاطعة شركة تويوتا وهذا
قد يفقد الموضوع جوهره وحبيت ان تصفها بالشركة المسماه تويوتا

خبرك عتيق
اليوكن السياحي ألحين بـ 167.000 ريال
sLT وصل 220.000 تقريبا

[كومبو]

والله ياشباب إني كنت دايخ بشيء إسمه (عشة) وإلى الان لكن الصناعات الجديدة من تويوتا مهب هاك الزود
لافخامة لاقوة ضعف البدي أماالأخ اللي يقارن بالسكاليد والاند حبيبي الاسكاليد والدينالي مكينته 6 لتر واليوكن والتاهو 5,3 وبعدين الاسكاليد يستاهل تقارن فخامته بالمصخره ولا القوة ولا الشكل ولا الجودة وش جاب لجاب
ياأخوي بسعره أطك جيب بورش مو موتر أمشي فيه مثلي متل الناس


مايتقارن باللاند يتقارن بالسكويا
الدينالي والإسكاليد 6.2 لتر بصافي 403 حصان مع عزم 417
السكويا 5.7 لتر بصافي 381 حصان مع عزم 401

اليوكن العادي 5.3 لتر بصافي 320 حصان مع عزم 335

[مكشاتي اصلي]

السلام عليكم

بس انا عندي وجهة نظر
اللي يحافظ على السياره بإذن الله انه راح تبقى معه مهما كانت شركته
واللي ما يحافظ على السياره مثلي ما له الا تويوتا
جربت هايلوكس بدون دبل وكل اسبوع بالنفود وما شاء الله غير الصدامات ما فيه شي خرب ميكانيكيا
بس ما عليك الا تغير زيت و تعبي بنزي وتوكل
بعدين انا اذا رحت للنفود الموتر تتفتف من دخلتي الى اطلع
بحكم ان الموتر ما به دبل و النفود بحايل مهو سهل
وكل واحد وهواه

[عاشق القرى]

تفاعل طيب وممتاز من الجميع وكل له رأيه واجتهاده وتجربته إن صح التعبير..

لي عودة بإذن الله ..

[شاق النفد]

يعني يا عاشق القرى اللي مهوب ماخذ تويوتا بيكون مفتح واللي معه ملعوب عليه!!!!!!!
اولا والله ما تضمن بعد الله الا تويوتا وكلامي للامريكي واخوه في الخرابات نيسان
ثانيا حاول انك تابع احصائيات المبيعات للشركات وتعرف ان تويوتا مالها منافس ابدا

[عاشق القرى]

^^^ ياكثر المدرعمين ..

ياأخي شكل ماقريت موضوعي زين ..

[محمد 2002]

موضوع ممتاز إذا تجنبنا التعصب الأعمى لصالح أو ضد اي سيارة
وقبل أكتب أي شيء انا مستخدم تويوتا ( موديل قديم )
رأيي الشخصي ان تويوتا اكتسبت شهرتها بعد توفيق الله بسبب جودة صناعة سياراتها ( الموديلات القديمة ) وتوفر ورخص أسعار صيانتها وقطع غيارها
ولكن سيارات تويوتا الحديثة تخلت عن كل ما سبق وشهرتها السابقة لا تزال راسخة في رؤوس البعض حتى يجربوا موديلاتها الحديثة
طبعا ما جبت شيء من عندي مجرد بحث بسيط في الشيخ قوقل يبين كل كلمة كتبتها وقبل ينفي هذا الكلام احد ما عليه سوى أن يكتب في محرك البحث مشاكل اللاندكروزر على سبيل المثال ويشوف الأدلة والبراهين بأم عينه من مستخدميها الي يشتكي من تعطل الدبل فجأة والي يشتكي من ندرة بعض القطع الإستهلاكية أو غلاء اسعارها والي يشتكي من مثبت السرعة ولي موضوع منقول قبل فترة عن واحد مشتري جيب ب 217 ألف ريال وثاني يوم يكتشف انه مهرب بنزين !!! طيب مثل هذا الجيب وغيره ماهو يفترض ان الوكيل الحصري يكلف موظفين بالتشييك على السيارات قبل خروجها !!
خذ مثال ثاني
واحد من الأعضاء هنا في خيمة الأعطال صدمنا بقوله ان الدبل في الاف جي تروسه ( بلاستيك ) !!! يعني علاوة على ان الدبل يشتغل بدينمو كبر الكف طلعت حتى التروس بلاستيك !!!
أما بخصوص البدي فيبر أو مواد حساسة وضعيفة أشوف تقريبا أغلب السيارات الجديدة متقاربة في هذا ( العيب ) البعض يعتبرها ميزة لأن السيارات صارت أخف واسرع ولكن اشوف انها عيب أكثر من ميزة لسهولة تفككها وهربدتها هي وكلبساتها

وفي الختام
أي سيارة صارت قطعها ملفقة وكل قطعة مسجل عليها بلد صناعة مختلف ( قرب الصابون وأغسل يدينك منها ) وستبدي لكم الأيام ما كان خافيا

[XRAY MAN]

موضوع ممتاز إذا تجنبنا التعصب الأعمى لصالح أو ضد اي سيارة
وقبل أكتب أي شيء انا مستخدم تويوتا ( موديل قديم )
رأيي الشخصي ان تويوتا اكتسبت شهرتها بعد توفيق الله بسبب جودة صناعة سياراتها ( الموديلات القديمة ) وتوفر ورخص أسعار صيانتها وقطع غيارها
ولكن سيارات تويوتا الحديثة تخلت عن كل ما سبق وشهرتها السابقة لا تزال راسخة في رؤوس البعض حتى يجربوا موديلاتها الحديثة
طبعا ما جبت شيء من عندي مجرد بحث بسيط في الشيخ قوقل يبين كل كلمة كتبتها وقبل ينفي هذا الكلام احد ما عليه سوى أن يكتب في محرك البحث مشاكل اللاندكروزر على سبيل المثال ويشوف الأدلة والبراهين بأم عينه من مستخدميها الي يشتكي من تعطل الدبل فجأة والي يشتكي من ندرة بعض القطع الإستهلاكية أو غلاء اسعارها والي يشتكي من مثبت السرعة ولي موضوع منقول قبل فترة عن واحد مشتري جيب ب 217 ألف ريال وثاني يوم يكتشف انه مهرب بنزين !!! طيب مثل هذا الجيب وغيره ماهو يفترض ان الوكيل الحصري يكلف موظفين بالتشييك على السيارات قبل خروجها !!
خذ مثال ثاني
واحد من الأعضاء هنا في خيمة الأعطال صدمنا بقوله ان الدبل في الاف جي تروسه ( بلاستيك ) !!! يعني علاوة على ان الدبل يشتغل بدينمو كبر الكف طلعت حتى التروس بلاستيك !!!
أما بخصوص البدي فيبر أو مواد حساسة وضعيفة أشوف تقريبا أغلب السيارات الجديدة متقاربة في هذا ( العيب ) البعض يعتبرها ميزة لأن السيارات صارت أخف واسرع ولكن اشوف انها عيب أكثر من ميزة لسهولة تفككها وهربدتها هي وكلبساتها

وفي الختام
أي سيارة صارت قطعها ملفقة وكل قطعة مسجل عليها بلد صناعة مختلف ( قرب الصابون وأغسل يدينك منها ) وستبدي لكم الأيام ما كان خافيا



تروس بلاستيك هههههه

وين الله يجزاك خير

[تساهيل1]

لاتشتريهإ
خلهآ غيرك يبيهآ

[أبوحافظ]

تويوتا لم تعد بجودتها السابقه

ولكن تعتبر الافضل حاليا في السوق حتى السيارات الحكومية في القطاعات الامنية خاصه حرس الحدود ما يعتمدون الا على تويوتا بالدرجه الاولى

وافضلها الصناعة اليابانية اللي ماصارت على ما اظن الا في الاف جي والكورلا اللكزس

ايضا تجميع السيارات او الديكورات في احواش ابوجميل تعد مشكلة


هذي وجهه نظري
تحياتي للجميع

[كومبو]

مبيعات السيارات العائلية والبيك أب خليجيًا ,, 2013 كاملًا (http://www.mekshat.com/vb/showthread.php?t=627315) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=627315) 2 (http://www.mekshat.com/vb/showthread.php?t=627315&page=2))

سيارات تايوتا العائلية الكبيرة هي الأكثر مبيعًا في الخليج لعام 2012 (http://www.mekshat.com/vb/showthread.php?t=563699)

[محمد 2002]

أخوي رجل الأشعة المقطعية نعم تروس بلاستيكية على حسب كلام راعيه حتى أنا استغربت مثلك ولكن على ما قالوا الأخوان المصارية
( المخرج عاوز كدا )
وهذا رابط الموضوع الي يقول راعيه تروس بلاستيك

http://www.mekshat.com/vb/showthread.php?t=622545

[تميم2222]

اتفاق الوكيل مع تجار المعارض وطريقه التسويق وتلاعب الاسعار بينهم اظن لها دور كبير. في فقد ثقه المستهلك بالشركه

[Nasser33]

خلونا نتكلم بصراحه كل السيارات الحين فيبر والمونيوم
وتايوتا من ناحيت الجوده وتحمل الكرف افضل الشركات ويجي بعده النيسان
يعني ماتقارن اكسبدشن ولا يوكن بلاندكروزر ولا باترول معروف الياباني افضل السيارات بالسوق
حتى لو سعره غالي بالبيع ماسك سعره عكس الامريكي وغير كذا اشتري لاندكروزر بـ200 الف يقعد معي 15 سنه
ولا اشتري لي امريكي بـ150 الف وان جلس نصف المده زين

[صلهامه]

كان عندى كريسيدا 2009 جي ال اكس ما شفت منها الا كل خير لمدة 25 سنه
واشتريت جي اكس آر اصدار الصخرة الجديد 2013 ما كمل معى ثلاث اشهر ما مشى الا 500 خمسمية كيلو متر وبعته بيعة ,,,,,,,, عجزت اهضمة فعلا جودة سيئة ومن أسوأ الصناعات فيه صوت تنسيم هواء مع ضغط الفرامل والنور الواطي يهتز مع المطبات ولا فيه صاجه اللى تغطى الأسلاك اللى تحت الدركسيون , والحين دخلت سيارتى القديمة باجيرو ربع 2001 لورشة وصرفت عليها 10000 ريال وطلعت من أبدع ما يكون .

الخلاصة فعلا سيارات تويوتا ما عاد هي مثل أول وصدقت من يوم جربتها

[sgl2002]

مشكلة اكثر الاعضاء حاجتين


يمدح موتره - يتكلم بدون تجربه





تويوتا لاندكروزر كانت من عام ٩٢ الى ٩٧

نيسان باترول من ٨٨ الى ٢٠١٤



هل اللاند اللي يستخدمون الموتر في البر غالبا ياليت يتكلمون عن مشاكل العكوس وجلدها والدودة وجلد البلوف والكلتش ورجة العمدان

[Joker fj]

من ناحية الصناعه فجميع السيارات في هذا الوقت متقاربه كنوع الصدامات او قوة الحديد اما من ناحية السعر فهذا صحيح الأرتفاع في القيمه مشكله كبيره اما من ناحية الصبر والقوه فأنا إلى الآن مع تويوتا في الصبر والقوه والتحمل وهذا مايثبته الواقع وهذا واضح للجميع

Sent from my SM-N9005 using Tapatalk

[مفضخ الشري]

هل اللاند اللي يستخدمون الموتر في البر غالبا ياليت يتكلمون عن مشاكل العكوس وجلدها والدودة وجلد البلوف والكلتش ورجة العمدان

اي موتر تستخدمه في كشتات ولا في قنص طبيعي بتخرب فيه بعض الاشياء ولازم له صيانه دوريه

اتكلم لك بحكم ان عندنا بالبيت جكسار و فكسار من شكل 98
الجكسار حق مكده مايطلب شيء و تونا مغيرين له مكينه بعد ممشى 430 الف و كثر الله خيره لأنه مع الوالد و ماقد فتح كبوته يشيك على ماء ولا على زيت و التخبيط بسبب الزيت
لكن الدوده ماقد تعطلت اللهم اني غيرت لها خرطوش حق العلبه كان يهرب من زمان هالكلام والى الآن ماشي زي الورده
رجه العمدان هذي بكل انواع الجيوب لا تقول لي محصورة على كروزر ولا غيره اي جيب موديله قديم لابد من رجه في العمود و خصوصاً اذا رفعت الموتر

العكوس في الفكسار و الجكسار على شد الياباني محد لمسها من وقت شراء الموتر
و الفكسار نادره اعطاله الميكانيكيه و للامانه الى الان ماصلحنا فيه شيء متعطل (ميكانيكي) وهو ماشي فوق 300 اللهم بواجي و فلتر هواء وكلتش مروحه و صك كبوته

بالمقابل نسمع عن مشاكل حرارة الباترول و خرابات طبلونه و مشاكل الكهرب من كتاوت قير وطرمبه... الخ و الرديتر اللي يخاف منه راعي الموتر بسبب كثره الباترول اللي خلط زيت وماء بالرديتر
و رجه العمدان على كلامك اكثر مانشوف الفرارات على الباترول و قليل تشوفها على كروزر و مشاكل قزوز الباترول و كثره تنسيمه و مشكله التانكي الاحتياطي

فـ زي ماقلت لك موتر تكشت به لا تدقق به لابد من الصيانه لو كان ماكان
تكفي البطانيج تفكك الموتر من اوله إلى اخره و تقرص الصوف و تحوس الموتر حوس

مع العلم ان موتري نيسان باث ترا ولو تخيرني بين فتك ولا لاندكروزر باخذ فتك وانا مغمضضضض بس الحق حق الكروزر في المكده ماشفت زيه موتر ابد ولا يعرف كلامي الا اللي فاك لاندكروزر وكاله على يده
اما كديش المعارض فهن واجد و بلاويهن واجد سواءاً كروزر ولا باترول

[sgl2002]

اي موتر تستخدمه في كشتات ولا في قنص طبيعي بتخرب فيه بعض الاشياء ولازم له صيانه دوريه

اتكلم لك بحكم ان عندنا بالبيت جكسار و فكسار من شكل 98
الجكسار حق مكده مايطلب شيء و تونا مغيرين له مكينه بعد ممشى 430 الف و كثر الله خيره لأنه مع الوالد و ماقد فتح كبوته يشيك على ماء ولا على زيت و التخبيط بسبب الزيت
لكن الدوده ماقد تعطلت اللهم اني غيرت لها خرطوش حق العلبه كان يهرب من زمان هالكلام والى الآن ماشي زي الورده
رجه العمدان هذي بكل انواع الجيوب لا تقول لي محصورة على كروزر ولا غيره اي جيب موديله قديم لابد من رجه في العمود و خصوصاً اذا رفعت الموتر

العكوس في الفكسار و الجكسار على شد الياباني محد لمسها من وقت شراء الموتر
و الفكسار نادره اعطاله الميكانيكيه و للامانه الى الان ماصلحنا فيه شيء متعطل (ميكانيكي) وهو ماشي فوق 300 اللهم بواجي و فلتر هواء وكلتش مروحه و صك كبوته

بالمقابل نسمع عن مشاكل حرارة الباترول و خرابات طبلونه و مشاكل الكهرب من كتاوت قير وطرمبه... الخ و الرديتر اللي يخاف منه راعي الموتر بسبب كثره الباترول اللي خلط زيت وماء بالرديتر
و رجه العمدان على كلامك اكثر مانشوف الفرارات على الباترول و قليل تشوفها على كروزر و مشاكل قزوز الباترول و كثره تنسيمه و مشكله التانكي الاحتياطي

فـ زي ماقلت لك موتر تكشت به لا تدقق به لابد من الصيانه لو كان ماكان
تكفي البطانيج تفكك الموتر من اوله إلى اخره و تقرص الصوف و تحوس الموتر حوس

مع العلم ان موتري نيسان باث ترا ولو تخيرني بين فتك ولا لاندكروزر باخذ فتك وانا مغمضضضض بس الحق حق الكروزر في المكده ماشفت زيه موتر ابد ولا يعرف كلامي الا اللي فاك لاندكروزر وكاله على يده
اما كديش المعارض فهن واجد و بلاويهن واجد سواءاً كروزر ولا باترول


اللي ابي اوصل له نفس كلامك


ان لا احد يجي ويقول الموتر هذا مايخرب


لاني جربت اللاند وجربت الباترول وكلها بها خرابات تفرق عن الثاني ( طبعا تجربتي للباترول 4500 و 4200 يعني الفتك مانيب بصوبه )

لذلك دام الخرابات فيني فيني اخذ اللي يجمل بي في البر

[صفحة تربوية]

خلاصة القول

تويوتا هو أفضل الموجود الان

لكنه ليس كالسابق

الجيل الذهبي لتويوتا

1980 إلى 1997

[adel-2014]

جانب من كلامك صحيح أخوي ولكن جميع السيارات الآن سياستها مثل سياسة تويوتا في المبيعات عندك بدائل كثيرة ولكن يعيق هذه البدائل شعبيتها في السوق وقطع الغيار الإستهلاكيه الغاليه مقارنه بالمنافسه من الشركات الآخرى ووكالائها واكلمك من تجربه لهذه السياره وكلنا نعرف الموديلات الجديده لتويوتا مو مثل الموديلات 2005 الجيل القديم يجبرنا ع شرائها ليست جودتها أو المييزات الى مش موجوده بالشركات الأخرى ولكن سمعتها في السوق وتوافر قطع غيارها والوكيل وسهوله صيانتها ومميزاتها عند البيع ماسكه سعرها

اقولك يا أخوي شمعة تويوتا للأن في السوق ومحبين الشركه متامسكين فيها مع العلم في بدائل اجود وأفضل ولكن مالها شعبيه ويطيح سعرها بشكل رهيب

[ABO AZZAM 123]

يا رجال أنت تستهبل ولا من جدك يا كاتب الموضوع ؟؟

يعني تبي تقنعني ان تويوتا هي السيارات الوحيدة اللي صداماتها فيابر وجودتها رديئة ؟؟


ياحبيبي العالم متطور والسيارات كل ما لها في تطور اكثر واكثر

مشكلتكم مع التويوتا فقققققط

والله لو التويوتا يصنع مثل جيوبه الأولى في الشكل لتجون تناقزون تويوتا ما تواكب العصر تويوتا قديمة تويتا وتويوتا

والحين صنعت وواكبت العالم ونطيتو تويوتا وتويوتا

ياحبيبي أتحداك ثم أتحداك ثم أتحداك انك تمر من شارع ماتلقى فيه سيارة تويوتا

شركة جبارة كفوو تعرف كيف تصنع وأهم ما يميزها الجوووودة لجل تسذا تلقى هذي الشركة مبيعاتها من أكبر المبيعات في الشرق الأوسط أو الخليج العربي

وبعدين بالنسبة للخرابات فمثل ما تعطي موترك راح يعطيك مهما كانت الصناعة والله لو ان معك بنتلي ما تحافظ عليه وتقعد تطامر به بكل مكان وما تواضب على التشييكات والزيوت ان يخرب عليك لا نجي نضحك على بعض


قال انطفت شمعتها قال

[أطلال نجد]

خلاصة القول

تويوتا هو أفضل الموجود الان

لكنه ليس كالسابق

الجيل الذهبي لتويوتا

1980 إلى 1997

من وجهة نظري أن نيسان هي أفضل الموجود حالياً و بعدها ميتسوبيشي ثم مازدا
لكن كثير من الناس هنا لا ترى إلا بعين واحده

[sgl2002]

يا رجال أنت تستهبل ولا من جدك يا كاتب الموضوع ؟؟

يعني تبي تقنعني ان تويوتا هي السيارات الوحيدة اللي صداماتها فيابر وجودتها رديئة ؟؟


ياحبيبي العالم متطور والسيارات كل ما لها في تطور اكثر واكثر

مشكلتكم مع التويوتا فقققققط

والله لو التويوتا يصنع مثل جيوبه الأولى في الشكل لتجون تناقزون تويوتا ما تواكب العصر تويوتا قديمة تويتا وتويوتا

والحين صنعت وواكبت العالم ونطيتو تويوتا وتويوتا

ياحبيبي أتحداك ثم أتحداك ثم أتحداك انك تمر من شارع ماتلقى فيه سيارة تويوتا

شركة جبارة كفوو تعرف كيف تصنع وأهم ما يميزها الجوووودة لجل تسذا تلقى هذي الشركة مبيعاتها من أكبر المبيعات في الشرق الأوسط أو الخليج العربي

وبعدين بالنسبة للخرابات فمثل ما تعطي موترك راح يعطيك مهما كانت الصناعة والله لو ان معك بنتلي ما تحافظ عليه وتقعد تطامر به بكل مكان وما تواضب على التشييكات والزيوت ان يخرب عليك لا نجي نضحك على بعض


قال انطفت شمعتها قال



انتشار السياره بكثره ليس دليل على جودتها فقط


وانما على نجاح وكيلها في تسويق سلعته



عبداللطيف جميل يملك جزء كبير من شركة تويوتا


فطبيعي انه بيهتم بتسويق سلعه



والا رح الامارات توني جاي منها امس كل الشوارع عندهم باترولات اكثر من تويوتا

[عاشق الددسن92]

تويوتا لم تعد بجودتها السابقه

ولكن تعتبر الافضل حاليا في السوق حتى السيارات الحكومية في القطاعات الامنية خاصه حرس الحدود ما يعتمدون الا على تويوتا بالدرجه الاولى

وافضلها الصناعة اليابانية اللي ماصارت على ما اظن الا في الاف جي والكورلا اللكزس

ايضا تجميع السيارات او الديكورات في احواش ابوجميل تعد مشكلة


هذي وجهه نظري
تحياتي للجميع


اكثر شي اشوفه مع حرس الحدود شاص النيسان
والدفاع المدني جيب النيسان

[كومبو]

منذ 2005 والتويوتا هي الأكثر مبيعًأ في الخليج
وليس هناك شركة قريبة منها حتى بنصف المبيعات

أي إنطفاء شمعه بس
أكثر السيارات مبيعًا في فئتها التويوتا خليجيًا 2013
اللاند
اف جي
برادو
شاص
هلي
LX570
GX460

سيارتين هي اللي ما تصدرت فقط
السيكويا نعذرها لأن ما لها 5 سنوات
الرافور سعره غالي لذلك التوسان أكثر

أما عالميًا
تويوتا باعت في 2013 - 8,088,252 سيارة
بعدها الفلوكسواجن 6,334,611 سيارة
فورد 5,708,002 سيارة
شفر 4,984,126 سيارة
هونداي 4,732,366 سيارة

باختصار تويوتا تفرد خارج السرب

[ذيب زلفاوي]

منذ 2005 والتويوتا هي الأكثر مبيعًأ في الخليج
وليس هناك شركة قريبة منها حتى بنصف المبيعات

أي إنطفاء شمعه بس
أكثر السيارات مبيعًا في فئتها التويوتا خليجيًا 2013
اللاند
اف جي
برادو
شاص
هلي
LX570
GX460

سيارتين هي اللي ما تصدرت فقط
السيكويا نعذرها لأن ما لها 5 سنوات
الرافور سعره غالي لذلك التوسان أكثر

أما عالميًا
تويوتا باعت في 2013 - 8,088,252 سيارة
بعدها الفلوكسواجن 6,334,611 سيارة
فورد 5,708,002 سيارة
شفر 4,984,126 سيارة
هونداي 4,732,366 سيارة

باختصار تويوتا تفرد خارج السرب

المصدر لا هنت

[أطلال نجد]

منذ 2005 والتويوتا هي الأكثر مبيعًأ في الخليج
وليس هناك شركة قريبة منها حتى بنصف المبيعات

أي إنطفاء شمعه بس
أكثر السيارات مبيعًا في فئتها التويوتا خليجيًا 2013
اللاند
اف جي
برادو
شاص
هلي
LX570
GX460

سيارتين هي اللي ما تصدرت فقط
السيكويا نعذرها لأن ما لها 5 سنوات
الرافور سعره غالي لذلك التوسان أكثر

أما عالميًا
تويوتا باعت في 2013 - 8,088,252 سيارة
بعدها الفلوكسواجن 6,334,611 سيارة
فورد 5,708,002 سيارة
شفر 4,984,126 سيارة
هونداي 4,732,366 سيارة

باختصار تويوتا تفرد خارج السرب

قلنا أكثر من مرة أن لغة الأرقام في المبيعات لا تعني جودة المنتج

تبي تقنعنا يعني أن تويوتا أفضل من فيلكس فاجن ؟؟؟

الوكيل يلعب دور كبير وجوهري في هذه المسألة و يكفي فقط العروض التي تقدمها تويوتا هذا غير نظام التأجير و بيع السيارات بالأقساط المريحة وحتى الأشخاص الذين في قائمة البلاك لست يمكنهم الحصول على سيارة تويوتا متى ما شاءوا عكس الشركات الأخرى هذى ما عملتها إلا تويوتا هذا غير السمعة القديمة ومحبة الناس التي اكتسبتها تويوتا في الفترة الزمنية الماضية ما بين 1980 و حتى 1997 أو لنكن منصفين أكثر حتى 2005 و خسرتها مؤخراً عند كثير من الناس و أنا أولهم لأنني كنت من عشاق تويوتا و امتلكت أكثر من عشر سيارات منها سابقا و من منا يستطيع أن ينسى الكرسيدا و اللاندكروزر والكامري و الهايلكس ما قبل 1997

هذه هي قصة أرقام مبيعات تويوتا إن صحت باختصار شديد ...