استفسار شراء سيارة من الكويت

[القوة العاشرة]

انا بروح الاسبوع الجاي الكويت وأبي اعرف اماكن معارض السيارات مثل جليب الشيوخ او حراج الجهراء ومتى يكون عرض اكثر لسيارت مثل يوم الجمعة والسبت وافضل مكان فحص سيارات وهل حراج الجهراء احصل فيه شي نظيف والمرور متى يقفل الجمعة والسبت وكم رسوم التصدير من المرور وشكرا

[أبو تركي82]

حياك الله بالكويت
الحراج افضل يومين الجمعه والسبت تكون العصر كله فيه واذا ما لقيت مطلوبك فيه تطلع بعد المغرب لدوار ضاحية صباح الناصر ودوار ضاحية جابر العلي بينهم تقريبا مسافة نص ساعه تلقى سيارات معروضه للبيع بس اهم شي يكون يوم الجمعه والسبت والمعارض فيه بمنطقة الري بس ما انصحك تروح لهم لان اغلبهم نصابين
والافضل منهم برنامج بالايفون اسمه 4sale
وشركات الفحص افضلهم جولدن صن بمنطقة الري خلف صفاة الغانم
اما طريقة التصدير ما اقدر افيدك فيها
المرور موجودين يوم الجمعه والسبت العصر
اتمنى اني افدتك

[القوة العاشرة]

هذا حراج الجهراء اللي تقول عنه
طيب معارض جليب الشيخوخ وفحص الرمال الذهبية وش رايك فيه

[بدوي نمبر ون]

طيب ابوتركي الجيوب وين نلقاها اكثر شي
واسف على المداخله لكن نفس الاسئله

[طلااالي]

الطريقة الأولى ادخل موقع كويت كار أو كويتي سيل أو أي موقع بالانترنت .. ثانيا في اغلب الدوارات الكبيره فيه تلقى السيارات وكل سيارة عليها ورقه مكتوب صبغ وكاله والا لا وكم ماشي واذا محدد السعر ورقم تلفونه والطريقة الثالثه مكاتب السيارات بالري اغلبها والطريقة الرابعه تروح الحراج مثل ماأفادوك الشباب والحراج تعرف في كل مكان اما تكون خبير او يشتري لك خبير والطريقة الخامسة تروح بيت التمويل بالحووش اللي جنبه في سياراات جديده مستعمله اخر موديلين او ثلاث ومثله وغالبا جديده الطريقة السادسه أذكر كان في أحواش بمنطقة أمغره تبيع سيارات مستعمله استيراد وبعضها تبع شركات ويبيعون مجموعات للمكاتب وشيء يتصدر برى لكن جيتهم من سنتين قالوا رحلوهم لمنطقة الشويخ أبحث عن الاحواش عنهم لان اذا حصلت كامري تلقى مثلا ثلاثين او اربعين او كابرس او فورد واسعارهمم معقوله جدا .

[ابا سديم]

السؤال هل الاسعار تستاهل ام انها نفس اللي هنا

[ابوسند9]

اللى اغلى من السعوديه اخوي لا تتعب نفسك

[ابوسند9]

حبيت اضيف حاجه اذا انت معزم لازم يكون معك صوره من الجواز او الجواز افضل عشان التصدير

[أبو تركي82]

الرمال الذهبيه انا والله مو مقتنع فيه ولا عمري فحصت عنده كل فحوصاتي مثل ما قلت بفحص قولدن صن وجليب الشيوخ ما اعرف معارضها
وبخصوص الجيوب فيه 3 مكاتب في منطقة ابو حليفه ومكتب في بمطقة الري بجانب مجمع الافنيوز
ان شاء الله اكون افدتكم

[القوة العاشرة]

ابو تركي / طلااالي

الله يعافيكم ماقصرتو

[النويبي]

السلام عليكم
يعتمد على نوع السياره الي تبي تشتريها
أبعد عن الحراج لأنه كله شريطيه و نصابين , دش مواقع النت مثلا كويت كار أو برنامج الايفون فورسيل
و عندك مكاتب السيارات , مكاتب العارضيه الصناعيه و الري, مكاتب السالميه و حولي
و مثل ماقتلك يعتمد على نوع السياره
و الفحص أفضل واحد بالكويت بدون منازع الرمال الذهبيه
و لازم تفحص , لاتاخذ على كلام البايع
و موفق

[القوة العاشرة]

انا ابي اشتري من المالك مباشره مو من مكتب المكتب غالي اذا تعرف وين اكثر شي القى من المالك مباشره غير النت وين مواقع البيع

[أبلج]

اذا كنت تريد شراء سيارة من المالك مباشرة انصحك فبل لا تتعنى للكويت انك تتابع موقع كويت كار ولا تستعجل حتى تجد السيارة اللي تبيها وبالسعر المعقول وتتصل على راعيها وتتفق معاه شرط الفحص وتجي الكويت وانت عارف هدفك لأنك خابر ان المسافر وقته ضيق ومحدود وبالنسبة للفحص انا جربت فحص الرمال الذهبية ممتاز ونصيحة لك انك تصلي العصر عندهم أو تروح الصبح مبكر مع البايع علشان تكون من اول الناس وما تتأخر أما بالنسبة للمرور فهناك مراكز تفتح الجمعه والسبت واجراءات التصدير اسأل عنها وخل أوراقك جاهزة

[escape_man]

من المالك مباشرة مالك الا مواقع النت مثل هالموقع

http://www.hrajcar.com/Result_ar.aspx?ses=FMVD196fmv

الاسعار ماتستاهل العنوه والجيوب خاصة الياباني مو مرغوبة بكثرة بالكويت .. الكويتي يعشق الامريكي.

حراج الجهراء لا تضيع وقتك فيه .. على كلام واحد من الجماعة ساكن بالجهراء وعنده سكراب بامغره يقول ابعد عن هالسوق .. مضروب.

الفحص انصحك بالرمال الذهبية .. جربتهم ودقتهم عالية .. ونصوحين .. لاخلص الفحص يمسكك على جنب احيانا لا لقى الموتر لك عليه يقول لا تشتريه.