سؤال لمن جرب او عنده خلفيه.عن الباترول بمكينه لكزس

[الشلاعي]

السلام عليكم ورحمه الله وبركاته

اسعد الله مساء -صباح الجميع

اخواني لاحضت في الايام الاخيره

كثره في ترهيم ماكينه لكزس للجيوب الباترول.

ابي منكم اللي جربها

ماهي سلبياتها وايجابياتها

وهل يصلح الموتر المرهم للاستخدام اليومي ؟؟

وهل هي كثيرة المشاكل؟ والخرابات


ودمتم

[أبو أسامة]

وعليكم السلام ورحمة الله وبركاته
نعم أخوي أنتشرت على البترول بسببين الاول عملانيتها والثاني رخصها في السابق أما الان صارت غالية في السابق يركبونها جاهزه على موترك ب10 اما الان 17 .... تبي نصيحتي خلك على مكينة شد بلده او زد ال17 و اخذلك مكينة فتك تطبق على نفس القير والكراسي وحتى بعض الليات نفس القديمه او ركب مكينة فكس آر 98 ...8 سلندر وعمود الكرنك حديد وثقيل وماهو مثل عمود اللكزس خفيف واللمنيوم ..

وبالتوفيق للجميع

[الشلاعي]

مشكور يابو اسامه وبأنتظار باقي الاخوان

[الشلاعي]

يا اخوان ,انا اسألكم عن تجربه الماكينه على الموتر

لان معروض علي باترول بمكينه لكزس
وكثير ناس قالو لي ماينفع اذا مرهم

[sgl2002]

اكثر من واحد مركب مكينة لكزس على الباترول واستخدام يومي ومرتاحين ومايخلون ديرة عليها

خذه وتوكل خصوصا ان الرجال رهم وخلص والمشاكل اللي تظهر بعد الترهيم ضبطها وصار الموتر جاهز للاستخدام

وانا ناوي ان شاء الله اشتري ربع باترول قديم واضبط له مكينة لكزس

[السامي2011]

والله على حسب اذا انت رجال راعي سعه صدر ولا عندك مشكله تتقبل الخرابات المفاجئة وغيره

تراهـ كويسه

[يالبى الهلا]

القومه سريعه مثل الاريون قوة السحب عاليه جدا العزم لايضعف مهما تسارعت
الحراره تتحمل لان ماكينته صنعت لتحدي الماركات الاخري
عمود الكرك المنيوم خالص ممكن تصنيعه غالي جدا
ماكينة الفكسار نفس ماكينة الكزس ولكن يختلف عمود الكرنك مصنوع من الحديد

[You Like Me]

اذا بتناظر السيارة وبتداريها بتعيش معك سواءً بلد او مرهم
اما اذا انت راعي تفجير وماتفتح الكبوت خير شر وما تشتغل بيدك
كل ما سمعت شي رحت للورش ابعد عن الترهيم ولا تفكر فيه

خذها قاعده مافيه مرهم ومايجيك منه مشاكل
انت تبي القوه لازم تقدم تنازلات
ومكينة اللكزس فيها باور لكن مافيها تورك
بمعنى انت راعي خطوط وراعي جلد تنفع لك وقويه
اما اذا راعي نفود ومراقى خلك على مكينة البلد احسن

ونصيحه اذا بتخسر اخسر على شي يبرد كبدك في الخط وفي البر
اذا مالك في مكائن الامريكي

خذلك 4500 او 4700 تويوتا
وإلآ فتك 4800 واطرب نفسك

والله يكتب لنا ولك اللي فيه الخير

[خبايا انسان]

والله كثير الي ركبوا مكينة اللكزس ,, لاكن ماعمرنا شفنا لها مقاطع تسارع او اداء ف البر ,,

[الشلاعي]

واذا انا عاقل وبداري الموتر ولاتفجير ولا بطيخ ..... حق سفر واذا احد تحداني بكتم بلفه هههههههه تصلح؟

[الشلاعي]

.................

[خبايا انسان]

الشلاعي ,, انا لي فوق ال 7 شهور ,, محتار بين اللكزس و مكينة اليوكون 5300


والى الان ماحد افادني الافاده الكامله ,, كلن يمدح ولده على ماقالوا


لاكن ننتظر ونشوف لين نرسي على يم

[السومر]

من خلال ردود الاخوه أتضح أن مكينة الكزس للأستخدام على الخطوط ممتازه

ولكن في النفود يبدوا عزمها ضعيف يعني باترول قوة مكينته 4200 يمكن افضل منها طبعآ في التطعيس والمراقي

لكن اذا الارض في النفود متساويه ما اعتقد انه بيوقف لا صار منسم للكفرات

[Salamah.y]

تفضل هالفديو , جيب تويوتا عشّه , بماكينة لكزس 97 , ضد اف جي هدرز و فلتر
مع العلم ان العشة قير عادي شد بلد 4 غيار و الخامس الريوس ~


K9C0UwduxK0

http://www.youtube.com/watch?feature=player_embedded&v=K9C0UwduxK0

,

برأيي ان الأداء ممتاز لمن يريد الاستخدام اليومي و الخطوط
و التطعيس بيكون مستوى معقول , و مقبول جداً , و دام فيه دبل ثقيل , لا تشيل هم التورك
و اتوقع تكون على الباترول ممتازهـ , جداً

,

اما اذا انت راعي مراقى و تفجير طعوس و تحديات ضغط عالي
اكيد المكاين الامريكية بتكون أفضل خصوصاً , السعات الكبية 6 لتر او 6.2 لتر

موووفق ~

[خبايا انسان]

جميل جدا ,, وياليت لو فيه تسارع او اداء للباترول بمكينة اللكزس

[ابو سلطان898]

السلام عليكم ورحمة الله وبركاته

ابعطيكم العلم يالربع ان الله قاله ::

بعد معاناه في السؤال والبحث في النت وغيره لم اجد الجواب الكافي الوافي مثلكم فقررت خوض المغامره بنفسي وبحثت عن شخص موثوق ومتمرس واثنى الجميع على بدر الحمد وذهبت اليه وبعد ماجربت كذا موتر عنده جزاه الله خير الجزا قررت ان اركب مكينة الكزس على موتري نيسان 2006 اربع ابواب لكن المفاجاه كانت طول فترة التركيب فقد اشترط علي ان يبقى الموتر لأكثر من شهر ونصف عنده رضخت للامر بحثاً عن الجوده والامانه ولسبب اخر هو كثرة السيارات عنده خاصة سيارات الراليات والتطعيس الي عليها مكائن ال اس ون يعني زحمه شوي مالكم بالطويله طلع الموتر بعد شهرين الا والنتيجه كالتالي :
1ـ الصراحه والحق يقال شغل عدل وتركيب ممتاز وكهربا حلوه مره
2ـ المكينه طيبه من عدة نواحي والحمدلله الحراره لاتذكر والنقص لايوجد نقص ولله الحمد
3ـ اداء عالي وسرعه في الخطوط الطويله ممتازه
4ـ لامشاكل تذكر ابداً الى الان ولله الحمد
5ـ القومه والتورك نوعا ما يعتبر عادي يعني ماهنا زود عن شد البلد
المكينه تستحق التركيب يعيبها هنا سعرها غالي كلفتني 17 الف ريال وفي الامارات من 8الاف الى 9 الاف
وثلاث ايام وموترك طالع هذا الكلام نقل عن ربعي الي ركبوا هناك

[الشلاعي]

بيض الله وجهيكم يالاخوان,,, وياليت اللي جربها على موديلات من 93 لين 97 يعطينا رأيه وكيف تجربته لها

انا كل ما استشير واحد يقول كل شي مرهم مافيه خير هههه
واللي يقول لي كل شوي تتكسر الكراسي واللي يقول خرابات

ياليت الاخوان يفيدونا كي يستفيد الجميع

[RW7..ALBDAWA]

وآلله اللي اعرفه انهآ بالخطط تمششي ممشى احسن من مكينة الفتك ومن مكآئن التآيوتآ

وبالبر اقوىى من 4200 هذآ اللي اعرفه

بس ننتظر الافآده من البقيه ولأيهونون

[سوبر ساري]

الـ 5300 اذا انها ركبت صح أفضل لك من مكينة اللكزس والسعر متقارب وبامكانك تزود عليها بتكلفه أقل من اللكزس بكثير وأداءها بالطعوس أفضل .
وتقبل مروري يابعدي

[ms662]

السلام عليكم ورحمة الله وبركاته

ابعطيكم العلم يالربع ان الله قاله ::

بعد معاناه في السؤال والبحث في النت وغيره لم اجد الجواب الكافي الوافي مثلكم فقررت خوض المغامره بنفسي وبحثت عن شخص موثوق ومتمرس واثنى الجميع على بدر الحمد وذهبت اليه وبعد ماجربت كذا موتر عنده جزاه الله خير الجزا قررت ان اركب مكينة الكزس على موتري نيسان 2006 اربع ابواب لكن المفاجاه كانت طول فترة التركيب فقد اشترط علي ان يبقى الموتر لأكثر من شهر ونصف عنده رضخت للامر بحثاً عن الجوده والامانه ولسبب اخر هو كثرة السيارات عنده خاصة سيارات الراليات والتطعيس الي عليها مكائن ال اس ون يعني زحمه شوي مالكم بالطويله طلع الموتر بعد شهرين الا والنتيجه كالتالي :
1ـ الصراحه والحق يقال شغل عدل وتركيب ممتاز وكهربا حلوه مره
2ـ المكينه طيبه من عدة نواحي والحمدلله الحراره لاتذكر والنقص لايوجد نقص ولله الحمد
3ـ اداء عالي وسرعه في الخطوط الطويله ممتازه
4ـ لامشاكل تذكر ابداً الى الان ولله الحمد
5ـ القومه والتورك نوعا ما يعتبر عادي يعني ماهنا زود عن شد البلد
المكينه تستحق التركيب يعيبها هنا سعرها غالي كلفتني 17 الف ريال وفي الامارات من 8الاف الى 9 الاف
وثلاث ايام وموترك طالع هذا الكلام نقل عن ربعي الي ركبوا هناك

جزاك الله خير على الافادة
سيارتك فتك ولا 4500
تماتيك ولا عادي
الله يطعمك من خيره ويكفيك شره

[الشلاعي]

.................للرفع

[Abo_Faisal_506]

http://www.youtube.com/watch?v=Iz_phOW9jD4&feature=youtube_gdata_player
هذا تسارع باترول المديل القديم

[خبايا انسان]

http://www.youtube.com/watch?v=Iz_phOW9jD4&feature=youtube_gdata_player
هذا تسارع باترول المديل القديم
هذي مكينة 4800 فتك , وليست لكزس

[مكشآتي للآخر]

جت لي فترة خلاص على وشـك التـرهيـم
لاكن تعوذت من إبليس وبعت الموتـر
والحين والله يوم شفت الموضوع إشتهيت للترهيم
شكلي بشوف لي نيسان واطق له مكينة
بس إنآ صراحة إفضل مكينة الفتك
على كل المـكآين بس يعيبهآ سعرهآ
وإعتقد المكائن الامريكية تستجوب تحويلة إسترالية إعتقد تحويلة من عند القير

[Abo_Faisal_506]

قريت الردرد مكتوب فتك معدله وليست لكزس بس العنوان مكتوب لكزس

[Abo_Faisal_506]

http://www.youtube.com/watch?v=An68k62gBZ0&feature=youtube_gdata_player
هذي سته لتر ماشاء الله

[الشلاعي]

http://www.youtube.com/watch?v=Iz_phOW9jD4&feature=youtube_gdata_player
هذا تسارع باترول المديل القديم
ياليت تتأكد من المكينه ....... واشكر كل من شارك بالموضوع

[Abo_Faisal_506]

والله ما أدري بس يمكن دينالي

[Abo_Faisal_506]

الرابط الاول فتك مهب لكزس

[المنيعي1]

نا جربت موترين بترول
واحد مرهم لكزس والثاني فتك
جربتهن قومة داخل الديرة الكزس لاباس حليوه تحس أنه أنشط من الـ 4500
الفتك تحس بالفرق واضح وانشط من الكزس بواجد.
طبعاً كلهن فلتر وهدرز على كلام أصحابهن.

[abo mani3]

اذا على الموديل القديم

جربت 2 واحد صالون وواحد ربع كلها 91 لثنين من اخوياي وعندي كلبليتر صالون 91

الصالون مستواه في الخط اعلى من البرادو 6 سلندر الشكل القديم الي يسمونه 120

وفي النفود افضل من الوكالة بكثير

الربع في الخط جربنا مع ربع تويوتا فلتر وهدرز وراح النيسان

الربع نمشي وراه 215 وهو قدامنا

والنفود جربه راعيه ويمدحه وعلى كلامه ازين من الاند 8 سرندل

[الشلاعي]

مشكورين على الافاده

[شبل نايف]

انا ركبت ماكينة لكزس على باترول 4 ابواب
ومحمل العزبة كاملة واطلع للبر واروح لاي مكان لا صرفية بنزين ولا حرارة ولااي مشاكل
والعزم ممتاز ولله الحمد يعني رائع جدأ ماشائ الله عليه يمشي الى 220 واذا كان الهواء ضدك يمشي الى 180
بالمراقي والتطعيس لا باس فيه لكن يوجد مقارنة بينه وبين مكائن الامريكي عامة لكن اللكزس لا يوجد خرابات طبعا تعتمد على كيفية الشغل الزين والممتاز
تحياتي لك