اهل الباترول 97 وتحت الخبراء واهل التجارب ارجو الدخول عاجلا .. !!

[الرجم النايف]

احبتي اعضاء مكشات


:fالسلام عليكم ورحمة الله :f


اخواني انا معاي جيب باترول 97 كبريتر :l
وعندي بعض التساؤلات اتمنى الأجابه عليها


اولا ..


الموتر على وكالته يعني كل فيه شد بلد ولايعاني من اي مشكله ميكانيكيه اوغيرها


الموتر احس عزمه وفزته مو ذاك الزود لأني جربت التويوتا افضل منه بكثير
هل فيه اضافات بسيطه يتحسن من خلالها عزم الموتر ؟؟
سمعت الي يقول ركب ديلكو االكتروني والي يقول ركب فرار للدبل ... الخ ؟؟


ثانيا ..


مكيف الموتر عندي بالليل ياسلام وبالنهار القايله ماينفع ولايبرد
هل اذا ركبت مروحه للأديتر يكون تبريد الموتر ثلج بالقايله ؟؟
وماهي افضل مروحه ؟؟


واخيرا ,,


اذا كان هناك اضافات للموتر تحسن من أدائه اتمنى ذكرها
ولكم جزيل الشكر ..

[مطر وربيع]

سو اصلاح للكربريتر وتنظيف عند واحد معلم اكثر الي في الورش مايضبطون الكربريتر
مع وزن الديلكو وتغير البلاتين اذا لزم
راح يفرق معاك 180%
واذا ما اعجبك
ركب ديلكو الكتروني مع الكويل وهدرز ودبه يوكن ومراوح سوبارو وفرارات
والمكيف يمكن الفريون ناقص اذا ماكان فيه تهريب خل المهندس يسحبه كله بالماطور ويحط فريون اسباني ابرد
من الامريكي مع زيت يصير ثلاجة فريزر ماشاء الله

[الشقردي 205]

إخوي الباترول الـ97 من عرفناه وهو نخبة النخبة بـ البر والعزم ..
ومرغوب عند اهل البر ومعروف ..



ويوفيدونك الاخوان ان شاء الله ..


وعسى الله يرزقني بـ واحد اللهم امين ..

[الرجم النايف]

سو اصلاح للكربريتر وتنظيف عند واحد معلم اكثر الي في الورش مايضبطون الكربريتر
مع وزن الديلكو وتغير البلاتين اذا لزم
راح يفرق معاك 180%
واذا ما اعجبك
ركب ديلكو الكتروني مع الكويل وهدرز ودبه يوكن ومراوح سوبارو وفرارات
والمكيف يمكن الفريون ناقص اذا ماكان فيه تهريب خل المهندس يسحبه كله بالماطور ويحط فريون اسباني ابرد
من الامريكي مع زيت يصير ثلاجة فريزر ماشاء الله

تسلم على الأفاده لاهنت لكن بالنسبه للهدرز انا مابيه اركبه لانه غالي وابي الموتر شد بلد

[قناص الأشهب]

أذا بي النصيحه اتبع الآتي
1ـ هدرز ودبة يوكن
2ـ ديلكو الكتروني
3ـ مراوح مكسيما او مراوح سوبارو كبار سرعتين
4ـ فرارات
5ـ تشييك للتكييف كامل مع تغيير الفريون
صدقني بترتاح راحة مابعدها ولكن بتكلفك تقريبا مع شغل اليد 5000 ريال والله البورش الزينه والأصلي

[خبايا انسان]

اخوي بالنسبه للمكيف عندك مشكله اكيد ,, انا معي باترول 93 ,, ومكيفة في الظهر بارد ومع المشي ابرد

[abo naser 1]

السلام عليكم

أخوي فرارت + مراوح كهرباء = يخف الموتر ويسحب أكثر

[وجعين]

بنسبه للمكيف عندي باترول93 يثلج بلليل وبنهار عندك الفريون يمكنه تجاري انا جربته ما ينفع ابد وقبل تعبي فريون اكشف على دفع الكمبرسر كانه ضعيف غير الكمبرسروطريقه الكشف خل الكهربائي يفك الليات والسير ويدور الكمبرسر بيده ونت اضغط على فتحات الليات الي في الكمبرسر. حتى تعرف قوة الضغط. بنسبه للعزم انا عندي اقتناع ان مكاين الباترول البنزين خاصه القديمه ما ينفع معه الا انك تغيره بمكينه تويوتا سواء فكسار او لكزس

[sgl2002]

انا انصحك انك تركب حاجتين فقط

ديلكو الكتروني وفرارات ومروحة تبريد مكيف حقت ٩٨ ولو حصل وفيه مكان تخليها مروحتين بتكون افضل

[الرجم النايف]

الله يجزاكم خير يااخواني على التجاوب والمشاركه
وننتظر مشاركات اخرى لتعم الفائده لي ولغيري :)

[يزيد 999]

ركب طرمبة بنزين حق بي ام على كلام الناس تعطيه عزم بطلل

[يزيد 999]

أما المكيف فحصلتلي نفس سالفك وطلع الفريون صيني وغيرته بأصلي لكن بعض العمالة يغشونك بحيث يحط فريون صيني بعلبة فريون أمريكي ويقولك إنه الفريون أمريكي أصلي وبعد فترة بسيطة يقل التبريد وخروج روائح وتلف الكمبرسر ادخل الرابط وأمورك تساهيل إن شاء الله http://www.mekshat.com/vb/showthread.php?t=86482

[geerman]

اخوي
الرجم نايف

اول شي السلام عليكم

المعروف عن الباترول من 88 الى 97 فزته ضعيفه واقع تجربه وليس اقتباس
للتعديل العزم ارجو ان تجيب على بعض الاسأله
1كم مروحه كهربائيه في امام الرديتر التي تعمل مع عمل التكييف
2 كم عدد ريش المروحه المكانيكيه الخلفيه التي تعمل بكلتش
3 هل الكابليتر فيه تفتفه ( شغل الكابليتر ليس جيد -تستطيع معرفته من الشكمان يكون فيه خروج الهواء غير منتظم )

يمكن تقول ليش الاسئله الكثيره اقولك احب اخد فكره عن حالت السياره اول علشان اعرف احدد المشكله

لك تحياتي

[خبايا انسان]

انا انصحك انك تركب حاجتين فقط

ديلكو الكتروني وفرارات ومروحة تبريد مكيف حقت ٩٨ ولو حصل وفيه مكان تخليها مروحتين بتكون افضل

كم سعرها مروحة تبريد ال 98 ؟ ؟

[خبايا انسان]

اخوي
الرجم نايف

اول شي السلام عليكم

المعروف عن الباترول من 88 الى 97 فزته ضعيفه واقع تجربه وليس اقتباس
للتعديل العزم ارجو ان تجيب على بعض الاسأله
1كم مروحه كهربائيه في امام الرديتر التي تعمل مع عمل التكييف
2 كم عدد ريش المروحه المكانيكيه الخلفيه التي تعمل بكلتش
3 هل الكابليتر فيه تفتفه ( شغل الكابليتر ليس جيد -تستطيع معرفته من الشكمان يكون فيه خروج الهواء غير منتظم )

يمكن تقول ليش الاسئله الكثيره اقولك احب اخد فكره عن حالت السياره اول علشان اعرف احدد المشكله

لك تحياتي


المعذره ,,


لاكن انا موتري سويت له اصلاح كربريتور وضبط


بس فيه تفتفه خفيفه وهو واقف ومع المكيف ,, والشكمان الهواء الخارج غير منتظم


فهل ممكن يكون شغله كهربه ؟ ؟ يعني الديلكوا البواجي وملحقاتها ؟

[geerman]

نصيحه مني الى الاخوان

اخر شي تفكر بتغييره و العبث فيه هو الكابليتر لانه قلب السيارة النابض وهو ممكن يسبب لك مشاكل كثيره لقلة من يجيد تضبيطه؟

ادا كانت التفتفه مع المكيف فقط
المشكله كهربائيه
لأن الكمبريسر يطلب كهرباء لاتستطيع المكينه؟؟ توفيرها

[الرجم النايف]

اخوي
الرجم نايف

اول شي السلام عليكم

المعروف عن الباترول من 88 الى 97 فزته ضعيفه واقع تجربه وليس اقتباس
للتعديل العزم ارجو ان تجيب على بعض الاسأله
1كم مروحه كهربائيه في امام الرديتر التي تعمل مع عمل التكييف
2 كم عدد ريش المروحه المكانيكيه الخلفيه التي تعمل بكلتش
3 هل الكابليتر فيه تفتفه ( شغل الكابليتر ليس جيد -تستطيع معرفته من الشكمان يكون فيه خروج الهواء غير منتظم )

يمكن تقول ليش الاسئله الكثيره اقولك احب اخد فكره عن حالت السياره اول علشان اعرف احدد المشكله

لك تحياتي

هلا اخوي بالنسبه للمراوح مافيه ولامروحه الموتر شد بلد وهو جي ال وليس اس جل ال
ما المروحه الخلفيه والله مدري عنها لاكن هي حقت بلاده
اما الكابليتر فليس فيه لاتفتفه ولا اي شي الا ممتاز جدا
وانا بانتظار ردك جزاك الله خير ..

[وبل نجد]

السلام عليكم
اولا انتبه انتبه انتبه تجي الكلبليتر ولا تركب له اصلاح ولا شي انتبه من واقع تجارب كثيره ترى كبليتر الباترول حساس جدا جدا اذا الموتر صافي لا تتعبث فيه ابدا
بالنسبه للعزم :
غير بواجي
غير صفايه بنزين
غير فلتر الهوا
اسلاك البواجي شيك عليها
الهدرز ممتاز بس انت ماودك به وراح يفرق بالموتر كثيييير
المراوح ركب مراوح كهرب سوبارو او مكسيما وراح يفرق صرف البنزين والعزم
الديلكو والكويل ركب اكتروني وباذن الله راح ترتاح من التقطيع وتغيير البليتين من فتره لفتره
ركب فرارت وهي ممتازه جدا ترتاح انت من صوت العمود والموتر يرتاح (فرارت السليماني )
وهذا مالدي من واقع تجارب كثيره اخرها باترول ٩٦×

[الخلاوي 15]

لازم تركب مروحه قدام .. عشان المكيف ..

انا موتري سفاري 95 بخاخ فل كامل ... فيه مروحه قدام شد بلاده ... قد تعطلت وصراحه فرقت المكيف والحراره بدونها لأنها تشتغل دايركت مع المكيف وتشتغل دايركت اذا ارتفعت الحراره

نصيحه ركب مروحه اضافيه قدام وبتدعيلي ... وزين على زين ركب معها مراوح كهرب

[قايد النيسان]

السلام عليكم
ركب مراوح سوباروا وغير البواجي وصفايت البانزين ولاكن انصحك تركب هدرز وانا ادري انك ماتبيه لاكن بيفرق معك في العزم .
واذا بغيت تشوف الفرق بل هدرز ولا بدون في العزم ادخل اليوتيوب وبتشوف فرق شاسع