ابرة الاجعال لسلقه اجو الدخول

[العتيبي %]

اخواني ابرة الاجعال

هل لها ضرر على السلقه او الجراوة من نا حيت الطيب




ارجووووووووووووووو الافادة

[مخاوي ذيب]

السلام عليكم ورحمه الله وبركاته العتيبي %

النسبه للابره الجعار مالها تاثير بس اذا كانت السلقه من قبل ملقحه والا اذا كانت صغيره ماكملت سنه حرام تضربها هالابره

[حرف العين]

السلام عليكم ورحمة الله وبركاته
اخوي العتيبي ابرة الاجعال مانصحك فيها لانه اغلبيه اللي استعملوها ماتت الضواري اللي عندهم وهم على فكره في سن البلوغ.
(وهاذه والعلم عند الله)

[العتيبي %]

انا الي عندي
كبيره وذيخ طيب واما مسكت منه هلمره
وا اظن تروحله مره ثانية

[شعوان السعدي]

ياالله حي العتيبي
يا طويل العمر ابرة الاجعال الي حنا مجربينها ما هي الا هرمون منشط للدورة في الرحم (وانت بكرامة والملايكة والحاضرين ) عند السلقة تجعلها تجعل خلال اسبوع واليا من اجعلت تخليها مدة وافضل شي والطبيعي تخليها 7 الى 11 يوم من عقب خروج الدم (وانت بكرامة ) وعقب ذا ياطويل العمر قربها من طويل الاذان وافي الجرم الي جراه ينعنا لها وسلامتك
اخوي العتيبي تنويه :( تعقيب على ماقاله اخوي حرف العين وهذه نقطة مهمة يجب مراعاتها ضروري وهو امر خطير وهو يجب ان تكون السلقة صنيع (سمين) لانها اذا كانت هزيل هذا يودي الى موتها او عقم الرحم نهائيا في اغلب الاحيان وهذا موكد من خلال تجربة ولو تسال طبيب بيشرحلك ليه بالضبط
واي استفسار ترانا حاضرين
اخوكم شعوان ال سعد القحطاني -قطر

[القـــناص]

اخوي العتيبي اذا كنت تبي نصيحتي

لا تستخدم ابرة الاجعال

السنه هذي سلقتين ضربناهن ابر اجعال يوم جرن كل الجرا ماتن

[][الكاشت][]

أما من ناحيتي .. فأنا قبل أسبوعين ضارب الأنث بأبرة ... والحمد لله لقحت من ذيخ طيب بالحيل وبدت عليها هالأيام ملامح الحمل ...

وسبق أن استخدمتها ولم أجد تأثير على السلق أطلاقا .. فالحمد لله الجراوة يعيشن ويقنصن وزي الحلاوة ...

سم بسم الله وأضربها أبرة من النوع الأصلي ( تقريباً قيمة الأبرة الواحدة 30 ريال وفيه أنواع ماهي بالحيل قيمتها من 5 الى 15 ريال ) ويفضل لو تتأخر شوي عشان تكون الولادة بأول الشتاء ... أن أشوف إني استعجلت يوم ضربت الأنث الي عندي لكن لظروف الذيخ الي عندي كبير بالسن بالحيل وأخاف يجي يومه

[الباهلي]

مشكور اخوي العتيبي على النصيحه بس أختلفوا العلماء في ابرة الأجعال انا اعرف لي واحد طاق سلقته أبره اجعال وسلمن الجرا وأعرف واحد طق سلقته ابره اجعال وماتن الجرا لكن الافظل ان السلقه تجعل الحاله.

[hunter1]

أخوي العتيبي....أستخدم أفضل نوع من أبر االهرمونات .... ترى أسباب موت الجراء بعد الولاده بسبب رداءة الأبره , حيث أن الدواءالذي يوضع بالأبره سيئ أو صلاحيته منتهيه ( أبحث عن أفضل نوع حتى لو كان غالي ).وتراني مجرب .

[abo.hamad]

مايقصرون الشباب

تقبل مروري abo.hamad