افيدوني . أفضل طريقه لحمل العفش في الجي اكس ار

[الطلحاني]

السلام عليكم ..


نويت السفر ان شاء الله الى ابها لقضاء بعض ايام الاجازه . المشكله في كيف حمل العفش


1- هل اركب شبك ( عوارض) على التنده مثل اللي جاء في الجي اكس ار 2011


2- او اشتري قلص صغير للسحب .


3- انا لدي شبك في الخلف وجاهز لكن ماسافرت فيه قبل كذا . واحس انه قريب من الأرض خاصة اذا طلعت برا خط الاسفلت .


لربما يحك في الارض في حالة النزول في الاوديه والاماكن الصعبه .


مين يدلني لأفضل طريقه ؟؟ لكم التحية


موتري جي اكس ار 2010

[وحش القفار]

الشبك العلوي خصوصا انك بتمشي جلد و بتنزل اماكن صعبه

[ABUAZIZ]

السلة الخلفية اللي تركب بهوك - ممتازة ميزتها ما تخرب شكل الموتر

انت تقول انها قريبه من الارض يمكن لان موترك يايات شد بلد

ركب يايات استراليه عشان ما ينزل الموتر مع التحميل

[كاشت وحداني]

افضل من الشبك مافيه
ثم القلص اذا جا مضبوط وله اذرعه علشان اللفات
اما السله بصراحه متعبه وتجعلك متوتر بسبب شقلتها للموتر وتخلي احتكاك الكفرات الاماميه بالارض قليل
بلشه في الريوس لان هنا زيادة في الموتر وقد يغفل الواحد منها
الشبك العلوي يوزع الضغط على محاور السياره ويخليها متوازنه
وجهة نظري ولكم تحياتي

[ابوريان]

عندي الشبك الخلفي لكن لا أفضله بعد ما أشتريت الطربال العلوي تعبيه زي ماتبي وتسكره بالسحاب وتربطه بجوانب السله . كذلك ميزته يحفظ العفش من الأتربه والأمطار .

[يزيد 999]

http://www.mekshat.com/vb/showthread.php?p=8489807


أتمنى تطلع على الرابط

[الطلحاني]

شاكر تجاوبكم جميعا . انا رحت الغرابي امس العصر وجدت العوارض اللي تركب في السطح . مو قويه . وغير عمليه وصينيه الصنع .

يعني مو مثل شبك الجمس قويه ويمكن تحمل ماتريد على سطح الموتر .

اضطريت لعمل سلة خلفيه . عند احدى الورش المتخصصه في صناعية الدائري الشرقي بعد مخرج 17 .

وان شاء الله تفي بالغرض . ولو انني لازلت متمسك بأن السله اللي فوق السطح أفضل . لكن على الجيوب مشكلة انك ماتحصل الي في خاطرك .

لكم التحية

[قمة افرست]

نصيحة اذا الحمل كبير قبل السلة الخلفيه
ركب بوالين للياي الخلفي عشان تمشي مرتاح
الجيب الياي حق الوكاله لين ومع التحميل يلين كثير
والبوالين مالها اي اثر ولافيها لافك ولاربط وتحافظ على الياي والمساعد

[hamido]

فيه واحد يفصل بالرس سلال شكله حلو ولا تبين اذا بغيت رقمه احاول ادبره لك وبالتلفون تعطيه رقم الشاص ويصبغه لك نفس شد البلد

[الطلحاني]

فيه واحد يفصل بالرس سلال شكله حلو ولا تبين اذا بغيت رقمه احاول ادبره لك وبالتلفون تعطيه رقم الشاص ويصبغه لك نفس شد البلد



شكـــــــرا لك

[الطلحاني]

نصيحة اذا الحمل كبير قبل السلة الخلفيه
ركب بوالين للياي الخلفي عشان تمشي مرتاح
الجيب الياي حق الوكاله لين ومع التحميل يلين كثير
والبوالين مالها اي اثر ولافيها لافك ولاربط وتحافظ على الياي والمساعد


نصيحتك مقبوله وانا ركبت سلة خلفيه .. ياليت تدلني وين أجد البوالين وهل هناك نوع معين ممتاز .. ؟؟ شكرا جزيلا