حائل وما اليها

[KoKaToo]

السلام عليكم ياشباب يا حلوين يا طيبين ...
حبيت استفسر عن حائل لاني ان شاء الله ناوي ازورها فحبيت ان تفيدوني وتوجهوني لاجمل المناطق والمعالم والجبال بحائل واذا كان فيه احداثيات فخير وبركه ولا تبخلوا علي بنصائحكم المفيده لاني اتبع مقولة اسأل مجرب ولا تسأل دختر وجزاكم الله كل الخير ....

[الضاري]

أخي العزيز

هذا موضوع يتكلم عن حائل والسياحة فيها

بنت الجبال 000 وأخت القصيد 000 عروس الغيوم ( حائـل ) ..!!

http://www.mekshat.com/vb/showthread.php?t=37056&highlight=%CD%C7%C6%E1 (http://www.mekshat.com/vb/showthread.php?t=37056&highlight=%CD%C7%C6%E1)

للأخ العزيز / شهاب

[شـهـاب]

اخوي koka too

ياهلا والله ومسهلا فيك بحايل


والله حايل كلها اماكن وشعبان لكن الربيع مافيه


اول مكان يحبه اغلب الزوار لحايل وانا والله ما ارغبه ولا اجيه ابد لانه اصبح وصخ من العوائل وبعض الشباب هداهم الله هو ( مشار )

ومشار يقع شمال منطقة حائل
على طريق جبه
اذا كنت عوايل فيه ملاهي وفيه دبابات وفيه منتزه المغواه الي يقام فيه الحفلات مثل حفل الملك عبد الله

وحفل سلطان

وفيه منتزه عوايل العاب

وفيه باخر مشار شعبان وجبال توسع الصدر لكن قليل تلقى نضيف منها

-----

وفيه للعوايل بعد مكان اسمه السمراء حديقه ممتازه جداً تقريب تقع غرب حايل

----
وفيه منتزه الامير سلطان ( المسطحات )

وهي مسطحات خضرا جميله للجلوس والتعلل فيها

----------
اذا كنت تريد الطلعات بران وغيره

فيه (( مدر )) على طريق المدينه ويبعد 40 كيلو او اقل وهو مكااااااان ممتاااااااز جداً
وفيه طلعة مدر طريق بوسط الجبال جميل جداً وفيه ماء
وهو اقرب منضر جميل تقريباً

وفيه (( جو )) مكان اسمه جو شمال حايل وتستطيع تجيه من هند مدر ( ردميه ) وهو جميل جداً
شعبان واسه ونضيفه وعلى الكيف

----

اما اذا كنت من اهل النفود ما تحب الشعبان فعليك بطريق الجوف على كيف كيفك

امسكه كله لين تحصل المكان الي يعجبك

واذا بغيت تتفرج على العالم الي تطعس عليك بنفود قنا فيه شباب كل ليلة خميس يطعسون هناك

----

وفيه قرية جبه فيها متحف اثري جميل جداً

-------------

و
اي خدمه انا موجود
اخوك شهاب

[الضاري]

أخي العزيز / شهاب

مشكور على هذا المجهود الطيب والله يعطيك العافية

أبناء حائل فيهم الخير والطيب ودائما يحاولون مساعدة من لايعرف المنطقة ويوصلونهم لأفضل الأماكن السياحية

التي يرتاحون فيها هم وعوائلهم

فلك كل الشكر أخي العزيز شهاب والله لايحرمك الأجر

[KoKaToo]

ماقصرت ياخوي شهاب وبيض الله وجهك بالصحه والعافيه وألف شكر لك ولخوي الضاري صراحه انكم تبردون الجبد بهالمعلومات المفيده الي كنت اجهلها وخاصه اني طالع مع شباب وغايتنا المناظر الحلوه والتعلل يعني الزبده احنا كشاته ومصورين علشان هذا ابي المناظر الطيبه الي تطيب خاطر الكاميرا واعضاء مكشات .
ومره ثانيه اجدد الشكر لكل من ساهم بالرد وجزاكم الله خير وماقصرتوا يالنشاما