بسافر وش احط في مقدمه السياره

[القوة العاشرة]

انا بسافر الشرقيه وتعرفون الشرقيه وش احط في مقدمه السياره فيري او العلبه اللي اسمها رش وامش يعني بحطها وبشيلها بعد اسبوع يعني مابي اغسل كل شوي لون السيارة اسود وشكرا

[ابو العز بلس]

والله ياخوي حط برقع افضل شيء
وابقولك شيء ملاحظ التراب اللي يمشي غالبا يبدا من الساعة 11 الضحى الى 3 او 4 العصر

[كاشت وحداني]

بالنسبة للشرقيه
حرك بعد العشاء من الرياض غالبا في الليل ما يجي العج
واذا شفت العج افضل حل تقليل السرعه
فيه بخاخ شفاف تجده محلات الزينه
ويروح بالغسيل بالمويه والصابون يعني لما تغسل بمغسله
ربي يحفظك واجازه سعيده

[باث 3]

أخوي أنا لي وجهة نظر ما أدري أحد بيوافقني عليها وإلا لا :D

إذا كان وجه موترك ما زال يلق >> (يلمع) فأنصحك تركب اللزقه الشفافه على الوجه كامل

أما إذا كان وجه السياره وسط إلى مرمول فأنصحك لا تتعب عمرك تحط صابون والا غيره
لإنه رايح رايح وعلى قولتهم الشئ من أوله

تقبل تحياتي:good2:

[عبدالله المطيري]

رشة رش وامش حلوه

الفيري يغير لون البدي بعد فترة ويكسر انوار السيارة اذا كانت بلاستيك


واذا بغين النصيحة امش بالليل ولو حصل عج هدء السرعة وماتشوف شر ان شاء الله دربك خضر

[ابوعمر1397]

اخوي يمدح ذا الشمبو
http://file9.9q9q.net/img/41791957/27082008-004-.jpg

وغسله سهل بدون فرك
الفيري لازم فرك ولا يروح من اول غسله اذا طول على السيارة

انا عن نفسي البرقع لا غير

[ابوعدي]

اخو ابوعمر من وين طلع هالشامبو يوم شفته صار راسي يحكني :D
بس اتوقع ينفع لوجهية الموتر
بالنسبة لي انا احط ارخص شامبو اطفال حطه والله يوصلك بالسلامه
وكلام الاخوان عن البلاستيك صحيح
اما الفيري لا تقربه

[ولد وايل 2010]

اخوي انا جربت اللي يسمونه رش وامش يبقع على بدي الموتر بعد ماتغسله ... وخصوصاً موترك لونه اسود راح يبين وبقوة

[WAW]

ادخل الشرقية بالريوس

هههههههههههههه

ربي يحفظك ، يمدحون الرشة الشفاف

[m3ax]

اذا تبي افضل شي رش فيري بشرط انك تغسله اذا وصلت والمغاسل موجوده على كورنيش الدمام ياكثرها وقف عندهم وقول لهم يرشونها بس مويه عشان ينزل الصابون كله وعطهم 5 ريال حتى واهلك معك جالسين بالسيارة ..

لكن اذا منت ناوي تغسل السيارة اسبوع كامل ما ينفع لك ولا رشه ابد لأنها كلها اذا طولت على وجه السيارة تبقع وتاكل البويه

مالك الا تسوي تجليده على وجه السيارة او تركب برقع

[tevo]

اخوي عن تجربه الفيري والبخاخ ماينفع اذا جاك سافي قوي
افضل شي الطبقه البلاستيكيه او البرقع .

[ABUAZIZ]

دور ارخص صابون مواعين لا تاخذ فيري لانه قوي شف عندك موبي وداك وغيره افضل

وحطه قبل ما تمشي بنص ساعه خله ينشف ويجمد قبل ما تمسك الخط لانك اذا حطيته ودقيت سلف بيسيل وينزل تحت

واول ما توصل للدمام اغسله لا تخليه

موفق

[PATHFINDER 4]

فيه بخاخ شفاف بخمسة اريل ممتاز علبته بلاستيك وفضية تحصله عند محلات الزينة

[ذيب زلفاوي]

فيه بالمحطات يمنيه يرشون وجه الموتر باي لون تبي ب 20 ريال بس مدري هي تضر ولا لا انا اذكر رشيت وجه الموتر ويوم وصلت الشرقيه جا مطر وراح ومالاحضت شي

[adnanmgh]

انا بسافر الشرقيه وتعرفون الشرقيه وش احط في مقدمه السياره فيري او العلبه اللي اسمها رش وامش يعني بحطها وبشيلها بعد اسبوع يعني مابي اغسل كل شوي لون السيارة اسود وشكرا


تروح وترجع بالسلامة

الفيري انساه نهائيا

استخدمت بخاخ رش وامش لمدة اسبوع والحمد لله ماشفت شي

لكن شريته من ساكو لضمان الاصلي الفورملا

دمت

[أبو راشد 33]

اخوي انا جربت اللي يسمونه رش وامش يبقع على بدي الموتر بعد ماتغسله ... وخصوصاً موترك لونه اسود راح يبين وبقوة
أوافق الأخ تمامًا الرشة هاذي لاتقربها و لاتفكر فيها إطلاقا
معنا اكسيبدشن حطيناها عليها وغسلناها بعد يومين ولاراحت إلا في محل التلميع ماينفع معه الغسيل بتاتًا فشيلها من رأسك ...
الفيري الأصلي فعلاً قوي ويحتاج أنه يزال فور الوصول لكنه ثقيل يصلح للسافي .
عن نفسي نستخدم شامبو نونو و إذا ماحصل أي شامبو
بس الشامبو بشكل عام يبيلك تكبه كب لأن لو صادفك سافي بيشيله من الوجه
هذي تجربتي .. و تروح و ترجع سالم

[سفاري 9]

حط فلم حماية تجاري