ترهيم تيربو أو سوبر تشارجر وين الي يرهم ؟

[مهند 2009]

السلام عليكم و رحمة الله و بركاتة

كيف حالكم شباب أن شاء الله بخير و نعمة

ياشباب عندي الموتر ثقيييييييييل مرة :mad: وودي أرهم علية تيربو او سوبر تشارجر

وياليت تدلونا على أحد يركب حداهن سواء بالسعودية او بالامارات

وياليت الي عندة خلفية عن أسعارهن جديد أو مستعمل يذكرها

وطبعا الموتر باترول 4500



وهل لازم أمسح راس الموتر على شان أرهم ؟




شاكرين ومقدرين

[patrol vtc]

أخوي مهند ,

أتوقع بسعر التيربو + الرجيع , ممكن ترهم مكينة .

فيه كذآ منتدى متخصص مثل تطعيس و جراف أتوقع بيفيدكـ أكثر :)

^^^ ليس انتقاصاً من مكشات.

[مهند 2009]

الله يرضى عليك يافتك :)

لكن خلنا نشوف وش عند الشباب والله يكتب الي بة الخير

[العنابي 616]

إذا تبغى تيربو يبغالك ميزانية فوق ال 30 ألف
بالنسبة للسوبر جارج ما أتوقع إنه فيه سوبر جارج للمكينة هذي

خلاصة الموضوع تغيير المكينة هو أفضل و أرخص حل

[راعي المسرى]

الله ييسرك أمرك

أنا أرى بيع السيارة ودفع قيمة التعديل عليها وشراء سيارة أخرى

[سوبر152]

ركب إل سي ون

[مهند 2009]

الله يرضى عليكم ياشباب

وبالنسبة للمبالغ هذي فـدواها الترك وأذا فية حل ثاني لا تنسونا ياشباب ترى الموتر دابل كبدي من ثقلة

[رفيع المقآم]

يالغالي نصيحه هج عن التيربو

لان تحميه 10 دقايق واذا جيت تطفيه لازم عشر دقايق

احسن شي السوبر تشارج

[مهند 2009]

الله يجزاك الجنة يارفيع المقام

ألا ماتخبر سوبر تشارجر يكون مستعمل وطايح من قيمتة ؟

[فارس العيون]

ال 4500 ماله سوبر شارج على حسب معرفتي
لكن له تيربو كت كامل تقريبا واصل لمك وتركبه وتبرمج حول 25 الف وبالامارات ولايحاتج مسح راس ولا شي وتقريبا تاصل 280 -300 حصان وصراحه السعر واجد والاداء بسيط مايستاهل

[السناعيس .f16]

يااخوان تنصحوني اركب تيربو على هلي وهل هو يفيد للمراقاء و التطعيس

او افضل اركب مكينه 6 سرندل

وهل في اضرار للكل

[كم كيلو باقي]

اخونا صاحب الموضوع عن نفسي مع حبي للترهيم والتزويد

بس مستحيل ازود موتر استعمال شخصي


وجهة نظري الخاصة :
بع موترك وزد عليه قيمة الترهيم وخذ لك باترول 4800

واخونا راعي الدفرنسين :
بع موترك وزد عليه قيمة الترهيم واشتر لك سييرا مستعمل واذا ماعندك مشاكل بالقساوة خذ2500

[مسير عليهم]

اخونا صاحب الموضوع عن نفسي مع حبي للترهيم والتزويد

بس مستحيل ازود موتر استعمال شخصي


وجهة نظري الخاصة :
بع موترك وزد عليه قيمة الترهيم وخذ لك باترول 4800

واخونا راعي الدفرنسين :
بع موترك وزد عليه قيمة الترهيم واشتر لك سييرا مستعمل واذا ماعندك مشاكل بالقساوة خذ2500

هذا الكلام السليم اذا تبي ترهم لازم يكون معك سيارة ثانيه والا ابعد عن ترهيم سيارتك الخاصه

ترى بعد الترهيم تطلع لك بلاوي انت في غنى عنها اذا كنت تستخدم السيارة بشكل يومي

[هبوب الشمااال]

فيه ورشه الخضير ببريده ترهملك تيربو واتوقع بيكلف حول ال٣٠ الف

[مهند 2009]

مشكوريييييييييييييييييييين شباب

وشكلي هونت أحسب السالفة أقل من كذا من ناحية الدراهم

لكن مايمنع ياشباب الي عندة ترهيمات بسيطة وتنفع يعلمنا

وأبسأل عن الاسلاك و البواجي هل يتحسن عزمة لو أركب رياضية ؟

لأن الباترول وأنت حاطو بالثاني ومشغل الدبل يطيح عززززززززمة :mad:

[عصاقيل الدخله]

اسلاك البواجي لحالها ما تفيدك بشي ابد هي من ضمن قطع التعديل فقط مع الهدرز والفلتر

بالنسبة للتيربو او السوبر شارج حتى لو سعره بلاش ما يصلح لك لانه بالصيف ما ينفع ابد وهو لسيارات الدراق والسباقات وانت تبيه استخدام يومي ،،، اذا تبي ترهم لازم يكون معك سيارة ثانيه

ركب ls1 ولا ls2 وخلها ستوك بدون تعديل هذا افضل شي بس لا بد من بعض الاعطال عشان كذا لازم تعرف مكانيكا لو شي بسيط ،،، وبالتوفيق

[فارس العيون]

موترك احسن حل له
هدرز كامل وفلتر وفرارات
وبالشتاء ركب مرواح كهرب اما بالصيف خلك مراوح البلد ولا تتعدا الامور ذي

[مهند 2009]

مشكوررررررين شباب على المشاركة و التفاعل الاخوي

أنا مركب مرواح وفلتر وشريت هيدرز وخفت أركبة وأجيك و أبيعة

لكن وش رايكم أشتري هيدرز ثاني مع العلم أني خايف يبدا ينقص زيت الموتر بسبب الهيدرز ؟

وهل ينفعن الاسلااك والبواجي بعد هالخلطة ؟