اطلع جديد جلورياً من لفافه

[برمان]

انا جديد على المنتدى وابي انقل لكم هالقصيده عن الشاعر مطير الرمالي


انا هوا بالي وكيفي وشفي
جيبن جديدن جد ماهو نضافه
توه من اسواق البريمي ملفي
ماطار عن سيت المراتب غلافه
سبعه خليجي ياملكته يكفي
حتى الشبح مخطور نفسي تعافه
ليا احمر خطه في غماقن وصفي
يشبه شفايف خفرتن في زفافه
ابيه مع خطٍ يروغ ويلفي
من شآن بالتمرين ازين عسافه
ابي براس منزل الطير اطفي
واطلع جديد جلورياً من لفافه
يكشف خفي ٍ بالعسام متخفي
ويجيب زول ٍ دون زوله مسافه

والقصيده اطول من ذلك واعذرونا عن القصور وتقبلوا تحيات اخوكم برمان

[ابوالجازي]

السلام عليكم ورحمة الله وبركاته
تسلم يابرمان على النقل للقصيده الممتازه وصح لسان الشاعر مطير الرمالي
واعتقد ان القلوريا اللي يقصد نوع من انوع الدرابيل

[جرير]

صح لسان القائل والشكر للناقل

شي حلو .

بارك الله فيك وياهلا ومسهلا بك في مكشات





حييت يابرمان في كل ساعه .... في دوحة المكشات منا تراحيب

اصالة ن عني وكل الجماعه.... انتم ضيوف اليوم وحنا معازيب

ترا الجديد تزيد فيه الطماعه.....ومن عادة الاجواد رد المواجيب

[برمان]

رد المثل يطرب وياجب سماعة واحط لة حسب اعتقادي مواجيب

من شاعرن يكتب بلطف و براعة ينظم جديد الرد حكمة وترتيب

هلا هلا بالشاعر اللي متاعة جزل البيوت اللي تنزة عن العيب

[أبو شعلان]

بسم الله الرحمن الرحيم

اخوي برمان الله يعطيك العافيه على النقل الرائع

وصح لسان الشاعر على هالقصيد الجميله

ــــــــــــــــــــــــ وتقبل تحياتي ـــــــــــــــــــــــــ
:j :j

[الديعجان]

شكرا للاخ برمان على النقل الجميل وياهلا بك في المنتدى الرائع ونحن بإنتظار دررك