******أين تقضي اجازة العيد ( خاص بالمكاشيت ) *****؟

[القاصي]

بعد أيام قليلة ينقضي شهر رمضان الكريم والذي أتمنى أن نكون فيه من العتقاء من الناروتأتي إجازة عيد االفطر المبارك .
ســـؤالي هو ما هو المكان المفضل لديك لقضاء الاجازة ؟
ولماذا هذا المكان تفضله على غيره ؟


ارجو من الجميع المشاركة .... وترى هذي أول مشاركة لي في هذا المنتدى :D :D :D

[القاصي]

ابدأ انا
ثاني يوم - ان شاء الله - من ايام العيد سوف نتوجه الى الدهناء عن طريق التنهات ثم نبيت يوما هناك وبعدها ندخل الى الصمان ونقضي ثلاثه ايام اخرى مع يوم الدهناء .

احب ذلك المكان لبعده ..... ولان المكان هذا واسع وليس محصور لان فيه فياض كثيره جدا وحزوم .

[راعي عنيزة]

اجازه العيد هذي السنه يكون في اول الشتا وتو خير على الربيع

لذلك انشالله الاجازه في ربوع غضا عنيزة واجازه عيد الاضحى باذن الله نطرش للصمان تكون الارض ربعت والفياض على كيف كيفك

[راعي الحزم]

الله العالم ان الاجازة هالسنه تبي تصير يم تبوك نبي نقعد للكرك وبعدين نروح يم الديسه يمدحونه الربع

خصوصا اننا تونا على الربيع مثل ما قال راعي عنيزة باجازة الحج ويمكن نتخاوا افهمه ياراعي عنيزه

[القاصي]

صحيح أن الربيع توه لكن بعض فياض الصمان مليانه مويه ....

والمشكله أن الاجازه على كيف المعازيب ..مهيب على كيفنا .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
وفيه تقرير عن الصمان أن شاء الله ابكتبه يوم السبت..... الشباب اليوم هناك وبيرجعون بكره وابكتب التقرير نقلا عن الربع اللي بياصلون أن شاء الله بكره .

[بـــدر]

( ياهنيكموالله يا المدنين تفكرون وين تقضون الاجازه وحنا بلشانين من يداوم العيد ) ترى مهي من القلب امزح ياخوان بس ،،،، انشالله اذ الامور زانت على مهي مخطط لها وعطون االاجازه الي من كم سنه ما شفناها ابي اقضيها بالصمان ولا تليتها لشمال.

[السعد6]

السلام عليكم ورحمه الله وبركاته

انا مسجل جديد عندكم لكن من زمان وانا كل مافتحت الجهاز اسير على المنتدى ليه

لااني والله ثم والله راعي بر و ناسه و سعه صدر

وندور الربيع والمطر

وقلنا خل نفيد ونستفد وش رايكم

وبعدين وين اخونا القاصي هو والتقرير من الاربعاء وانا جالس اواعد الشباب با الاخبار الحلوة الي يبي يجيبها

لاينسانا ذكروة يا جماعة

[القاصي]

اشكر الاخوة على التفاعل مع الموضوع

الاخ / بدر اتمنى ان تتمتع بالاجازة

الاخ / سعد
والله مشاغل لم تجعلني التقي بالاخوة الذين ذهبوا للصمان ....لكن التقير سوف يكتب قبل الاجازة ( العيد )
واستسمحك وجميع الاخوه على عدم الايفاء بالوعد ولكن والله لم استطع ..... مرة اخرى آسف ;) ;) ;)

[حفر العتش]

القاصي
مساك الله بالخير وذلك بعد السلام عليكم ورحمة الله وبركاته
تراني أحتري التقرير على أحر من الجمر
وهل فعلا بعض فياض الصمان فيها ماء من المطر ؟ ياليت تذكر هذه الفياض يا طويل العمر مع الإحداثيات إن أمكن
أخي القاصي : تصدق ان روحتي للصمان بعد العيد متوقفة على هذا التقرير بعد إرادة الله
يعني إذا قلت لي ان الصمان زين رحت وان قلت غير ذلك استأجرت استرحة وجلست فيها!!!!
أخوك حفر العتش

[ابو الريم]

حول الخفجي او السعيره ......... مناطق على قدنا :):)

[حفر العتش]

هلا أخي القاصي وين التقرير

[ذيب البر]

هلاااااااااااااااا بالمكاشيت

أنا اوقول ما فيه ربيع يستاهل العنوه وعلى ما قال راعي عنيزه الظاهر ما فيه الا النفود وشبة النار

والا شفلك استراحة مضبوطه على كيفك ،،، الا ان جانا اخبار من الشمال تسر مشينا .

[الحامض]

أخواني """""""""
حتى لو ما فيه ربيع الطلعة لابد منها وش نسوي بهالأجازة يكفي الأجتماع بين الأخوان والموانسه ( ونشم هواء نظيف )ونرجع بعدين والمعنوية مرتفعة (صح أنك تبي تتعب وتعض الأرض بس ما يخالف يا زينه من تعب )
وفي أمان الله

[حفر العتش]

وينك يالقاصي
هلا أخي القاصي وين التقرير

[ابوساره]

عجلو علينا الاجازه وصلت عجلوووووووووووووووووووووووووووووووووووووووووووووو التقرير

[حفر العتش]

لا تغلى يالقاصي علينا عجل قبل ما تغلى الاستراحات الله يعافيك
أخوك حفر العتش

[حفر العتش]

يالله يالقاصي قبل ما تطير الطيور بأرزاقها

[النجم الهاوي]

واللة يالربع حنا ياهل الشرقية دايم نعيد في السفانية وشف زحمة اهل الكويت في بر السفانية بس لايفوتكم سوق النعيرية كل يوم خميس وخاصة في الربيع كل شي رخيص وتراثي ،،،،،،،،،،،،،،،،تحياتي لكم مخلص النية الدمام مخطط91

[القاصي]

اسف يا شباب
وانا عارف ان فيه زقرد ما راح يقرون التقرير الا بعد الاجازه ولكن لم اكتب التقرير متعمدا وذلك للاسباب التاليه :

1 - الربيع مش قــــد ( يعني ما يستاهل ان الواحد يتكلم فيه ).

2 - خفت اكتب التقرير وتخور عزائم كثير من الشباب ( مثلنا هون نصف الشباب عن الروحه ) .

3 - وصلو الشباب فيضه ام المصران وشملول والربيع قليل جدا .

4 - مع ذلك رايح رايح الفجر أن شاء الله .

*******المشكله الواحد اذا ذكره ان المكان الفلاني جاه مطر قام يبكش ويصورلك ها المكان غابه .... لذلك على الشباب ان ينقلوا الصوره الصحيحة