ارتفاع اسعار التأمين

[سيف وقلم]

اليوم رحت للتعاونية بأمن سيارة الوالد لزوم تجديد الاستمارة, طبعا تأمين ضد الغير أبو 375 ريال، قال ارتفع سعره وصار ب650 ريال.


ما هي شركات التأمين البديلة المعتمدة؟


وشكرا ...

[قمة افرست]

الله يعين كل شي بارتفاع

[بشير حسن]

انا قرات في صحيفة انه السبب في رفع اسعار التامين ومنها التامين ضد الغير سببه ارتفاع أسعار الديه ومن هالكلام الا ماله أي مبرر يعني ويش راح يسوي الواحد في هالزمن خصوصا اذا الاستمارة انتهت ورخصه القيادة انتهت وفوق هذا تامين بعد وكلهم في نفس السنه والفرق بين انتهاء الاستمارة والفحص الدوري والرخصه كم شهر بسيط مثل اللي حاصل لي بالضبط انتهى الآن التامين وباقي كم يوم وتنتهي رخصة القيادة وقبل اربعة شهور انتهت الاستمارة والفحص بعد ,,,,,,,,,, ما أقول الا الله يعين

[You Like Me]

ميد قلف
390 ريال هذا الكلام له شهر تقريبا انا مأمن عندهم ضد الغير
كان بـ 315 ريال
وقالي سامعين طراطيش كلام من الاداره انو إحتمال يرتفع السعر اكثر
ولا ادري هل زادو السعر او مازال

تكافل الراجحي بـ 380 ريال

[حسن ابو طالب]

كل شي اصبح غالي

وكل الشركات تزيد في الاسعار بلا حسيب او رقيب
لان التجار لايهمهم غير المااال والارباح فقط

ولا يوجد من يحاسبهم على الاسعار

ارفع ونزل وسوي تخفيضات ومحد داري عنك ابد ابد

[خبايا انسان]

انا مامن بشركة والله نسيت اسمها , بس السعر 400 ,, والموتر باترول موديل 93 , مايسوا عليه سعر التامين

[BLA6K]

إن سلمت من التأمين ماسلمت من الفحص ، والله يعين بس

[ملهم2011]

اسباب ارتفاع اسعار التأمين ياخوان هي الدية السبب الأول لان صارت من 100 الى 300 الف ريال في حال الوفاة.
والسبب الثاني يا اخوان تعديل وثائق التأمين ضد الغير الان صارت اكثر حماية للمؤمن والمتضرر يعني التغطية كانت الى 5 مليون صارت الحين 10 مليون.
والان المتضرر اذا مر اسبوع أو اكثر ولا دفعو الشركة له تعويض يقدر يطلب منهم قيمة ايجار السيارة اذا استأجر .

فيه شروط كثيرة سبب ارتفاع سعر التأمين والي يبي يعرفها بالتفصيل يرسلي على الخاص

[واثق الخطوه-]

سبب ارتفاع الاسعار هو تغيير تعديل في تغطيات التأمين يعني واحد قاطع اشاره يشمله التأمين واحد يفحط يشمله التأمين هذا كلام موظف في التأمين

[بدوري7]

ما هي شركات التأمين البديلة المعتمدة؟





يوجد عدة شركات
انا مأمن عند " ملاذ " بــ 400 ريال
وصاحب معرض قال لي افضل تأمين بعد التعاونية المتحد او المتحدة على ما اعتقد واعتقد ان قيمتها 400 ريال
لآني ما اعرف شنو اسمها بالضبظ

[ددسن 2008]

السلام عليكم

الاسبوع اللي راح مجدد تامين للددسن 450 شركة ميدقلف وهي معتمدة لهم مكتب بنفس ساحة الفحص الدوري

والصوالين على 510 !! ومن العايدين !! الاسعار طارت والرواتب بارت يا الله لك الحمد