المساعد الشخصي الرقمي

مشاهدة النسخة كاملة : يالربع وش البديل عن كفرات البوالين


تركي الضرغام
25/06/2006, 09:23 AM
بسم الله الرحمن الرحيم
السلام عليكم ورحمه الله وبركاته
بالخير يالربع وشلونكم طيبين أنشاء الله

الكفرات الرمليه
ما أطول عليكم بسأل عن البديل للكفرات الباوالين لأني ودي أركب هاليومين كفرات سألت الشباب كل واحد تخبرون يعطي رايه بنوع والأغلب يقول لالالالالا تقرب البلون خطر خطر خطر

طيب وش البديل واحد يقولي ( ماكسس ) طيب وش العيوب وش الميزات بالكفر يقول مدري
( الشاهين ) وش المعلومات عن الكفر والله يجي مقاسين ما نبي المقاس وغيرة والله مدري ؟؟؟؟
( دنلوب - حقت الشاص ) معلومات لا لا يـــــــــوجد
طيب ميخالف نظرة ولا أي كلام عمليه ولا سنه وغير ووووووووو

قلت مالي إلا ربعي وأهل صنف على مقال ( أعضاء ومشرفين منتديات مكشات ) تكفون وش تنصحون أركب

والسيارة جيب Gx هدد

أي معلومه تفي لا تبخلون علينا بالمعلومات
الدبل الثقيل
25/06/2006, 10:05 AM
كفرات بلدها مقاس 235/85/16 لكن شوف غير الدنلوب بحيث يكون 8 غاط .... ولو اني أحب البالون لكنه يثقل على الموتر... والان لاتركب كفر رملي مهما كان نوعه او مقاسه .... الرملي وقته بالشتا...
البيـرق
25/06/2006, 05:44 PM
شاهين 275 70 16 ابداع
تركي الضرغام
26/06/2006, 10:23 AM
يا مال العافية على المرور والمعلومه
أبومناحي
26/06/2006, 11:53 PM
إذا بتسمع كلمتي لا تاخذ غير الحجريه

حقت الفيكسار مميزاتها كثيرة كثيرة أسأل مجرب

وطول معك أنا حقت أبوي طولت 4 سنوات

وهذا رايي كانك تبى تسمعه زين ماتبى تسمعه شي راجعلك.
*الفاهم*
27/06/2006, 06:23 AM
السلام عليكم **********

على ما اضن ان Gt افضل شي
تركي الضرغام
05/07/2006, 09:30 AM
يالربع وين رايي الباقين

ترى ودي أشوف اللي جربو شي وينصحون فيه

تكفون ( ترى تكفى تهز الرجاجيل )
الهـ911ـدد
08/07/2006, 07:14 AM
السلام عليكم ورحمة الله وبركاته ..
بسم الله الرحمن الرحيم
هذي اول مشاركه لي ولكن كنت متابع جيد لهذا المنتدى على مدى اكثر من اربع سنوات
بالنسبــة لموضوعك يا اخي الكريم ..
فأنا إنشاء الله افيدك لاني جربت البالون والعادي وتقريبا اغلب انواع الكفرات على جيب الهدد
لأن موتري الحالي Gx بالنسبـة إلى الديرة والمشاوير الصغيره ويمين يسار الكفرات البالون حلوه صحيح انه ثقيله لكنه اريح للسياره من ناحية المطبات والشوارع اما سفر ماتنفع وازين شي للسفر انك تشتري جنط عريض وكفرات دنلوب مقاس اعرض وإذا انت تبي قنـص بأرض وعره مثل الحره فأنا جربت الحره بكفرات الوكاله الدنلووب وبكفرات البالون الصراحه ما شفت اريح من البالون بالحره.... رجعت من الحره السياره سليمه لا فيها ضربات ولا شي حتى :no2: :j ماشالله راسي وأحسن كفرات بالون جربته عنـدك سيـّـام ( تايلنـدي ) اما اذا تبي قنـص خـذ أدفانــس ( صينـي ) مشكلـتة الرجه لكن رخيص وينفع بالقنص ... هذا اللي عندي واذا تبي شي عن الهدد انا جاهز يالغالي :good:
ابو نقاء
08/07/2006, 07:20 AM
بالنسبه لسؤالك فهو مااكتمل لان تحديد الكفرات على حسب الارض اللي انت بتروح لها اوتروح لها دائما عشان كذا وش ارضك اللي تحب دائما تروح لها هي ضلع ولا نفود ولا قرشع ولا صياهد حدد الارض وابشر بالرد
بلوتوث
09/07/2006, 05:04 AM
وانا بعد اتفق مع اخوي ابو نقاء حدد الارض الي تبيها كانك مثلي ماتحب الاالضلعان والمطومر فوق الحصا اشتر حجريه وكانك تتحب الطعوس فعليك بالبالون واعذرني كاني قصرت
محب النياق
09/07/2006, 05:18 AM
مثل ماقال الاعضاء الشاهين ممتازللبر وللديره

وهالكلام عن تجربه..............