الفرق بين التحوله والبليته في ترهيم النيسان

[سوبر ساري]

يا أخوان عندي باترول وودي أركب عليه مكينة 8 سلندر واحتاج لبعض التوضيحات فشغلة الترهيم .
- بالنسبه للمكينه واش افضل مكينه مع العلم اني استخدم الموتر استخدام يومي اضافة للتطعيس المعقول .
- بالنسبه للأفضل فالترهيم البليته أو التحويله .
- بالنسبه للحذاف أيهم أفضل حذاف الجمس أو حذاف اللومينا الغير العايدي .
- أفضل طرمبة بنزين ما فيها مشاكل .
- مراوح التبريد أيهم الأحسن .
- الرقليتر وش الفايده منه .
ارجو من اهل الخبره انهم ما يقصروا معي ولهم الشكر .

[sgl2002]

والله اكثر اللي يرهمون على الباترول يحطون مكينة لكزس للاستخدام اليومي

[تميم2222]

الله يوفقك ... لو عندي خبره بهالمجال .. كان خدمتك ... ^_^ تقبل مروري

[سوبر ساري]

الله يعطيك العافيه أخوي sgl بس على كلام الأخوان مكينة اللكزس ما تفرق كثير عن مكينة النيسان فالطعوس ممكن فالخطوط تفرق ولا أزين منها بس بالطعوس ما هي بشي ومشكورين ياشباب وياليت نسمع المزيد من الآراء .

[ذعار الغامدي]

عليك بمكينة الاندكروزر + هوائيات انشهد انها طرب كد وتحمل وصرفيه بنزين طيبه ..

وترهيمها مايكلف .. بسس لو تقدر اطلع ركبها بقطر اضمن واجود وارخص

وفالك الطيب "

[abohmad]

اخى الحبيب كم موديل موترك

[سوبر ساري]

اخوي ابو حماد موديل موتري 91 باترول وبانتظار مرورك يابعدي .
مشكور على مرورك اخوي ذعار الله لا يهينك لكن الحقيقه انا أفضل المكاين الأمريكي لأنها متوفره أكثر وسهولة البرمجه لها بتلقى ألف واحد يبرمج لك أما المكاين الياباني صعبة البرمجه ولا تفرق كثير عن مكينة بلده والله يعطيك العافيه .

[You Like Me]

حياك الله اخوي سوبر ساري
اخوي مكائن الياباني تفرق كثير وتوصل لأحصنه خياليه
لكن قطع التزويد والبرمجه غاليه مره مقارنه بالامريكي

بالنسبة لإستفساراتك
ج1 الخيارات كثير بالنسبة لمكائن الامريكي

1- عندك مكينة اليوكون الـ 5300 مكينه طيبه
واغلب اللي ركبوها ما اشتكو منها ابد
هدرز + فلتر+ برمجه
بترضيك وزياده
وميزتها متواجده بكثره

2- مكينة الكابرس Ls1
مديل 2006 غنيه عن التعريف
وتراها تختلف عن الاولات ولحد يقنعك بغير كذا
وطبعاً الاختلاف في صالح مديل 2006
ولو لقيت مديل اقل ونظيف ترا فيه الخير والبركه
مشكلتها ماتلقاها بسهوله وقليل تلاقي النظيف

3- مكينة الكابرس L98
من مديل 2007 وفوق .... 6 لتر المنيوم نفس Ls1
واقوى احصنه وبطله فرقها عن Ls1 مايقارب 42 حصان

4- LQ9 / 6.0
تجي على الاسكاليد وعلى الجمس الحوض مقاس 2500
من مديل 2000 - 2006
مكينة زهر حديد وهذي المكينة مصممه للدفع الرباعي لذلك تجد
قوه التورك(السحب -الشد ) فيها عالية واعلى من Ls1

ومثل ما قلت في البدايه الخيارات بالنسبة للأمريكي كثير
وباقي خيارات لم اذكرها لك
لكن هذا المتعارف عليه والافضل لك كبدايه وافضل للإستخدام اليومي .

ج2- التحويلة طبعاً افضل

ج3 - حذاف جمس او كوماروا

ج4 - والله الخيارات كثير وكل كابتن له نظرة
لكن المتعارف عليه البي ام طيبه وبطله
بالنسبة لي انا راكبه عندي على باترول Ls1
صار لها سنه ولله الحمد ما اشتكيت من نقص ولا غيره

ج5- مراوح سوباروا

ج6- كل مكينة لها ضغط بنزين محدد
ماتقدر تعرف او تحدد قوته الا بالرقليتور
بمعنى الرقليتر هو منظم لقوة ضغط طرمبة البنزين
ومن فوائدة بإمكانك معرفه قوه ضغط طرمبه البنزين
اغلب مكائن البخاخات ممكن تتعرض للكسر او الضعف او او
اذا طرمبة البنزين ضعيفة او عندك مشكلة بقوة الضغط
وهذي مشكلة يعاني منها بعض اصحاب المرهمات


الله يوفقك في مشروعك
والمعذرة كتبت الرد وانا على عجل ولاعب فيني الجوع بصراحه ههههههه
اذا كان فيه خطأ في كلامي ياليت الاخوان يصححون

بالتوفيق لك يالغالي

[abohmad]

You Like Me (http://mekshat.com/vb/member.php?u=177671) ما بعد كلامك كلام تسلم على التفصيل

[قلقانش]

من واقع تجربة مريره على النيسان خذ النصائح التالية :

1- افضل المكاين للأستخدام اليومي وقلة الخرابات ( مكينة تويوتا 4500EFI ) ومكينة اللكزس

2- واصبر للاستخدام اليومي هي التحويلة الأسترالية الاصلية قيمتها 3500 الى 4000

3- حذاف جمس افضل اصبر وامتن واوفر للكلتش

4- افضل طرمبات هي اولا BUSCH والمسماه عند العامة طرمبة بي ام
ثانيا Wallpro امريكية ضغط عالي تلاقيها عند قطع الغيار

5- افضل مراوح هي كابرس ورديتر لاندكروزر او مراوح سوبارو رديتر يوكن

6- الرقليتر يفيدونك فيه الشباب لان ما عندي خبره فيه


أطيب التحيات ,,,,

[سوبر ساري]

You Like Me (http://mekshat.com/vb/member.php?u=177671) الله يعطيك العافيه على شرحك الوافي والشكر لأخونا قلقانش يعطيكم العافيه .

[PHANTOOM]

اخوي اذا تبي استخدام افضل شي اللكزس
مكينة ثمانية سلندر ولا فيها مشاكل ابد والقير يطبق بتحويله بس بدون مشاكل مو مثل الامريكي
طبعاً اذا تبي قوة ونشاط اكثر من مكينة اللكزس تركب ls1 ويفضل موديل 2006 انا افضلها على كل المكاين الباقية ال 5.3 وال 6 لتر
مع ان المكاين الباقية لها خلطات اقوى وارقامها افضل من الـ ls1 بس لان الشباب عندنا عارفين كل مداخل ومخارج هالمكينة وبرمجتها .
لكن من وجهة نظري ان مكاين الامريكي مهما كان التجليس ممتاز لا بد تواجه بعض المشاكل في التعشيق وصحن الكلتش ما يدوم .
انا معاي مرهم بس مخفف ال اس ون وعليه كام بس ما شاء الله على عزمة اذا انت تبي عزم محترم واستخدام بدون اي مشاكل والموتر ما تبيه للمطامر ولا التطعيس العنيف انصحك بمكينة لكزس مع هالتك وهيدرز وفلتر محترم بيكون العزم طيب باذن الله .
بالنسبة للتحويلة والبليتة انا ما جربتها بس فيه ناس تقول البليته احسن في التعشيق

[س.س.التميمي]

⭕��⭕��⭕��⭕⭕��⭕��⭕��⭕⭕��
��������������������������������
✨✨✨✨✨✨✨✨✨✨✨✨ الْلَّهُمَّ يَامَالِكُ الْمَلِكُ وَيَاوَاسِعَ الْعَطَاءِ يَاحَيُّ يَاقَيُّوْمُ يَاذَا الْجَلَالِ وَالْإِكْرَامِ إِنِّيَ أَسْأَلُكَ فِيْ هَذَا الْيَوْمِ الْعَظِيْمِ.. وِّبَعْدَدِ مْنِ سَجَدَ لَكَ فِيْ حَرَمِكَ الْمُكَرَّمِ،،، مِنْ يَوْمِ خَلَقْتَ الْدُّنْيَا إِلَىَ يَوْمِ الْقِيَامَه أَنْ تُعَافَيْ قَارِئٌ هَذَا الْدُّعَاءَ،،،وَتَحْفَظَهُ، وَأُسْرَتُهُ، وَأَحَبَّتْهُ وَأَنْ تُبَارِكَ عَمَلُهُ، وَتُسْعِدُ قَلْبِهِ وَتُفَرِّجَ كَرْبَهُ،،وَتَيَسَّرَ أَمْرِهِ،،وَتَغْفِرَ ذَنْبِهِ..آَمِيْنَ يَارَبُّ الْعَالَمِيْن
��������������������������������

[سوبر ساري]

الله يعطيكم العافيه ياكباتن والله انكم ما قصرتوا