فضلاً.. لازم تدخل وتدلني الأمريهمني!

[قرم]

هلا بالشباب . :p
ماطول عليكم ... رجاء رجاء دلوني على محل في مدينة الرياض يبيع صاجه حديديه لحماية الكرتير في الباثفندر بديلاً عن الصاجه البلاستيكيه سيئة الذكر.:no: فهذه الأخيره تكسرت من الكحت واللعن ونضراً لإن مسلسل الكحت واللعن مستمر ولن يتوقف (أصلاً مافيه امل يتوقف) مادام في الباث بستم ينبض :hot: قلت ياولد ياقرم دامك شاري شاري عليك بالحديد عطية الله :good: .. المهم. اخوي موجود في الرياض لفتره محدوده أأمل منكم الرد السريع تكفون عشان أوصيه يشتريها لي والله يغفرلي ولكم

[هاوي خلا]

يا أخوي قرم مساك الله بالخير انا من وجهة نظري تروح لحداد وتختار الصاجة اللي تعجبك وتعطيه الصاجة الأوله البلاستيك يفصل لك الصاجة على كيفك وبالسماكة اللي تعجبك ولو تبي تضيف عليها أشياء جديدة يسويها لك وبسعر أرخص بس دور الحدادين اللي متطرفين عن السوق يكونون أرخص واحرص على الحدادين الاتراك أولاً ثم السوريين ثانياً ولك مني خالص الدعاء بالتوفيق وتعيش وتفني .
أخوك / هاوي خلا .

[نيشان نجد]

مساك الله بالخير يا قرم
فيه حدادين في الصناعية القديمة يفصلون الصاجة وبقيمة أرخص من الوكالة الوكالة سعره حول 400 وعيبها بلاستك تتكسر بسرعه
أما الصاجة إلي عند الحدادين حديد وأرخص بكثير تقريبا سعره 200 وبأمكانك تعدلها إذا تعفطت ولك ولزمن

وشكرا أخوك طير

[غضنفر]

المشكلة طال عمرك ان الموتر بيحتر اذا حطيت حديد اسفل المكينة
وكانك صامل على الصاجة قل لخوك يمر على ورشة المواهب او المميز في الصناعية القديمة

[قرم]

هاوي خلا
..طير شلوا.. مسييتم بالخير والرضا ..بارك الله فيكم هنالك صاجات معدنيه مفصله وجاهزه حسب علمي للباث فندر وقدتكلموا الشباب عنها كثيراً في مكشات لكن هاك الحزه ماهتميت بالموضوع لكن هالحين انا بحاجتها .اما مسالة التفصيل سالفتها سالفه. الله يحفظكم جميعاً

black path.. الله يحفظك ويرعاك من كثر الصمله قعدت احشي الصامولي بصواميل واكله:D الين غديت مثل هاللي تحت:p

http://www.mekshat.com/pix/upload/images17/mk8645_1090216890.jpg

[ولد الشايب]

أخوي قرم
فصلها عند أي حداد يفصلها لك جلفانزم سمك 2مم أو 3مم ب 80 أو 100 ريال إن كثر بشرط تجيبله حقات الوكالة وإذا كنت بالشرقية
ارسل لي على الخاص وأقولك وين يسوونها

black path
بالنسبة للحرارة اتطمن ما تجيب أي حرارة

[قرم]

ولد الشايب.. هلابك والله يحفظلك الشايب كلامك جميل وهذا اللي راح يصير إذا مالقيت المطلوب نفصل مثل ماقلت والله المستعان . الله يجزاك خير:p