أحتاج مساعدتكم في شراء شاص 2012 سعودي

[راع الونيت]

أسعد الله أوقاتكم اخواني الأعزاء
باذن الله ناوي على شاص 2012 سعودي رفرف ونش دوفلك ولكنني أحتاج الى المساعدة في هذا الموضوع وقلت مالي إلا إخواني في هذا المنتدى الغالي وتكمن مساعدتي في الإجابة على النقاط التالية :
- هل من الأفضل أنتظر نزول موديل 2013
- هل فيه فئات مختلفة من هذا الطراز وما الفرق بينها من حيث المواصفات والإكسسوارات
- أيهما أفضل أشتري من الوكالة أو من المعارض
- ماهي المعارض المشهورة في الرياض التي تبيع هذه السيارة لأن عندنا في القصيم الأسعار متفاوته بشكل كبير
أتمنى ألا أكون أثقلت عليكم كما أرجو الإجابة ممن عنده الخبر اليقين

مع فائق الشكر والتقدير للجميع
أخوكم | أبوطارق

[البيـرق]

وانا اخوك اذا ناوي على جديد انصحك تصبر ل2013

لان 2013 قريب جدا بينزل....حتى لو ماشريته اتوقع ينزل 2012 من قيمته

والله يوفقك

[السناعيس .f16]

...............صباح الخير ...............
ما انصحك في الجديد خرابته كثيره
و اذا تبي شاص و املزم خذ 2006 وتحت حتاء لو تحصل سعره فوق^^ اشتره لانه قول وفعل
من عقب ما صغرو المكينه وهي الشاص ماش

نصيحه
1.شاص 2006 وتحت
2.هايلوكس دبل
3.بترول

.................................................. .........
الشاص من موديل 2006 وتحت اسميه شاص و من موديل 2007الى2012 كانه سوزوكي او دتسن

[نواف685]

اتوقع لو تصبر للموديل الجديد علشان ينزل من سعر 2012

[Salamah.y]

ياخي 2012 السعودي , خطه قبيح جداً
بعدين حنا في منتصف سنة 2012 , يعني اصبر لك شوي , و ينزل الـ 13
اما ان تاخذه , او تاخذ 12 بسعر نآزل عن اسعار الحين !!



الله يوفقنا وياك @~

[صديق كلم رفيق]

اصبرر ، كلها شهرين بالكثير وينزل 2013 ، ويمكن تتغير المكينه مثل ما تغيرت في الجي اكس ار السته سرندل صارت المكينه مطورة .

[ابونبيل]

والله الي يبي يلاحق الجديد بيخسر فلوسه ووقته اذا تبي اشر الحين راس مالها خط ..ماراح يتغير شي

الا اذا كان سبب سؤالك احتماليه نزل مكينه 4600الجديده عليه اقولك صح يسوا تنتظر

[sgl2002]

تشوف اللي بالتوقيع
هذا ماشي ٢٠١٠ وصراحه انا جربت ٢٠٠٩ افضل من هذا

تخيل ماشي ٦٢ الف فقط والمكينة بديت احس فيها صوت صرصره والغير صافية وكذلك عزمه فاشل

نصيحه ان ابعدت عنه يكون افضل

وعلى فكرة ترى استخدامي محافظ مره

وان اخذته وانت تبي تريح من المطبات طق له مساعدات باترول ٩٨

ركبتها انا بدون ترهيم وبدون اي شي وصار الموتر مريح جدا جدا

[قناص الأشهب]

الشاصات الجدد ماهي شاصات
بالنسبة لي لا أنصحك فيها

[راع الونيت]

جزاكم الله خير جميعا وماقصرتم
والله أنا متردد بالشراء الوقت الحالي لأنني أقول ممكن الجديد يكون فيه تغير يسوى الإنتظار أما تغيير الشطرطون فغير مهم عموما بارك الله فيكم

[sgl2002]

ماتوقع يغيرون مكينة الشاص لانه بيصير صرفيته عالية والمكينة الجديدة مشت

ولو غيروا مكينته ماهو بصالحنا لانه بيزيد السعر

[صياد الجبل]

انت اصبر لين ينزل 2013 ان نزل 2013 وتغير في المكينه وصارت اقوى وافضل اشتره

وان نفس الهرج مافيه شي غير الخطوط خذ 2012 وعاد وقتها يكون 2012 ارخص بكثير

[سوبربان2011]

ياخوي اذا بتاخذ شاص جديد سواء 2012او2013 انا اقولك خذه من الخليج ارخص او تاخذه من الوكالة.. بس المعارض انحش لا تقرب المعارض اذا كنت بتاخذ جديد لأن المعارض حرامية ونصابين اصابهم الجشع والطمع.. وغالين ويزيدون زيادات مبالغة على اسعار الوكلات خاصة سيارات تويوتا