أنت تطلع للبر ؟ طيب ليش ؟

[الوراد]

بسم الله الرحمان الرحيم

اخواني
السلام عليكم ورحمة الله وبركاته

الوكاد اننا كلنا نطلع للبر !

طيب انت ليش تطلع للبر ؟
1- قنص وصيد ؟
2- فرجه وتفكر بخلق الله ونعمه ؟
3-مع الخيل يا شقرا؟
4- استجمام؟ 5- تغيير جو الديره ؟
6- حب لعيشة الخشونه وتحمل المشاق؟
7- مغصوب ؟ :mad:
8- تحب الهياته وبس؟
9- هروب من مشكله ؟

هذا اللي قدرت اطلعه من اسباب

انت عندك سبب ما ذُكر هنا ؟
اذا عندك
لا تبخل علينا :p

واللي ابيه منكم الله يعطيكم العافيه
ويسلمكم من كل شر

انك تشارك وش انت من اللي فوق
وش موقعك منهم
ايهم تكون


وجزاكم الله خير مقدمآ

[أيمن]

موضوع شيق عزيزي الوراد ..

أما بالنسبة لي فلأجل أمور ثلاثة:
- حب لعيشة الخشونه وتحمل المشاق.
- فرجه وتفكر بخلق الله ونعمه.
- قنص وصيد.

لنرَ مشاركة البقية ..

[ابو عمر اللاحم]

انا بالنسبة لي طلعات البر تكون لـ :-

1 - للصيد
2 - للوناسة وتغيير جو الديره .
2 - للتمتع بليال الصحاري الجميله التي اعتبرها من افضل ما في طلعة البر.

وتقبل تحياتي ،،،

[القماري]

ساعة في البر (شرط يكون نفوذ ورمال) تساوي سبعين ساعة في المدن.
يعجبني البر في ثلاث
1- تقوية النفس والتعود على حياة مختلفة
2- فسحة البر في النهار وضوء القمر وكثر النجوم بالليل
3- كسر الروتين وزيادة المعارف وما أنسى المشاوي تالي الليل :D

[راعي عنيزة]

فكره جميله من انسان اجمل :)

بالنسبه لي اطلع للبر : خرمه :rolleyes:

اعشق البر واجد فيه متعة كبيره خصوصا اذا كان الجو مغيم وفيه سيول وخيرات فاجد نفسي لا اراديا خرجت للبر


اما الصيد فلا احبه ولا هو يحبني (متزاعلين:D)

[عبدالعزيز الدباسي]

حلوة الفكرة ومشكور اخوي الوراد ، ،

انا اطلع للبر لاسباب كثيرة ، بعض المرات لن اجد الاجابة على سؤالك (من غير ليه) ما ادري الا انا ضاف العفش وطالع ، اما عن الاسباب اللي اشوفها تتكرر معي فهي :

- الاستمتاع بنعم الله الكثيرة ، والتفكر في مخلوقاته .
- توجيه النشاط البشري لمعرفة خبرات جديدة ومنافع مفيدة .
- الإستجمام في الهواء الطلق ، والبعد عن زحمة المدينة .
- اعطاء النفس راحة من مشاغل الحياة .
- رحلات قنص وصيد والاستمتاع بملاحقتها وصيدها .
- تعويد النفس على الخشونة وتحمل المشاق .
- البحث عن صحبة طيبة ومصاحبة الاخيار .
- واخيراً على قولك (مع الخيل يا شقرا) قالو طلعنا قلنا يالله .

وتقبلوا تحياتي

[راعي الحزم]

الله يعطيك العافيه حب البر وحب الطلعات يجري في عروقي من الصغر وذلك له أسباب

1- وراثه من الاهل ( الاباء والاجداد )
2- الابتعاد عن زحمة الحياة
3- الابتعاد عن صراخ الاولاد بالبيت
4- الصيد والقنص ( هذا خله على جنب مافيه مثله بها الدنيا مع العلم ان الصيد راح :( :(
5- حب الامطار ومتابعة اعلومها من كل مكان لو نسمع صوت البرق بالرادو قمزنا للخلاء
6- لااستطيع الحصر صراحة انا استغرب من الي ما يحبون البر والا من الي يملون من الكشته بعد يومين

[سيف السيف1]

كاتب الرسالة الأصلية شقردي
حلوة الفكرة ومشكور اخوي الوراد ، ،

انا اطلع للبر لاسباب كثيرة ، بعض المرات لن اجد الاجابة على سؤالك (من غير ليه) ما ادري الا انا ضاف العفش وطالع ، اما عن الاسباب اللي اشوفها تتكرر معي فهي :

- الاستمتاع بنعم الله الكثيرة ، والتفكر في مخلوقاته .
- توجيه النشاط البشري لمعرفة خبرات جديدة ومنافع مفيدة .
- الإستجمام في الهواء الطلق ، والبعد عن زحمة المدينة .
- اعطاء النفس راحة من مشاغل الحياة .
- رحلات قنص وصيد والاستمتاع بملاحقتها وصيدها .
- تعويد النفس على الخشونة وتحمل المشاق .
- البحث عن صحبة طيبة ومصاحبة الاخيار .
- واخيراً على قولك (مع الخيل يا شقرا) قالو طلعنا قلنا يالله .

وتقبلوا تحياتي

[السمح]

.
.

أطلع للبر لواحد من اثنين : إما صيد وهو المفضل أو لقاط فقع .. وغير كذا خلني اكشت بالبطحاء :D
.
.

[الحزين]

((( مشقه مريحه )))

1ـ قنص ( حتى لو ماتصيد شي , لان الترقب والبحث بحد ذاته متعه )
2ـ لقاط الفقع ( ونضرب له دروب تصل أحيانا الى 1000 كيلو , كذلك حتى لو مانلقى شي
وبنفس الوقت سواء حصلنا أو ماحصلنا فقع ( نمشي مشي مايمشيه الجمل:D )
3ـ صحبة الاقارب والاصحاب وتبادل علوم الرجال ( أذا كان مخيم وربيع ومو وقت قنص أو فقع )
وفي مثل هذه الرحلات يكثر التعب وقلة النوم ولكن بالمقابل تتذكر أيام لايمكن نسيانها .


أذن فهي مشقه مريحه ,, تحياتي , ابو محمد:heart:

[مخاوي الذيب]

السلام عليكم يارجال
انا بالنسبة الي احب البرللاسباب التالية
- البعد عن زحمة الحياة ومشاكلها
- اكتشاف اماكن جديدة
- تمغيط النظر

[فرد حمزة]

تقول طيب انت ليش تطلع للبر ؟
أقولك : عشق له
تقول 1- قنص وصيد ؟
أقولك : لا ماني راعي صيد ولا أحبه :(
تقول 2- فرجه وتفكر بخلق الله ونعمه ؟
أقولك : نعم
تقول 3-مع الخيل يا شقرا؟
أقولك : نعم والحق يقال ;)
4- استجمام؟ 5- تغيير جو الديره ؟
أقولك : هذي من الأسباب الرئيسة
تقول6- حب لعيشة الخشونه وتحمل المشاق؟
أقولك : ما تفرق حيل لان عملي يتطلب ذلك :(
تقول 7- مغصوب ؟ :mad:
أقولك : ههههه كثر منها أتوقع هالحاله هذي تنطبع على العامل اللي ياخدونه بعض الشباب معهم موضة هالأيام
تقول 8- تحب الهياته وبس؟
أقولك : وطيت المعجن :p
تقول 9- هروب من مشكله ؟
أقولك : وأحياناً أستعداداً لتحمل مشاكل أخرى وأكبر :(


تحياتي لك أخوي الوارد :)

[الوراد]

ياهلا هم هلا يامرحبا والله بايمن

هذا والله الموضوع المبارك اللي تشارك به يالغالي



:rolleyes: << بدى يموق عقب ما مدح موضوعه أيمن



مشكور اخوي على المشاركه وكثر الله خيرك وجزاك الله خير

------------------------
يا مرحبا والله باخوي نهار

صدقت يانهار
ليالي البر حول الضو والنار ورفقه تأنس بهم وسوالف حلوه شي ماله مثيل


----------------------

يا مرحبا والله باخوي القماري

يالقماري
تكفا لا تنسانا اذا بغيت تشوي لك هرفي

ترى قطرت تسبدي يوم قلت شوي

--------------------
يا مرحبا والله باخوي راعي عنيزه

اول شي لا تمدح جمالي اويلاه
ترى :hot: من الفرحه
بعدين
وش خليت لنا يا حبيبي بر ومطر :good: وتقعد بالديره ؟

لو اني بعنيزه تسان كل ليله محضر بالمصفر لو لحالي


------------------
يا مرحبا والله باخوي شقردي

تو ماصار للموضوع طعم :bounce:

ياخوي تسانك تطلع للأسباب اللي قلته فهي ولا شي :D مابقى شي طال عمرك

اغديك تشاور عمرك يمكنك ناسي شي :flog:

تسلم لي يالغالي

البقيــــــــــــــه تأتي



مسلسل من اربعين حلقه وربع

[صقر]

مشكور اخوي على الموضوع المحرج فعلا

ولكن الخروج للبر عندنا له عدة اسباب

فأنت تخرج للبر في:

وقت القميري والدخل وين تروح؟
ووقت طيور الماء وين تروح؟
ووقت الحباري وين تروح؟
ووقت القطاء وين تروح؟
ووقت التخييم وين تروح؟
وهناك ناس اخرون يسيحون في ارض الله للتمشي والاستكشاف وكل عند نفسه انه هو المستانس وغيره ماعنده سالفة وان الاخرين يلاحقون الشقاء ولايطولهم من طلعتهم الا التعب والخساير

قال الشاعر بدر بن عواد الحويفي :

لاضاق صدري قلت اطلعوا بي........ خلوني آخذ لي مع البر مشوار

والبيت هنا يشرح نفسه

والكشتات بشكل عام هي هواية والانسان لايحسب حساب عندما ينفق وقته ومالة وجهده على هوايته المحببة. اضف الى هذا انها هواية توارثناها عن الآباء والأجداد رحمهم الله.

هذا رأيي والله أعلـــم.

[العليمي]

1_ اطلع للصيد .
2_ الاستمتاع بالربيع (( ويا ليته كل سنه . الله يرحمنا برحمته )).
3_ القى الراحه النفسيه والانبساط في البر.
4_ اطلع للبر وغيري يطلعون للبر لأنهم (( اذا جلسو في البر اتحداهم يتذكرون مشاكل المدينه وغثاها )).
5_ يا سلام على المطر و الغيم و بس.......

عطوني درجه كامله على الاجابه :D :D :D