المساعد الشخصي الرقمي

مشاهدة النسخة كاملة : طريق شقراء الطائف مكه


محمد السالم
27/06/2012, 08:32 AM
بسم الله الرحمن الرحيم
السلام عليكم ورحمة الله وبركاته

اخواني ودي اروح شقراء رحلة عمل ودي اجيها عن طريق مكه الطائف الرياض
من وين افرق لها وكيف طريقها زين والا تعبان .
ارجو المعذره اذا كان المكان غير مناسب .
كما ارحب باي اقتراح من الاخوان فيما يخص الطريق .
تحياتي للجميع والله يوفقكم جميعا
محمد بن ناصر الثبيتي
27/06/2012, 12:01 PM
حياك الله يامحمد في شقراء

شف وانا اخوك عندك طريقين الاول عن طريق مكه الطائف ظلم عفيف الدوادمي شقراء وهو بعضه سيد وبعضه سيدين

الطريق الثاني مكه الطايف الخط السريع حلبان القويعيه بعدها 20 كيلو لوحه لبخة وحويته تفرق يسار واذا تعديت لبخه وحويته الخط يبتل للدوادمي انتبه تروح معه خذ يمين الى شقراء وهذا الخط يفرق بزياده 100 كيلو عن الخط الاول بس غالبيته سريع,,

والله يستر عليك
فهد العوني
27/06/2012, 12:16 PM
بو ناصر عطاك الوصف الممتاز
وإذا جيت يا محمد لشقراء عطنا خبر نقوم بالواجب معاك ومع كل ضيف يجي مدينتنا
وياهلا ويامرحبا بالجميع في عروس الوشم شقراء
محمد السالم
27/06/2012, 01:56 PM
الله يستر عليكم دنيا وآخره ويجزاكم الخير الكثير
انا باختار الطريق الاول مدري ليش بس هل علاه محطات وكم يبعد تقريبا من الطائف
تحياتي لكم ودمتم بصحه وعافيه