اهل الفزعة ارجو الدخول

[العريضي]

السلام عليكم ورحمة الله وبركاتة


اخواني الاعزاء عندي استفسار بسيط وانشاالله اتفيدوني انا اشتريت ماكينة بحرية من احد الاشخاص ولما رحت الموصلات اسجل الماكينة على الطراد ارفضو اوراق الماكينة بسبب ان الفاتورةالي عندي من مؤسسة وهذي الفاتورة مش معترف فيها رجعت حق الي شريت منة الماكينة قالي انة هو شرا الماكينة كذا من غير دفتر للماكينة ارجو ياجماعة الي عندة حل لمشكلتي يفيدني

[ابو عمار الحربي]

اما انك اتشوفلك حجه حقت مكينه وتشتريها وتسجل هذي المكينه عليها او انك اترجعها بحكم انك تجهل هذا الشي تستطيع ارجاعها

[العريضي]

مشكور اخوي بو عمار على تفاعلك مع موضوعي وبالفعل بحثت عن حجة ماكينة ولاكن للاسف الايومك هذا مالقيت

[م/عبدالله]

بهذه الحاله ... البيعه باطله ... وترجع لصاحبها
الله يهديك المفروض تسأل قبل الشراء . عن الاجراء الصحيح وماهو المطلوب
من اوراق .

[العريضي]

المشكلة انا سئلت والكل قالي المواصلات بتسجل الماكينة بس يوم رحت لهم ارفضوها

وانا الحين ماني عارف ايش الحل فياجماعة الخير الي عندة حجة للبيع يبلغنا

[م/عبدالله]

اقصد تروح المواصلات ... وتأخذ ارقامها وتسال
وش المطلوب .. وكيف تتسجل .... مشكلتهم واقعين في محركات
مسروقه ... او مغيره ارقامها .

[الواهج]

الله يعينك ياخوي
عندنا بالكوبت ممنوع تسجيل المكاين في المسح البحري بالمواصلات الي من خارج الوكيل
فيه ناس تطلب ابوات من برا وعليها المكاين بهالحاله ممنوع تتسجل

الحل بسيط ومكلف نوعا ما

تشوفلك مكينه علي حجم مكينتك مسجله بالمواصلات وتكون سكراب وعليها رقمها وتنقل اغراص مكينتك بالكامل لهذه المكينه


او شفلك واسطه تحولها


فالك التوفيق