انتبهوا من اللاندكروزر(حادث مروع بسبب التعليق)

[yasser1389]

اتبهوا يااخواني اليوم عصر الثلاثاء لاندكروزر2012بتبوك بعد مركز الطلعه طريق المدينه يعلق براعيه وينقلب ويقضي على عائله باكملها وعددهم عشره اشخاص لا حول ولا قوة الا بالله .. ابعدووووو عن تايوتا الله يفك الجميع الى متى نسمع الناس تموت بسبت التعليق كامري عايدي علقت ربع علق شاص علق يعني مو شرط القير اتوماتك يا ناس لازم ناخذ موقف ما في احد يقدر على المهزله اللي حاصله هذي لكن ما اقول غير حسبي الله ونعم الوكيل الناس تموت بسبب التعليق والعالم ما بيدها شي المفروض الشركه هذي تقفل تماما .. الله عليهم

[أبو فااارس]

الله يرحمهم ويصبر اهلهم ويستر على المسلمين جميع .. يجب محاسبة المسؤولين بالشركه المصنعه كل يوم وحنا سامعين بتعليق مثبت لاندكروزر ..

[ولد وايل 2010]

إنا لله وإنا إليه راجعون

[volcano]

كلامك كله كذب لين تجيب الدليل ، كنت معهم في السيارة يوم علق طبعا لا ، اسلوب صغار السن في التحذير ملينا منه

نصيحة لا تكثر العشا وتغطى زين لا جيت تنام عشان ما تشوف كوابيس تويوتا وعبداللطيف

[نوووماس]

لا حول ولا قوه الا بالله
الله يرحمهم ويرحم موتانا وموتى المسلمين

[هاوووي بحر]

توفي وأصيب عشرة أشخاص من عائلة واحدة إثر انقلاب سياراتهم من نوع جيب صالون مغرب اليوم الثلاثاء على طريق المدينة المنورة في تبوك بالقرب من محطة الشريف .
وتوفي في الحادث ثلاثة أشخاص، وأصيب سبعة آخرون، منهم خمس حالات حرجة وخطيرة وحالتان مستقرتان، فيما باشر الحادث مدير مرور منطقة تبوك العميد محمد بن على النجار والعقيد محمد العتيق وأمن الطرق والهلال الأحمر.
وأوضح المتحدث باسم الهلال الأحمر السعودي أن ثلاث حلات توفيت في الموقع، وأصيب سبعة منهم خمسة أشخاص حالاتهم حرجة، وقد نقل المصابون إلى مستشفى الملك خالد بتبوك ومستشفي القوات المسلحة وذلك بواسطة فرق الهلال الاحمر

من جريده تبوك الاكترونيه

والسياره ليست 2012
نسال الله العزيز الرحيم ان يراف بحالتهم ويغفر لهم ويرحمهم
ان لله وان اليه لاراجعون .....

[yasser1389]

ياخوي عيب تكذب الرجال وانا مالي غرض الا احذر اخواني المسلمين
وانا لا شفت الحادث لكن واحد من اخوياي كلمني من اهل تبوك وعلمني بالخبر
وبيض الله وجه هاوووي بحر اللي اكد الخبر الله يهون مصايب الناس ..ودمتم بالف خير

[تميم2222]

الله يرحمهم .... صدق من سماه تابوتا .. بس قوله قير عايدي .. معلق .. هذي مو صحيحه ... التعليق كله من الاوتماتيك ..لان قيره يقفل مع الفرامل ... ولك التحيه

[yasser1389]

كلامك كله كذب لين تجيب الدليل ، كنت معهم في السيارة يوم علق طبعا لا ، اسلوب صغار السن في التحذير ملينا منه

نصيحة لا تكثر العشا وتغطى زين لا جيت تنام عشان ما تشوف كوابيس تويوتا وعبداللطيف
اشكرك الله يجزاك خير لا تهاجم الناس الا بعد ما تتاكد اوكي

[صالح الحنيان]

لا حوله ولا قوه الا بالله
الله يرحمهم ويرحم جميع موته المسلمين

[جبار1]

والله صادق اخوي ياسر وحشاك الكذب

كثير صارة مثل هالامور ؛؛؛تويوتا يجب محاسبتها

وعدم تركها بدون حسيب ؛؛؛

الله يرحم اموات المسلمين ويجزاااك خير اخوي ياسر

[(هزاع)]

انا لله ونا اليه راجعون
السرعه بلاء ولو حسب الانسان الفرق بين سرعة 160 كم الى سرعة 130 كم الناتج 30 كم
على مسافة 500 كم 30×5 =150 كم يعني زود ساعه وعشر دقائق مرتاح وسالم انت ومرافقيك

[THE SNIPER H]

إنا لله وإنا إليه راجعون
لا حول ولا قوه إلا بالله
الله يرحم المسلمين اجمعين الاحياء منهم والاموات

[زاجل2000]

حملة مسوين على اللاند كروزر قاهر الصحراء خلكم في النياسين اللي مايطول العنب حامض عنه يقول

[تويوتا 2010]

لاحول ولاقوة الا بالله

الله يرحمهم ويغفر لهم ويسكنهم الجنة

والتعليق صار موضة عند اغلب الناس

[بروق ساق]

http://image.abisayara.com/extra/carimg/2001_2100/%D8%AA%D9%88%D9%8A%D9%88%D8%AA%D8%A7%E2%80%AC-land_cruiser-2032_2e9715abde6f3006.jpg

[عاشق البسيتين]

رحم الله المسلمين

[الامبراطور777]

الله يرحمهم برحمته

[yasser1389]

يا اخواني جابو مقابله باحدى القنوات مع شخص من اهل الرياض يقول معه كامري عايدي علقت معاه صارت تسرع لحالها من 100 الى180 والابواب عيت تنفتح وطفى السياره عيت لا تطفي وغيره ربع وشاص وفي رجال مع عائلته يقول علق معه صالون ويحمد الله انه البنزين قليل وطفي يوم خلص البنزين يقول والله صرت اخذ حبوب نفسيه الرجال صار مريض نفسي يقول تخيلوا شفت الموت بعيوني

[alanaziB52]

الله يرحمهم ويصبر ذويهم ,,, الجيب مو 2012 , موديله تقريبا 2001
وهذي صوره

وفاة واصابة عشرة أشخاص من عائلة واحدة مغرب اليوم الثلاثاء

http://www.mekshat.com/vb/contents/newsm/3260.jpg


08-06-1433 11:53
صدى تبوك ـ موسى العروي




توفي وأصيب عشرة أشخاص من عائلة واحدة إثر انقلاب سياراتهم من نوع جيب صالون مغرب اليوم الثلاثاء على طريق المدينة المنورة في تبوك بالقرب من محطة الشريف .
وتوفي في الحادث ثلاثة أشخاص، وأصيب سبعة آخرون، منهم خمس حالات حرجة وخطيرة وحالتان مستقرتان، فيما باشر الحادث مدير مرور منطقة تبوك العميد محمد بن على النجار والعقيد محمد العتيق وأمن الطرق والهلال الأحمر.
وأوضح المتحدث باسم الهلال الأحمر السعودي أن ثلاث حلات توفيت في الموقع، وأصيب سبعة منهم خمسة أشخاص حالاتهم حرجة، وقد نقل المصابون إلى مستشفى الملك خالد بتبوك ومستشفي القوات المسلحة وذلك بواسطة فرق الهلال الاحمر

http://www.sada-tabuk.com/contents/myuppic/04fea21ea5658b.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea21ea970c8.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea2255b36de.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea225603664.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea22b2b27f2.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea22b2e8efa.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea22d1ebde7.jpg
إضغط على الصورة لمشاهدة الحجم الكامل

http://www.sada-tabuk.com/contents/myuppic/04fea22d224676.jpg
إضغط على الصورة لمشاهدة الحجم الكامل

[البرنس الليبي]

ياجماعة كبروا عقولكم ...يعني ما احد سأل نفسه ليش سيارات تويوتا تعلّق في السعودية فقط وماتعلق في دول الخليج والدول العربية ....صدقوني هذي حرب تشن على تويوتا ولكن تويوتا ينطبق عليها المثل القائل : واثق الخطوة يمشي ملكا ....اجد العذر لأخي كاتب الموضوع بسبب مانسمع من القصص التي اراها من نسج الخيال ....ياجماعة اجل شاص علّق ...شاص يالربع قير عادي وهايلكس قير عادي ...وفي لقاء راعي الهايلكس يقول اطفيها وتشتغل مره ثانيه ...تقرير قناه الصحراء كان فضيحه بعدين ترى سيارة المرحومين بأذن الله كانت من اللاندكروزر القديم اللي مايعلّق ؟؟؟؟؟؟؟؟؟؟؟؟؟؟

[جبار1]

الصور اللي فوق تثبت افتراءات صاحب الموضوع وارجو ايقاف معرفه



الله يجزاك بالخير انت وش محرق رزك يوم شبيت على الرجال

ألا اذا كان يمشي لك عموله من تايوتا ولا شغال فيها


يأخي لو كان الخبر موصحيح حنا شفنا وسمعنا

وموضوع الجيب اللي بالحفر صار شغل الاعلام ولقاأت مع

ضباط وغيره وكذالك القحطاني وعائلته على طريق السريع مكه الرياض

يعني وش لنا غير شركات تستنزف منا الكثير من المال ومع ذالك نبرر لها

سوء معاملتها ؛؛؛ يأخي لو صار التعليق في دول برا قامت الدنيا وقعدت على الشركه

وحنا فالحين نبرر لها ؛؛؛؛ وهذا رابط الجيب اللي بالحفر
http://www.youtube.com/watch?v=yCfCG_GdJfw


http://www.youtube.com/watch?v=KQd1SM40RWY&feature=related


طيب الى متا وحنا نبرر ؛؛؛

الرواح الناس مو لعبه للشركات

شي في نفسي حبيت أوصله لك أخوي عن سبب أندفاعك واتهامك بالكذب

لشخص وتقفيل الموضوع ..

بالنسبه لكاتب الموضوع والله ماعرفه ولاكن شخص يحب الخير ويحذر من الشر

هذا كل هدفه ..

[أبوسليمان السهر]

الصور اللي فوق تثبت افتراءات صاحب الموضوع وارجو ايقاف معرفه


إيقاف المعرف مرة وحدة :eek::eek:

[جـرح الشمـال]

الله يرحمهم
منظر موثر جدا
حسبنا الله ونعم الوكيل

[فرخ العقاب]

ياجماعة كبروا عقولكم ...يعني ما احد سأل نفسه ليش سيارات تويوتا تعلّق في السعودية فقط وماتعلق في دول الخليج والدول العربية ....صدقوني هذي حرب تشن على تويوتا ولكن تويوتا ينطبق عليها المثل القائل : واثق الخطوة يمشي ملكا ....اجد العذر لأخي كاتب الموضوع بسبب مانسمع من القصص التي اراها من نسج الخيال ....ياجماعة اجل شاص علّق ...شاص يالربع قير عادي وهايلكس قير عادي ...وفي لقاء راعي الهايلكس يقول اطفيها وتشتغل مره ثانيه ...تقرير قناه الصحراء كان فضيحه بعدين ترى سيارة المرحومين بأذن الله كانت من اللاندكروزر القديم اللي مايعلّق ؟؟؟؟؟؟؟؟؟؟؟؟؟؟




يالطيب ليست السعودية فقط ، حتى في دول الخليج والدول الأوربية هناك أعطال وشكاوي . قبل ثلاثة أشهر في الكويت تم أيقاف شركة تويوتا . وتغريمهم .

[رحال كعب]

إنا لله وإنا إليه راجعون

[ابوراكان تبوك]

ههههههههههههههههههههه 2012

هذا جيب 2001 والله يصبر اهل المتوفين بصحيفة صدى تبوك التفاصيل هنــــــــــــــا (http://www.sada-tabuk.com/news-action-show-id-3260.htm) والله اعلم ان السبب جويزه او ركبه انتبهو يا اخوان في اعناقكم أمانه
http://www.sada-tabuk.com/contents/myuppic/04fea22b2e8efa.jpg

[((ابو وعد))]

لاحول ولا قوة الا بالله العلي العظيم انا لله وانا اليه راجعون نسال الله لهم الرحمة والمغفرة ولذويهم الصبر والسلوان لله مااعطى ولله مااخذ ولكل اجل كتاب اللهم اغفر للمسلمين والمسلمات والمؤمنين والمؤمنات الاحياء منهم والاموات

[خلف الفار]

يرحمهم الله ويتجاوز عنهم
نسائل الله ان يغسلهم بالماء والثلج والبرد وينقيهم من الذنوب
والخطايا كما ينقى الثوب الابيض من الدنس
والمسلمين اجمعين

[yasser1389]

الله يجزاك بالخير انت وش محرق رزك يوم شبيت على الرجال

ألا اذا كان يمشي لك عموله من تايوتا ولا شغال فيها


يأخي لو كان الخبر موصحيح حنا شفنا وسمعنا

وموضوع الجيب اللي بالحفر صار شغل الاعلام ولقاأت مع

ضباط وغيره وكذالك القحطاني وعائلته على طريق السريع مكه الرياض

يعني وش لنا غير شركات تستنزف منا الكثير من المال ومع ذالك نبرر لها

سوء معاملتها ؛؛؛ يأخي لو صار التعليق في دول برا قامت الدنيا وقعدت على الشركه

وحنا فالحين نبرر لها ؛؛؛؛ وهذا رابط الجيب اللي بالحفر
http://www.youtube.com/watch?v=yCfCG_GdJfw


http://www.youtube.com/watch?v=KQd1SM40RWY&feature=related


طيب الى متا وحنا نبرر ؛؛؛

الرواح الناس مو لعبه للشركات

شي في نفسي حبيت أوصله لك أخوي عن سبب أندفاعك واتهامك بالكذب

لشخص وتقفيل الموضوع ..

بالنسبه لكاتب الموضوع والله ماعرفه ولاكن شخص يحب الخير ويحذر من الشر

هذا كل هدفه ..
صح لسانك اخوي جبار والله الناس قامت تغلط عليا وتتهمني بالكذب بكل بجاحه وقلة احترام وهو لا يعرفني شخصيا انا مالي غرض بتنزيل الموضوع ولا اعرف احد بشركة تايوتا كل قصدي والله شاهد النصح فقط لا غير ولا لي مصلحه باي شي لكن تعمل خير شر تلقى ياخي اسفين قفلواااا على الموضوع وثبتوا السرعه وخذوا راحتكم .. اما بالنسبه لموضوع الموديل والله واحد من ربعي وصلي هالمعلومه من اهل تبوك والغلط منه مو مني انا وعلى نياتكم ترزقون ...

[بو غازي]

الله يجزاك خير ياخوي ياسر
والله يرحمهم ويغفر لهم يارب

[yasser1389]

لي عمولة وش رايك تبيني اصير منافق عشان ماتزعل

كل ماخالفكم واحد قلتو موظف تويوتا ولا لك عمولة نعم لي عمولة وصاحب الموضوع اجرم في طرح الموضوع ونطالب في ايقاف معرفه ومن دزهم ينافحون عنه http://cdn.content.sweetim.com/sim/cpie/emoticons/000203F6.gif (http://cdn.content.sweetim.com/sim/cpie/emoticons/000203F6.gif) انت على وش صاير تهايط وش انت شايف نفسك عليه احد لمسلك طرف انت عجيب ياخي احترم نفسك لا نغلط عليك لا تهاجم الناس وانت ما تعرفهم انت اللي يبيلك توقيف لمهاجمتك هذي .. الله واعلم راحواا الطيبين وما بقي غير انت هههههه

[yasser1389]

ارجوا من المشرفين اغلاق الموضوع كان قصدنا النصح والرشادوتبادل الاراء والاستفاده من الغير لكن في ناس ما ادري كيف تتقبل حسب العقليات (كلا يرى الناس بعين طبعه) واسف اذا ضايقت احد بموضوعي هذا

[(هزاع)]

الله يصلح الحال ويرحم موتا المسلمين ويشفي مرضاهم

[تميم2222]

انت على وش صاير تهايط وش انت شايف نفسك عليه احد لمسلك طرف انت عجيب ياخي احترم نفسك لا نغلط عليك لا تهاجم الناس وانت ما تعرفهم انت اللي يبيلك توقيف لمهاجمتك هذي .. الله واعلم راحواا الطيبين وما بقي غير انت هههههه


هههههههههههههههههههههههههههههههههههههههههههههه ياسر ارفق والله ترى بينجلط الرجال

[abohmad]

والله ان جيب تيوتا يخوف يا اخوان ولا فية مجاملة على سلامت المسلمين ولا زم يخلون جيوبهم تخيس عند وكيلها عقب ما شفت على اليوتيوب الاخ مبارك المطيرى من اهل الحفر شى يروع الله يحفظ المسلمين من كل شر اما اخوانى المتعصبين للتيوتا تخيل اخوك ولا ابوك ولا ولد عمك فى ها الموقف شراح تقول عن التيوتاالله يحفظ المسلمين ويكفيكم شر الحوادث

[ابو شكاع]

الله يرحم من توفي منهم
لست ممن يحب التويوتا
انا اميل للامريكي وللنيسان ، لكن مثل هالقصة تحتاج لاثبات ان سبب الحادث هو التعليق
بعدين استغرب ، معقولة كامري قير عادي تعلق ؟

[صقر الكرادشة]

الله يرحمهم

[ربيعة]

لسلام عليكم
ياجماعة الخير تكفون اشرحوا لي كيف سيارة قيره عادي يعلق المعروف ان العادي مجرد تدوس الكلتس تفصل القير.
بعدين ياخي جزاكم الله الف خير على خوفكم وحبكم لأخوانكم المسلمين هذا شي طيب.
ولاكن راعوا شعور الي اليوم فاك سيارة من الوكالة وانتوا انقلبت وعلقت ومات وطاح .......
ياخي اثبتوا حنا ماغير نسمع قصص وليش قبل ماسمعنا مثل السوالف ذلن من عقب كل يوم نسمع سالفة بالله عليكم ويش يثبت لكم.
الله يرحمهم

[شاهين12]

لله يصلح الحال ويرحم موتا المسلمين ،ويشفي مرضاهم.
انا لله وانا اليه راجعون.

الرجاء اخذ الجديه في اي موضوع مثل هذا ،لابد ان يكون الخبر موثوق 100%.


لمناقشة الموضوع تعليق سيارات تويوتا تفضل هنا :http://www.mekshat.com/vb/showthread.php?t=477125

[yasser1389]

شوف الرابط يابو الطيبين علشان تقتنع

[shayem1405]

الجيب اللي صار عليه الحادث موديل 2001 ياخوان وانا اعرف قريب للعائله قالي عن الحادث

اقصد اللي صار عند محطة الشريف والعائلة من قبيلة بلي رحمهم الله

[قمة افرست]

لا هو تعليق ولاشي والسيارة قديمة

الله يغفر لهم ويسكنهم فسيح جناته ويجبر مصابهم
واتقوا الله يااخوان ودعوا لهم بالرحمة افضل من التعليقات الي مالها داعي

[ابونبيل]

اخي الحبيب لقد فاتتك الحمله كانت قبل شهرين

لو انهم اذكيا كان سووها بالصيف عشان الناس تسافر بكثره لاكن سبحان الله

[ابونبيل]

والله يرحم الميتين يارب

[مكشاتي0]

الله يرحمهم ويشفي المريض منهم ,,

لكن اللي أشوفه ان عنوان الموضوع ليس للحادث بل للانتقاص من اللاندكروزر يعني وسيلة لغاية والغاية هي الانتقاص من اللاند .. والخبر في البداية يقول 2012 بعدين نزل وصار 2001 .. تراك مسؤول عما تكتب ..

[تاج1426]

السلام عليكم ورحمة الله

الله يرحم من مات منهم وجميع المسلمين ويشفي المصابين .

غريبه . يعني مافيه ولا واحد من المصابين قدروا يعرفون منه وش سبب الحادث

يمكن احد طلع عليهم بالطريق

او احد الكفرات اللي بالصوره وكلها مبنشره يكون السبب

موضوع التعليق هذا صار بين الحقيقه والخيال

ويمكن سمعتوا مثلي عن جمس صالون والتيما وكامري وفورد اكسبلورر وربع وشاص وهايلكس ( عادي أو اتوماتيك ) كلها تعلق
!!!!!!!!!!!!!!!!!!!!!!!!!!!!!!!!!!!!!!!!!

[تميم2222]

المشكله الحقيقه بسيارات تويوتا هي 3 سيارات فقط ..... جيب لكزس ولاند كروز..والافالون وبس والباقي اشاعه .. يعني بالعقل قير عادي يعلق ؟؟؟..... حدث العاقل بما يعقل ..يفضيه وتنتهي المشكله .. اما بنسبه للكزس ولاند والافالون الاوتماتيك ..الفرامل مع قير السياره ويقفل القير ومعد يفضي .. وهذا بلا ابوك ياعقااااب المووووت الحمر وسلااامتكم

[أرجوك أعفيني]

الله يرحمهم ويشفي المصآبين ولاهنت ياياسر على الخبر
بس تبغون الصدق احس ان التعليق أصبح موضه وكل شوي واحد مبلّغ دوريّه
ويقول السيآره علّقت لكن ماقول غير قعدبها عبداللطيف جميل وعسى الله يعين
حلال فيه أجل الموتر لابغيته بربع مليون وآخرتها يشردبي مع الخط !!!

[أبوبشير العنزي]

انا لله ونا اليه راجعون

السرعه بلاء ولو حسب الانسان الفرق بين سرعة 160 كم الى سرعة 130 كم الناتج 30 كم

على مسافة 500 كم 30×5 =150 كم يعني زود ساعه وعشر دقائق مرتاح وسالم انت ومرافقيك

كلامك منطقي وحكمة الله يزيدك علم وحكمة بيض الله وجهك

[أبوبشير العنزي]

اتبهوا يااخواني اليوم عصر الثلاثاء لاندكروزر2012بتبوك بعد مركز الطلعه طريق المدينه يعلق براعيه وينقلب ويقضي على عائله باكملها وعددهم عشره اشخاص لا حول ولا قوة الا بالله .. ابعدووووو عن تايوتا الله يفك الجميع الى متى نسمع الناس تموت بسبت التعليق كامري عايدي علقت ربع علق شاص علق يعني مو شرط القير اتوماتك يا ناس لازم ناخذ موقف ما في احد يقدر على المهزله اللي حاصله هذي لكن ما اقول غير حسبي الله ونعم الوكيل الناس تموت بسبب التعليق والعالم ما بيدها شي المفروض الشركه هذي تقفل تماما .. الله عليهم
خبر الهواوي يقول الوفيات 3وفيات وانت تقول عشرة ؟!

ونصيحة للجميع لاتستعمل تثبيت السرعة جميع السيارات ياباني امريكي كوري لاتستعمل التثبيت ماله داعي الله يرحم الشياب لايعرفون تثبيت سرعة