شواهين ووكارى وحوش وصلت وستدخل المزاد غدا ان شاء الله

[((ابو وعد))]

بسم الله الرحمن الرحيم

سيدخل المزاد يوم غد الجمعة 9 شعبان بمشيئة الله 15 فرخ شاهين منها ثنتين عرضها يزود عن 13.5 وحوش و2 وكارى ونسال الله التوفيق والبركة
ونذكر الاخوان من لديه دربيل مستخدم او جديد ويرغب البيع الحضور قبل الساعة 6 وتسليمه للمشرف بندر العمري قبل اذان المغرب ولايوجد اي رسوم على ادوات الصقور ومستلزماتها وشكرا لكم


اللهم بارك لنا في شعبان وبلغنا رمضان

[ابو شهاب 11]

سلام عليك اخوي وين مكان المزاد وهل نستطيع السوم عن طريق المنتدئ

[((ابو وعد))]

عليكم السلام حياك الله ابو شهاب
المزاد اسبوعي كل يوم جمعة بين مكة وجدة والموضوع مثبت اعلى صفحة بيع وشراء الصقور
راجع الرابط http://www.mekshat.com/vb/showthread.php?t=509214

[عادل العيباني]

عساكم على القوه وفالكم التوفيق

[(هزاع)]

الله يرزقك من فضله وتستاهل الخير

[خلف الفار]

الله يرفع همتكم وينجح مزادكم

[بدوي نمبر ون]

فيه اقتراح اخوي
وهو ياليت تجمع الطيور قبلها بليله مثلا واتصور وتوخذ مقاساتها وتوضع بموقع مكشات لان فيه ناس ترغب بالمشاركه والشراء لكن البعد حاديها وتعرفون الجاد والناوي للشراء من خلال دفع عربون يرسل بحساب شخص محايد لاهو من اهل المزاد ولاهو من طرف المرسل يعني يكون من قبل موقع مكشات شخص ثقه ترسل الدراهم لحسابه مهو تشكيك او قل ثقه بهل المزاد لا والله لكن لتلافي المشاكل لان الشراي شاري وحش له الطول والعرض بس .
او يكون فيه اتصال (( مباشر )) بالمزاد من خلال لابتوب والناس كلها تشوف الطيور ويوضع تحت الصور رقم احساب والراغب في الشراء يرسل عربونه شريت ارسل باقي دراهمك بنفس اللحظه وان ما ارسلت خلال ربع ساعه راح العربون لصاحب الطير و يعاد المزاد
ترا هرجي ذا مجرد اقتراح
والله يوفقكم

[ابوعدي001]

فيه اقتراح اخوي
وهو ياليت تجمع الطيور قبلها بليله مثلا واتصور وتوخذ مقاساتها وتوضع بموقع مكشات لان فيه ناس ترغب بالمشاركه والشراء لكن البعد حاديها وتعرفون الجاد والناوي للشراء من خلال دفع عربون يرسل بحساب شخص محايد لاهو من اهل المزاد ولاهو من طرف المرسل يعني يكون من قبل موقع مكشات شخص ثقه ترسل الدراهم لحسابه مهو تشكيك او قل ثقه بهل المزاد لا والله لكن لتلافي المشاكل لان الشراي شاري وحش له الطول والعرض بس .
او يكون فيه اتصال (( مباشر )) بالمزاد من خلال لابتوب والناس كلها تشوف الطيور ويوضع تحت الصور رقم احساب والراغب في الشراء يرسل عربونه شريت ارسل باقي دراهمك بنفس اللحظه وان ما ارسلت خلال ربع ساعه راح العربون لصاحب الطير و يعاد المزاد
ترا هرجي ذا مجرد اقتراح
والله يوفقكم


بارك الله فيك

[((ابو وعد))]

الاخ عادل العيباني - الاخ هزاع - الاخ خلف الفار جزاكم الله خير وشكرا لمروركم
الاخ بدوي نمبر ون حياك الله واقتراحك جميل ولكن حضور المشتري افضل او يوكل من يثق فيه ويشتري له لعدة اسباب /
1- اصحاب الطيور احيانا يحضرون من مناطق بعيدة وليس لديهم الوقت للبقاء فترة طويلة بالمزاد
2- اذا كان للشخص رغبة بالشراء فيمكن ان يحضر عن طريق الخطوط السعودية ويشتري الطير اذا كان من منطقة بعيدة وانا شخصيا اتكفل بالطير لمدة لاتزيد عن اسبوع حتى يحضر من يستلم الطير ويوصله الى صاحبه
3- بعض الطيور نعلن عنها ولم تصل ولا نراها الا في المزاد حسب رغبة البائع والطيور ليست ملكا لنا
لذلك صدقني ان حضور المشتري ومعاينته بنفسه مهم جدا للشراء والدنيا حظوظ

[بدوي نمبر ون]

صدقت
رد مقنع
الله يوفقكم ويجمعكم على الخير

[بندر خلف]

الله يوفقكمـ دنيا واخرره