انا مصدوم. ...... مذهول. ........ وصعقت

[ابوشجون2011]

أخواني أعضاء وزوار منتدى مكشات الكرام مساء الخير
اخواني الأعزاء تم شراء سييرا غمارتين 1500 موديل 2012 وبعد تعبئة البنزين من نوع 95 بناء على نصيحة موظف شركة العيسى اتضح ان الخزان يمشي السيارة فقط مسافة 470كلم تقريبا واخذا خزانة 92 لتر تقريبا هل ما شاهدة صحيح

[ابو العز بلس]

اخي الفاضل
الكاتلوج مكتوب فيه نوع البنزين
واذا التانكي صغير اعتقد تقدر تضيف خزان احتياط ان شاء الله

[كاشت وحداني]

ليت توضح كيف اتضح انه يمشي ٤٧٠ كيلومتر
هل بالتجربه ام كمبيوتر السياره

[قناص 28 عفيف]

طبيعي لانك اخذ 6 لتر

[ابوشجون2011]

جزاكم الله الف خير على التفاعل وبخصوص استفسار الأخوان عرفت من بعد تعبئة الخزان علمني الولد ان الخزان يمشي تقريبا في حدود 470 كلم ونوعية البنزين سواء كان 95 او 91 ماتفرق بسعة الخزان مع العلم على كلام الاخوان ان 95 مايسبب تفتفة بالسيارة بعد فترة من الأستخدام مثل 91

[عبدالرحمن الحربي]

أخواني أعضاء وزوار منتدى مكشات الكرام مساء الخير
اخواني الأعزاء تم شراء سييرا غمارتين 1500 موديل 2012 وبعد تعبئة البنزين من نوع 95 بناء على نصيحة موظف شركة العيسى اتضح ان الخزان يمشي السيارة فقط مسافة 470كلم تقريبا واخذا خزانة 92 لتر تقريبا هل ما شاهدة صحيح

أخي الكريم هل أنت مصدوم لأن ٤٧٠ ماهي شيء في عينك

ولا إنها مسافة كبيرة وطويلة جدا ....

[مافيه]

احمد الله واشكره وانا اخوك على جمس 470 كيلو داخل الديره نعمه

وفي الخط انا متيقن انها بيتعدا ال550 كيلو اذا كانت الدعسه وانت بكرامه ثابته

لاكن حبيت اوضح لك نقطه صغيره اذا كان موترك يمشيك حول ال450 بالراحه

فيه غيرك يعاني موتره مايمشيه ولا 300 كيلو ((وهاذي حاصله على باجيرو ربع استاندر م 99)) وفل 91 بحول ال30 ريال و ال95 بحول ال42 ريال تقريبا
هالموتر وش يسوي لك ووين يوديك اذا كان في الكشتات العاديه كل يوم ينقز للمحطه عشان يعبي بنزيم

[ذيب زلفاوي]

اخوي الكمبيوتر غالبا يعطي معلومات خطا لا تعتمد عليه
وبعدين ترا موترك يقبل البنزين الاخظر عندنا تاهو 2009 بانزين اخضر وماشي تمام

[m3ax]

اخوي هذي قراءة تقريبية لكمبيوتر السيارة مو دقيقه بالدرجة اللي انت متخيلها ..

يعني بعد استخدامك للسيارة لمدة اسبوع وبعد ما تتعود السيارة على دعستك بتلاقي القراءات حقت عداد البنزين تتغير وممكن يزيد معك بشكل كبير ويوصل 550 كلم وممكن اقل حسب مشيك انت ودعستك

[tevo]

اذا سواقتك هادية بيمشيك وسط الديره 550 و خط السفر بيوصل 650 ويزيد
انا معاي سوبربان بس تانكيي اكبر من الي عندك 115 لتر الديره يمشيني 650 والخط يوصل 800 كلم اذا سقت بعقل والسرعه بالخط ما تزيد عن 140.

[ابوشجون2011]

جزاكم الله الف خير
بخصوص استفسار ولد العم عبدالرحمن الحربي والله وانا اخوك متوقع انه بيمشي مسافة اكثر من كذا لان عندنا جمس 98 خزانه تقريباً 150لتر والى الطائف بالراحة بسرعة 130 الى 140 كلم اذا اضطريت لها.
الحمد لله والشكر على كل حال واسأل الله ان لا يغير علينا النعمة اللي احنا فيها.
واسأل الله ان يبارك في كل من رد وشارك على موضوعي.

اخوكم/ فهد الحربي

[طير شلوى نجد]

وان اخوك هذي قرأت الكمبيوتر مع القيادة ستتغير والا السييرا يمشيك فوق 600 بالراحة

[التعـ King ـديل]

حسب معلوماتي ان الكمبيوتر يعطيك قرأه اقل ب 50 الى 70 كيلو من الحقيقي علشان يكون عندك مجال تمشي للمحطه

[كم كيلو باقي]

موترك صرفيته قليله مقارنه بالباجيرو الربع

مسكت خط لأبها مع واحد معه سييرا 1500 غمارة .. فرق السماء والأرض بين صرفيتي وصرفيته وهو محمل الا التنده

[صافي المشرب]

السييرا يشرب البنزين شرب
أنا استخدم سيارة العمل غمارة وحدة دفرنسين مكينة صغيرة
اقطع تقريبا 150 كم ما يبقى من التانكي الا الربع الأخير

[ابوشجون2011]

السلام عليكم ورحمة الله وبركاته
تم تعبئة الخزان يوم امس العصر وبعد التعبئة عطاني الكمبيوتر ان الخزان يمشي الى تقريباً 561 كلم ، وحصلت راعي سييرا 2012م غمارة يعبي 91 وسألته وش الافضل نوعية البنزين قال 95 وانا اعبي 91 لانه ارخص ويقول حصل معه تفتفه بالسيارة والكل اجمع على نوعية البنزين.
هذا والله اعلم ،،،.

ابو شجون

[مسير عليهم]

تبي النصيحه خلك على الـ 95 واشتر راحتك لباقي عمرك واذا تبي العلم الاكيد اترك عنك قالو ويقولون حتى لو كان الوالد

انا معي سييرا 2500 اذكر اني طلعت الامارات ومعبي من الرياض وصلت قبل الحدود بشوي ولعت علي لمبه البنزين وكان ممشاي من 140 الى 160 ومن الحدود الى ان وصلت مقري ويبعد عن الحدود فوق 400 كيلو وصلت وباقي ربع

[3bdelm7sn]

الكميوتر حق السيارة يعطيك باقي البنزين على حسب دعستك يعني انا عندي في السيارة لا دعست للسيارة يعني دعسة قوية الارقام تتغير على طول ومتى ما رفعت رجلي الارقام تزود معي يعني انت يمكن قريتها ورجلك حارة عليه شوي فافضل طريقة عشان تعرف مالك الا خط ورجلك تكون باردة وبيعطيك كم باقي كيلو بالضبط ان شاء الله

[قدها ونص]

احيانا الكمبيوتر يعطيك في الميل ياليت تاكد يلغالي ..!!

[Shqra]

إحمد ربك الجمس 2500 فورتك 6 لتر يشرب كثير
يمشيني 9 ميل لكل جالون

ال1500 يمشيك 15 ميل لكل جالون