تركيب مراوح سوبارو للباترول ( بالصور )

[geerman]

السلام عليكم ....

كما وعدتكم سوف اطرح موضوع تركيب مراوح سوبارو للباترول ( تجربه شخصيه وليس اقتباس )

نبداء

1 اول شي ازاله مروحه الكلتش ( شد بلد )

http://www.mekshat.com/pix/upload06/images/2012/06/mk249553_2012-06-24 17.46.14.jpg


http://www.mekshat.com/pix/upload06/images/2012/06/mk249553_nn.jpg


2 شراء مراوح سوبارو ( للمعلوميه هناك 3 احجام للمراوح ) صغير وسط كبير
الي يصلح للباترول الكبير لان رديتره كبير
طبعا" المراوح حديد

http://www.mekshat.com/pix/upload06/images/2012/06/mk249553_2012-06-24 21.58.48.jpg


وهدي المراوح مع بعض

http://www.mekshat.com/pix/upload06/images/2012/06/mk249553_2012-06-24 21.58.22.jpg

اهم شي المراوح حجم واحد حتى يسهل التركيب



3 قاعدة المراوح ( طبعا" هدي الطريقه افضل علشان يغطي الرديتر كامل

http://www.mekshat.com/pix/upload06/images/2012/06/mk249553_2012-06-24 17.47.36.jpg

ونحدد مكان القص بهدي الطريقه

http://www.mekshat.com/pix/upload06/images/2012/06/mk249553_2012-06-24 22.00.08.jpg

بعد كدا نقص البليته الحديد

http://www.mekshat.com/pix/upload06/images/2012/06/mk249553_2012-06-25 16.29.42.jpg

وهدي صوره الصاجه جمب الموتر

http://www.mekshat.com/pix/upload06/images/2012/06/mk249553_2012-06-25 16.30.12.jpg

ونقوم بعمليه الرش لتفادي الصداء ولتحسين المنظر

http://www.mekshat.com/pix/upload06/images/2012/06/mk249553_2012-06-25 17.40.24.jpg

وهدي صوره ثانيه

http://www.mekshat.com/pix/upload06/images/2012/06/mk249553_2012-06-25 17.40.42.jpg

الي يسائل عن الحديده الصغيره هدي قاعده للكتاوت :good2:


http://www.mekshat.com/pix/upload06/images/2012/06/mk249553_2012-06-25 17.30.41.jpg

وهدي صوره بعد التركيب كامل

http://www.mekshat.com/pix/upload06/images/2012/06/mk249553_2012-06-30 15.37.14.jpg


وهدي صوره ثانيه


http://www.mekshat.com/pix/upload06/images/2012/06/mk249553_2012-06-30 15.37.27.jpg



[B]ارجو عدم الرد حتى يكتمل الموضوع

:good2:

[geerman]

4 تركيب الحساس

طبعا" الحساس مع الفيش تشتريه من محل المرسيدس مقاس 80
للمعلوميه اكثر الي يقتبسو المواضيع يقولون حساس 75
انا ركبت 75 في البدايه وما نفع .... ليش
لان المراوح السرعه الثانيه راح يكون عليها ضغط

وهدي صوره الحساس مع الفيش

http://www.mekshat.com/pix/upload06/images/2012/06/mk249553_2012-06-30 15.38.29.jpg


الحساس سعره 35 ريال
الفيش سعره 15 ريال

وهدي صوره ثانيه

http://www.mekshat.com/pix/upload06/images/2012/06/mk249553_2012-06-30 15.38.41.jpg

5 المسافه بين المراوح و البكره راح تكون بهدا الشكل

http://www.mekshat.com/pix/upload06/images/2012/06/mk249553_2012-06-30 15.37.58.jpg


نجي للكتاوت
اربع كتاوت من محل مرسيدس
ماركت بوش او هيلا

طبعا" هناك عدة تشبيكات
انا سويتها كما يلي
مع السلف يشتغلو السرعه الخفيفه
مع ارتفاع الحراره تشتغل السرعه القويه

ويمكن تسويها على كيفك


هدي الصوره بحساسين

http://www.mekshat.com/pix/upload06/images/2012/06/mk249553_taurusfanlayout.jpg

وهدي دايركت مع التشغيل

http://www.mekshat.com/pix/upload06/images/2012/06/mk249553_relaywire.jpg


في النهايه نجي للمهم التكلفه

المراوح الثنتين 400 ريال
الكتاوت الاصليه الواحده 35 ريال
الحساس 35 والفيش 15
الاسلاك بالمتر تركب سلك قوي حق تسليك المنازل بالمتر
تكلف 30 ريال
فيش الكتاوت 4 ب 40ريال
الصاجه الي تغطي الرديتر ممكن تكلفك 40 ريال
مفتاح داخل السياره ( اختياري ) للتشغيل اليدوي في حاله تعطل الحساس 10 ريال
مسامير لشد المراوح والرديتر 15 ريال


التكلفه الاجماليه

725 ريال

كحد اقصى


واي استفسار حاضرين
:f

[كبسولة2]

ماشاء الله تبارك الله

بس أخوي للمعلومية ومن باب النصيحة مروحة السير

أفضل من المراوح الكهربائية بكثييير تفضل هنا لتعرف أكثر

http://www.mekshat.com/vb/showthread.php?t=493278

[stranger]

ما شاء الله عليك شغل مرتب ويعطيك العافية
ولكن ان شايف السعر تقريبا حول سعر التركيب عند الكهرباءي . خوي مركبها على جمس ب بتقريبا 900 ريال
ولكن برافو عليك

[وبل نجد]

مشكككوووور يالغالي

مجهود تشكر عليه الصراحه الله لايهينك ويجزاك خير

لدي تساؤل :في نظرك ماهو رايك هل الافضل تشتغل المراوح مع التشغيل او الطريقه الاخرئ

والئ اين تصل الحراره في الخط وداخل البلد ×

[يزيد 999]

يعطيك العافية وبيض الله وجهك بس ليتك تشرح طريقة الفك بالصور وطريقة التركيب والأدوات المستخدمة (بالتفصيل)

بس الغريبة السعر لأن واحد أعرفه مركب عند كهربائي فاهم ب550 ريال شامل كل شيء ذكرته؟؟!

[geerman]

بالنسبه الي يقول مراوح السير افضل
انا اقول انا مراوح الكهرب افضل بكثييييييييير
اول شي العزم فرق شاسع
ثاني شي التكييف في عز الظهر السياره واقفه ثلج...... للمعلوميه الكمريسر ناقص فريون
ثالث شي انا سمعت كلام كثير وحبيت اجرب المراوح بنفسي
والي يقول على الخط يرفع حراره ... اقوله تراى اكثر الناس يكتبون مايقراءون فقط ( اقتباس )
للمعلوميه جربت الموتر من كل النواحي وجربت خشيت به النفود لمدة 3 ساعات طلوع ونزول ...زي الحلاوه

والي يقول يكلف اقل... اكيد المراوح تركيب اي كلام .... المراوح سعرهم اقل شي 400 ريال؟؟؟؟

في الشرقيه نفس الشغل يكلف 1500 ريال

نصيحه مجرب ...ركب وانت مغمض.... السيارة تتغير 180 درجه


وشكرا" لكل من تجاوب وشارك في الموضوع

واي استفسار حاضرين

[geerman]

مشكككوووور يالغالي

مجهود تشكر عليه الصراحه الله لايهينك ويجزاك خير

لدي تساؤل :في نظرك ماهو رايك هل الافضل تشتغل المراوح مع التشغيل او الطريقه الاخرئ

والئ اين تصل الحراره في الخط وداخل البلد ×


انا مسويها مع السلف سرعه خفيفه
ومع الحراره السرعه القويه

الحراره واقفه فوق الشرطه الاولى بشوي :good2:
مع ان الموتر مع المروحه السير يوصل فوق الشرطه الثانيه بشوي مع المكيف


تحياتي

[أبـوأسـد]

الله يعطيك العافية على الموضوع

من تجربة لمراوح سوبارو على مكينة سيارتي اليوكون 350


أفضل حرارة وعزم وأقل صوت


لكن للأسف ما تلحق تقلل حرارة السيارة في التطعيس القوي :( فالمراوح أصلا مصممة لمكاين 4 سلندر فقط!


أن أحد حصل مراوح أكبر وخاصة لمكينة نفس السيارة يكون أفضل

[السومر]

الله يعطيك العافيه شغل ممتاز ومرتب

والتقرير وافي بارك الله فيك

[المميـز]

:

ماشاء الله عليك تبارك الله

تقرير رااائع ومميز

الله يجزاك خير

انا من مؤيدين مروحة الكهرب ولها نتائج إيجابيه بإذن الله تعالى ولكن اهم شي شغل الكهرب يكون مرتب وصحيح 100%




الله يعطيك العافية على الموضوع

من تجربة لمراوح سوبارو على مكينة سيارتي اليوكون 350


أفضل حرارة وعزم وأقل صوت


لكن للأسف ما تلحق تقلل حرارة السيارة في التطعيس القوي :( فالمراوح أصلا مصممة لمكاين 4 سلندر فقط!


أن أحد حصل مراوح أكبر وخاصة لمكينة نفس السيارة يكون أفضل



ركب مراوح جمس 2006

لانه يجي مراوح كهرب شد بلد ومكينته 8 سلندر

تم تجربتها على جمس 2002 وكانت المروح ميكانيكيه

وغيرتها بمراوح كهرب لجمس 2006 وشريتها من الوكاله

وكان ادائها رائع جدا ماشاء الله

:

[geerman]

للمعلوميه الدينمو الي على الموتر شد بلد... ما غيرته
اتوقع انه ماراح يتحمل كثير
علشان كدا الموضوع الجاي راح يكون عن تغيير الدينمو ويكون الموضوع مرفق بالصور

تحياتي

[يزيد 999]

والي يقول يكلف اقل... اكيد المراوح تركيب اي كلام .... المراوح سعرهم اقل شي 400 ريال؟؟؟؟

في الشرقيه نفس الشغل يكلف 1500 ريال



والله الكلام هذا بالقصيم (عنيزة) بمحل اسمه الأختر والشغل %100 والمحل معروف شغله وخويي مركبهن له سنتين ولا صار فيها أي مشاكل

[تاج1426]

ركبناهن بـ 600 ريال

وللاسف خسرنا 4000 توضيب وراس للمكينه

وكلام الميكانيكي يقول السبب المراوح

وتقبل مروري

[geerman]

اخوي حتى مروحه شد بلد ادا مشيت وانت غافل عن الحراره راح يكلفك المكينه ؟؟

للحين ماشفت منه اي مشكله وادا صادفتني مشكله راح اخبركم في المنتدى

تحياتي

[patrol-fa]

اخوي الدينمو حقك هذا بلد ولا مغير ,,, وشكله مغير ..

وليت تقول شو حقه الدينمو واي موديل الله يعافيك ..

[طير الخرما]

الله يعطيك العافيه علي الموضوع الرائعانا كنت مركبها علي موتري باترول م90
عز الله أنها ممتازه جداً.
ودمت بخير

[geerman]

الدينمو لازال شد بلد

لكن سوف يتم تغييره في اقرب وقت ممكن

[geerman]

تم تغيير الدينمو وسوف اكتب موضوع خاص قريبا"

[محب الهيف]

والله مدري اخاف اركبهن وطيح بليل ماله مسرئ
ناس تمدح وناس تذم

[محسن اليامي]

وعليكم السلام

ماااااشاءالله موضوع جميل وتم حفظه في المفضله

مشكوور ويعطيك العافيه

[عبدالله عارف]

سلام عليكم
جزاك الله خير على ذا الموضوع المهم

ثانيا اخوي هل لازم اني اشيل مروحة شد البلد؟؟

سواء للاند كروزر من 98 ألى 2007

والباترول القديم؟؟

جزيت خير

[geerman]

اخوي عبدلله

ماتقدر تركب مراوح كهرب مع وجود مروحه شد بلد في اي سياره

يجب ازاله كل ما يتعلق بمروحه البلاد

وشكرا"

[H5N1]

اخوي عبدلله

ماتقدر تركب مراوح كهرب مع وجود مروحه شد بلد في اي سياره

يجب ازاله كل ما يتعلق بمروحه البلاد

وشكرا"

أنا مركب المراوح الكهرباء داخل ومثبتها مباشرة على راديتر اليوكون 2003 مع مروحة شد البلد ( على السير)
لأن الفراغ كبير بين الراديتر والمكينة
دمتم بخير

[سلمان الخالد]

السلام عليكم ورحمة الله وبركاته


افضل محل تركيب مراوح للباترول في الرياض 99 سوبر سفاري

[عبدالرحمن السالم]

ماشاء الله، عمل رائع

[ابوحمد766]

مشكووووور أخوي geerman على المجهود والتقرير هذا

وبعض الشباب يعتقدون أنك بعد ما تركب المراوح خلاص لحم الكبوت أنساها
لا ضروري تشيك عليها إذا حسيت بتغير بالحرارة غير المعتاد ,
وأنا الحمدلله مركبها من 4 سنوات وماشفت منها ألا كل خير

والله يعطيك العافيه

[راعي الهاوي]

تقرير رائع,,,,

[بو_خليفه]

يسلموووووو

لكن المراوح حق اي موديل ونوع من انواع السوبارو


وموتري مركب له رديتر لاند كروزر 99 ومراوح مكسيما


رايكم ابدلها والا اخليها بس اصلح الكيبلات حقها

للعلم حرارة السياره بهذا الرديتر والمراوح تحت خط الربع:f


تقبل مروري

[وجعين]

يعطيك العافيه اخوي انا ابركب حساس غير حساس الوكاله ابي المراوح تشتغل على الربع السرعه الثانيه كم مقاس الحساس المناسب السؤل الثاني انا عندي ادريل ودي اخرم الكوع نفس طريقك بس خايف من تهريب الماء ونت ما وضحت الطريقة ارجو توضيح طريقه التخريم ومقاس الريشة المستخدمة والماده العازله المستخدمة ولك جزيل الشكر

[geerman]

خد لك حساس مرسدس مقاس 75 او 80
الكوع وديه مخرطه مع الحساس يكلفك 30 ريال ( انت وشطارتك )

[وجعين]

يعني الكوع اوديه المخرطه يفتح له سنه انا توقعت انك مسويه يدوي يعطيك العافيه

[K.S.A.A]

ماشاء الله تبارك الله
مجهود رائع وتقرير وافي الله يعطيك العافيه .

عندي استفسار وملاحظتين وأرجوا تقبلها بصدر رحب .

الأستفسار / أنت تقول أن المرواح ثلاث أنواع . والمعروف لدي أنها نوعين صغيره وكبيره وبس .

الملاحظه الأولى / حساس الحرارة لو وضعته في الكوع الأسفل كان أفضل بكثير . أفضل شكل وأعتقد يكون أدق في قياس درجة الحرارة من الكوع الأعلى .

الملاحظة الثانيه / أنت لست مجبورا على السرعه الخفيفه . يعني كان خليت السرعه وحده بس وهي عندما تصل الربع مثلا . أما إذا صار الموتر بارد تكون المرواح طافيه . منها الموتر يحتمي بسرعه وقت البرد , ولاتتحمل البطاريه ولا الدينمو طول الوقت .

وأنصح الأخوان بتركيب مراوح الكهرب من باب تجربه
معي سفاري 99 وركبت له مراوح سوبارو عند ورشة الدغيري بصراحه شغل 100% لها سنه و6 أشهر ولله الحمد مالاحظ عليها أي شيء .

[geerman]

مراحب اخوي k.s.a
كلامك صحيح بالنسبه لطريقه عمل المروحه لسرعه الخفيفه في فصل الشتاء فقط
لكن في الصيف لابد من عملها مع تشغيل السياره ... تعرف الجو عندنا ... وعلشان التكييف
وبالنسبه لحجم المراوح يوجد 3 مقاسات انا شايفا الوسط تجي مستطيل بين الكبير والصغير

وتحياتي لك واشكر مرورك

[kial_04]

السلام عليكم ورحمة الله وبركاته
اشكرك على مجهودك الرائع ونقل الخبرهـ لكى يستفيد منها الجميع
من واقع تجربه لنيسان ربع 1999 مركب عليه مراوح سوبارو نفس طريقتك
جداً ممتازه عزم وقلة صرفيه للبنزين
ولكن لابد من المتابعه المستمره للكتاوت والمراوح وهذا امر ضروري سواء بمراوح الكهرباء او غيره.
كانت في ملاحظه هي انه السياره بعد تطعيس ووو تآخذ وقت تبرد اذا وقفت والسياره شغاله
اما لا مشيت مع الهواء تنزل الحرارة .
هذا اللي لاحظته
والان معي نيسان ربع 1992 مراوح وكالة
ابغي استبدلها بمراوح كهرباء
فضلا منك لا امراً
موقعك او تدلني على ورشة معروفه وشغلها مضمون
عذراً على الإطالة
وشاكر ومقدر جهودكم
مودتي

[00mohammed00]

ماشاء الله عليك

[صلوحي9090]

الله يعطيك العافية ع المجهود وانا بسراحه بركب كهرب افضل واقل صرفية واخف لسيارة
والي خبط مكينته البلا بمكينتك وليست بالمراوح تصير مكينك مطرفة وتوقف احدى المراوح اكيد بيخبط حبيبي
انا مجربهن بموتر معدل زي الحلاوه والي خابر لي مراوح كبار لفتك يبلغني 0552248555 بالقصيم الموقع

[عبدالرحمن.1]

من افضل المراوح عالبترول

[geerman]

من يريد التركيب في الشرقيه
محل اسمه البتار تخصص مراوح وشغل مضمون
بجوار القناص

[وسم الشما ل]

ماشاء الله عليكم تقرير افظل من رائع لاكن ابي اركب للبترول عندي وين احصل المراوح واحسن واحد للتركيب بس يكون بتبوك لني ساكن بها ارجو الافاده لاهنتم

[مجرم الددسن]

اخوي لاهنت من وين شريت المراوح

[ظغط عالي]

السلام عليكم

مساء الخير


اخي جرماني أو جرمني ممكن تتصل بي مشكور
0559220019

[ابو البر]

السلام عليكم ورحمة الله وبركاته

سؤال يا أخي الفاضل
هل تنفع المراوح على يوكن 99
وخصوصا اني ابي اركب طريقة الكابرس 95
مراوح كبيره وجباره .
وايضا التركيب راح يكون من متخصص مثلي في التوليفات ويا حبني للشغله اللي فيها تخريم بدريل اشر وين اخرم واترك الباقي علي.(طبعا انا ملحت شوي )

اليوكن ينفع له المراوح الكهربائيه او لا .

الله يجزاك خير.

[مجرم الددسن]

اخوي لاهنت من وين شريت المراوح

[شاص نيسان 93]

نحن على اتم استعداد لتركيب مراوح السوبارو للباترول والهايلكس والددسن
للمعلوميه اخي افضل طريقه للتسليك خاصة للباترول
تلغي السرعه الخفيفه وتخلي السرعه الثانيه مع المكيف ومع الحساس

[difallah]

سلام عليكم يا شباب
انا عندي باترول 91 وتوي موضبه والحمد لله
حرارته طبيعيه بس ابي افتك من حنة مكينة النيسان
هل تنصحونني بتركيب مراوح السوبارو؟

[ربع قنص]

نفس كﻻم اخوي ضيف الله
لكن معي ربع 91 . 12 بلف

ايش افضل مروحة
وياليت احد يفيدني بورشة في جدة لها خبرة في هذا الشي

[geerman]

السلام عليكم....
اسمحو لي ما رديت عليكم...
المراوح تلقاها في التشاليح
وادا انت في الشرقيه محل اسمه البتار يزين السياره ويسلمك المفاتيح
بالنسبه لمراوح السبارو انا مجربها على باترول ما ادري ادا كانت تصلح لليوكن

[ابوسعد3211]

الله يعطيك العافية علي مجهودك
لا عدمناك

[محمدابوساره]

بيض الله وجهك

[geerman]

الموضوع صار له 5 سنوات :good2:
ولا زلت انصح بتركيب المراوح

[فياض الربيع]

وش افضل مراوح للباترول موديل 2000 علما ان حرارته على الربع دايم
بس قلنا يمكن تخف السياره وتخف صرفيه البنزين

[saeemo]

بالنسبه الي يقول مراوح السير افضل
انا اقول انا مراوح الكهرب افضل بكثييييييييير
اول شي العزم فرق شاسع
ثاني شي التكييف في عز الظهر السياره واقفه ثلج...... للمعلوميه الكمريسر ناقص فريون
ثالث شي انا سمعت كلام كثير وحبيت اجرب المراوح بنفسي
والي يقول على الخط يرفع حراره ... اقوله تراى اكثر الناس يكتبون مايقراءون فقط ( اقتباس )
للمعلوميه جربت الموتر من كل النواحي وجربت خشيت به النفود لمدة 3 ساعات طلوع ونزول ...زي الحلاوه

والي يقول يكلف اقل... اكيد المراوح تركيب اي كلام .... المراوح سعرهم اقل شي 400 ريال؟؟؟؟

في الشرقيه نفس الشغل يكلف 1500 ريال

نصيحه مجرب ...ركب وانت مغمض.... السيارة تتغير 180 درجه


وشكرا" لكل من تجاوب وشارك في الموضوع

واي استفسار حاضرين
تعرف احد في جده شغله زين ويعمل كذا لباترول ٩٨ قير عايدي
جزاك الله خير