يزيد 999
01/07/2012, 02:25 AM
بسم الله الرحمن الرحيم
عندي مشكله بالفورد f150 2004
راح نبدأ بقصه التقطيع
هذا سلملكم الله بدا الموتر يجيه تقطيع من فتره الى فتره يعني باليوم يمكن يصير التقطيع مره او مرتين بعده قررت اسافر على السياره للرياض طبعا انا من القصيم المهم رحت والسياره زاد تقطيعه لمين صرت لازم ادعس بقوه عشان مايقطع اما اذا دعست على خفيف وجاء يعشق يقطع على طول يعني لازم اترك الدعسه وادعس مره ثانيه عشان يروح التقطيع وعلى هالحاله والمشكله بالمثبت طبعا مثبت الفورد عباره عن زر بالدركسون بحيث اني اثبت السرعه على 120 واذا جيت اطوف ازود السرعه من المثبت يقطع يعني لازم اذا بغيت اطوف ازود السرعه من البنص عشان ما يقطع ولازم ادعس بقوه ايضا المهم رجعت القصيم ورحت فحصت كمبيوتر وقالي عندك كويل رقم 5و8 رحت الوكاله وجبتهن وركبهن وراح التقطيع وجربت مسكت خط وثبت السرعه وراح التقطيع لاكن لاحظت انه لمبه المكينه صارت تولع وتطفي (تاشر) يعني الفرق توليع اللمبه وانطفائها اقل من ثانيه تقعد تقريبا على هالحاله مد نصف دقيقه وبعده بيوم او يومين رجع التقطيع ودبل تبدي <<< كلمه قصيميه معناها الكبد المهم والمشكله انه فشلن اذا ركب معي احد والا حظ عليه انه اذا شديت عليه ودعست الى اخر الدعسه ومشيت شوي على طول لمبه المكينه تاشر واذا وقفت وهي تاشر السياره ترجع والاربي ام يلعب ويلاحظ ضعف العزم مع انه 8سلندر ومكينته اكبر من الجمس لاكن الصني تنتفن طبعا وزن موتري 2450كج بعد كذا رحت لورشة الشيبان ببريدة وفحصه وقال كويلين وبوجيين وبخاخين رقم 6و8 وغيرهن وراح التقطيع مدة شهر ونص وقبل أسافر للرياض بيوم رجع التقطيع لكن لاحضت إنه إذا شغلت المكيف يبدأ التقطيع ويضعف العزم وإذا طفيته راح التقطيع وتحسن العزم مع مراعات إن الموتر تحس فيه كتمة قوية نوعاً ما
عندي مشكله بالفورد f150 2004
راح نبدأ بقصه التقطيع
هذا سلملكم الله بدا الموتر يجيه تقطيع من فتره الى فتره يعني باليوم يمكن يصير التقطيع مره او مرتين بعده قررت اسافر على السياره للرياض طبعا انا من القصيم المهم رحت والسياره زاد تقطيعه لمين صرت لازم ادعس بقوه عشان مايقطع اما اذا دعست على خفيف وجاء يعشق يقطع على طول يعني لازم اترك الدعسه وادعس مره ثانيه عشان يروح التقطيع وعلى هالحاله والمشكله بالمثبت طبعا مثبت الفورد عباره عن زر بالدركسون بحيث اني اثبت السرعه على 120 واذا جيت اطوف ازود السرعه من المثبت يقطع يعني لازم اذا بغيت اطوف ازود السرعه من البنص عشان ما يقطع ولازم ادعس بقوه ايضا المهم رجعت القصيم ورحت فحصت كمبيوتر وقالي عندك كويل رقم 5و8 رحت الوكاله وجبتهن وركبهن وراح التقطيع وجربت مسكت خط وثبت السرعه وراح التقطيع لاكن لاحظت انه لمبه المكينه صارت تولع وتطفي (تاشر) يعني الفرق توليع اللمبه وانطفائها اقل من ثانيه تقعد تقريبا على هالحاله مد نصف دقيقه وبعده بيوم او يومين رجع التقطيع ودبل تبدي <<< كلمه قصيميه معناها الكبد المهم والمشكله انه فشلن اذا ركب معي احد والا حظ عليه انه اذا شديت عليه ودعست الى اخر الدعسه ومشيت شوي على طول لمبه المكينه تاشر واذا وقفت وهي تاشر السياره ترجع والاربي ام يلعب ويلاحظ ضعف العزم مع انه 8سلندر ومكينته اكبر من الجمس لاكن الصني تنتفن طبعا وزن موتري 2450كج بعد كذا رحت لورشة الشيبان ببريدة وفحصه وقال كويلين وبوجيين وبخاخين رقم 6و8 وغيرهن وراح التقطيع مدة شهر ونص وقبل أسافر للرياض بيوم رجع التقطيع لكن لاحضت إنه إذا شغلت المكيف يبدأ التقطيع ويضعف العزم وإذا طفيته راح التقطيع وتحسن العزم مع مراعات إن الموتر تحس فيه كتمة قوية نوعاً ما