فزعتكم ياهل القصيم

[ثلاثيني عزوبي]

السلام عليكم ورحمة الله وبركاته
سكان القصيم الكرام, هل مرور القصيم يفتح العصر لنقل الملكية واصدار اللوحات؟؟ ناوي اجي القصيم العصر من الرياض بشتري سيارة ولا ودي اتعطل لليوم الثاني, فاللي عنده خبر اذا مرور القصيم يفتح الفترة المسائية أو لا ياليت يفيدني مع الشكر مقدماً لكم جميعاً. بعد سؤال ثاني معارض سيارت القصيم وينها فيه بأي مدينه بالضبط لأن أول مره أروح لأرض القصيم الطيبه.

[كاشت بالحر]

استغرب موضوع مثل هذا مافيه ردود توصل بالسلامة اخوي

نعم فيه دوام مسائي بالمرور

[د.مصرقع]

بالنسبة للدوام فجاوبك أخونا كاشت وأنا حقيقة ما عندي علم عنه

أما بخصوص المعارض فهي شمال بريدة وأنت متجه للمطار وأقرب طريق لها وانت جاي من الرياض تمسك الدائري يمين باتجاه حائل

[اابوكايد]

المرور شغال حتى الساعه الثامنه مساء ماعدا الخميس والجمعه

[محب الهيف]

حياك الله ياهلا وسهلا
بالنسبة للمرور شغال
الى مابعد المغرب
وما طريق المعارض
خلك مع السريع
لين يجيك كبرى
الدائري حائل
الجوف تبوك
خلك معه تمشي
تقريبا 20 كيلو
لين يجيك مخرج
الشقه /حائل /الجوف
خذه وترى وجهتك غرب
امش تقريبا 2 او3 يجيك
مخرج مكتوب المعارض
خذه ومش لك اشوي
تلقاء المعارض قدام
واسف على الآطاله

[ثلاثيني عزوبي]

كاشت بالحر
د. مصرقع
ابو كايد
محب الهيف
بيض الله وجيهكم ما قصرتوا جعلكم تسلمون