اجهزة تتبع الصقور .....تفضل واستفسر [الأرشيف]

مارشال

27/06/2006, 12:24 AM

السلام عليكم ورحمة الله وبركاته

اخواني الأعزاء ....
لكثرة أستفسارات الأعضاء عن اجهزة الطيور على الرسائل الخاصة .... احببت ان يكون هناك موضوع عاماً ونافعاً للجميع

وانا جاهز للرد على اي استفسار في هذا النطاق

مارشال

(شقاوي)

27/06/2006, 08:45 AM

مرحبا اخوي مارشال تسلم على الموضوع الحلو
اخوي بخصوص الجهاز انا برح اليوم بشتري واحد من العطيشان ويش تنصحني فيها في هناك بو خمس ريش وابو ثلاث ريش وهل يختلف الجهاز بو ثلاث او بو خمس ريش بلمدا اي المسافه تختلف
تحياتي للجميع
اخوك شقاوي

فهد الميموني

27/06/2006, 09:11 AM

:good: اخوي انصحك بالجهاز ابو 16 ريشه الامريكي الاسود مجرب ومظمون بأذن الله وتلقاه عند العطيشان

بروفسر

30/06/2006, 02:59 PM

موضوع روعه ومفيد للكل
الى الامام

ســـــــنافي

01/07/2006, 03:42 PM

السلام عليكم

اخوي بلا امر عليك
شو رايك بالجهاز الايطالي
تنصحني اشتريه

ابرق العزاف

02/07/2006, 10:57 PM

اخي كم سعر الجهاز الامريكي واين يقع محل العطيشان

عنوانه لوسمحت تحياتى

مارشال

04/07/2006, 02:18 AM

السلام عليكم

اعتذر للجميع على التأخير .....

اخوي شقاوي / من ناحية الأجهزة ال 5/10/15 /100 طير هذي كلها مارشال اما 3/16/48 طير هذي وايلد لايف
الوايلدلايف افضل من ناحية المسافة ومن ناحية سهولة الأستخدام واقل في السعر
اما المارشال فهو يعتبر اغلى لسبب واحد فقط وهو طريقة تصنيعة مكلفة وشكله جميل جدا, وللمعلومية جميعها متوفرة لدي

اخوي سنافي / حسب علمي في الأجهزه انه لايوجد هناك جهاز ايطالي ؟؟؟؟؟ ولايعني ذلك النفي ولكن منك نستفيد.

اخوي باسل1 / حدد نوع الجهاز الأمريكي الذي تريده فهناك :
مارشال 5/10/15/100 طير لون الجهاز اسود على شكل مسدس واشارة الأقتراب عبارة عن امبير متحرك.
وايلد لايف 3/16/48 طير لون الجهاز اسود واشارة الأقتراب عبارة عن لمبات حمراء
اف ال 10/20/100 طير لون الجهاز ابيض المنيوم والأشارة عبارة عن امبير متحرك.

اطيب تحية
مارشال

ابو عايد

07/09/2006, 03:31 PM

السلام عليكم

تسلم ياغالي وهذا من طيبك ويعطيك الف عافيه

ابي استفسر عن جهاز مارشال

كيف اعرف تردد الريشه واحسن ريشه للجهاز على المسافات البعيده والريشه رقم ثلاثه تشتغل على واحد ضعيف الصوت وعلى الثلاثه صوتها زين يعني مافيه دقه بين الريش وهل جهاز النداء يؤثر على جهاز المارشال

ومن خبرتك هل الارسال يكون قوي في الليل ام في النهار وهذا السؤال مطروح للعموم

الغايب الحاضر

08/09/2006, 02:35 PM

اخوي انا ناوي ان شاء الله اشتري مارشال 15 ريشه وانت ذكرت ان الوايلدلايف افضل من ناحية المسافة هل الفرق كبير لدرجة اني اغيرالراي عن المارشال اوالفرق مايذكر
ولك مني جزيل الشكر على هالموضوع المفيد

مارشال

08/09/2006, 05:44 PM

حياكم الله جميعا

اخوي ابوعايد
* تردد الريشة تجده مكتوب عليها مثلاً رقم 3 = 216.025 ملاحظه هذا التردد خاص في السعوديه للمواطنين اما تردد اجهزة الأمراء فهي تختلف,
* افضل الريش في نظري ام قرص سواء بطاريه او بطاريتين
* شي طبيعي ان 3 تشتغل على 1 في المسافات القريبه , من المعروف ان الريش تتداخل في المسافات القريبه 500م فأقل
* جهاز النداء في علمي لايؤثر على جهاز الطيور

اخوي الغايب الحاضر

الوايلد لايف افضل في المسافة بشكل بسيط, تقدر تقول انه يزيد عن المارشال من ال 5-10% فقط في جميع الضروف

الساجي1

09/09/2006, 12:21 AM

<HR style="COLOR: #cccc99" SIZE=1> 

اخوي مارشال الله يعطيك العافيه على الموضوع الحلو

عندي سؤال هل فيه محل بالشرقيه يصلح الريشه حقت المارشال مرات تشتغل ومرات لا البلا من السنه الى داخل

طيرالحمــــاد

09/09/2006, 06:12 AM

موضوع حميل تشكر أخي مارشــــــــــــــــال على طرحه
.
.
.

حبيت استفسر عن الريش أم قرص هل عندك للبيع واذا كان موجود ابي واحده من أم بطاريتين ويكون الرقم (2/ 6/10)وتكون مضمونه ومجربه

أتاسف للأطاله ............ تحياتي للجميع

مارشال

13/09/2006, 03:45 PM

الساجي1: لايوجد اصلاح ريش في الخليج كله,لكن الوكيل اللي شريت منه الريشه هو الوحيد اللي يستطيع ارسال الريشة الى الشركة في امريكا.

طير الحماد: الريش ام قرص بطاريتين (المديل الجديد الذهبي) تجدها في محل الصقر والصقار, وانشاء الله ستجد الرقم الذي تريده لجهازك ابو 3 طيور 2/6/10 ;)

شعلان

16/09/2006, 09:42 PM

السلام عليك يا اخوي بس ممكن الله لا يهينك تذكر لي أنواعها وأسعارها

الساهر1

16/09/2006, 10:07 PM

وايلد لايف 3/16/48 طير لون الجهاز اسود واشارة الأقتراب عبارة عن لمبات حمراء

اولا الف شكر على الموضوع المفيد والرائع

ثانيا لو تكرمت ابغى اسعار الاجهزه الموضحه بالرد وماهو الفرق بين 3 ريش و16 و 48

ولك اجمل تحيه

جو الشيخ

16/09/2006, 10:37 PM

اخوي مارشال حبيت استفسر مده حجر الريشه ام قرص اذا ضاع الطير الله لايقوله

مارشال

17/09/2006, 05:15 AM

الأنواع والأسعار تجدها في محل الصقر والصقار

3 طيور ب 2100
16 طير ب 3000
48 طير ب 3400
والفرق بينهن عدد القنوات

مدة حجر الريشة ام قرص يومين لأم بطاريتين, وسبعة ايام لأم بطاريه واحده

قرناس حائل

17/09/2006, 05:31 AM

هلا وغلاء أخوي مارشال ولاهنت على الموظوع

عندي جهاز التتبع ابو 3 ريش وايلد لايف الجهاز حسب وصفك الجهاز اسود واشارة اللمبات حمراء

عندما استخدمه لتتبع الطير ينقطع او يطفي الجهاز بعد استخدمه فتره ال 10 دقائق مثلا"

لاأظن انه من البطاريه لاني استبدلت البطاريه بنفس الوقت ولاكن لافائده

بأنتضارك يالغالي لاهنت

مارشال

18/09/2006, 04:30 AM

الحقيقه ماعندي علم عن سبب طفيت الجهاز بعد عشر دقائق ؟ (في الوايلد لايف) لأن نظام ميزة توفير البطاريه لاتوجد في الوايلدلايف

لكن اذا كان كل مره يطفي بعد عشر دقائق بشكل منتظم فهذه ميزه في الجهاز تؤمن لك حفظ البطاريه من التلف

ابوظبي 987

18/09/2006, 09:01 AM

ســـــــنافي

28/01/2007, 03:43 PM

السلام عليكم
اخوي لو سمحت تنصحني اشري جهاز مارشال ديجتل؟؟

uae454ss

29/01/2007, 10:15 AM

السلام عليكم ياخي ســـــــنافي

انا عندي الجهازين (الالماني والفيلد مارشال الامريكي)

جهاز الفيلد مارشال مافيه كلام http://70.86.213.226/~mekshat/vb/images/smilies/icon14.gif وهذه وجهة نظري انا من بعد تجربتي للجهازين وهوا ادق بكثير عن الالماني ويوصَّل مسافات بعيده طبعاً على حسب نوع ريشة الجهاز (مثال: RT Standard أو RT Plus والخ.......).

لدرجة ان من فترة قريبة ضاع طيري وانا ادوره بالجهاز(الفيلد مارشال) لمدة 2:30 تقريباً وحصَّلته في وقت مابين صلاة المغرب والعشاء بمسافة بعيدة جداً عن المكان الي ضاع منه (ومريت على مناطق فيها بيوت كثيرة واعمدة كهرباء واعمدة اتصالات ولم تُأثر على الارسال)

الجهاز الالماني مافيه نفس الدقة الى بالفيلد مارشال ومالك لوا انت والاخوان ما يودي مسافات بعيدة الا اذا عملت تعديل بالرشه (في دبي يزيدون من قوة الريشه ويخلون البطارية الكبيرة مثل الي في ريشة الفيلد مارشال تركب عليها)

ارجو ان هذه المعلومات البسيطه تكون مفيده لك وللاخوان وانا لم انتقد اي من آراء الاخوان في هذا الموضوع ولكن حبيت المشاركة بخبرتي البسيطه .

الفالكونر

29/01/2007, 11:54 AM

السلام عليكم ,,

بعد التحية , من واقع تجربة طويلة مع أجهزة التعقب تبون الصحيح بدون دعايات ,,,!!!

ماكو على الجهاز الأسباني ( أياما سيجوتيل ) لا مارشال ولا الماني ولا غيره ,,
جهاز مسكت .. الحجم صغير , الريشه قويه وتطول أسبوع , المدى لا تسولف من 20 كيلو وفوق , لا والتحديد دقيق دقيق دقيق الى آخر درجة ..

لكن الناس ماخذه سمعة المارشل لكن ما يتقارن مع الاسباني نهائيا ,,

وأنتو بكيفكم,,,,,,,,,,,,,

طارق الحربي

29/01/2007, 12:11 PM

طيب لو تعطونا معلومات عن الموجود بالسوق والاسعار ؟

وانسب جهاز

شدا1395

29/01/2007, 10:06 PM

عزيزي مارشال السلام عليكم ورحمة الله وبركاته ومساك الله بالخير أحب أن استفسر عن الجهاز مارشال (5)طيور من ناحية الجودة والمسافة والتحديد هل هو دقيق أم لا وأيضا عملي أم لا وغيرها من المميزات والعيوب الخاصة بالجهاز ولك مني كل الإحترام والتقدير وأشكرك على هذا الموضوع القيم والمفيد .

أخوكـــــــــــــــــــــــــــــــ شـــــــــــــــــــــــــــــــــــــــــــــــــ ـــــــــــــــدا

البواردي99

29/01/2007, 11:07 PM

بيض الله وجهك علي تعونك اخوي

فواز

30/01/2007, 06:28 AM

تسلم يامارشال وما قصرت

شدا1395

30/01/2007, 01:13 PM

أخوي مارشال السلام عليكم ورحمة الله وبركاته والله يعطيك العافية على الموضوع القيم والمفيد أحب أن استفسر عن الجهاز مارشال
(5)طيور لحيث أنني اشتريته قريب واطلب منك يا الغالي التوضيح لي مما لديك من خبرة عن هذا الجهاز من حيث المسافة ودقة التحديد وهل هو عملي أم غير ذلك وغيرها من المميزات والعيوب . ولك مني كل الإحترام والتقدير أخوكــــــــــــــــ شــــــــــــــــدا

مارشال

31/01/2007, 04:52 AM

السلام عليكم

اخوي سنافي ..... لايوجد جهاز مارشال ديجتل ! ولا ادري وش الجهاز اللي تقصده؟ عليك طلعااااااااات, هذي ثاني مره.

اخوي شدا حياك الله .... بالنسية لجهاز المارشال 5 طيور زيه زي غيره من الأجهزة مارشال 10/15/100 وايلدلايف 3/16 من ناحية الدقه والمسافة والتحديد ومن ناحية الجوده, بس الفرق عددالقنوات

الأخوه الأعضاء ارجو عدم الحديث والخوض في خارج نطاق الموضوع والمفاضلة بين الأجهزة, فهو للأستفسار وليس لتقييم الأجهزة

وشكراً

marshall

28/03/2007, 01:44 AM

السلام عليكم ورحمة الله وبركاتة
انا اخوكم اكلمكم من امريكا واحد من الربع موصيني على جهاز مارشل وابي اجيبه له بس ما افهم فيها
الي اعرفه انه فيه 5-10-15-100 قناة وفيه اربع موجات 216-217-218-175
واربع انوع من الريش وش الزين واذا توصوني على شي ترى تاومرو انا راجع عقب شهر واسبوع ان شاء الله
المهم الريش
اسمهم 1 rt+ رجل 195دولار من دون تاكس زيل از ريش 205
2- powermax هذي بس رجل 245 من دون تاكس
3- Micro هذا 225 رجل 235 زيل
4- 2007 Scoutوهذا اجدد واحد ومداها 40 ميل هذا الي فهمته بس ترى ما عندي اي خيرة ياشباب وعلموني عن الاسعر عشان اعرف تستاهل من يجيبها او لا 125 رجل 135 زيل او ريش
اسعار الاجهزه 5 قنوات 750 دولار مع التاكس او اقل شوي
10 قنوات 850 دولار مع التاكس او اقل شوي
15 قنوات 950 دولار مع التاكس او اقل شوي
ابو 100 قناة 1600 دولار تقريباُ
ردو علي وعلموني اسعارها احس من السعودية او لا
يستهل من يجيبها او لا

الفيتو

28/03/2007, 02:31 AM

بسم الله الرحمن الرحيم
السلام عليكم ورحمة الله وبركاته
مساء الخير يا خوي مرشال
الله يردك سالم غانم انا يا خوك غشيم فيها بس مابغيت امر مرور
الكرام ولا امسيك بالخير .انت راعي الطيب انبادله بالطيب
لو ما عندي هالحين الا الدعاء لك بالتوفيق
وعسى يمر احد من الربع هالحين يفيدك بالصور والاسم
والسلام
الفيتو
الحجاز
10/3/1428هـ

*الـزيـن*

28/03/2007, 02:59 AM

مارشال

الله يعطيك العافيه وانا اخوك

طيب وش تنصحني ابي افضل شي المسافه والجهاز والريشه يعني ماعندي علم في اسعارهم بس مايهم السعر اهم شي المسافه وسهل الاستخدام

وطيوري قليل بس ثلاث طيور

اهم شي المسافه ومثل ماقلتلك يابعدهم الي تقوله بروح اشريه بدون تردد يامارشال

وهل فيه وكيل في الشرقيه ( الخبر - الدمام ) واذا مافيه الرياض

تقبل كل الاحترام والتقدير

المري

28/03/2007, 07:26 AM

مرحبا اخوي مارشال وعلى ماقال اخوي الفيتو انت راعي الأوله وماقصرت واعلومك وجمالتك واصلة ..

بس صراحة اشترها من الرياض ابرك لك..

وماتشوف شر..

اخوك - المري

marshall

28/03/2007, 08:34 AM

شكراُ على ايهتمامكم شباب
والله بنسبة لي ما فيه مشاكل انا ان شاء الله راجع عقب شهر والرجال مو مستعجل واذا سعرها ارخص عندي ما عندي فيها مشاكل واذا ما اعجبه الجهاز او صار له شي عليه ضمان والحمد لله في امريكا نقدر نرجع اي شي وانتم كرمة نشتري والجزم ونكرفها ونرجعها ما يقولون ليش ما لها دخل المثال في السالفة بس اشوف امكن وانا هنا عندي خيارات اكير صحيح ما فيه خبرة بس فهمت السالفه شوي
واشوف انه اخر ريشه الي هي سكوت ما حد يتكلم عنها مع العلم انه جديده في موقعهم تصنيع هذي السنة وباين انه اربعين ميل بعد جيد على حسب ما قريت في المنتديات انه 20 كليو ويعتبر ممتاز كيف 40ميل يعني تقريباُُ 55 كيلو
والله يجزاكم خير وما يبعدكم عن اهلكم ويخلكم لهم ويخليهم لكم
اخوكم حمد التميم marshall اسم الجامعة الي ادرس فيها
الف شكر ارجو ممكن نذكر الاسعار عشان اميز الفرق الف شكر أ

المري

28/03/2007, 09:22 AM

راعي الخلوي

28/03/2007, 12:41 PM

مرحبا اخوي مارشال اللي في امريكا ماهوب اللي عندنا في الرياض

اخوي marshall

الريش اللي يصنعونها في امريكا بعضها للأستعمال الأمريكي , لاني سنة من السنين طلبت لي حوالي 24 ريشة بحدود 20 الف ريال سعودي

بس يوم جتنى الريش ماتوصل حتى كيلو !!!!!!!!!!!!!!!

يوم راسلتهم قال انت تبغى حقت الخليج سعرها كذا وكذا اغلى من عندنا !!!

وسلامتك

اذا بغيت الفاهم في هذه الشغله الاخ مارشال وان شاء الله يفيدك بكل شي..

اخوك - المري:rolleyes:

يا جماعة الخير انا اطقطق شوي بالانجليزي ويوم اني دخلت على موقع مارشل شفت ريش عجبتني مثل
باورماكس و ار تي بلس
يوم سالت الوكيل عندنا قال مافيه الاريشه وحده الظاهر انها ار تي القديمه

المراد انا ابي لي ريش جديده على قولة الموقع حقهم انتاج 2007
وين احصلها بالسعوديه والخليج ...واذا مافيه هل تنصحوني اطلبها من امريكا

شكرا:D

marshall

28/03/2007, 04:32 PM

اخوي المري السالفة يا طويل العمر والسلامة انه فيه موجات الي هي 216 - او 218 - او 173
واذا طلبة الجهاز الي هو الرسفير نفس الشي فيه 216 218 173 لازم تتطلبهم عاى نفس التذبذب حق الموجة
وامكن هذا الشي ال ما لاحة وكل الموجات نفس السعر

المري

28/03/2007, 04:38 PM

مرحبا اخوي المارشال..

كلامي واضح جدا جدا جدا

لو تأخذ نفس التردد اللي في جهازك بس الريش ماهيب مصنعه للخليج ماتوصل , لان عندهم في امريكا غير مسموح

بالمسافات البعيده .. وهي نفس شكل ريشنا اللي عندنا بس القوة تختلف.. وتحصلها عندهم 700 ريال حوالي 185 دولار

بس اذا جاتك الريشة اللي تصنع للخليج قيمتها 325 دولار ولا يعرضونها على السايت حق المارشال اللي يعرضونه استعمال

ليس بالخليج..

ارجو ان اكون قد وضحت وبأمكانك تسألهم عن كلاااااااااامي كله بارك الله فيك..

اخوك - المري

marshall

28/03/2007, 05:18 PM

يعطيك العافية اسف على الازعاج

بس ممكن استفسار اخير انت شفة اخر ريشة صنعهوا سكوت مكتوب في السايت ان مداها 40 مايل
وشكراُ على الرد مقدمن

المري

28/03/2007, 05:21 PM

مرحبا اخوي مارشال

انا من زمان مادخلت على الموقع بس راح ادخل ذا الحين ورد عليك بارك الله فيك..

اخوك المري

marshall

30/03/2007, 06:51 AM

شباب وش العلم

المري

30/03/2007, 07:25 AM

أنتظر مامن علم حتى الأن , أرسلت عليهم ايميل وحتى الان ماردوا أنتظر ..

وتسوف تجيك نفس كلام .. واللي في الموقع هي نفس الريش اللي تصنع لأمريكا واذا كان في ريش نفسها للخليج

بتجيك اسعارها غااااااالية بالحيل.. من 400 دولار وطالع..

شكرا لك

اخوك - المري

سلطان العوني

30/03/2007, 09:48 PM

الف شكر لكم جميعا

مارشال

30/03/2007, 10:58 PM

السلام عليكم
اولاً اشكر الأخ المري على التوضيح الدقيق الله لايهينه

الأخ Marshall حياك الله.......
انا معكم في الموضوع من اول رد لك , وكان ودي ان عرضك واستفسارك يكون في موضوع خاص بك.......راجع الرد رقم 29
ماعندي شي اضيفه على اخوي المري الا انه هناك خطاء عدم توضيح من الشركة (للخليجيين) في موقعهم على الأنترنت
فجميع الريش المعروضه عندهم ماتتعدى مسافاتها 1-2 كيلو متر في افضل الضروف وهي مخصص للبيع في امريكا , ويكفيني شهادة اخوي المري فهو مطلع في هذا المجال.
بالنسبة للريشة Scout اللي تقول انها تجيب 40 ميل!!!!!!!!! مادري وين قريت كلمة 40 ميل!!! اللي موضح في الموقع انها تعمل 40 يوم وليس 40 ميل.
بأختصار شديد وسريع لايسمح ببيع الريش ذات المسافات اللي تتعدى 2 كيلو في امريكا هذا حسب كلام صاحب شركة مارشال معي عندما قابلته شخصيا عام 2003/2005
وبالنسبه لأسعار الريش في حالة طلبها بمواصفات الخليج فأن سعرها يزيد حتى يصل الى ضعف الثمن الموضح في الموقع على الأنترنت
اما بالنسبة لأجهزه فأنك تضيف 200 دولار على سعر الجهاز ابو 5/10/15 و 400 دولار على سعر الجهاز ابو 100 طير
انا افضل ان تقوم بمراسلة الشركه حتى تتأكد بنفسك من الأسعار المذكوره اعلاه بالنسبه للمواصفات الخليجيه

وانا في الخدمه

مارشال

30/03/2007, 11:16 PM

اخوي راعي الخلوي ........... حياك الله

باين من كلامك انك من اهل قطر؟.......... على كل حال اللي تطلبه متوفر لدي.... اذا تبي تاخذ من عندي ريش:
- بورماكس ذيل وانا اعدها افضل ريشه على الأطلاق ومسافتها تتراوح من 10- 20 كيلو ويمكن اكثر حسب طبيعة المنطقه وتعمل مدة 9 ايام متواصله وسعرها 1300 ريال, خفيفه ولابقه على ظهر الطير ولا تمسك الجناح وفي الحقيقه كان الطلب والسحب الأعلى على هذا النوع من الريش
- ار تي بلس ذيل او رجل وهي في الدرجه الثانيه بعد بورماكس ومسافتها اقل ومدتها 7 ايام وسعرها 1100 ريال, عيبها انها تقضب جناج الطير اذا تفلا.

واللي تبيه من الأجهزه والريش والأكسسوارات تراه موجود

تحياتي

طارق الحربي

30/03/2007, 11:23 PM

اخوي مارشال

انا ابشتري جهاز بس ما ادري وش اخذ

ابي اكثر جهاز متداول حاليا ووين احصله بالرياض وبكم ؟؟

اعذرني على الاطاله

شكرا لك

مارشال

31/03/2007, 12:41 AM

عندك وايلدلايف ابو 3/16 طير 2200/3000 ريال وهو اكثر شي مطلوب

وعندك مارشال 10/15 طير 4300/4600

اذا تبي شي منهن تراه متوفر عندي جديد فقط.............. تحياتي.

ذيب البر

31/03/2007, 01:13 AM

اخوي ماارشال هل تقصد ب بورماكس ذيل ام قرص بطاريتين او تقصد نوع ثاني

المري

31/03/2007, 06:32 AM

بخصوص الريشة سكود اريد ان اوضح انها للطيور الكبيرة التي لاتحلق بعيدا.. هذا ماردت علي الشركة به:

أيميل الشركة:

Hello Ali;

Nice to hear from you.

The Scout is a great transmitter for large,short ranging hawks (flown by Falconers in the USA and Europe). But it is very, very weak in comparison to our Gulf products.

For comparison, if you get 10-20 Kilos with an RT Standard, you would only get 2-4 Kilos with a Scout.

This transmitter is designed for new Falconers flying hawks that do not fly very far. Not for the Gulf where range is important.

Bets Regards

وسلامتكم

اخوكم - المري

طارق الحربي

31/03/2007, 06:53 AM

شكرا لك اخي مارشال

ولكن مالفرق بين جهاز 3 طيور وجهاز 16 طير ؟ وماهو العملي ؟

مارشال

31/03/2007, 09:54 AM

اخوي ذيب البر
اقصد ام قرص بورماكس (السوداء) بطاريه واحده 3 فولت رقم موديل البطاريه 1632 انتل 9.5 انش
ام قرص ام بطاريتين 6 فولت صار لونها ذهبي من سنتين وجاي ورقم موديل البطاريه 1620 انتل 11 انش

اخوي طارق ودي اسألك سؤال قبل ما اجاوبك هل عندك خلفيه عن اجهزة الطيور؟
لأن اذا ماعندك خلفيه يصعب توضيح جميع الأمور قبل ماتشوفه وتعرفه وتستخدمه.....

تحياتي

أبو رداد

31/03/2007, 10:05 AM

الاخ العزيز مارشال
مشكو وجزاك الله خير على هذا الجهد المتميز
والذي غايتك منه هو نفع اكبر عدد ممكن ومساعدة الاخرين
وسوف نقوم بتثبيت الموضوع في الفهرست
حتى يسهل الرجوع اليه من قبل الاخوه الذين يحتاجوه
والسلام

سماء نجد

31/03/2007, 12:59 PM

يالربع يقول العلماء الي عندنا ان الاجهزه التاليه كلها مقلده من صنع الامارات هل الكلام هاضا صحيح ؟
وبعدين ولا خلاص يعطيكم العافيه ومشكورين على هالموضوعات الحلوه

مارشال

31/03/2007, 01:56 PM

حياك الله اخوي ابورداد ......... يشرفني مرورك وتقييمك.

ان شاء الله في شهر 8 (أغسطس) القادم سوف اقوم بعمل موضوع (جديد و متكامل) من ناحية نوعية الريش ومداها والأجهزه وطريقة استخدامها واسعارها و ...............الخ

من كثر ماهو متكـــــامل لن اترك لأحد مجال ان يضع اسأله استفسار............ الا واحد من الأعضاء ;) يمكنم عرفتوه .

طارق الحربي

31/03/2007, 08:23 PM

اخوي مارشال

عندي خلفيه بس انا ما فهمت قصه 3 طيور او 100 طير ابدا

اعذرني اذا ازعجتك

فط فط

31/03/2007, 11:29 PM

السلام عليكم ورحمة الله وبركاتة ــــــــــ اخوي مارشل احسن مكان واسهل لتثبيت الريشة ـــــــــ اللــه لايهينك

مارشال

01/04/2007, 02:47 PM

ذنيبا الطير هي افضل مكان

ابو عايد

01/04/2007, 03:52 PM

السلام عليكم ورحمة الله وبركاته

الأخ : ابو فيصل مشكور على هذا المجهود أنت وأبو معيض

ولكن عندي بعض الإسئلة مقناص هذا السنه استخدمنا خمسه أجهزة

أثنان جهاز أبو ثلاث ريش .ابو خمس ريش.ابو مية ريشة.ابو خمسمائه ريشة .

ولكن أحسن الأجهزة التي استخدمناها أبو خمس ريش وأبو مية ريشة

والسنه هاذي ضاعت الطيور بسبب جهاز خمسمائة ريشة وابو ثلاث ريش

ولكن أنا أشرط على أبو خمس ريش مارشال بدقة تحديد الطير ومسافة عشرة كيلو وفوق

أخي أبو فيصل كيف أعرف أذا كان الجهاز صالح أو خربان في الأرسال أو الريشة

هل صحيح أن فية بطارية تدوم أكثر من سبعه عشر يوم

بعطيك ألف عافية يالغالى

مارشال

01/04/2007, 05:16 PM

بالسنبه لبطاريه الجهاز تجلس موسم كامل اقل شي.

ابو 3/16 الوايلد لايف الطويل ابوعكاز على ماقالو, وابو 5/10/15/100 المارشال كلهن نفس المسافه مافيه اي فرق ابدا ابدا ابدا
اذا وجد هناك فرق فيهن فأعرف ان الضعيف منهن فيه مشكله اما حجر او وزن الهوى او غيره
ولازم تعرف نقطه مهمه جدا ان المسافه على الريشه (مرسل أشارة بيب) وليست على جهاز الطيور فهو فقط يقوم (بقرأة الأشارة بيب) في المنطقه التي يتم تشغيله فيها
يعني 95% على الريشه و 5% على الجهاز

بالنسبه لبو 500 طير ممكن تحدد ماركة الجهاز او شكله او مصدره عشان اعرفه

طارق الحربي

02/04/2007, 01:34 AM

مارشال

الظاهر نسيتني ولا ماودك ترد ؟

حزام سبيع

12/04/2007, 09:20 AM

اخوي مارشارك بغيت اسالك عن الجهاز الايطالي
عندك علم به

سلطان2007

12/04/2007, 02:15 PM

يسعد مساك اخوي مراشال ..

لاهنت يالغالي ممكن تعطينا اسعار تقريبيه للاجهره 3 و 5

واذا تقدر تزودنا باسعار wildlife ..

تسلم ..

المري

12/04/2007, 02:25 PM

اخوي سلطان 2007

وش تقصد 3 و5 !!

لان ابو 3 هو Wildlife وقيمته 2200 ريال الى 2000 ريال

اما ابو 5 فهو مارشال وقيمته من 3500 ريال الى 4000 ريال

وسلامتك

اخوك - المري

مارشال

12/04/2007, 04:22 PM

عفريت وش الجهاز الأيطالي اللي تقصده ؟؟؟؟؟؟؟؟؟؟ لايوجد ايطالي!

ممكن اسمه او صورته

راعي الخلوي

13/04/2007, 03:32 PM

السلام عليكم

يالله حيهم:p

حبيت استفسر عن ذا الريشه من شركة مارشال...وش نوعها...ووين احصلها بالسوق...واذا موجود احسن منها..( احسن بمعنى اطول مدى)

وشكرا :D

http://www.9q9q.org/index.php?image=2lrlNkiHdRtQ73

http://www.9q9q.org/index.php?image=ETZGjFpOkOqNIg

مارشال

14/04/2007, 12:30 AM

هذي سلمك الله الريشه ام قرص الذهبيه اتش بي 6 فولت بطاريتين موديل 1620
HP
المقصود بها High Power متوفره عندي وعند غيري وسعرها 1500 ريال

انا افضل باور ماكس السودا 3 فولت بطاريه وحده مكتوب عليها بي ام وسعرها 1300 ريال رقم موديل البطاريه 1632

لو بنقارن بينهن تقدر تقول ان الذهبيه مسافتها اكثر من السودا بحوالي 20% لكن:
الذهبيه تشتغل يوم ونص الى يومين فقط و السودا تشتغل 9 ايام متواصله بدون توقف او نقص بالمسافة
الذهبيه 9 قرام, والسوداء 7 قرام اصغر واقل ارتفاع واقصر انت
الذهبيه اكثر عطال من السوداء

هذا حسب التجربه اللي قمت بها خلاص السنتين الماضيتين

تحياتي

مصروع

17/08/2007, 12:15 AM

اخوي مارشل
جهازمارشل ابو10ريش المسدس الاسود
هو الي يشغل الريش من رقم 1 الى رقم10 ام لا

الزعـبي

17/08/2007, 12:54 PM

ان شاء الله في شهر 8 (أغسطس) القادم سوف اقوم بعمل موضوع (جديد و متكامل) من ناحية نوعية الريش ومداها والأجهزه وطريقة استخدامها واسعارها و ...............الخ

من كثر ماهو متكـــــامل لن اترك لأحد مجال ان يضع اسأله استفسار............ الا واحد من الأعضاء ;) يمكنم عرفتوه .

ننتظر موضوعك بفارغ الصبر ....

ساكن البياصي

17/08/2007, 01:03 PM

.
هلا مارشال انا ما فهمت هذي الأجهزة للي عنده صقر ويبي يدبل سبدة يلاحقه :D
.
وإلا ألي يبي يصيد صقر :D

الفوار2008

17/08/2007, 07:16 PM

اخوي مارشال
ماقصرت على موضوعك المميز ولك مني التحيه وسؤالي
انا توني مبتدئ من حيث نقل الطيور ونت خابر احتمال يضيع مني الطير بأي لحظه ولأني مبتدئ اكيد ببدى انقل طير واحد وش رايك هل اقتني لي جهاز اولا واذا كنت تنصحني اقتني جهاز ويش الجهاز اللي اخذه وكم قيمته مع مراعات اني ابيلي جهاز رخيص مره حتى ولو كان الجهاز مايخدم بالحيل
وشكرا لك اخوي

قرناس حائل

02/10/2007, 01:32 AM

مساك الله بالخير اخونا مارشال

عندي ريشتان رقم 9 و6 فيهم تقطيع بعدين تفصل مره وحده بعد مااركب الحجر وغيرنا الغطيان لكن مانفع

واذا كان فيه حل علمنا بمعرفتك مع العلم اني ذهبت بهما الى الرياض وما حصلت فائده يقولون لازم ارسالهن الى امريكا والدعوى تطول بامريكا مثلك عارف

وهل فيه مكان بالامارات للتصليح الريش

تقبل تحياتي

بوماجد99

03/12/2007, 04:20 PM

السلام عليكم

أخوي موجود الجهاز في قطر
وبكم سعره
ووين مكان بالضبط
ومشكور

ولـد الدوادمي

03/12/2007, 04:23 PM

الي يخبرلي جهاز مارشال مستعمل للبيع يراسلني على الخاص؟

خشف.

03/12/2007, 09:31 PM

يعطيك العافيه على الموضوع ويستاهل التثبيت

أبو فيصل

15/12/2007, 08:56 AM

السلام عليكم ورحمة الله بالنسبه لاجهزة تتبع الطيور المشهور عندنا بالامارات واللي ماعليه كلام هوه الالماني ويوجد نوعين
ابو 6 ريش = 13000 درهم تقريبا
ابو ريشتين = 6000 درهم
ويقولون نزل واحد جديد ابو 8 ريش
ويتميز الجهازبالمسافه وكذلك الدقه
اما بالنسبه للمارشال لايعلو على الالماني ومافيه وجه مقارنه
وفيه جهاز جديد تم عرضه في معرض الصيد في ابوظبي 2006 مربوط بالاقمار الصناعيه والريشه كبيره نوعا ما بس وين يروح الطير يبين عندك بالشاشه يعني انسى يضيع ومدة البطاريه في الريشه شهر.
وسعره =60000 درهم

السلام عليكم ورحمة الله وبركاته

شكرآ أخي مارشال على الموضوع المميز وياليت ترسلي رقم الجوال على الخاص لشراء بعض السلع.

شكرآ أخي عود حي على الرد المميز خصوصآ ما لون بالأحمر و الأزرق وماهي آخر المستجدات على جهاز الأقمار الصناعيه وكذلك أرقام محلات بيع الألماني في السعوديه أو دول الخليج الأخرى.

فهد بن علي

16/12/2007, 11:51 AM

السلام عليكم
الله يعطيكم الصحه وبعد
استفساري عن جهاز تتبع فللندي الصنع لونه ازرق واخظر صغير الحجم وششو من جهاز وعيوبه وكم مداة

وشكرا

مارشال

17/12/2007, 11:08 PM

اخوي فهد

اعتبر الجهاز الأزرق على اخضر الفنلندي والمارشال الأمريكي افضل جهازين على الأطلاق لأستقبال اشارة ريش الطيور.....
اما من ناحية المسافة فالأعتماد الأكبر على الريشة وليس على الجهاز, لأن دور الريشة 90% ودور الجهاز 10%

على فكرة انت لك مزرعة عند الشعب

تحياتي

أبو فيصل

18/12/2007, 01:51 AM

ليش ما رديت أخي مارشال لا يكون ما جاز لك الرد أو طلب رقم الجوال << كيف نشتري منّك !

أنا رجال شرّاي منك أو من غيرك واللي عنده مارشال أبو 16 ريشه (أمبير) جديد وكذلك ريشه أو ريشتين جدد مع الفحص يحط السعر ورقم للأتصال واذا هو تاجر بعناه بعد أبو 3 ريش أخو الجديد

واللي عنده ألماني جديد للبيع بعد مطلوب

ملاحظه: الشراء فقط للجديد مع التوصيل للشرقية

مارشال

18/12/2007, 02:30 AM

اخوي ابوفيصل حياك الله

والمعذرة على التأخر في الرد
بالنسبة للموسم هذا ماعندي شي الحين
اذا الله احيانا الموسم الجاي بتجد كل طلباتك عندي من الأجهزة والريش والكماليات الاخرى

تحياتي

الفوار2008

19/12/2007, 12:52 PM

السلام عليكم ورحمة الله وبركاته

اخوي مارشال
لك مني جزيل الشكر والتحيه على موضوعك المميز واللذي فيه الفائده المرجوه بإذن الله

سؤالي عن الجهاز الرخيص اللي وصفته لأحد الاعضاء يعني بكم تقريبا علما بأني توني جديد في نقلة الطيور ولا املك سوى طير واحد يعني مامن تكاليف ؟؟

ولك مني خالص التحيه والتقدير

مارشال

19/12/2007, 12:59 PM

فيه جهاز اسمه وايلد لايف 3 طيور وقيمته بحدود 2000 ريال

s3od_797

20/12/2007, 09:29 AM

الله لايهينك اخوي مارشال
حاولت اراسلك علي الخاص بخصوص الريش وماقدرت ياليت ترسلي رقم جوالك بسرع وقت ممكن

الفوار2008

22/12/2007, 01:48 PM

اخوي مارشال

انا مو مشكله عندي قيمة الجهاز ابو 2000ريال لكن اذا كان فيه اجهزه مستعمله ونظيفه نفس الجهاز بكم القاها

ابن برقاء..

22/12/2007, 07:26 PM

نبغى عن مداه وين ياصل وتسلم

مارشال

27/12/2007, 03:01 AM

مداه الفعلي في حدود 10 الى 15 كيلو

nasser_ali

06/01/2008, 05:22 PM

عندي استفسار بخصوص ريشه المارشال القرص الذهبي الظاهر اسمها HP
كم مداها للي جرب اقصى مدى في الاجواء العاديه والبطاريات جديده!

وكذلك بالنسبه للريشه السودا RT standard

وجزاكم الله خير

alturki

06/01/2008, 08:36 PM

مشكور ابوفيصل على الموضوع الرائع

ابوأفياء

31/01/2008, 04:14 AM

السلام عليكم

اخى وعزيزى مارشال

اريد ان استفسر عن

الريشه

اا ابي ريشه مارشال سودا بحجر مهب قرص

رقم 7 كم سعره واذا هى عندك راسلنى تكفاء بلخاص لئني ابي وحده واذا ماعندك علمنى كم سعرها الله لايهينك واذا منت تعرف احد يبيعها

الباحث دائمًا

13/04/2008, 02:59 PM

السلام عليكم رحمة الله وبركاته
أيها الإخوة ، أعلم أن هذا الموضوع مضى عليه أشهر في الأرشيف ، ولكن لأهمية الاستفسار الذي عندي أردت أن أرفعه وأستفسر من صاحب الموضوع بما أنه متخصص ، وللحقيقة فإنني لم أقرأ جميع ما في الصفحات التسع السابقة ، وربما لأن سؤالي لا أتوقع أن يرد في الصفحات السابقة.

بالنسبة لأجهزة تتبع الصقور ، هل هناك أجهزة تتبع عن طريق الأقمار الصناعية بحيث يكون المدى غير محدد في نطاق معين؟
وهل يمكن وضع هذا الجهاز في السيارات لمعرفة مكان السيارة في حال السرقة؟ لأن هناك أجهزة جديدة في السوق ولكنها كبيرة وليس صعبًا نزعها ومعرفة مكانها!!

والسؤال الأخير: أين أجد هذا الجهاز في السعودية وفي الرياض تحديدًا؟

شاكر لكم ومقدر. وإذا كان صاحب الموضوع غير متواجد فحبذا لو أحد منكم يساعدني.
بارك الله فيكم. :)

yasser1389

28/07/2009, 05:54 AM

يا الربع ودي جهاز للطير عملي وقيمته زينه ما يكون غالي وش تفظلون يا اهل الخبره

شَعَّـاااال

28/07/2009, 06:40 AM

يا هلا ومرحبا

افضل جهاز جربته

مآرشال يالغالي

فالك الصيد

تحياتي

راعي غضبان

28/07/2009, 01:06 PM

احسن شي مرشال كان ماعندك الا طير والا طيرين اخذ ابو ثلاث ريش مارشال وسعره رخيص من 2600 الى 3000وتقبل مرورررررررررري

مشبر البران

28/07/2009, 02:07 PM

أفادوك الأخوان

قناص الهمله

28/07/2009, 03:03 PM

الله يعطيك العافيه

@قرناص@

28/07/2009, 06:39 PM

احسن شي مرشال كان ماعندك الا طير والا طيرين اخذ ابو ثلاث ريش مارشال وسعره رخيص من 2600 الى 3000وتقبل مرورررررررررري

بيض الله وجهه عطاك العلم ،،

ولايهونون الربع .. :)

صاحب نوماس

28/07/2009, 08:30 PM

افتاك اخوي راعي غضبان

yasser1389

29/07/2009, 01:38 AM

مشكور وما قصرتوا الله يجزاكم خير

yasser1389

29/07/2009, 02:01 AM

احسن شي مرشال كان ماعندك الا طير والا طيرين اخذ ابو ثلاث ريش مارشال وسعره رخيص من 2600 الى 3000وتقبل مرورررررررررري
عزيزي هل هذه قيمته مع الريشه ولو تكرمت وين احصله باي بلد وهل موجود بالقصيم لان لي خوي ببريده اكلمه يجيبه لي معه . والف شكر لك

بدران123

29/07/2009, 03:32 PM

ارحب اخوي ياسر كانك تبي النصيحه خذ ابو 16 طير جهز يخدمك ويخدم اخوياك معك..

وسعره 3300 وموجود بالرياض عند السويبع.......

بدران

yasser1389

30/07/2009, 03:07 AM

اشكرك اخوي بدران على النصيحه وما قصرت . لكن وش رايك بالعرض الموجود بالمنتدا عن مارشال الجديد ننتظر نشوف سعره

روزفلت

30/07/2009, 12:36 PM

اخوي افضل جهاز الاسود 16 ريشه wild life الافضل من ناحية المدى والتوجيه ويمسك قيمته ولا سبق خرب معي او سعت انه خرب مع غيري وسعره جديد خوالي 3400 ريال سعودي
من ناحية الريشه فيه المارشال القرصيه الافضل من ناحية المدى لكن البطاريات ماتعوق حده يومين وغاليه الريشه والبطاريه
فيه المارشال السوداء المدى حلو والبطاريه تطول بس على حسب تجربتي ان المحظوظ اللي تشتغل معاه موسم كامل مع اني من الربطه الى الربطه قانص
ضمان الشركه على موقهم ثلاث سنوات والعطيشان يضمنه موسم واحد فقط
شهر او شهرين وتبطل
ترده للعطيشان ويرسله صيانه تجيك الموسم الثاني كانك من الحيين اذا ما ضاعت
تستبدل اذا كانت ماتصلح والبديله على كلام العطيشان بدون ضمان, يعني لو تبطل ثاني يوم الله يخلف عليك
الخيار الثالث الريشه البيضاء L&L electronics وبالنسبه لي الاختيار الافضل
ارخص بالسعر وتصبر كذا موسم والبطاريات تطول ورخيصه والمدى يختلف, فيه زي مدى المارشال السوداء وفيه اقل عشان كذا لازم تشرط على المحل تجرب المدى وخذ اللي نغمته بطيئه
هذا الكلام من تجربه شخصيه وماادري اذا الاخوان يوافقوني الراي او حظي زفت مع المارشال

yasser1389

30/07/2009, 07:25 PM

اخوي مارشال انا بديره لا يوجد فيها اجهزه كثيره يمكن جهاز او جهازين علشان كدا ابي اسالك يقولون في جهاز يباع بالرياض ابو ثلات ريش وقيمته من2600الى3000 مع الريشه وما عندي الا طير واحد ومثل ما قلت لك ما في مشاكل بمداخلات الاجهزه لقلتها لدلك تؤيدني ولا .ما ادري وش نوعه وكم مداه ارجو الافاده وشكرا

صقار ال عاطف

01/08/2009, 01:27 PM

انا ياربع ابي استفسر عن الجهاز ابو خمس مية الابيض الجديد الي عند السويبع هل هو زين اخذه او مارشار ازين

بوحليقة

05/08/2010, 01:50 AM

السلام عليكم ياأخوان أين تباع أجهزة تتبع الطيور فى جده جهاز ثلاث ريشات الله يبارك فى الجميع

الطبشي

05/08/2010, 02:00 AM

حي الله مارشال
الله يعطيك العافيه

ديوان العرب

05/08/2010, 08:57 PM

ياربع الي يخبرلي جهازرخيص معه ريشته يكلمني مستعمل 0507722389

مطنوووخ

11/08/2010, 02:44 AM

اخوي الغالي مارشال الشهر عليكم مبارك وكل عام وانتم بخير ...
ارجو الاتصال وذلك للأهمية على 0569534049

ركن الشمال

22/08/2010, 04:59 PM

الاخ مارشل لوتكرمة بي جهاز ولد لايف 16 طير كم سعره ولو سمحة رقم جوالك

الوهباني

22/08/2010, 06:41 PM

اخوي مرشال لوتكرمت ماعندك فروع في منطقة المدينة المنورة

بحر الخليج

30/01/2011, 11:27 PM

السلام عليكم / حقيقه الموضوع قديم لكن ارجو الرد منكم
عندي استفسار بسيط اشتريت قبل شهر جهاز تتبع امريكي وايلد لايف 3ريش ب2500ريال وريشه rtسوداء من السويبع في الرياض وانا ماعندي خبره كبيرة في الاجهزة هل هو جهاز عملي وكم مداه مع الريشة المذكوره
وشاكر لكم.

عاشق المخيله

31/01/2011, 08:55 AM

ذيب نشاما

05/02/2011, 09:08 PM

السلام عليكم كيف الحال لوسمحت يا مرشال ممكن موقع مارشال الامريكي للاجهزه صقور .

شرهاب ليبيا

06/02/2011, 10:39 AM

السلام عليكم كيف الحال لوسمحت يا مرشال ممكن موقع مارشال الامريكي للاجهزه صقور .

بعد اذن الاخ مرشال تفضل
http://marshallradio.com/marshall-radio-telemetry-gulf-region-falconry

حر جبله

08/02/2011, 03:18 AM

الاخ مارشال والاخوه الاعضاء اسعد الله مسائكم بكل خير
لدي جهاز مارشال قديم 100 طير
الجهاز ضعيف حيث لايستقبل ابعد من 500 متر لاي ريشه كانت
غيرت حجر ولا نفع ورحت للسويبع قالوا مافيه حل حتى الشركه المصنعه ارسلنا لها كم جهاز نفس النوع ولا تم اصلاحه
هل فيه احد يصلح الايسيات للارسال والاستقبال او يفحص الجهاز ويقولي الخبر الاكيد في سبب ضعفه
وللعلم تواجدي في منطقه الرياض
جزيتم خيرا

عبدالرحمن 211

06/07/2011, 02:54 PM

ابي شرح وافي عن جهاز مارشال عشر ريش

الجراح1

22/08/2011, 04:07 AM

الاخ مارشال ممكن تتصل 0544922496 او طريق التواصل معك

مارشال

22/08/2011, 04:13 AM

يوجد فرع في المدينة المنورة عند احد الزملاء

أطيب تحية

اخوي مرشال لوتكرمت ماعندك فروع في منطقة المدينة المنورة

مارشال

22/08/2011, 04:19 AM

حياك الله اخوي حر جبلة

نصيحة مهمة لك وللجميع .....
من يوم تلاحظ ان الجهاز او ريشة الطير تضعف تقوم بأستبدالها بجديدة اذا كانت تحت الضمان واذا كانت خارج الضمان انصح انك تستغني عنها نهائيا
الحقيقة مافيه حل لضعف الارسال والشركة ما تصلح ولا فيه فني الكترونيات يقدر يصلحها أو يفيدك.
هذا حسب تجربتي.

الاخ مارشال والاخوه الاعضاء اسعد الله مسائكم بكل خير
لدي جهاز مارشال قديم 100 طير
الجهاز ضعيف حيث لايستقبل ابعد من 500 متر لاي ريشه كانت
غيرت حجر ولا نفع ورحت للسويبع قالوا مافيه حل حتى الشركه المصنعه ارسلنا لها كم جهاز نفس النوع ولا تم اصلاحه
هل فيه احد يصلح الايسيات للارسال والاستقبال او يفحص الجهاز ويقولي الخبر الاكيد في سبب ضعفه
وللعلم تواجدي في منطقه الرياض
جزيتم خيرا

مارشال

22/08/2011, 04:21 AM

الحقيقة ما فيه افضل من التطيبق والتعلم في الميدان مع زملائك الصقارين

لأن المسألة عملية وليست علمية
أطيب تحية

ابي شرح وافي عن جهاز مارشال عشر ريش

AZOZ9091

14/09/2011, 02:03 PM

موضوع متكامل الله يجزاكم خير

خطاوي

14/01/2012, 02:25 PM

يوجد فرع في المدينة المنورة عند احد الزملاء

أطيب تحية

اذا ممكن اخوي توضح لنا طريقة الاتصال في مندوب المدينة المنورة في هذا المنتدي لكي تعم الفائدة على الجميع او عن طريق الاتصال على الجوال

بعد اذا الادارة
0564261446

ابو لطس

15/01/2012, 10:10 AM

اخوي مارشال
صبحك/مساك الله بالخير انت ومن يقرأ
هل عندكم تصليح الريشه (ويلد لايف) رقم 9 إذا تعطلت وهي بدون ضمان ووين اصلحها
ارشدني جزاك الله خير

انكر

15/01/2012, 12:16 PM

موضوع جميل تشكر أخي مارشــــــــــــــــال على طرحه

مطنوووخ

15/01/2012, 01:25 PM

بخصوص الجهاز الامريكي ابو مقبض برتقالي اعتقد ابو 500 طير هل تنصحني فيه استخدامة ممتاز

سيف العلا

17/02/2012, 06:32 AM

الله يجزاك خير يالمرشال يني تنصحني بابو 3 طيور مرشال كم ريشه تجي معه

قرناس شماالي

17/02/2012, 08:04 PM

ماتقصر يالغالي

عساف الغربيه

06/11/2012, 01:49 PM

الجهاز الامريكي ابو مقبض برتقالي ابو 500 طير وعليه صورة طير ونوعيه ثانيه عليه مربعات لونها برتقالي
هل تنصحني في استخدامة

...الحر..

12/12/2012, 02:17 AM

حبيت استفسر عن جودة الجهاز ابومقبض برتقالي ابو 100ريشه

ابو سالم22

12/12/2012, 03:55 AM

يعطيك العافيه
مـــــــــــــــــــــارشـــــــــــــــــــــال

abu faisl

14/10/2013, 02:42 AM

السلام عليكم

أخوي اذا عندك أجهزة مستعملة للبيع ياليت تدق علي

رقمي 0546666204

سراج القلب

23/12/2013, 12:51 PM

فيه احد بالموقع يبيع جهاز مرشال او اي جهاز بس اهم شي شغال وشكرا 0096599700207 بعد اذن الاداره

cama55

22/08/2014, 05:10 AM

للرفع بما ان الموسم قرب والموظوع مهم ونبي الكل يستفيد

أبو محمد 201

30/08/2014, 10:23 AM

عندي استفسارات بخصوص أجهزة تتبع اطيروش ارخص حاجه ومداه من 3الى6كيلووش الي احتاجهلاني اقراء ناس تقول ريشه وناس تقول مارشالومسميات كثيره مادري وش المقصود بها ولازم توفيرها عشان يكون تتبعك للطير مضبوط××

راعي النسيان

08/09/2015, 04:22 AM

ابونورررررر

08/09/2015, 12:10 PM

السلام عليكم ورحمة الله
اخوي مارشال يعطيك العافيه
استفسار جهاز 500ريشه مارشال تردد 236كيفه واستخدامه لان خبرك المتعارف عندنا 216تردد
اما تردد236مادري عنه معروض لي معه شنطه ورشتين أسطوانات 14/13
بس ودي اعرف يصلح او لا وكم يسوى الجهاز اخوالجديد
وسلامتك