الذي عنده خبرة في( الفرارات) [الأرشيف]

عبدالله بن فرحا ن

27/06/2006, 03:28 AM

فرارات=وهي التي توضع في الدفرنس الأمامي لسيارة التي فيها دبل حتى يفصل الدبل وتريح الموتر

ولها ميزتين:
1-راحة للمكينة من الضغط المستمر
2-تقليل صرفية البانزين وهذه النقطه الأهم .

هذا حسب المعلومات القيمة التي قرأتها في هذا المنتدى العملاق.

أرجومن لديه الخبرة في الفرارات أن يفيدنا وله جزيل الشكر ملاحظة\سيارتي سفاري 98

من الناحية
الأنوع الموجودة في السعودية.
أسعارها
الجودة
:good:

شبح الصحراء

27/06/2006, 08:25 PM

انصحك بالفرارات وكل ربعي اللي اعرفهم ومعهم جيوب مركبين فرارات وبالنسبة للسفاري ما اظن تركب عليه الا نوع واحد وهو الفرارات البرازيلية وهي ممتازة ورخيصة بحدود 450 ريال للقطعتين عند السليماني في شارع الغرابي بالرياض ، ولكن لا تركبها عند السليماني لأن الفنيين عنده فاشلين وقد اعدمو علي سنة مسمار شد الفرارة في سيارتي وانصحك تشريها عندهم وتخصم منهم اجر التركيب وتروح تركبها عند فني عنده خبرة في تركيب الفرارات في الصناعية القديمة اذا كنت بالرياض .

محب النياق

27/06/2006, 08:57 PM

قد تكون الفرارت مريحه للمكينه بس لا تنسى التعب الى عليك انت حول واركب....................................

اما بالنسبه للبانزين ترى مافيه فرق يسوى..

أبوتركي

27/06/2006, 09:20 PM

حياك الله أخوي .. لو تبي رايي ماتركب الفرارت لأن قيمتها غاليه ولافيها ذاك الفرق بالوقود .. يعني حط دراهمها في شي ثاني أنفع لك .. خاصة إن البنزين رخص هاليومين ...

تحياتي لك ...

عبدالله بن فرحا ن

28/06/2006, 03:05 AM

شبح الصحراء أشكرك من الأعماق وسوف أعمل بنصيحتك بحذافيرها

محب النياق حبيتك من حبك لنياق وأشكرك على المرور .

أبو تركي الموتر مافيه عزم وإذا ركبت فيه فأنه سوف يتغير عزمه وأشكرك على المرور.

شبح الصحراء

28/06/2006, 03:30 AM

فعلاً راح تحس تغير في العزم وكذلك من فوائد الفرارات انها تحافظ على العكوس والدفرنس الأمامي وعمود الكردان من الإستهلاك غير الضروري .

هملوج2006

30/06/2006, 02:33 AM

السلام عليكم

بمناسبة الكلام عن الفرارات أنا عندي هايلوكس غمارتين 2006 دفرنسين
هل تركب عليه الفرارات واين اجدها وكم سعرها
وهل في المنطقة الغربية احد يعرف يركبها

السؤال الثاني ودي اشد الهايلوكس بحنايا وقت الكشتات ماهي احسن الشدات ومن افضل من يركبها مع امكانية سهولة فكها وتركيبها

وفقني الله وإياكم في الدنيا الى طاعته
وفي الاخره الى جنته

الدبل الثقيل

30/06/2006, 08:21 AM

السليماني في جده شارع التحليه

ارتست

30/06/2006, 08:32 AM

ياشباب الموضوع واضح
في حال ركبت الفرارات راح تلاحظ فرق لأن العكوس والعمود الخاصة بالدبل راح تثبت
وراح تحافظ عليها اكثر إسأل مجرب حتى إنها خففت بعض الرجة والاصوات

شبح الصحراء

09/07/2006, 03:39 AM

اليوم خربت علي فرارة من الفرارات وصرت اسمع فيها اصوات شديدة :confused: ، الحين عرفت ان الفرارات البرازيلية تعبانة مع انها ما كملت 4 شهور!! :mad: ، انصحك يا نسيم الشمال ولو انها نصيحة متأخرة بالفرارات الأمريكية من نوع وارن ولو اني ما لقيتها بالسوق ذيك الأيام ولكن يمكن تحصلها الحين وسعرها 600 ريال للطقم .
:butt3: نصحية اخرى اذا ركبت الفرارات احتفظ بالفلنجات معاك بالسيارة لأنه احتمال تخرب عليك الفرارات وانت بالبر لحالك .

ابو ناصر2020

10/07/2006, 12:06 AM

يشبح الصحرا انا مركب فرارات برازيلية من مدة طلع صوت اذ فصلت الفرار واذ شبكتة يروح وشبكتة مدة ثمن جربت وفصلتة ولم يخرج اي صوت والى الان ونافصلة ومافي اي صوت الم الفرارات مهمه مررررررررره

ابو ناصر2020

10/07/2006, 12:09 AM

بنسبه للهليلكس 2006 مايحتاج تركيب فرار لنه يجي شد بلد جواه (تحضير اتوماتيك) وهاذي ميزه في الهايلكس 2006

شبح الصحراء

10/07/2006, 03:54 AM

انا سويت مثل ما قلت يا ابو ناصر بس الصوت يجي ويروح وآلاحظ انه يطلع اذا ضربت عيون البس في الأزفلت واحتمال فيه شي ناقز من مكانه داخل الفرارة ، على العموم انا شابك الفرارة الخربانة وفاصل الثانية وفرارة واحدة كافية لفصل العكوس عن الدوران واحتمال ارجع الفلنجة مكان الفرارة الخربانة واكتفي بفرارة واحدة وهذا اريح لي لأني بدل ما اشبك فرارتين اشبك وحدة ، وش رايك؟.

الرهدن

10/07/2006, 04:48 AM

السلام عليكم / اخواني00
للgxr
اللي أحسن الفرارات الوكالة مع غلاهن أو تجاري وأين أحصله00
وسمعت إن فيه فرارات أتوماتيك هل هن عمليات00

أبومحمد00

ابن بدران

10/07/2006, 05:03 AM

السلام عليكم
الفرارات ما تصلح لاثنين :
رجال النفود قريب منه وكل يوم وهو طالع يتقهوى فيه هذا يبي يبلش فك واشبك كل ما راح للنفود ورجع
ورجال راعي جلد للموتر وطرد هذا تبي تفرط معه الفرارات

سبق وفرطت علينا بشاص 99 وكالة والفرارات اصلية من تويوتا بالربع الخالي
وفرطت علينا فرارات نيسان التجارية اللي من الغرابي بعد وبدون زر على الموتر

نصيحة يالربع اللي يبي يركب الفرارات يخلي الغطاء الأصلي معه بشنطة السيارة تراه يبي يحتاجه يوم وتركيبهن ما يبي شي كلها كم مسمار و ووردة شد ...

بالنسبة لي جربتها بشاص 99 نيسان ولا فرقت الممشى ولا الراحة ولا صرف البنزين وفكيتهن واهديتهن
اشوف ان الفرارات تفيد مرة في حالة وحدة وهي إذا كان بالعمود رجة ولا ودك تغير العمود ركب الفرارات ..

راجح

10/07/2006, 03:14 PM

أخوي ( شبح الصحراء ) السلام عليكم ..
وين المحل اللي بالصناعية القديمة اللي تمدحه ..
ولك جزيل الشكر ..

أخوك المحب دوماً ..
((( راجح )))

شبح الصحراء

11/07/2006, 02:21 AM

أبو ناصر اليوم جربت وشغلت الفرارة الخربانة واشتغلت معاي كأن ما صار شي! بصراحة غريبة يمكن مثل ما قلت اتركها مشبوكة وارجع افصلها بعد مدة وترجع تمام ، احتمال انه كان فيه شوية حصى ورمل سببت أصوات وراحت يوم مسكت خط لأني سافرت للحفر ورجعت ، بس على العموم أنا ماني مرتاح للفرارات اللي معاي وأتمنى لو احصل فرارات أصلية .
راجح أنا لا اعلم عن محل معين في الصناعية القديمة ولكن كل شي ولا السليماني لأنهم دايم مستعجلين بسبب كثرة الزباين والشغلة تبي واحد فاهم ورايق .

منصور ع

11/07/2006, 11:00 AM

بواسامه

11/07/2006, 12:27 PM

للفائده

وحده تكفي لثقيل النفس

طبعا ركب جهتك وتؤدي الغرض
بس الاكمل والافضل لراسي العكس على الجهتين

ولا وحده- طبعا الفراره لا يروح بالك بعيد- تفي بالغرض

شبح الصحراء

11/07/2006, 08:55 PM

والله يااخوان الفرارات مريحه للدبل وهذي توصية الشركة المصنعه (شركة تويوتا)ولكن هناك ضوابط للإستعمال وهو ان تركب الفرارات الأصليه ، قريته في كتالوج الشاص 97 والثاني ان ما تشغل فرار وتخلي الثاني وهذا مهم جدا (للأخ شبح الصحراء) والثالث اذا قعدت فترة وانت فاصل الفرار ما تستعمله مثل ايام الصيف اللي الحين لابد بعد كل شهر ان تشبك الفرار حتى لو انت في الديرة وتمشي عليه حدود 16كيلو وبعدين تفصله عشان مايجيم .....

سؤال هل فرارات الشاص تركب على الهايلوكس؟ لأني دورة فرارات هايلوكس في الوكالة ما حصلت بس حصلت فرارات شاص .
سؤال آخر هل قرأت في كاتلوج الشاص أن تشغيل فرارة وترك أخرى يسبب مشاكل؟ لأني أفكر أشيل واحدة منهم اللي على جهة الراكب وأخلى الثانية اللي على جهة السواق .
سؤال للجميع هل تعلمون أين أجد فرارات وارن الأمريكية الأصلية؟ .

شكراً .

منصور ع

12/07/2006, 11:15 AM

نعم اخوي شبح الصحراء انا قريته في الكتالوج باأم وابو وجد عيني مااحد قال لي ويمكن ترجع للكتالوج للفائده
اما سؤالك الاول والثالث فاتركه لاهل الخبرة
وتقبل تحياتي

أبو أديب التميمي

12/07/2006, 11:44 AM

تخيلو يا جماعة أن كل واحد فيكم مركب فرارات في سيارته , وكان يوم مطر شديد أو طين هل سيكون بإستطاعتك أن تنزل من السيارة وتقوم بتشغيلها وتتعرض للضروف القاسية !!

شبح الصحراء

12/07/2006, 02:23 PM

أشكرك يا طراد القميري على إجابتك والله يخلي لك عيونك وبإنتظار اجابة السؤال الأول والثالث من بقية الأعضاء .
أبو فارس لكل شئ عيوبه ومميزاته ولا يوجد شئ كامل وأظن أن مميزات الفرارات أكثر بكثير من عيوبها ، ألا تتفق معي في ذلك؟ .

أبو أديب التميمي

13/07/2006, 12:02 AM

أبو فروة

07/08/2006, 06:28 PM

أهم شي لايصير الشحم كثير داخل الفرار

ابوعزيزm

14/04/2007, 03:14 PM

هذا الموضوع لأخونا مهيلان يمكن يفيدك بعض الشئ . .

http://www.mekshat.com/vb/showthread.php?s=&threadid=8291

:)

شبح الصحراء

14/04/2007, 04:41 PM

احترم وجهه نظرك لكن لا أتفق معك أخوي شبح الصحراء , لأن الدعوى لين قامت تهب وترعد وتبرق الرجاجيل افلحوا وانت جالس تفرفر بالفرارات , ولو فيه خير كان ركبوه الشركات المصنعة للدفع الرباعي وغيره .

تحياتي لك,,,

ومن يقولك ان الشركات المصنعة ما ركبت الفرارات؟ يكون بعلمك الهايلوكس الدبل التي تباع لدول شرق آسيا فيها فرارات شد بلد وهذا موجود في الكاتلوج وأنا مطلع عليه وموجود في الوكالة عندنا فرارات شد بلد للهايلوكس حصلتها قبل مدة وتباع طلبية ، كما أن السيارات الأمريكية الدفع الرباعي يكون فيها فرارات أتوماتيكية يعني بمجرد ما تفصل الدبل تنفصل العكوس وكذلك بعض موديلات المتسوبيشي باجيرو فيها فرارات اتوماتيكية ، وبعدين لو الفرارات مالها فايدة كان ما ركوبها هل البر! .

مغلي

19/04/2007, 07:31 PM

عندي يوكن 2002 ابي اركب له فرارات .........

الي يقول اليوكن يفصل ويشبك الدفرنس الأمامي عند الحاجه فقط ...كلامهم مش صحيح ....

لأني شاهدت اليوكن وهو يمشي بدون تعشيق الدبل

وكان المحور الأمامي يتحرك مع حركة الكفر