أفضل بطارية للسيارة ؟؟؟

[mooma]

السلام عليكم
-
-
-
- مرحبا بالجميع

أخواني موضوعي اليوم كما في العنوان

عندي بطارية السياره تلفظ اناسها الاخيره (بتودع ههههه) المهم
ذ
البطاريه هذي درس لي ؟؟ كيف ؟؟

لأني اخذتها باعتمادي على رخص سعرها وكلام البائع (ايه هين البائع يعطيك الشي الممتاز ) وهنا المشكلة فـ البطاريه ماكملت معي 7 شهور الا وطلعت علومها الرديه ههههه

طبعا البطاريه ليست الكترونيه بل الي تتعبا ماء

المهم طبعا اكيد تعلمت من ذا الدرس فـ قلت مالي الا الله ثم أخواني في مكشات ( الله يقويهم ويعافيهم )

أنا قرأت عن الانواع وقرأت كيف تعرف البطاريه المناسبة لسيارتك عن طريق الرمز (طبعا اخذت الرمز من بطارية الوكاله ) ونوع سيارتي هو هايلكس 2001 ورمز البطاريه هو (55D23L) هنا كل شي واضح ومن خلال ماقرأت عن أفضل الانواع طلعت بهالشركات

باناسونيك (Panasonic) - ان بي سي (NBC) و - جاي اس (JS) <<<< هذي مجربها وكانت ممتازه بالفعل

السؤال هو / وين وكلاء هذي الشركات ؟؟ لأني لقيت اسعار هذي البطاريات (55-60امبير) بين 230- 260 ريال المحلات غاليه !!!!! وغير كذا المحلات مايعطونك ضمان (مثل الوكالات مثلا يعطونك 6 شهور أو سنة ) المطلوب من فضلكم // أين أجد موزع معتمد في الرياض سواء للـ JS - NBC - Panasonic

وشكرا لكم مقدما على المساعده

[الامل بالله]

والله اتمنى اخدمك بس ما عندي علم الله ييسر امرك

[mfad]

مرحبا
أظن شارع الريل في الرياض هو الاشهر جميع الانواع موجودة وبأسعار تنافسية

[أبو راشد 33]

وكيل باناسونيك في شارع الريل
مجموعة محمد السعيد للتجارة رقم التلفون 012695999
أنا ماخذها قبل 7 شهور مقاس 55D23L من الموزع حقهم محل ممتاز و أنصحك فيه بنفس الشارع اسمه بيت البطاريات ب 230 و أخذ القديمة ب 40 فالناتج 190 ريال مع ضمان لمدة سنة من الوكيل رقم المحل 014120108
أهم شي كاسر قد ماتقدر و حاول ترفع بسعر البطارية الرجيع لاترضى بأقل من 40
و الله يوفقك

[mooma]

^^^^^

مشكور أخوي بوراشد على الافاده

لكن دقيت على الرقم (الي هم بيت البطاريات ) ويقول ماعندهم باناسونيك عندهم يواسا (يابانية تجميع تايلندي ) ولاهي مويه بعد الكترونيه

أنا أبي مويه
ومشكور مره ثانية ع الافاده


وننتظر بقيه الاخوه يفيدونا عن مكان بيع هذه البطاريات

باناسونيك (Panasonic) - ان بي سي (NBC) و - جاي اس (JS)

[Abo-ibrahem]

انا مركب بطارية هانكوك لها سنتين حتى الان ومافيها ضعف ابدا الحمدلله ولو بركب مره ثانيه بركبها وانا مغمض وان شاء الله تكون نفس الجوده

[abohmad]

بطارية يوشا الكورية منتازة بعد

[mooma]

أبو ابراهيم - أبو حمد

مشكورين على الافاده

طيب ممكن تقولون لي وين الاقيهم ؟؟ وين الموزعين الي يبعونها ويضمنونها

[تاج1426]

السلام عليكم

اخوي اهم شي راجع كتالوج السياره لان النوع والقوه بالبطاريه مهم جدا بالنسبة للسيارات الجديده اللي فيها كمبيوتر

ومن واقع تجربة بباثفايندر اختلف حتى عزم السياره بعد استبدال بطارية تعبئة باكترونية

وتقبل مروري

[Magellan]

افضل بطارية سيارة هي الاوبتيما الامريكية تعمر ماشاء الله ان يكون لكن سعرها غالي جدا وليس في متناول اليد لذوي الدخل المحدود (>1200 ريال)....
نجي للبطاريات المتداولة في السوق بكثرة ، بالنسبة لي في هذا الوقت بعد اختفاء البطاريات الممتازة وتحولها جميعا لصناعات رديئة ، افضل استخدام بطاريات روكت Rocket كورية وخدومة وصبورة جدا
http://www.siamst.com/home/components/com_virtuemart/shop_image/product/_ROCKET__________4c07481eda2be.jpg

[7ابو نواف7]

عندك بطارية fb ممتازة وتجي على اللاندكروزر
ووكيلها باقادر

[ابوكشتات]

انا ركبت بطارية هانكوك اكترونيه على الفورد وكملت معي سنتين ونص وماشاءالله

[youssf]

طريق ابو بكر الصديق

[بوجريس F-150]

اوبتيما الحمراء انصحك فيها تخدم فوق 3 سنوات بالراحه

[سفااري]

السلام عليكم والله انا معي جيب ومجرب باقادر افضل بطارية عندي كلام ثاني 80امبير

[مكتشف الهوات]

يا اخوان وين احصل بطارية هانكوك بالقصيم

[أبوسعد111]

يا اخوان وين احصل بطارية هانكوك بالقصيم

عند أي وكيل لكفرات هانكوك
و أحرص أن يكون تاريخها جديد

موفق

[كومبو]

مجرب ايسي ديلكو على هلي وجيب ديهاتسو
وجربت FB ياباني على GX 460
وبطارية صفراء مدري وش نوعها بس ياباني الكترونية على سكويا
كلها ممتازه من الضعف ما يكون إلا بعد 24 شهر تقريبًا
في بطارية ما بعدها اسمها فارتا ألمانية

[مكتشف الهوات]

شكرا لكم وجعلكم مباركين اينما كنتم

[ابوعلي911]

إفاده للاخوان اللي في الرياض

محلات بطاريات في طريق الخرج قبل كبري المشاه وانت جاي من عند إشارة السالم للزجاج

محل اسمه (الشبكه) مختص بالبطاريات فقط

وللأمانه أتعامل معه من كم سنه....اسعاره معقوله وجميع البطاريات عنده ويفحص لك الدينمو والبطاريه قبل ما يقرر ان البطاريه يبي لها تبديل

موفقين خير

[المموه]

للأسف اكثر البطاريات الان مضروبه وبالكاد تكمل سنه .

[الربذي]

جبته على الجرح سيارتي الحين بالبيت طافيه بطاريته نوعها انترا البطاريه صغيره مره بس ابي اركب كبيره حقت دينا عشان قبل ادخل المفتاح تشتغل مااحب الضعف بكل شي
بس المشكله مكمانها صغير ماتشيل البطاريه الكبيره طبعا ابي اركب مثلا 60 امبير او 50 اذا فيه

[ابراهيم 2003]

السلام عليكم ورحمه الله وبركاته

وش افضل بطاريه لباث فندر 2003 ابي نوع اكتروني

[حسين السبيعي]

عندي رقم واحد ؟؟؟؟ روكت رقم2 ؟؟؟؟ nbc ورقم 3 ؟؟؟؟ هنكوك

[قناص الوعول]

افضل بطارية FB اليابنية وللاضافيه ابتيما صفراء او زرقاء لانها تتحمل التفريغ التام

[طير جراح]

خذ بطارية دايو الكورية وراح تدعي لي
http://img1.haraj.com.sa/userfiles30/2014-06-09/53957ecbb1e1b.jpg

[مسير عليكم]

رح شارع الريل وادع لي انا خربت بطاريتي وقدر الله ورورح لمحل بشمال الرياض ولاقي هانكوك وقال 340 مع الرجيع 300 ونا وياه بالطقاق 280 مع الرجيع

قبل امس رحت الريل 250 الهانكوك بدون مكاسر ومع الرجيع 220 وبدون ماكاسر سالته ونا مستعجل يعني مامزمزت عليهم وكاسرت

[اسهيل]

هانكووك قويه